প্রধানমন্ত্রীগী লোইশঙ
শ্রী লঙ্কাগী শেল-থুম মন্ত্রী, হিস এক্সেলেন্সী বাসিল রাজাপক্সানা প্রধান মন্ত্রী, শ্রী নরেন্দ্র মোদীগা ৱারী শাখ্রে
থাগৎখিবা:
16 MAR 2022 7:07PM by PIB Imphal
নই দিল্লীদা ওফিসিএল খোঙচৎকী লাকপা শ্রী লঙ্কাগী শেল-থুম মন্ত্রী, ইকায় খুম্ননীংঙাই ওইরবা বাসিল রাজাপক্সানা ঙসিগী অঙনবদা প্রধান মন্ত্রী, শ্রী নরেন্দ্র মোদীগা ৱারী শাখ্রে।
শেল-থুম মন্ত্রী, রাজাপক্সানা লৈবাক অনিগী শেন্মিৎলোনগী তেংবাংনরিবা অসিবু মপাঙ্গল লৈহন্নবা লৈবাক অনিনা পায়খৎলিবা খোঙথাংশিংগী মতাংদা প্রধান মন্ত্রীগী মফমদা শ্মলপ্পা পাউদম পীখি অমসুং শ্রী লঙ্কাগী শেন্মিৎলোন্দা ভারতনা তেংবাংবগীদমক্তা মহাক্কী মফমদা থাগৎ ৱাহৈসু ফোংদোকখি।
ভারতনা ইন্দুনা চৎলিবা “য়ুম্লোন্নবনা হান্না” হায়বা থৌশিল-থৌরাং অমসুং এস.এ.জি.এ.আর. (লমদম অসিগী ওইনা পুম্নমক্কী সেক্যুরিতী অমসুং গ্রোথ) দোক্ত্রিন্দা শ্রী লঙ্কানা য়ারিবা থৌদাংগী মতাংদা প্রধান মন্ত্রীনা ৱাফম থমখি। ভারতনা শ্রী লঙ্কাগী মবুকচেল ফবা মীয়ামগীদমক্তা মখা তানা লেপখিগনি হায়বা ৱাফম অসিসু মহাক্না অমুক হন্না থমখি।
শেল-থুম মন্ত্রী, রাজাপক্সানা কলচরগী হীরম য়াওনা লৈবাক অনিগী মীয়ামগী মরক্তা লৈনরিবা মরীবু হান্নদগী হেন্না চেৎশিল্লকপা অসিবু শকখঙখি। প্রধান মন্ত্রীনা বুধ অমসুং রমায়ন তুরিজম সর্কিৎ য়াওনা লমকোয়বা লাকপা হেনগৎহনবা ঙম্বগী মতিক লৈরিবা অসিবুসু মরু ওইনা পনখি।
***
(রিলিজ আই.দি.: 1806740)
ভিজিতর কাউন্তর : 155
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam