এনিমেল হসবেন্দরীগী কেন্দ্র মন্ত্রী, শ্রী পর্শোত্তম রুপালানা ভেল্যু হাপ্লবা মিৎকী পোত্থোক এক্সপোর্ত তৌবা হেনগৎহন্নবগীদমক্তা অখন্নবা মফমগী মখা পোনবা শা-ঙাগী লাইনা লৈতবা জোন শেম্বগী ৱাহৌদোক অমা স্তেকহোলদরশিংদা থমখ্রে।

ভেল্যু হাপ্লবা মিৎ পোত্থোকশিং এক্সপোর্ত তৌবা খুমাং চাউশিলহন্নবা এ.পি.ই.দি.এ.না মার্চ ২৫, ২০২২দা নই দিল্লীদা শীনখিবা নেস্নেল ব্যুজিনেস মীত হৌদোকদা শ্রী রুপালানা য়েন-ঙানু লোইরিবশিংগী মরক্তা লাইনা অমখক থোক্লকপগী মতাংদা ফাওবা লৈবাক অসিবু ‘লাইনানা শোকহল্লবা’ হায়না লাউথোক্লিবনি হায়বা ৱাফম থমখি।

“স্তেকহোলদরশিংনা জিলা খরতমক অখন্নবা মতমগী মনুংদা খনগত্তুনা মদুগী অপীকপা মফম অমদা অপীকপা খোঙথাং কয়া পায়খত্তুনা মফমদুবু লাইনা লৈতবা মফম্নি হায়না লাউথোক্কদবনিঃ, হায়না শ্রী রুপালানা হায়খি। সিক্কিম্বু ওর্গানিক রাজ্য অমা ওইনা লাউথোকখিবগী মোদেল অমসুং মখোয়গী পোত্থোক্না কৈথেলদা অৱাংবা মমল তানবা ঙম্বগী মতৌবু মহাক্না পনখি।

শা-ঙাগী হকশেলগা মরী লৈননা ভারতপু লাইনা লৈতবা লমদম অমা ওইহনবদা চঙগদবা মশক থোকপা থৌওং কয়াগা লোয়ননা নীংথৌনা থৌরাং য়াৎপা ঙম্নবগীদমক্তা স্তেকহোলদরশিংনা সর্ভে পাংথোকপগী মথৌ তারি হায়না মহাক্না ফোংদোকখি। “মসিগা লোয়ননা, ঐখোয়না কোবিদ-১৯ ঙাকথোকপদা ইনখিবা কাঙলোনগুম্না লাইনানা শোকহল্লবা মফম মশক খঙদোক্তুনা ক্বারেন্তাইন তৌনবগীদমক্তা ঐখোয়না থৌরাং য়াৎফম থোকই”, হায়না শ্রী রুপালানা ফোংদোকখি।

শা-শনশিংনা ঐখোয়গী খুঙ্গংগী শেন্মিৎলোনগী য়াংলেন শরুনি অমসুং মখোয়না লুরবা তাঞ্জাদা ঐখোয়গী পুন্সি মহিং ঙাক্লি অমসুং খুঙ্গংগী মীওইশিংগী ওইনা মচি-লৈবা চিঞ্জাক্কী খ্বাইদগী মরু ওইবা হৌরকফম্নি হায়না মহাক্না হায়খি। শা-শন মশিং হেনগৎহন্নবা ঐখোয়না থবক পায়খৎপগী মথৌ তাবসু লৈরি।

শ্রী রুপালানা ভেল্যু হাপ্লবা মীত, ওক অমসুং ওক্কী পোত্থোকশিং এক্সপোর্ত তৌবগা মরী লৈনবা লমাই অনিগী মেনুএল অমসু ফোঙখি।

এনিমেল হসবেন্দরী মন্ত্রালয়না শা-শনগী হকশেল অমসুং ন্যুত্রিসন হেনগৎহন্দুনা মখোয়গী পোত্থোক অমসুং মদুগী মগুন হেনগৎহন্নবগীদমক্তা মতিক চাবা ইনফ্রাস্ত্রকচর শেমগৎ-শাগৎনবা হোৎনরি হায়না ফোংদোকখিবগা লোয়ননা, ভারতনা কোবিদ-১৯গী ভেক্সিন কাপ্পদা রেকোর্দ ওইবা মশিং য়ৌবা ঙমখিববু মালেম্না শকখঙলিবা অসিগা লোয়ননা সরকারনা শা-শনগী মরক্তা ফুৎ অমসুং মাউথ দিজিজ (এফ.এম.দি.) অমসুং ব্রুসেল্লোসিস মুত্থৎনবা তীকা থাবগী চাউরবা খোঙজং অমসু হৌজিক চঙশিল্লি হায়খি।

