অজাদি কা অমৃত মহোৎসবকী শরুক অমা ওইনা, দিপার্তমেন্ত ওফ য়ুথ এফ্যার্স, য়ুথ এফ্যার্স এন্দ স্পোর্তস মন্ত্রালয়না মার্চ ২৩, ২০২২দা লৈবাক শিনবা থুংনা মশিং য়াম্লবা নহা ভোলুন্তিয়রশিং, এন.ৱাই.কে.এস.তা এফিলিএত তৌবা য়ুথ ক্লবশিংগী মেমবরশিং অমদি এন.এস.এস. এফিলিএত তৌবা য়ুনভর্সিতী অমসুং কলেজশিংগী মহৈরোয়শিংনা শরুক য়াদুনা সহীদ দিবস পাঙথোক্লি‍। এন.ৱাই.কে.এস.কী দিস্ত্রিক্ত ৬২৩ অমসুং এন.এস.এস. এফিলিএত তৌবা য়ুনিভর্সিতী ৪৫৭দা কলেজ/ইন্সতিত্যুৎ ১০৯২৬না শরুক য়াদুনা সহীদ দিবস পাঙথোক্লি‍।

মার্চ ২৩, ১৯৩১দা ভগৎ সিংহ, রাজগুরু অমসুং সুখদেব থৌরী য়ান্দুনা হাৎখি‍। মথৌনা ফরবা নহা নীংতম লান্মীশিংদুগী অমদি ঐখোয়গী লৈবাক্কী মথৌনা লৈরবা মচাশিংগী কত্থোকপবু নীংশিংবগা লোয়ননা ভারতনা চহি খুদিংগী মার্চ ২৩বু সহীদ দিবস হায়না পাঙথোক্লি‍।

থৌরমসিগা মপা চাননা, চহি অসিদা অজাদি কা অমৃত মহোৎসবকী শরুক অমা ওইনা এন.ৱাই.কে.এস.না ত্রিব্যুৎ তু রিভোলুস্নরিজ হায়বা হীরমসিদা মীৎয়েঙ থমদুনা সহীদ দিবস পাঙথোক্লি‍। হীরম অসিগী য়েংলগা, সহীদ দিবস ২০২২সিদা, নেহরু য়ুব কেন্দ্র সঙ্গথন অমসুং নেস্নেল সর্ভিস স্কিম্না নীংতম লান্মীশিংনা লৌরমবা থৌদাংশিংবু নীংশিংদুনা লৈবাক শিনবা থুংনা এন.ৱাই.কে. দিস্ত্রিক্ত ৬২৩দা অমদি এন.এস.এস. এফিলিএত য়ুনিভর্সিতী অমসুং কলেজ/ইন্সতিত্যুসনশিংদা থৌরম পাঙথোক্লি‍।

থৌরম অসিগী খুত্থাঙদা হায়রিবা নীংতম লান্মীশিং অসিগী পুন্সি, থবক অমসুং ৱাখল্লোনশিং নীংশিংদুনা নহা ওইরিবা মীরোলদা থাগৎপা, চাউথোকচবা, ইকায় খুম্নবা অমসুং থৌদাংগী ৱাখল্লোন পোকহন্নবা পান্দম থম্লি‍। মখোয়গী ৱারীশিংনা নহাশিংদা মরৈবাক নীংবগী ইথিল পোকহন্দুনা মখোয়বু লৈবাক শেমগৎ-শাগৎপগী থবক থৌরমশিংদা হেন্না শরুক য়াহন্নবগীদমক পুক্নিং থৌগৎলি‍।

ভারতকী নীংতম লালহৌগী অথৌবা লান্মীশিংবু ইকায়খুম্নদুনা পাঙথোক্কদৌরিবা থৌরমসিদা দিস্ত্রিক্ত এন.ৱাই.কে.শিং অমদি এন.এস.এস. এফিলিএত তৌবা য়ুনিভর্সিতীশিং অসিনা পাঙথোক্লিবা মরুওইবা থবক থৌরমশিংদি ফোতোদা লৈ হুকপা, মৈরা চুখৎপা, ভগৎ সিংহ, রাজগুরু অমসুং সুখদেবকী পুন্সিগী মরমদা সেমিনার/ৱারোল পাথোকপা, ৱাশক লৌবা, শান্ন-খোৎনবগী থৌরমশিং, স্কিৎ, স্পোৎ কুইজ, পোৎলম চৈরমশিং য়েন্থোকবা, প্লোগ রন, লৌশিং হিদান্নবা অসিনচিংবনি‍।

এন.ৱাই.কে.এস. অমসুং এন.এস.এস.না তোঙান তোঙানবা থৌরমশিংদা নীংতম লান্মী, একাদমিক্সিয়ন, আর্তিস্ত, মমীং লৈবা মীওইশিং, স্তেত/দিস্ত্রক্ত এদমিনিস্ত্রেসনশিংসু কোনশিল্লি‍। এন.ৱাই.কে.এস. অমসুং এন.এস.এস.তা য়াওরিবা নহা ভোলুন্তিয়রশিংনা কলচর মন্ত্রালয়না স্তেত ৮ অমসুং য়ু.তি. ২গী মফম ১৪দা পাঙথোক্কদৌরিবা ভারতকী নীংতম লালহৌগা মরী লৈনবা অখন্নবা থৌরমশিংদসু শরুক য়ারি‍।

*******