নেস্নেল কম্মিসন ফোর ৱুমেন (এন.সি.দবল্যু.)না ঙসি ব্যুরো ওফ পুলিস রিসর্স এন্দ দিবলপমেন্ত, নেস্নেল কম্মিসন ফোর মাইনোরিতীজ অমসুং দিল্লী পুলিসকী স্পেসিএল পুলিস ফোর নোর্থ-ইস্তর্ন রিজন (এস.পি.য়ু.এন.ই.আর.)গা খুৎশম্নদুনা ভারত্তা লৈরিবা খেন্নবা কলচরশিংদা পাউজেল শন্দোক্নবা অমসুং খেন্নবা লৈরিবা চৎনবীশিং মরক্তা অমত্তা ওইবগী মপাঙ্গল কনখৎনবগী লালোংশিং পীনবগীদমক ‘রেসিএল দাইবর্সিসী সেন্সিতাইজেসন’দা সেমিনার অমা শিনখ্রে।   

এক্সতর্নেল এফিয়র্স অমসুং এজুকেসনগী রাজ্যগী মন্ত্রী শ্রী রাজকুমার রঞ্জন সিংহ, নেস্নেল কম্মিসন ফোর ৱুমেনগী চেয়রপর্সন কুমারী রেখা শর্ম্ম, নেস্নেল কম্মিসন ফোর মাইনোরিতীজগী ওফিসিএতিং চেয়রপর্সন কুমারী সয়েদ শহেজাদী, বি.পি.আর. অমসুং দি.গী দাইরেক্তর জেনেরেল শ্রী বলাজী স্রিবাস্তবা অমসুং এস.পি.য়ু.এন.ই.আর.গী জোইন্ত কম্মিস্নর ওফ পুলিস শ্রী হিবু তমাঙনা থৌরম অসিদা শরুক য়াখি।

এক্সতর্নেল এফিয়র্স অমসুং এজুকেসনগী এম.ও.এস. শ্রী রাজকুমার রঞ্জন্না থৌরম অসিদা অথোইবা অতিথী ওইনা শরুক য়াখি অমসুং হায়খি মদুদি ঙসিগী সেমিনার অসিনা লৈবাক অসিগী পুনশিনবা অমসুং অমত্তা ওইবগী ইথিলদা পুক্নিং থৌগৎনবগী পান্দমদা পাংথোকপনি অমসুং অসিগুম্বা সেন্সিতাইজেসনগী থৌরম অসিনা ঐখোয়গী থবক থৌরম কয়াদা অমগা-অমগা পুকচেল-খোইজেল তিন্নবদা য়াম্না চাউনা থৌদাং লৌগনি।  

চেয়রপর্সন কুমারী রেখা শর্ম্মনা ‘এক ভারত, শ্রেস্থ ভারত’ হায়রিবা মোতো অসিদা মরুওইবা পীখি অমসুং হায়খি মদুদি মতম অসিদা তঙাইফদবা অমা ওইরিবা অসি কলচর অমসুং সেন্সিতাইজেসনগী পাউ শন্দোকপা অমসুং ৱাখল্লোন পীনবা অসিনি। অমগা অমগা ৱাখল তামিন্নবা অমসুং থাজনবা অসিনা ভারতপু মপাঙ্গল কনখৎনবগী য়ুম্ফম্নি অমসুং নাগরীক খুদিংমক্না ভারতকী কাচিন কোয়া পুম্বদা কলচরেল ওইনা পুনশিনগদবনি, হায়না কুমারী শর্ম্মনা হায়খি। মহাক্না পুলিসকী সেন্সিতাইজেসনগী মরুওইবসু পীখি অমসুং পুলিস পর্সোনেল সেনিতাইজিংগী কম্মিসন্না চৎথরিবা প্রোগ্রামশিংদা ই-পাউ শিয়র তৌখি।

খেন্নবশিং অসিদা মিৎয়েং থমদুনা, কম্মিসন অসিনা লম কয়াদগী এক্সপর্তশিং কৌরি; হান্নগী ভারতকী ফুতবোল কেপ্তেন, বৈচুং ভুতিয়া, লদাক্তগী ইন্দিয়ন ইঞ্জিনিয়র/ইনোভেতর/এজুকেসন রিফোর্মিস্ত সোনম ৱাংচুং, স্পেসিএল পুলিস ফোর নোর্থ ইস্ত রিজনগী জোইন্ত কম্মিস্নর ওফ  পুলিস হিবু তমাঙ, তি.ভি.৯/নেস্নেল সেক্যুরিতী অমসুং স্ত্রাতেজিক এফিয়র্সকী একজিক্যুতিব ইদিতর, অদিত্য রাজ কোল, স্পেসিএল কম্মিস্নর ওফ পুলিসকী আই.পি.এস.রোবিন হিবু, আর্ম পুলিস দিবিজন, দিল্লী পুলিস অমসুং প্রসিদেন্ত, হেলপিং হেন্দ, এন.জি.ও., নেস্নেল পুলিস মিসনগী দাইরেক্তর তজেন্দ্র সিংহ লুথ্রা, নেস্নেল কম্মিসন ফোর মাইনোরিতীজগী মেম্বর, রিনচেন লমহামো, এন.সি.দবল্যু.গী এক্স-মেম্বর সোসো শাইজা, ইম্ফাল ইস্ততগী পোরোম্পাৎতগী এস.দি.ও.আই.এ.এস. পুজা এলাংবম অমসুং য়ুনিভর্সিতী ওফ হায়দ্রবাদকী সেন্তর ফোর দ স্তদী ওপ সোসিএল এক্সক্লুজন অমসুং ইনক্লুসিব পোলিসীগী হেদ, প্রোফেসর অজাইলিয়ু ন্যুমাই য়াওরি।

সেমিনার অসিনা পান্দম থম্লিবা অসি ঐখোয়গী লৈবাক অসিদা লৈরিবা খেন্নবশিং অমত্তা ওইনা পুনশিনবা অমসুং ঐখোয়গী লৈবাক অসিগী মীয়ামগী মরক্তা থম্মোয়নুংগী ওইবা মরী অসি কায়হন্দনা অমসুং চেৎশিনহনবনি। খন্ন-নৈনবা অসিদা চৎনবীগী খেন্নবগী হিদান্নবা অমসুং চৎনবীগী খেন্নবা থম্লিবা অসিদা ফ্রন্তলাইন ওইনা থবক তৌরিবশিংদা সেন্সিতাইজেসন পীবগী তোপিকশিং য়াওরি অমসুং অসিগুম্বা চৎনবীগী হিদান্নবগী মরী লৈননা দিল্লীদা লৈরিবা মাইনোরিতী কাংলুপশিংগী মীহুৎশিংদা পাউজেল শন্দোকপা য়াওরি।  

মখাদা পীরিবা অসি ঐখোয়গী পেনেলিস্তশিংনা ৱা ঙাংবদগী লৌথোরকপা খরনি:

বৈচুং ভুতিয়া, হান্নগী ভারতকী ফুতবোল কেপ্তেন

শান্ন-খোৎনবা হায়বা অসি অদোমগী হৌরকফম য়েংলগা অদোম্বু হন্থনা য়েংদনবা মেদিয়ন অমনি। শান্নরোইশিংনা অৱাং-নোংপোকপু হেন্না মশক তাকপদা মরুওইবা থৌদাং কয়া অমা লৌরি। 

সোনম ৱাংচুং, লদাক্তগী ইন্দিয়ন ইঞ্জিনিয়র/ইনোভেতর/এজুকেসন রিফোর্মিস্ত

খেন্নবা কয়াগী মরক্তা অমত্তা ওইবা পুরকপা অসি লৈবাক অসি খক্তনি অমসুং অতৈ লৈবাকশিং লোয়না তৌদে। অপুনবা অমা পুরকপদা মেদিয়ানা য়াম্না চাউবা থৌদাং লৌরি। ফিল্মশিং, দিজিতেল অমসুং ইলেক্ত্রোনিক মেদিয়া য়াওনা মেদিয়াগী মখল খুদিংমক মীয়াম্বু অমত্তা ওইনা পুনশিনহনবদা য়াম্না মরুওইবা থৌদাং কয়া অমা লৌবা য়াই।