প্রধান মন্ত্রী, শ্রী নরেন্দ্র মোদীনা লৈবাক অসিগী শা-শনশিংগী মরক্তা এফ.এম.দি. অমসুং ব্রুসেল্লোসিস লাকশিন্নবা অমসুং মমুৎ ফংনা মুত্থৎনবগীদমক্তা ২০১৯গী সেপ্তেম্বর থাদা নেস্নেল এনিমেল দিজিজ কন্ত্রোল প্রোগ্রাম হৌদোকখি। কেন্দ্র সরকারনা শৌগৎপা প্রোগ্রাম অসিগী মখাদা কেন্দ্রনা লুপা করোর ১২,৬৫২ কায়থখি অমসুং হায়রিবা লাইনা অসিনা পীরিবা খুদোংচাদবশিংবু হন্থহন্নবগীদমক্তা প্রোগ্রাম অসিনা শা-শন মিলিয়ন ৬০০ হেনবদা তীকা থাবগী পান্দম থম্লি।

লাইবস্তোক ইন্দস্ত্রীনা মখোয়গী শা-শনগী ফার্ম লিংখত্তুনা মখোয়বু অফবা মখলগী শদুম পুথোক্নবা অমসুং মখা তাবা ওইনা মগুন লৈবা অমসুং ভেল্যু হাপ্লবা পোত্থোক পুথোকপা ঙম্নবগীদমক্তা ফুদ প্রোসেসিং ইন্দস্ত্রী মন্ত্রালয়, এনিমেল হসবেন্দরী ইনফ্রাস্ত্রকচর দিভেলপমেন্ত ফন্দ অমসুং নেস্নেল লাইবস্তোক মিসনগী স্কিমশিংগী কান্নবা লৌনবা শ্রী রুপালানা হায়খি।

এ.পি.ই.দি.এ.গী চেয়রমেন, দাঃ অঙ্গামুথুনা নেস্নেল মীত অসিদা মীয়াম্বু তরাম্না ওকপগী ৱারোলদা এনিমেল হসবেন্দরীনা লৌমীশিংগী চাগা হেনগৎহন্নবা মশক থোকপা থৌদাং য়ারি হায়না দেলিগেৎশিংগী মফমদা পাউদমখি। ভারতনা শাগী শদুম এক্সপোর্ত তৌবগী থৌওং মাংজিল থানা হৌদোকখি অমসুং কোবিদ-১৯গী লাইচৎ মনুংদা ফাওবা মসিগী শাহৌ লৌবগী খোঙজেল ঙাক্তুনা থমখি হায়খি। “ভারতনা ওর্গানিক খোইহী অমসুং ঙাগী পোত্থোক্কী এক্সপোর্ত্তা মশক থোকপা শাহৌ লৌবগা লোয়ননা ফমজিল্লবা অমসুং বোভাইন মীতকী ওইনা খ্বাইদগী য়াম্না এক্সপোর্ত তৌবা লৈবাক ওইরি”, হায়না দাঃ অঙ্গামুথুনা ফোংদোকখি।

ফিশরী, এনিমেল হসবেন্দরী অমসুং দাইরিয়িং মন্ত্রালয় অমদি এ.পি.ই.দি.এ.গী সেনিয়র ওফসিএলশিংগা লোয়ননা অলানা সন্স লিমিতেদ, ভেঙ্কতেস্বরা হেৎচরীজ, লুলু গ্রুপ, হিন্দ এগ্রো ইন্দস্ত্রীজ লিমিতেদ, ময়ুর পিগগরী ফার্ম, দর্শন ফুদ্‌স, আই.তি.সি. গ্রুপ, এ.ও.ভি. প্রাইভেৎ লিমিতেদ, হিন্দ এগ্রো ইন্দস্ত্রীজ, ওক্কী এন.আর.সি., এন.আই.এফ.তি.ই.এম.-কুন্দলি অমসুং অতোপ্পনা মহুৎ শিনবা লাইবস্তোক ইন্দস্ত্রীগী মকোক থোংবা কাঙবুশিংনা নোংমা মপুং ফানা চত্থবা মীত অসিদা শরুক য়াখি।

এ.পি.ই.দি.এ. স্তেন্দর্দ অমসুং অখন্নবা হীরম লেপ্তুনা, পেকেজিং, মার্কেতিং তৌবগী থৌরাং তৌবদা পাউতাক অমসুং ঙাক্লৌ পীদুনা, এক্সপোর্ত তৌনবা পোত্থোক পুথোকপদা তেংবাংবা, এক্সপোর্ত জোন শেম্বা অমসুং পন্থুংফম ওইগদৌরিবা কৈথেলগী চুনবা ইম্পোর্তরশিংগা ঐখোয়গী এক্সপোর্তরশিংগা নীংথিনা পাউ ফাওননবা বাইয়র-সেল্লর মীত শীন-লাঙদুনা লৌউ-শিংউ অমসুং শা-ঙাগী অতেকপা অমসুং প্রোসেস তৌরবা পোত্থোকশিংবু এক্সপোর্ত তৌবদা খুমাং চাউশিনহল্লি।

এ.পি.ই.দি.এ.না এক্সপোর্ত তৌবা মীওইশিংগা লোয়ননা শদুম অমসুং মরী লৈনবা পোত্থোক য়াওনা হৈনৌ, অঙ্গুর, লফোই, বেকরীগী পোত্থোকশিংগী সেক্তর কয়াদা মায় পাকপগী ৱারী কয়া ইখ্রবনি।

***