સેન્ટ્રલ ઇક્વિપમેન્ટ આઇડેન્ટિટી રજિસ્ટર (CEIR) પ્રોજેક્ટ દિલ્હી, મુંબઇ અને મહારાષ્ટ્રના લાયસન્સવાળા સેવા વિસ્તારો (LSAs)માં ખોવાયેલા અને ચોરાયેલા મોબાઇલ ફોનને બ્લોક કરવા અને ટ્રેસ કરવાની સુવિધા માટે તબક્કાવાર રીતે શરૂ કરવામાં આવ્યો છે. CEIR સિસ્ટમના અહેવાલો મુજબ, દિલ્હી, મુંબઈ અને મહારાષ્ટ્ર LSAs માટે અનુક્રમે 169667, 8315 અને 11848 ઇન્ટરનેશનલ મોબાઇલ ઇક્વિપમેન્ટ આઇડેન્ટિટી (IMEI)ને 20.03.2022 સુધી બ્લોક કરવાની વિનંતી પ્રાપ્ત થઈ છે. 110239, 4586 અને 8317 IMEI માટે ટ્રેસેબિલિટી ડેટા હેન્ડસેટની પુનઃપ્રાપ્તિની સુવિધા માટે અનુક્રમે દિલ્હી, મુંબઈ અને મહારાષ્ટ્રની પોલીસને ઉપલબ્ધ કરાવવામાં આવ્યો છે.

CEIR એક મલ્ટિ-સ્ટેકહોલ્ડર સિસ્ટમ છે જ્યાં દૂરસંચાર વિભાગ, ટેલિકોમ સેવા પ્રદાતાઓ, પોલીસ, મોબાઇલ ફોન ઉત્પાદકો અને મોબાઇલ ફોન સબ્સ્ક્રાઇબર્સ સહિતના સંબંધિત હિતધારકો તેમની નિર્ધારિત ભૂમિકાઓ અને જવાબદારીઓ અનુસાર મર્યાદિત ઍક્સેસ ધરાવે છે. હાલમાં, આમાં સબ્સ્ક્રાઇબરને તેના/તેણીના મોબાઇલ હેન્ડસેટના IMEIને અનુરૂપ મેક અને મોડલ વિશેની માહિતી, મોબાઇલ ફોનના કન્સાઇનમેન્ટની આયાત દરમિયાન IMEIની વાસ્તવિકતા વિશે મોબાઇલ ફોન ઉત્પાદકોને માહિતી વગેરેનો સમાવેશ થાય છે.

આ માહિતી સંચાર રાજ્ય મંત્રી શ્રી દેવુસિંહ ચૌહાણે આજે રાજ્યસભામાં એક પ્રશ્નના લેખિત જવાબમાં આપી હતી.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com