থবক শুবা, মীয়ামগী ৱাকৎ অমসুং পেন্সন মন্ত্রালয়
নরেন্দ্র মোদী সরকারনা অখন্নবা থবকশিংগীদমক্তা য়াম্না হৈ-শিংবগা লোইননা খ্বাইদগী হেন্না ফবা তেলেন্ত খন্নবা লেতরেল এন্ত্রী এপোইন্তমেন্তশিং অসি য়াম্না লাইবা অমসুং য়াম্না ফবা ওইহনখ্রে হায়না কেন্দ্রগী মন্ত্রী, দা. জিতেন্দ্র সিংনা হায়খি
দা. জিতেন্দ্র সিংনা ইন্দিয়ন ইন্সতিত্যুত ওফ পব্লিক এদমিনিস্ত্রেশন, ন্যু দিল্লীদা নুমিৎ ১৫নিগী ইন্দক্সন প্রোগ্রাম অদুগী মনুংদা জোইন্ত সেক্রেতরী/দাইরেক্তর অমসুং দিপ্যুতী সেক্রেতরীগী থাক্তা ভারত সরকারদা চংখিবা লেতরেল এন্ত্রান্ত ৩০গা ৱারী-ৱাতাই শানখি।
লেতরেল এন্ত্রী মেকানিজমগী অরোইবা পান্দমদি খরা হেন্না চাউবা পুলদগী খ্বাইদগী হেন্না ফবা খনবনি মরমদি প্রধান মন্ত্রী, নরেন্দ্র মোদীনা হৌদোকখিবা ফ্লেগশিপ স্কীমশিং অসিদা অনৌবা স্কিল সেত অমসুং এক্সপর্তিজ মথৌ তাই
কোর্পোরেত অমসুং সরকারগী সেক্তরগী মরক্তা লৈরিবা গেপ অসি য়াম্না য়াংনা হন্থরক্লি অমসুং মতম অসিগী ন্যু ৱার্ক এপ্রোচ সীস্তেমদা হেন্না ফগৎলবা স্কিলশিং অসি মথৌ তাই
Posted On:
22 MAR 2022 7:18PM by PIB Imphal
কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সকী রাজ্য মন্ত্রী (ইন্দিপেন্দেন্ত চার্জ), এম. ও.এস. পি.এম.ও., পার্সোনেল, পব্লিক গ্রীভান্সেস, পেন্সনশিং, এতোমিক ইনর্জী অমসুং স্পেস, দা. জিতেন্দ্র সিংনা ঙসি হায়খি মদুদি নরেন্দ্র মোদী সরকারনা অখন্নবা থবকশিংগীদমক্তা য়াম্না হৈ-শিংবগা লোইননা খ্বাইদগী হেন্না ফবা তেলেন্ত খন্নবা লেতরেল এন্ত্রী এপোইন্তমেন্তশিং অসি য়াম্না লাইবা অমসুং য়াম্না ফবা ওইহনখ্রে।
দা. জিতেন্দ্র সিংনা নিংশিংখি মদুদি লেতরেল এপোইন্তমেন্তশিং অসি মমাংগী সরকারশিংনা ফাওবা তৌরম্মি অমসুং য়াম্না মমিং চৎপা লেতরেল এপোইন্তমেন্তশিং অদুদা হান্নগী প্রধান মন্ত্রী, দা. মনমোহনসিংবু ১৯৭২দা চীফ ইকোনোমিক এদভাইজর ওইনা খনবা অসিসু য়াওরি। তৌইগুম্বশুং মোদী সরকারনা য়ু.পি.এস.সি.গী খুত্থাংদা রুতিং তৌদুনা প্রোসেস অসিবু ইন্সতিত্যুস্নেলাইজ তৌবা পাম্লি অমসুং ওবজক্তিব, ত্রান্সপরেন্ত অমসুং মেরিতকা লোইননা এক্সপরিয়েন্সতা য়ুমফম ওইবা সেলেক্সন তৌবগী ক্রাইতরিয়া অমা থম্বা পাম্লি।
ইন্দিয়ন ইন্সতিত্যুত ওফ পব্লিক এদমিনিস্ত্রেশন, ন্যু দিল্লীদা নুমিৎ ১৫নিগী ইন্দক্সন প্রোগ্রাম অদুগী মনুংদা জোইন্ত সেক্রেতরী/দাইরেক্তর অমসুং দিপ্যুতী সেক্রেতরীগী থাক্তা ভারত সরকারদা চংলকখিবা লেতরেল এন্ত্রান্ত ৩০গা ৱারী-ৱাতাই শানরদুনা মন্ত্রীনা হায়খি মদুদি লেতরেল এন্ত্রী মেকানিজমগী অরোইবা পান্দমদি খরা হেন্না চাউবা পুলদগী খ্বাইদগী হেন্না ফবা খনবনি মরমদি প্রধান মন্ত্রী, নরেন্দ্র মোদীনা হৌদোকখিবা ফ্লেগশিপ স্কীমশিং অসিদা অনৌবা স্কিল সেত অমসুং এক্সপর্তিজ মথৌ তাই। হায়রিবশিং অসি প্রধান মন্ত্রী মোদীনা ভারত অসিবু মালেমদা মাংজিল থাবা লৈবাক আমা ওইহন্নবা লুচিংদুনা পুরিবা য়াম্না চিরবা মতম অসিদা থোক্লি হায়না মহাক্না হায়খি।
আই.আই.পি.এ.গী একজিক্যুতিব কাউন্সিলসু ওইরিবা দা. জিতেন্দ্রনা ইন্দক্তীশিং অদুদা একাউন্তেবিলিতী, ত্রান্সপরেন্সি অমসুং সিতিজন-সেন্ত্রিক ওইবা খোংথাং অসিনা ভারত সরকারদা মখোয়না থবক তৌরিঙৈ মতম অসিগী মশক তাক্কদবা খুদম-চাংদম ওইগদবনি হায়না মহাক্না মখোয়দা হায়খি।
কোর্পোরেত অমসুং সরকারগী সেক্তরগী মরক্তা লৈরিবা গেপ অসি য়াম্না য়াংনা হন্থরক্লি অমসুং মতম অসিগী ন্যু ৱার্ক এপ্রোচ সীস্তেমদা হেন্না ফগৎলবা স্কিলশিং অসি মথৌ তাই হায়না কেন্দ্রগী মন্ত্রীনা হায়খি।
মালেম অসিদা ভারতকী ফিভমগী থাক ৱাংখৎলকপা ওইবনা, এন্ত্রান্তশিংনা লৈবাক অসিবু শেমগৎপদা শরুক বানবা মসিগী অচৌবা খুদোংচাবা অসিবু খ্বাদগী এন্না ফবা মওংদা শিজিন্নবা য়াগনি হায়না দা. জিতেন্দ্র সিংনা হায়খি। ঙসি হোৎনখিবা অসিনা লাক্কদবা মথংগী চহি ২৫ অসিদা লৈবাক অসিনা নিংখা-তম্বগী চহি ১০০ শুবগী নুংঙাইবা ফোংদোকপা মতমদা ভারত অসিবু মালেমগী লুচিংবা অমা ওইহনবা ঙমগনি।
লেতরেল এন্ত্রেন্ত ৩০ অসিদা ভারত সরকারগী মন্ত্রালয় /দিপার্তমেন্ত ২১গী মহুৎ শিন্দুনা জোইন্ত সেক্রেতরী অহুম, দাইরেক্তর ১৮ অমসুং দিপ্যুতী সেক্রেতরী মাপল য়াওরি।
শ্রী এস.এন. ত্রিপাথি, দি.জি., আই.আই.পি.এ., শ্রী অমিতাব রঞ্জন, রেজিস্ত্রার, আই.আই.পি.এ. অমসুং শ্রীমতি রাশ্মি চৌধরী, এদিস্নেল সেক্রেতরি, দি.ও.পি.তি.না থৌরম অদুদা শরুক য়াখিবা অতোপ্পা দিগ্নিতরীশিংগী মরক্তা মখোয়সু য়াওখি।
*****
(Release ID: 1808462)
Visitor Counter : 189