فوجی تنظیموں کی حوصلہ افزائی کرنے اور مہارت اور ٹیکنالوجی کی ترقی کے لیے ان کی کوششوں کو تسلیم کرنے کے مقصد کے ساتھ، ہنر مندی کی ترقی اور صنعت کاری کی وزارت (ایم ایس ڈی ای) نے 22 مارچ 2022 کو سمندری  انجینئرنگ (ایم ای) کے شعبے میں آئی این ایس  شیواجی کو عمدگی کے مرکز  (سی او ای) کے طور پر تسلیم کیاہے۔ آئی این ایس شیواجی کو یہ اعزاز دستیاب بنیادی ڈھانچے اور سہولیات کے ساتھ ساتھ ہندوستانی بحریہ کے اہلکاروں، دوستانہ غیر ملکی بحری افواج اور پورے ایکو سسٹم کی مہارت کو بہتر بنانے کے لیے فراہم کی گئی تربیت کے بعد دیا گیا ہے ۔تسلیم کی  سرٹیفکیٹ ایم ایس ڈی ای کے اعزازی سکریٹری جناب راجیش اگروال، سی ایم ڈی ای کے آئی اے ایس اروند راول، کمانڈنگ آفیسر، آئی این ایس شیواجی کے ذریعہ پیش کی گئی ہے ۔ یہ سرٹیفیکیشن ہنر مندی اور صنعت کاری کی وزارت، شرم شکتی بھون، نئی دہلی میں  منعقد ہوئی۔

آئی این ایس شیواجی لوناولا، مہاراشٹر میں ایک ہندوستانی بحریہ اسٹیشن ہے۔ اس میں نیول کالج آف انجینئرنگ ہے، جو ہندوستانی بحریہ اور کوسٹ گارڈ کے اہلکاروں کو تعلیم اور تربیت دیتا ہے۔ اس تنظیم کو ایچ ایم آئی ایس شیواجی کے طور پر 15 فروری 1945 کو کمیشن کیا  گیا تھا۔ آئی این ایس شیواجی کا عمدگی کا مرکز (سمندری انجینئرنگ) 2014 میں ایک وسیع مینڈیٹ کے ساتھ قائم کیا گیا تھا جس میں بحری ایپلی کیشنز کے لیے مخصوص ٹیکنالوجیز کی شمولیت، آر اینڈ ڈی اور تعلیمی اداروں کے تعاون سے معیاری تحقیق شامل تھی۔ اس کا بڑا مقصد  ہندوستانی بحریہ، دوستانہ غیر ملکی بحریہ، اور پورے ماحولیاتی نظام کے اہلکاروں کی ہنر مندی کو بہتر بنانا تھا۔

ہنر مندی  کی ترقی اور صنعت کاری  کی وزارت (ایم ایس ڈی ای) نے  اس عمدگی کا مرکز  (سی او ای) کو ایک باڈی کے طور پر نامزد کیا ہے جو کسی مخصوص شعبے یا شعبوں کے لیے قیادت، بہترین طرز عمل، تحقیق، معاونت، تربیت دہندگان کی تربیت، اور مہارت کی تربیت فراہم کرتا ہے۔ ہنر مندی کے ماحولیاتی نظام میں عمدگی کے مرکز کا تصور ایک ون اسٹاپ ریسورس سنٹر کے طور پر کیا گیا ہے جو صنعت کے ساتھ شراکت میں تربیتی معیارات کو بلند کرنے، پیداواری صلاحیت کو بڑھانے، ابھرتی ہوئی مہارتوں کے فرق کو دور کرنے، اور تربیت اور تحقیق کو صنعت کی ضروریات کے ساتھ ہم آہنگ کرنے کے لیے بنایا گیا ہے۔

ایم ایس ڈی ای کا آئی این ایس  شیواجی کو عمدگی کے مرکز کے طور پر  نامزد کرنا کسی بھی فوجی تنظیم کے لیے اپنی نوعیت کا پہلا واقعہ ہے، اور یہ ہنر مندی  اور ٹیکنالوجی کی ترقی کے لیے آئی این ایس  شیواجی کی مسلسل عہد بندی کی عکاسی کرتا ہے۔ یہ ایوارڈ ہندوستان کے اندر اور باہر صنعت اور باوقار تعلیمی اداروں کے ساتھ اعلیٰ معیار کے آر اینڈ ڈی تعاون کے لیے ایک ترجیحی تربیتی ادارے کے طور پر آئی این ایس شیواجی کی پوزیشن کو مستحکم کرے گا۔

*************

( ش ح ۔ ا ک۔ ر ب(

U. No. 3052