ਕੇਂਦਰੀ ਰੋਡ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਸ਼੍ਰੀ ਨਿਤਿਨ ਗਡਕਰੀ ਨੇ ਕਿਹਾ ਕਿ ਗੁਣਵੱਤਾ ਨਾਲ ਸਮਝੌਤਾ ਕੀਤ ਬਿਨਾ ਹੀ ਨਿਰਮਾਣ ਦੀ ਲਾਗਤ ਵਿੱਚ ਕਮੀ ਲਿਆਉਣੀ ਹੋਵੇਗੀ। ਇੰਡੀਅਨ ਇਨਫ੍ਰਾਸਟ੍ਰਕਚਰ ਦੁਆਰਾ ਆਯੋਜਿਤ ‘ਭਾਰਤ ਵਿੱਚ ਸੜਕ ਵਿਕਾਸ’ ਵਿਸ਼ੇ ’ਤੇ ਆਯੋਜਿਤ 17ਵੇਂ ਸਲਾਨਾ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਸੜਕਾਂ ਦੇ ਨਿਰਮਾਣ ਵਿੱਚ ਵਿਭਿੰਨ ਰਹਿੰਦ-ਖੂੰਹਦ ਸਮੱਗਰੀ ਵਰਗੇ ਰਬਰ ਅਤੇ ਪਲਾਸਟਿਕ ਦਾ ਉਪਯੋਗ ਕਰਕੇ ਸੀਮਿੰਟ ਅਤੇ ਸਟੀਲ ’ਤੇ ਅਧਾਰਿਤ ਨਿਰਭਰਤਾ ਨੂੰ ਘੱਟ ਕੀਤਾ ਜਾ ਸਕਦਾ ਹੈ।

ਸ਼੍ਰੀ ਨਿਤਿਨ ਗਡਕਰੀ ਨੇ ਕਿਹਾ ਕਿ ਇਨੋਵੇਸ਼ਨ, ਉੱਦਮਿਤਾ, ਵਿਗਿਆਨ, ਖੋਜ ਅਤੇ ਕੌਸ਼ਲ ਇਨ੍ਹਾਂ ਸਭ ਨੂੰ ਅਸੀਂ ਗਿਆਨ ਕਹਿੰਦੇ ਹਾਂ ਅਤੇ ਇਨ੍ਹਾਂ ਨੂੰ ਆਪਣੇ ਉਪਯੋਗ ਵਿੱਚ ਲਿਆਉਣਾ ਹੀ ਭਵਿੱਖ ਹੈ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਡੀਪੀਆਰ ਬਣਾਉਣ ਦੇ ਲਈ ਠੇਕੇਦਾਰਾਂ ਅਤੇ ਕੰਪਨੀਆਂ ਦੀ ਰੇਟਿੰਗ ਲਈ ਨੀਤੀ ਬਣਾਉਣ ਦੇ ਯਤਨ ਜਾਰੀ ਹਨ। ਉਨ੍ਹਾਂ ਨੇ ਕਿਹਾ ਕਿ ਈਥੇਨੌਲ, ਮੇਥਨੌਲ ਦੇ ਨਾਲ ਹੀ ਬਾਇਓ ਡੀਜਲ, ਬਾਇਓ ਸੀਐੱਨਜੀ ਅਤ ਇਲੈਕਟ੍ਰਿਕ ਗ੍ਰੀਨ ਹਾਈਡ੍ਰੋਜਨ ਭਵਿੱਖ ਦੇ ਲਈ ਈਂਧਣ ਦਾ ਕਾਰਜ ਕਰਨਗੇ। ਸ਼੍ਰੀ ਗਡਕਰੀ ਨੇ ਕਿਹਾ ਕਿ ਇਹ ਦੇਸ਼ ਦੇ ਲਈ ਅਧਿਕ ਵਿਕਲਪ ਉਤਪੰਨ ਕਰਨ ਅਤੇ ਮੁਕਾਬਲਾ ਵਧਾਉਣ ਦਾ ਸਮਾਂ ਹੈ।

ਸ਼੍ਰੀ ਨਿਤਿਨ ਗਡਕਰੀ ਨੇ ਦੱਸਿਆ ਕਿ ਬਾਇਓਮਾਸ ਤੋਂ ਕੋਲਤਾਰ ਬਣਾਉਣ ਦੀ ਨੀਤੀ ਬਣਾਉਣ ਦੀ ਵੀ ਯੋਜਨਾ ਹੈ। ਕੇਂਦਰੀ ਮੰਤਰੀ ਨੇ ਸੜਕ ਸੁਰੱਖਿਆ ’ਤੇ ਬਲ ਦਿੱਤਾ ਅਤੇ ਕਿਹਾ ਕਿ ਇਸ ਖੇਤਰ ਵਿੱਚ ਸਾਰੇ ਹਿਤਧਾਰਕਾਂ ਤੋਂ ਅਧਿਕਾਧਿਕ ਯਤਨਾਂ ਦੀ ਜ਼ਰੂਰਤ ਹੈ।

****

ਐੱਮਜੇਪੀਐੱਸ