শেনবা চহি ২০২০-২১ অমদি ২০২১-২২দা (০৯.০৩.২০২২ ফাওবদা) প্রধান মন্ত্রী অৱাস য়োজনা-গ্রামিনগী (পি.এম.এ.ৱাই.-জি.) মখাদা শাখিবা য়ুমশিংগী ওইবা রাজ্য-রাজ্যগী অকুপ্পা মরোলশিং এনেক্সচরদা পীরি৷

স্কিম অসিগী মখাদা, য়ুম কোতি ২.২৮ বেনিফিসরীশিংদা সেঙ্কসন তৌখ্রে, মসিগী মনুংদা য়ুম কোতি ১.৭৫দি ০৯.০৩.২০২২ ফাওবগী মনুংদা মপুং ফানা শাবা লোইশিনখ্রে৷ বেনিফিসরীদা য়ুম শানবগী সেঙ্কসন তৌখ্রবা নুমিৎ অদুদগী থা ১২গী মনুংদা য়ুম শানবা পি.এম.এ.ৱাই.-জি. গাইদলাইনশিংনা হায়রি৷ য়ুম শাবা লোইশিনবগী তোঙান তোঙানবা স্তেজশিং খুদম ওইনা সেঙ্কসন তৌবা, ফাউন্দেসন, য়ুম্বী পীবা, থোংনাউ হাপ্পা, থোং থোংনাউগী ফৈরা হাপ্পাদা পীরিবা মতেং অসি বেনিফিসরীদা য়ামদ্রবদা ইন্সতোলমেন্ত ৩দা রিলিজ তৌরি৷ হাউস সেঙ্কসন তৌবা অমদি মপুং ফানা লোইশিনবগী ফিগরশিং অসি দাইনামিক ওইবনা অমদি  য়ুমগী সেঙ্কসন তৌবদগী য়ুম অদুবু মপুং ফানা শাবা শোইশিনবা ফাওবগী মরক্তা থা ১২গী গেপ অমা লৈবনা, স্কিম অসি চৎনবগী মতমদা হাউস সেঙ্কসন তৌবগী ফিগরশিং অমদি য়ুমশিংবু মপুং ফানা শাবগী মরক্তা মতম পুম্নমক্তা গেপ খরা থমগদবনি৷

কোবিদ-১৯ লাইনা-লাইচৎনা লৈবাক শিনবা থুংনা লোকদাউন চৎথবগী মতমদা, পি.এম.এ.ৱাই.-জি.গী মখাদা শেমগৎ-শাগৎলিবা য়ুমশিং য়াওনা শেমগৎ-শাগৎপগী থবক পুম্নমক্তসু অকাইবা পীখি, মসিনা পি.এম.এ.ৱাই.-জি.  য়ুমশিং শেমগৎ-শাগৎপগী খোংজেলদা মনিং হল্লনখি৷ মসিগীসু মথক্তা, স্তেত ত্রেজরীদগী পি.এম.এ.ৱাই.-জি.গী স্তেত নোদেল একাউন্তদা কেন্দ্র অমসুং রাজ্যগী সেয়র রিলিজ তৌবদা থিন্থবা, শেমগৎ-শাগৎপা অসি মপুং-ফানা লোইশিনবদা বেনিফিসরীশিংনা শেম-শাদুনা লৈতবগী কেসশিং থেংনবা, মাইগ্রেসন তৌবা, তাইবংপাল থাদোকখ্রবা বেনিফিসরীশিংগী কান্নবা লৌননবা হোৎনবদা চয়েৎনবা লৈবা, রাজ্যশিং/য়ু.তি.শিংনা লম লৈতবা বেনিফিসরীশিংদা লম পীবদা থিন্থবা, জেনেরেল/ এসেমব্লী/পঞ্চায়ত ইলেক্সনশিংগী মতমদা থোকখিবা, শেমগৎ-শাগৎপদা চংবা পোৎলমশিং মরাই কাইনা ফংদবা অসিনসু মরম ওইদুনা থিন্থরিবনি৷ পি.এম.এ.ৱাই.-জি.গী মখাদা য়ুমশিং শেমগৎ-শাগৎলিবা অসি মতম চানা মপুং ফানা লোইশিন্নবা মন্ত্রালয়না মখাগী ইনিসিয়েতিবশিং অসি লৌখৎলি:

