স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়

আই.আই.ই.না এম.ও.আর.দি.গা স্তার্ত-অপ ভিলেজ ওন্ত্রপ্রিন্যুরসিপ প্রোগ্রামগী শাফু হেনগৎহন্নবা এম.ও.য়ু. খুৎয়েক পীনখ্রে

Posted On: 25 MAR 2022 11:24AM by PIB Imphal

প্রধান মন্ত্রী শ্রী নরেন্দ্র মোদীগী আত্মনিরভর ভারতকী মঙলানগা চুশিন্ননা ইন্দিয়ন ইন্সতিত্যুৎ ওফ ওন্ত্রপ্রিন্যুরসিপ (আই.আই.ই.)না স্কিল দেভেলপমেন্ত এন্দ ওন্ত্রপ্রিন্যুরসিপ মন্ত্রালয়গী (এম.এস.দি.ই.) মীৎয়েঙ মখাদা রুরেল দেভেলপমেন্ত মন্ত্রালয়গা (এম.ও.আর.দি.) খুঙ্গঙগী নহাশিংগী মরক্তা ওন্ত্রপ্রিন্যুরসিপ য়োকখৎনবগীদমক মেমোরেন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখ্রে‍।

য়ানচে অসিগী মখাদা, নেস্নেল রুরেল লাইবলিহুদ মিসন (এন.আর.এল.এম.)গী সব-স্কিম অমা ওইরিবা স্তার্ত-অপ ভিলেজ ওন্ত্রপ্রিন্যুরসিপ প্রোগ্রাম (এস.ভি.ই.পি.)গী মখাদা খুঙ্গঙগী থবক ফংদ্রিবা মীওইশিংগীদমক্তা অখন্ননা মশানা মশাবু থবক পীজনবগী ফীভম শেমগৎনবা পান্দমগা লোয়ননা ভারতকী খুঙ্গঙগী মফমশিংদা থবক পীনবগী ফীভম য়োকখৎনবা থবক পায়খৎকদৌরি‍।

ভিলেজ ওন্ত্রপ্রিন্যুরসিপ প্রমোসনগী তুং কোইগদবা থৌওং অমা শেমগত্তুনা প্রোগ্রাম অসিনা খুঙ্গঙগী লায়রবা মীওইশিংদা (এস.ঐচ.জি. ইকোসিস্তেমদগী) মখোয়গী ওইবা বিজিনেসশিং হৌদোকচনবগী মতেং পীননবা পান্দম থম্লি‍। ইন্তিগ্রেতেদ আই.সি.তি. তেক্নিকশিং অমসুং ত্রেনিংগী তুলশিং শীজিন্নদুনা, কেপাসিতী বিল্দিং, বিজিনেস এদভাইজরী সর্ভিস, অমসুং বেঙ্গ, এস.ঐচ.লজি. অমসুং ফেদরেসনশিংদগী লোন ফংহনবনচিংবা থৌওংশিংগী খুত্থাঙদা ফীভম অসি ফংবা ঙম্নবা হোৎনগদবনি‍।

দোক্তর ললিত শর্ম, দাইরেক্তর ওফ আই.আই.ই., অমসুং শ্রী রাঘবেন্দ্র প্রতাপ সিংহ, দাইরেক্তর ওফ এম.ও.আর.দি.না শ্রী রাজেস অগরৱাল, সেক্রেতরী, এম.এস.দি.ই., মিস অনুরধা বেমুরি, জোইন্ত সেক্তরেতরী, এম.এস.দি.ই., অমসুং শ্রী চরঞ্জিৎ সিংহ, জোইন্ত সেক্রেতরী, এম.ও.আর.দি. য়াওবা থৌরম অমদা এম.ও.য়ু. অদু খুৎয়েক পীনখিবনি‍।

https://static.pib.gov.in/WriteReadData/userfiles/image/image001W9M7.jpg

ইন্দিয়া ইন্সতিত্যুৎ ওফ ওন্ত্রপ্রিন্যুরসিপ (আই.আই.ই.), গুৱাহাতি, অসামনা স্তার্ত-অপ ভিলেজ ওন্ত্রপ্রিন্যুরসিপ প্রোগ্রামগী (এস.ভি.ই.পি.) নেস্নেল রিসোর্স ওর্গনাইজেসন (এন.আর.ও.) ওইনা থবক তৌগনি অমদি স্তেত রুরেল লাইবলিহুদ মিসন (এস.আর.এল.এম.) মায় পাক্না পায়খৎনবগীদমক মথৌ তাবা ঙাক্লৌ পীগনি‍। এন.আর.ও. অসিনা এস.ভি.ই.পি. পায়খৎপদা মমায় অনি লোঙবা থৌদাং হায়বদি স্তেতশিংগী ইমপ্লিমেন্তিং পার্ত্নর ওইনা ব্লোকশিংদা এস.ভি.ই.পি. হকথেংননা পায়খৎপা য়াওনা স্কিম পায়খৎপগী থৌদাং, অমসুং এস.ভি.ই.পি.গা ব্লোকশিংগী হান্না লৈনরিবা মরী অমসুং ওন্ত্রপ্রিন্যুরসিপ দেভেলপমেন্ত প্রোগ্রামদা লৈরিবা মখোয়গী এক্সপরিএন্সতা য়ুম্ফম ওইদুনা আই.আই.ই.না স্কিম অসি হেন্না পাকথোক চাউথোকহন্নবগী থৌদাং লৌগদবা প্রোগ্রাম স্কেল-অপকী থৌদাং অসি য়াগনি‍।