হিবু তমাঙ, স্পেসিএল পুলিস ফোর নোর্থ ইস্ত রিজনগী জোইন্ত কম্মিস্নর ওফ পুলিস

দিল্লী পুলিসনা অৱাং-নোংপোক লমদমগী মীয়াম্না থেংনরিবা অৱাবশিং কোক্ননবা খোঙথাং কয়া অমা লৌখৎলি। হৌখিবা চহি ৫ অসিদা ঐহাক্না থবক তৌরকপদা অৱাং-নোংপোক লমদমগী মীয়াম্না রেসিএলগী ওইবা ৱাফমশিং হন্থরক্লি অমসুং মীয়াম্না হেন্না থোইনা খঙনরে।

নেস্নেল কম্মিসন ফোর মাইনোরিতীগী মেম্বর, রিনচেন লহামো

মোদী সরকারনা লদাখতা চাউখৎ থৌরাংগী থবক কয়ামরুম অমা পায়খৎপীরি অমসুং ঐখোয়না মফম অসিদা য়ুনিভর্সিতীশিং অমসুং মেদিকেল কোলেজ হাংদোকপা অমসুং হৌজিক লদাখতা পায়খৎলিবা চাউখৎ থৌরাংগী থবকশিং অসিদা থাগৎপা ফোংদোকচরি।

য়ুনিভর্সিতী ওফ হায়দ্রবাদকী সেন্তর ফোর দ স্তদী ওপ সোসিএল এক্সক্লুজন অমসুং ইনক্লুসিব পোলিসীগী হেদ, প্রোফেসর অজাইলিয়ু ন্যুমাই

অৱাং নোংপোক্কী নুপীশিং অসি য়াম্না লায়বা শরাক্নি হায়না লৌরি। অৱাং নোংপোক্কী মীয়ামদা রেসিএলগী ওইবা চংশিল্লকপা অসি থওইদবদগীনি। লায়বক থিবা থৌদোক কয়া অমা থোকখ্রে অদুম ওইনমক হৌজিক্তি ফিভমশিং অসি য়াম্না ফগৎলে।  

ইম্ফাল ইস্ততগী পোরোম্পাৎতগী এস.দি.ও.আই.এ.এস. পুজা এলাংবম

রেস অসি সমাজনা ওইহল্লিবা অসুম্না নুপা-নুপী খেন্নবা থম্বা অসিসু সমাজনা শেম্বনি। দিপার্তমেন্তশিং অমসুং ওর্গানাইজেসন কয়া অমদগী মীয়াম্না পুন্না লাকপা অসি য়াম্না মরু ওইবা ফোরুম অমনি অমসুং এজুকেসন অসিনা থেংনরিবা অৱা-অনাশিং অসি কোহন্নবা খ্বায়দগী মরুওইবা মফম অমনি। ঐখোয়গী এজুকেসন সিস্তেম অমসুং করিকলমশিং অসি মমাংঙৈগী মতমদগী ভারত্তা খেন্নবশিং অসিগীদমক হোৎনবিরম্লবদি মসিনা য়াম্না চাউবা থৌদাং অমা ওইরমগদবনি।

সোসো শাইজা, এক্স-মেম্বর, এন.সি.দবল্যু.

খ্বায়দগী মরুওইবা পোৎশক অমা হায়রগদি ঐখোয়গী খেন্নবশিং য়াজবনি।  ভারতকী নাগরীক ওইনা, ঐখোয়না করিগুম্বা অতোপ্পা কাংলুপশিং য়াজবা ঙম্লবা অমসুং ইকাই খুম্নরবা, অদু ওইরবদি ঐখোয়না কৈদৌনুংদা তোঙান তাবগী ৱাখল্লোন লৈরোই। মরম অদুনা, য়াজবা হায়বা অসি খ্বায়দগী মরুওইবা খুলায়নি।

তাজেন্দ্র সিংহ লুথ্রা, দাইরেক্ত, নেস্নেল পুলিস মিসন

মহৌশানা ঐখোয় পুম্নমকপু তোঙানবা অমমম পীবি অমসুং ঐখোয়না কুচু খেন্নরবসু, তোঙানবা লোল ঙাংলবসু ঐখোয় পুম্নমক তোপ-তোপ্পা, তোঙানবা অমমম ওইবা অমসুং অখন্নবা অমমম ওইরি।

*****