1. পান্দম থম্লিবা য়ুমশিং অসি মতম চানা মপুং-ফানা লোইশিনবা ঙম্নবগীদমক মন্ত্রালয়গী থাক্তা ফংলিবা প্রোগ্রেসপু চাং নাইনা য়েংশিনবা৷
2. য়ুমশিংদা অখন্ননা মীৎয়েং চংদুনা অমদি প্রাইয়োরিতী পীদুনা পি.এম.এ.ৱাই.-জি.গী মখাদা এপ্রুব তৌখ্রবা য়ুমশিং অসি মপুং-ফানা অথুবা মতমদা শাবা লোইশিন্নবা রাজ্যশিং/য়ু.তি.শিংদা হায়জখ্রে, মসিগীদমক অনিশুবা অমদি অহুমশুবা ইন্সতোলমেন্তশিং রিলিজ তৌখ্রে৷
3. য়ুমশিং সেঙ্কসন তৌবদা থম্লিবা গেপশিং, পি.এম.এ.ৱাই.-জি.গী পি.দবল্যু.এল. শেংদোকপগুম্বা তোঙান তোঙানবা পেরামিতরশিংদা নুংতিগী য়েংশিনবা৷
4. রাজ্যশিং/য়ু.তি.শিংদা তার্গেৎশিং মতম চানা পীবা অমদি মন্ত্রালয়গী থাক্তা ফন্দশিং মরাং-কাইনা রিলিজ তৌবা৷
5. য়ুম শেম-শাবগীদমক ইকো-ফ্রেন্দলী অমদি ইন্নোবেতিব ওইবা তেক্নোলোজীশিংবু য়োকখৎপা৷
6. কেন্দ্র অমসুং রাজ্যগী ফন্দশিংগী সেয়র রিলিজ তৌনবা রাজ্যশিংগা লোইননা চাং নাইনা থিজিন হুমজিনবা অমদি খুঙ্গংগী লমদমশিংদা লৈরিবা লম লৈজবা বেনিফিসরীশিংদা লম পীবগী প্রোবিজন হাপ্পা৷
7. রাজ্যশিংনা থেংনরিবা তেক্নিকেল ইসুশিং অমদি অতোপ্পা অয়েৎ-অপনশিং অথুবা মতমদা ৱারোইশিনবা পুরকপা৷
8. রুরেল মেসন ত্রেনিং (আর.এম.তি.)গী কবরেজ হেনগৎনবা খোংথাংশিং লৌখৎলি, মসিনা ত্রেন তৌরবা মেসনগী চাং ফংবা হেনগৎহনদুনা  ক্বালিতী লৈবা য়ুমশিং শেম-শাবগী থবক খোংলৈ থুহল্লগনি৷
9. পর্ফোমেন্স ইন্দেক্স দাশবোর্দতা বেজ তৌদুনা খ্বাইদগী ফনা মথৌ তৌরিবা রাজ্যশিং/য়ু.তি.শিং, জিলাশিংদা এৱার্দশিং খুৎশিন্নবা অমদি মসিনা হেন্না ফবা কম্পিতিসন লৈহল্লি অমসুং থম্লিবা তার্গেৎশিং অসি ফংনবগীদমক রাজ্যশিং/য়ু.তি.শিংগী মরক্তা পুক্নিং থৌগৎনহল্লি৷

পি.এম.এ.ৱাই.-জি.গী মখাদা য়ুম কোতি পুন্না ২.৯৫ শান্নবা পান্দম থম্লিবা অসিগী মনুংদা লৈহৌরিবা য়ুমশিং অসি মপুং ফানা শাবা লোইশিন্নবগীদমক কেন্দ্রগী মন্ত্রী মন্দলনা পি.এম.এ.ৱাই.-জি.বু ২০২১গী মার্চ তগী ২০২৪গী মার্চ ফাওবা মখা চৎথহন্নবা অয়াবা পীখ্রে৷

এনোক্সচর

(মশিংদা পীরিবা য়ুনিৎশিং)

*০৯.০৩.২০২২ ফাওবদা৷

ৱারোল অসি ঙসি রাজ্য সভাদা রুরেল দিবেলপমেন্তগী কেন্দ্রগী রাজ্য মন্ত্রী সধবি নিরঞ্জন জ্যোতিনা অইবা পাউখুম অমদা পীখিবনি৷

******