স্তার্ত-অপ ভিলেজ ওন্ত্রপ্রিন্যুরসিপ প্রোগ্রাম (এস.ভি.ই.পি.)গী মরুওইবা পান্দমদি কম্ম্যুনিতী রিসোর্স পর্সন্স-এন্তরপ্রাইজ প্রমোসন (সি.আর.পি.-ই.পি.)গী খুঙ্গঙগী থাক্কী কেদরশিংগী পুল অমা ত্রেন তৌদুনা লোকেল রিসোর্স শেমগৎপা অমদি সি.আর.পি.ই.পি.শিংগী থবকশিং য়েংশিনবা অমদি লমজিংনবগীদমক্তা এন.আর.এল.এম. অমসুং এস.ঐচ.জি. ফেদরেসনশিংগী কেপাসিতী শেমগৎপনি‍। প্রোগ্রাম অসিনা খুঙ্গঙগী ওন্ত্রপ্রিন্যুরশিংবু মখোয়গী এন্তরপ্রাইজশিং হৌদোকচবা য়ানবগীদমক্তা এন.আর.এল.এম. এস.ঐচ.জি. অমসুং ফেদরেসনশিং, মুদ্রা য়াওনা বেঙ্কিং সিস্তেমদগী শেলগী তেংবাং ফংহনবদা মতেংসু পাংগনি‍।

এম.ও.য়ু. অসিগী মতাঙদা ৱা ঙাঙলদুনা, মিস্তর রাজেস অগরৱাল, সেক্রেতরী, মিনিস্ত্রী ওফ স্কিল দেভেলপমেন্ত এন্দ ওন্ত্রপ্রিন্যুরসিপনা ফোঙদোকখিবদা, “আই.আই.ই.না পায়খৎলিবা স্তার্ত-অপ ভিলেজ ওন্ত্রপ্রিন্যুরসিপ প্রোগ্রাম (এস.ভি.ই.পি.) অসি ভারতকী খুঙ্গঙগী নহাশিংবু মরী লৈনবা স্কিল সেতকা লোয়ননা মপাঙ্গল কলহন্নবা অমদি লোকেল লেভেলদা ওন্ত্রপ্রন্যুরসিপ য়োকখৎনবা য়াম্না ফবা পাম্বৈ অমনি‍। আই.আই.ই.দা লৈরিবা এক্সপরিএন্স অসিনা স্তেত রুরেল লাইবলিহুদ মিসন্দা (এস.আর.এল.এম.) স্তার্ত-অপ ভিলেজ ওন্ত্রপ্রিন্যুরসিপ প্রোগ্রাম (এস.ভি.ই.পি.) পায়খৎনবগী অকনবা মেকানিজম অমসুং হেন্দহোলদিংগী ঙাক্লৌ পীবা ঙমগনি‍। স্তার্ত-অপশিংনা অনৌবা ভারতকী মঙলানগী য়াঙলেন শরু ওইগদৌরিবনি হায়না ঐখোয়গী প্রধান মন্ত্রীনা হায়খিবগুম থৌরাং অসিনা আত্মনিরভর ভারতকী মায়কৈদা খোঙফম অমা থাংজিনবগা লোয়ননা ভারতকী খুঙ্গঙগী লমদা থবক পীননবগী খুদোংচাবশিং মখা তানা হেনগৎহনগনি হায়না ঐখোয়না চপ চানা থাজৈ‍।”

এম.ও.য়ু. অসি চৎনবগা লোয়ননা এম.ও.আর.দি.না স্তেত/য়ু.তি. পুম্নমক্তা চাওখৎ লমজেল য়াঙ্খৎহন্নবগীদমক এস.ভি.ই.পি.গী মখাদা আই.আই.ই.বু এন.আর.ও. অমা ওইনা ইমপেনেল তৌরে হায়বা ৱাফম এম.ও.আর.দি.না খঙহল্লগনি‍। মসিগী মথক্তা, আই.আই.ই.না এস.আর.এল.এম.শিংগা লোয়ননা এস.ভি.ই.পি.গী নেস্নেল রিসোর্স ওর্গনাইগেসন ওইনা নক্ননা থবক তৌগনি‍। আই.আই.ই. অমসুং মরী লৈনবা এস.আর.এল.এম.না এস.ভি.ই.পি. ব্লোকশিং থবক ওইনা পায়খৎনবগীদমক্তা য়েন্থোক য়েনশিন তৌবগী থৌদাং লৌগনি‍। মসিগী মথক্তা, প্রোগ্রাম পায়খৎনবগী এন.আর.ও.দা এস.ভি.ই.পি. ব্লোকশিং য়েন্থোকপগী থবক্তা এম.ও.আর.দি. য়াওররোইদবা মরম্না, এস.ভি.ই.পি. পায়খৎনবা এন.আর.ও. অমসুং এস.আর.এল.এম.গী মরক্তা তোঙানবা এম.ও.য়ু. অমসু খুৎয়েক পীনগনি‍।

ইং ১৯৯৩দা লিংখৎখিবা ইন্দিয়ন ইন্সতিত্যুৎ ওফ ওন্ত্রপ্রিন্যুরসিপ (আই.আই.ই.), গুৱাহাতি, অসাম স্কিল দেভেলপমেন্ত অমসুং ওন্ত্রপ্রিন্যুরসিপ মন্ত্রালয়গী মখাদা লৈবা মনীং তমবা লূপ অমনি‍। ইন্সতিত্যুৎ অসিগী মরুওইবা পান্দমদি ওন্ত্রপ্রিন্যুরসিপ দেভেলপমেন্ততা অখন্নবা মীৎয়েঙ থমবগা লোয়ননা স্মোল অমসুং মাইক্রো এন্তরপ্রাইজেজকী (এস.এম.ই.) লমদা ত্রেনিং পীবা, থিজিন হুমজিনবা, অমদি তাথোক তাশিনগী থৌদাং লৌবনি‍।

*******



(Release ID: 1809567) Visitor Counter : 148