ମୋର ପ୍ରିୟ ବନ୍ଧୁ, ସ୍କଟ୍‌, 

ନମସ୍କାର !

ହୋଲି ଉତ୍ସବ ଓ ନିର୍ବାଚନୀ ବିଜୟ ଯୋଗୁଁ ଆପଣ ଦେଇଥିବା ଶୁଭକାମନା ପାଇଁ ମୁଁ ଆପଣଙ୍କ ନିକଟରେ କୃତଜ୍ଞ । 

ଭାରତୀୟମାନଙ୍କ ତରଫରୁ କୁଇନ୍ସଲ୍ୟାଣ୍ଡ ଓ ନ୍ୟୁ ସାଉଥୱେଲ୍ସରେ ବନ୍ୟା ଯୋଗୁଁ ହୋଇଥିବା ଧନଜୀବନ ହାନୀ ପାଇଁ ମୁଁ ଶୋକ ପ୍ରକଟ କରୁଛି ।

ଆମର ଗତ ଭର୍ଚୁଆଲ ଶିଖର ସମ୍ମିଳନୀରେ ଆମେ ଆମର ସମ୍ପର୍କକୁ ଏକ ବିସ୍ତୃତ ରଣନୀତିକ ଭାଗିଦାରିତାକୁ ଉନ୍ନୀତ କରିଛୁ । ମୁଁ ଖୁସି ଯେ ଏବେ ଆମେ ବାର୍ଷିକ ଶିଖର ସମ୍ମିଳନୀ ଦୁଇଦେଶ ମଧ୍ୟରେ କରିବାକୁ ନିଷ୍ପତ୍ତି ନେଇଛୁ । ଏହା ଫଳରେ ଆମ ସମ୍ପର୍କରେ ନିୟମିତ ସମୀକ୍ଷା ହୋଇପାରିବ ।

ମହାମହିମ, 

ଗତ କେତେ ବର୍ଷ ମଧ୍ୟରେ ଆମ ସମ୍ପର୍କରେ ଉଲ୍ଲେଖନୀୟ ପ୍ରଗତି ହାସଲ ହୋଇଛି । ବାଣିଜ୍ୟ ଓ ପୁଞ୍ଜି ବିନିଯୋଗ, ପ୍ରତିରକ୍ଷା ଓ ସୁରକ୍ଷା, ଶିକ୍ଷା ଓ ନୂତନ ଭାବର ପ୍ରବର୍ତ୍ତନ, ବିଜ୍ଞାନ ଏବଂ ପ୍ରଯୁକ୍ତି ଭଳି ପ୍ରତ୍ୟେକ କ୍ଷେତ୍ରରେ ଆମର ଅନ୍ତରଙ୍ଗ ସହଯୋଗ ରହିଛି । ଆମର ସହଯୋଗ ବିରଳ ଖଣିଜ ପଦାର୍ଥ, ଜଳ ପରିଚାଳନା, ଅକ୍ଷୟ ଶକ୍ତି ଓ କୋଭିଡ-୧୯ ଗବେଷଣା କ୍ଷେତ୍ରରେ ମଧ୍ୟ ଖୁବ୍ ଦ୍ରୁତଗତିରେ ବୃଦ୍ଧି ପାଇଛି ।

ବେଙ୍ଗାଲୁରରେ ନୂତନ ପ୍ରଯୁକ୍ତି ନୀତି ଉପରେ ଉତ୍କର୍ଷ କେନ୍ଦ୍ର ସ୍ଥାପନ ଘୋଷଣାକୁ ମୁଁ ହାର୍ଦ୍ଧିକ ସ୍ୱାଗତ କରୁଛି । ସାଇବର ଓ ଅନ୍ୟାନ୍ୟ ନୂତନ ପ୍ରଯୁକ୍ତି କ୍ଷେତ୍ରରେ ଆମର ଯେଉଁ ଉତ୍ତମ ସହଯୋଗ ରହିଛି ଏହା ଅନସ୍ୱୀକାର୍ଯ୍ୟ । ଏହି ସବୁ ନୂତନ ପ୍ରଯୁକ୍ତି କ୍ଷେତ୍ରରେ ଆମ ଭଳି ମୂଲ୍ୟବୋଧ ଭିତ୍ତିକ ବୈଶ୍ୱିକ ମାନ ଅନ୍ୟାନ୍ୟ ଦେଶଗୁଡିକ ଗ୍ରହଣ କରିବା ସେମାନଙ୍କର ଦାୟିତ୍ୱ । 

ମହାମହିମ,

ଆମର ବିସ୍ତୃତ ଆର୍ଥିକ ସହଯୋଗ ରାଜିନାମା “ସିଇସିଏ” ଯାହା ଆପଣ କହିଛନ୍ତି ଓ ମୁଁ ମଧ୍ୟ ତାହା କହୁଛି ଯେ ଖୁବ୍ କମ୍ ସମୟ ମଧ୍ୟରେ ଏଥିରେ ଉଲ୍ଲେଖନୀୟ ପ୍ରଗତି ଘଟିଛି । ମୁଁ ନିଶ୍ଚିତ ଯେ ଅବଶିଷ୍ଟ ବିଷୟଗୁଡିକ ମଧ୍ୟରେ ଖୁବ୍ ଶୀଘ୍ର ରାଜିନାମା ହୋଇଯିବ । “ସିଇସିଏ” ର ଆଶୁ ପୂର୍ଣ୍ଣତାପ୍ରାପ୍ତି ଆମର ଆର୍ଥିକ ସମ୍ପର୍କ, ଏହାର ପୁର୍ନଉଥାନ ଓ ଆର୍ଥିକ ସୁରକ୍ଷା ଦୃଷ୍ଟିରୁ ଖୁବ୍ ଗୁରୁତ୍ୱପୂର୍ଣ୍ଣ । 

