20-22 માર્ચ, 2022 દરમિયાન વર્ચ્યુઅલ પ્લેટફોર્મ પર "ભૂસ્તરશાસ્ત્ર: ટકાઉ ભવિષ્ય માટે મૂળભૂત વિજ્ઞાન" થીમ પર 36મી ઇન્ટરનેશનલ જીઓલોજિકલ કોંગ્રેસ (IGC) યોજાશે.

36મી IGC એ ખાણ મંત્રાલય, પૃથ્વી વિજ્ઞાન મંત્રાલય, ભારતીય રાષ્ટ્રીય વિજ્ઞાન એકેડેમી અને બાંગ્લાદેશ, નેપાળ અને શ્રીલંકાની વિજ્ઞાન અકાદમીઓનો સંયુક્ત પ્રયાસ છે. IGC, જેને જીઓલોજીના ઓલિમ્પિક્સ તરીકે પણ ઓળખવામાં આવે છે, તે IGCના વૈજ્ઞાનિક પ્રાયોજક, ઇન્ટરનેશનલ યુનિયન ઓફ જીઓલોજિકલ કોંગ્રેસ (IUGS) ના આશ્રય હેઠળ દર ચાર વર્ષે એકવાર યોજાય છે. તેઓ વિશ્વભરમાંથી લગભગ 5000-7000 પ્રતિનિધિઓની સહભાગિતાને આકર્ષે છે.

આ ઇવેન્ટ ભૂસ્તરશાસ્ત્ર અને બિઝનેસ નેટવર્કિંગના ક્ષેત્રમાં જ્ઞાન અને અનુભવની વહેંચણી માટે એક અનોખું પ્લેટફોર્મ પૂરું પાડશે. તે ખાણકામ, ખનિજ સંશોધન અને જળ વ્યવસ્થાપન, ખનિજ ઘટકોની પ્રક્રિયા અને પર્યાવરણમાં નવીનતમ તકનીકો પર વ્યવહારુ માહિતી પ્રદાન કરશે. તે શૈક્ષણિક આઉટપુટ વધારવામાં પણ મદદ કરશે અને વિવિધ ભૂસ્તરશાસ્ત્રીય શાખાઓમાં ક્ષમતા નિર્માણ માટે તકો ઊભી કરશે.

કેન્દ્રીય કોલસા, ખાણ અને રેલ્વે રાજ્ય મંત્રી શ્રી રાવસાહેબ પાટીલ દાનવે અને કેન્દ્રીય સંચાર રાજ્ય મંત્રી શ્રી દેવુસિહ ચૌહાણની ઉપસ્થિતિમાં, કેન્દ્રીય કોલસા, ખાણ અને સંસદીય બાબતોના મંત્રી શ્રી પ્રહલાદ જોશી અને કેન્દ્રીય રાજ્ય મંત્રી વિજ્ઞાન અને તકનીકી (સ્વતંત્ર હવાલો) અને  કેન્દ્રીય પૃથ્વી વિજ્ઞાન રાજ્ય પ્રધાન (સ્વતંત્ર હવાલો), વડા પ્રધાન કાર્યાલય, કર્મચારી, જાહેર ફરિયાદ, પેન્શન, અણુ ઊર્જા અને અવકાશ રાજ્યમંત્રી ડો.જિતેન્દ્ર સિંહ દ્વારા કોંગ્રેસનું ઉદ્ઘાટન કરવામાં  આવશે. 

આજે સમગ્ર વિશ્વ તેની ટકાઉપણું વિશે ચિંતિત છે. આને સંબોધવામાં ભૂસ્તરશાસ્ત્ર મુખ્ય ભૂમિકા ભજવી શકે છે, તેથી 36મી IGC ની થીમ છે "ભૂસ્તરશાસ્ત્ર - ટકાઉ ભવિષ્ય માટે મૂળભૂત વિજ્ઞાન". વૈજ્ઞાનિક કાર્યક્રમ પ્રતિબિંબિત કરશે કે કેવી રીતે ભૂસ્તરશાસ્ત્ર જીવનના વિવિધ પાસાઓને સ્પર્શતા, ટકાઉ ભવિષ્ય સાથે આંતરિક રીતે જોડાયેલું છે. આ ચર્ચાઓ પૃથ્વીની પ્રક્રિયાઓને સંચાલિત કરતી વિવિધ વિભાવનાઓની જટિલ ક્રિયાપ્રતિક્રિયાઓ અને જીવમંડળ સાથેના તેમના સહજીવનને પણ પ્રકાશિત કરશે, ટકાઉ વિકાસના પરિપ્રેક્ષ્યમાં ભૂસ્તરશાસ્ત્રના ક્ષેત્રમાં ઉભરતા દાખલાઓ પર ધ્યાન કેન્દ્રિત કરશે.

ભારત, તેના પ્રાદેશિક ભાગીદારોની આગેવાની હેઠળ, 2012 માં બ્રિસ્બેનમાં આયોજિત 34મી આંતરરાષ્ટ્રીય ભૂસ્તરશાસ્ત્રીય કોંગ્રેસમાં 2020 માં ભારતમાં 36મી આંતરરાષ્ટ્રીય ભૂસ્તરશાસ્ત્રીય કોંગ્રેસની યજમાની માટે બિડ કરે છે. ભારતે બોલી જીતી લીધી. વર્તમાન કોંગ્રેસ મૂળ રીતે 2-8 માર્ચ, 2020 દરમિયાન યોજાવાની હતી જે કોવિડ રોગચાળાને કારણે મોકૂફ રાખવામાં આવી હતી.

36મી ઇન્ટરનેશનલ જીઓલોજિકલ કોંગ્રેસ આ પ્રસંગને ચિહ્નિત કરવા માટે પ્રથમ દિવસના કવર સાથે ત્રણ સ્મારક ટપાલ ટિકિટો બહાર પાડશે. 58 વર્ષ પહેલા ભારતે ઈન્ટરનેશનલ જીઓલોજિકલ કોંગ્રેસના 22મા સત્રની યજમાની કરી હતી જે એશિયાની ધરતી પર આયોજિત થનારી પ્રથમ IGC હતી.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com