লৈবাক অসিদা হৌজিক-হৌজিক ৱাতর-এরোদ্রোম অনি লৈরি- সর্দার সরোৱর দামদা (স্তেচু ওফ য়ুনিতী) অমসুং গুজরাতকী এহমদাবাদকী সাবরমতি রিভরফ্রন্ততা। অহানবা সীপ্লেন ওপরেশন অদু এহমদাবাদতা লৈবা সাবরমতি রিভরফ্রন্ত অমসুং কেৱাদিয়াদা স্তেচু ওফ য়ুনিতীগী মরক্তা ২০২০গী ওক্তোবর ৩১দা হৌখি। মতুংদা হায়রিবা অসি কোবিদ-১৯ লাইচৎ অমসুং ওপরেশন তৌবগী মরম খরদগী ২০২১গী এপ্রিল ১১দগি সেলেক্তেদ এবরলাইন ওপরেতর (এস.এ.ও.)না লেপখি।

পো্তস, শিপ্পিং অমসুং ৱাতরৱেজ মন্ত্রালয় (এম.ও.পি.এস.দবল্যু.)না সীপ্লেন সার্বিসশিংগি দেবেলপমেন্তকীদমক্তা সিভিল এভিয়েশন মন্ত্রালয়গা এম.ও.য়ু. অমং খুৎয়েক পীনখি। মথক্তা পনখ্রিবা হৌজিক-হৌজিক লৈরিবা ৱাতর-এরোদ্রোম অনি অসিগী মথক্তা, ৱাতর এরোদ্রোমশিংগীদমক্তা অতোপ্পা সাইত ময়াম অমা গুজরাত, অসাম, তেলঙ্গনা, অন্ধ্র প্রদেশ, অন্দমান অমসুং নিকোবার আইলেন্দশিং অমসুং লক্সদ্বীপ আইলেন্দশিং হায়রিবা রাজ্যশিং /য়ু.তি.শিংদা মশক খঙদোকখ্রে। মখাতানা, এম.ও.সি.এ. অসিনা মরী লৈনবা স্তেকহোল্দরশিংগা লোইননা সিপ্লেন ওপরেশনশিং অসিবু চৎনবা য়ানবা থবক লেপ্তনা হোৎনরি।

মসিগী ই-পাউ অসি কেন্দ্রগি পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দা সোনোৱালনা রাজ্য সভাদা অইবা পাউখুম ওইনা পীখি।

*****