କ୍ୱାର୍ଡରେ ମଧ୍ୟ ଆମର ସହଯୋଗ ଖୁବ୍ ଭଲ ରହିଛି । ଆମର ସହଯୋଗ ଏକ ମୁକ୍ତ ଓ ଭାରତ-ପ୍ରଶାନ୍ତ ମହାସାଗରୀୟ ଅନ୍ତର୍ଭୁକ୍ତ ସୀମା କ୍ଷେତ୍ର ସୃଷ୍ଟି ନେଇ ଅଙ୍ଗୀକାରବଦ୍ଧତାକୁ ପ୍ରତିଫଳନ କରୁଛି । ବୈଶ୍ୱିକ ଓ ଆଞ୍ଚଳିକ ସ୍ଥିରତା ନିମନ୍ତେ କ୍ୱାଡର ସଫଳତା ଖୁବ୍ ଗୁରୁତ୍ୱପୂର୍ଣ୍ଣ ।  

ମହାମହିମ,

ଭାରତୀୟ ପ୍ରାଚୀନ କୀର୍ତ୍ତିରାଜି ଫେରାଇବା ଲାଗି ଆପଣ ନେଇଥିବା ପଦକ୍ଷେପ ପାଇଁ ମୁଁ ଆପଣଙ୍କୁ ବିଶେଷ ଧନ୍ୟବାଦ ଜ୍ଞାପନ କରୁଛି । ଆପଣ ଫେରାଇଥିବା କୀତ୍ତିରାଜି ମଧ୍ୟରେ ରାଜସ୍ଥାନ, ପଶ୍ଚିମବଙ୍ଗ, ଗୁଜରାଟ, ହିମାଚଳ ପ୍ରଦେଶ ଓ ଅନ୍ୟାନ୍ୟ ରାଜ୍ୟରୁ ଚୋରାଚାଲାଣ ହୋଇଥିବା ଅନେକ ପ୍ରାଚୀନ ମୂର୍ତ୍ତି ଓ ଚିତ୍ରକଳା ରହିଛି। ଏଥିପାଇଁ ମୁଁ ଭାରତୀୟଙ୍କ ତରଫରୁ ଆପଣଙ୍କୁ ସ୍ୱତନ୍ତ୍ରଭାବେ କୃତଜ୍ଞତା ଜଣାଉଛି । ଏବେ ଆପଣ ଫେରାଇ ଦେଇଥିବା ସମସ୍ତ କୀର୍ତ୍ତିରାଜ ତା’ର ମୂଳସ୍ଥାନକୁ ଫେରିଯିବ । ଭାରତୀୟମାନଙ୍କ ତରଫରୁ ମୁଁ ପୁଣିଥରେ ଆପଣଙ୍କ ପଦକ୍ଷେପ ପାଇଁ ମୋର ହାର୍ଦ୍ଧିକ କୃତଜ୍ଞତା ଜଣାଉଛି ।

 କ୍ରିକେଟ ବିଶ୍ୱକପ୍‌ରେ ଅଷ୍ଟ୍ରେଲିଆ ମହିଳା କ୍ରିକେଟ ଦଳର ଚିତ୍ତାକର୍ଷକ କ୍ରୀଡା ନୈପୁଣ୍ୟ ପାଇଁ ମୁଁ ଆପଣଙ୍କୁ ଅଭିନନ୍ଦନ ଜଣାଉଛି । ଶନିବାର ଖେଳରେ ଅଷ୍ଟ୍ରେଲିଆ ବିଜୟୀ ହୋଇଥିଲେ ମଧ୍ୟ ଟୁର୍ଣ୍ଣାମେଣ୍ଟ ଏବେ ବି ଶେଷ ହୋଇନାହିଁ ଉଭୟ ଦେଶର ଦଳକୁ ମୋର ଶୁଭେଚ୍ଛା ।

 ମହାମହିମ, 

ଆଜି ଆପଣଙ୍କ ସହ ମତ ବିନିମୟ ସୁଯୋଗ ପାଇଥିବାରୁ ମୁଁ ଖୁସି ପ୍ରକଟ କରୁଛି ।

ଏବେ ଏହି ଖୋଲା ଅଧିବେଶନ ଶେଷ ହେଉଥିବାବେଳେ ମୁଁ ଗଣମାଧ୍ୟମର ବନ୍ଧୁମାନଙ୍କୁ ଧନ୍ୟବାଦ ଦେଉଛି । ଅଳ୍ପ ସମୟ ପରେ ମୁଁ ପରିବର୍ତ୍ତୀ କାର୍ଯ୍ୟଧାରା ଉପରେ ମୋର ମତ ପ୍ରଦାନ କରିବି ।

****

SM /SLP