এম.ভি. রাম প্রসাদ বিস্মিলনা ব্রহ্মপুত্রাদা থৌখিবা খ্বাইদগী শাংবা জহাজ ওইদুনা পোর্তস, শিপ্পিং এন্দ ৱাতরৱেজ মন্ত্রালয়না পন্দুপ অমা য়ৌবা ঙমখ্রে। মিতর ৯০ শাংবা ফ্লোতিলা অসি মিতর ২৬ পাকই, লোয়ননা মিতর ২.১গী দ্রাফ অমা য়াওই। মসিগা লোয়ননা, ঙসি কোলকতাগী হলদিয়া হীথাংফমদগী অচৌবা কার্গো মুফমেন্তগী অসিগী শীংথানীংঙাই ওইবা পাইলোৎ রন অসি গুৱাহারিগী পন্দু পোর্ততা খাম্লবা মতুংদা মাইপাক্না লোইশিনবা ঙমখ্রে। জহাস অসিনা বার্জ অনিগা লোয়ননা – দি.বি. কলপনা চোলা অমসুং দি.বি. এ.পি.জে. অব্দুল কলাম – হলদিয়াগী স্যামা প্রসাদ মুকর্জী পোর্ত্তগী ফেব্রুৱারী ১৬, ২০২২দা পোর্তস, শিপ্পিং এন্দ ৱাতরৱেজ (পি.এস.দবল্যু.) অমসুং আয়ুশকী কেন্দ্র মন্ত্রী শ্রী সরবানন্দ সোনোৱালনা লমথাখি।

পাইলোৎ রন অসিগী মাইপাকপা অসিনা ইন্দো বাংলাদেশ প্রোতোকপল রুৎ (আই.বি.আর.পি.)গী খুত্থাংদা কোলকতাদগী গুৱাহারি ফাওবগী বার্জিং ওপরেসন হৌনবগী লম্বী য়াৎখি। কন্সাইনমেন্ত অসিদা – জমশেদপুরগী তাতা স্তীলদগী স্তীল রোদ এম.তি. ১,৭৯৩ হাপখিবা – মিতর ২.০গী দ্রাফ অমা মথৌ তাখি। পুৱারী ওইরবা কন্সাইনমেন্ত অসিগী ইঞ্জিনীয়রিংগী হৈশিংবা অসিনা মরু ওইনা আই.বি.পি.আর.গী সিরাজগঞ্জ – দাইকোৱা স্ত্রেৎচগুম্বা অরুবা স্ত্রেৎচশিংদা য়ামদ্রবদা মিতর ২.০গী মিনিম্ম নেবিগেস্নেল দ্রাফ থম্বা ঙমখি। ভারত সরকারনা পপল্স রিপব্লিক ওফ বাংলাদেশকী সরকারগা লোয়ননা অপনবা লৈতবা নেবিগেসন ওইনবগীদমক – মথংশিৎনা ৮০:২০গী রেসিওগা লোয়ননা – স্ত্রেৎচ অসিগী দ্রেদজিংদা ফন্দ থাদখি। ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.) লোয়ননা বাংলাদেশ ইনলেন্দ ৱাতর ত্রান্সপোর্ত ওথোরিতী (বি.আই.দবল্যু.তি.এ.)না পুৱারী ওইরবা কার্গো মুফমেন্ত অসি অপনবা থোক্তনবা পুন্না হোৎনমিন্নখি। প্রধান মন্ত্রী শ্রী নরেন্দ্র মোদীনা ‘ত্রান্সপোর্তেসনগী খুত্থাংদা ত্রান্সফোর্মেসন’ পুরক্নবা থমখিবা বিজন অসি হিংগৎহন্নবা অমসুং থৱায় হাপচিন্নবা সরকার অসিনা  দ্রেদজিংগী পোৎলুম পুখি অমসুং জহাজ অসিগী খোঙচৎতা অশোই-অঙাম য়াওহনখিদে। শ্রী সরবানন্দ সোনোৱালনা  এন.দবল্যূ. ১ অমসুং এন.দবল্যু. ২গী মরক্তা তৌবা মুফমেন্ত অসিদা মরু ওইবা মীৎয়েং চংনবা দিবেলপমেন্ত পুম্নমক কুপ্না য়েংশিনখি অমসুং স্ত্রেৎচ অসিগী তোঙান-তোঙানবা লমশিংদা আই.দবল্যু.এ.আই.না পাইখৎপা দ্রেদজিংগী থবক য়েংশিনখি।

দিল্লীদগী ৱা ঙাংলদুনা কেন্দ্র মন্ত্রী শ্রী সোনোৱালনা হায়খি, “ঐখোয়গী প্রধান মন্ত্রী নরেন্দ্র মোদীজীগী বিজন অসি ভারতকী গ্রোথ ইঞ্জিন্দা শক্তি পীনবা অৱাংনোংপোক্কী অশতালক্ষ্মিগী মতিক-ময়াইদা শাহৌ পীবনি। মহাক্কী বিজন ‘ত্রান্সপোর্তেসনগী খুত্থাংদা ত্রান্সফোর্মেসন পুরকপা’ হায়বা অসিগী মখাদা ঐখোয়না রিজন অসিদা ৱাতর ত্রান্সপোর্ত থৱায় হাপ্নবা চোকথবা লৈতনা হোৎনখি। মসি খ্বাইদগী শেল চংদবা অমসুং ইকোলোজিকেল্লী খ্বাইদগী ফবা ত্রান্সপোর্তেসনগী পাম্বৈ অমা ওইবা খক্তা নত্তনা মসিনা মালেমগী শরুকশিংগা লোয়ননা অৱাংনোংপোকপু মেরিন নেৎৱার্ক্কী খুত্থাংদা বিজিনেসতা কন্নেক্ত তৌনবা মতম শাংনা ঙাইরকপা অদু ওইথোকহল্লি। ব্রহ্মপুত্রেদা থৌরকপা খ্বাইদগী শাংবা জঝাজ অসিগী পাইলোৎ রন অসিনা ঙসি পন্দুদা মাইপাক্না থুংবা ঙমখিবা অসিগা লোয়ননা স্ত্রেৎচ কয়াদা লৈরিবা শীংনবা কয়া অদুগী ওইবা য়াবা রুৎ অমা পুথোকখিবা তীম অসিনা হোৎনবদগী মসি ওইথোকপা ঙমখি হায়বা ঐখোয়না মশক খঙবা তাই। ঐখোয়না অসামদা ৱাতর ত্রান্সপোর্তগী বিজিনেস ভাইএবিলিতী পুরক্নবা অমসুং অৱাং নোংপোক ভারতকী শেন্মীৎলোনগী লম্বী ওইনা ব্রহ্মপুত্রাগী মরু ওইবা অসি শাহৌ পীনবা লেপ্পা লৈতনা হোৎনখি।”

খঙজিনবা য়াবদি হৌখিবা শেনবা চহি অনিগী হায়বরি এফ.ৱাই. ২০১৯-২০ অমসুং এফ.ৱাই.২০২০-২১দা ধুব্রি অমসুং পন্দু স্ত্রেৎচ অসিগী মরক্তা খ্বাইদগী তানা ফংখিবা অরুবা অসি ব্রহ্মপুত্রাদা মিতর ২.২ ওইখি। অনৌবা এল.এ.দি. রিপোর্তকী মতুং ইন্না মসিগী অরুবা অসি মখা তানা হন্থরক্লি অমসুং জনুৱারী ২০২২দা মিতর ১.৫তা চাউনা হন্থখি। চিলমরিদগী দাইখ্বা ফাওবা মথৌ তাবা অরুবা অসি মিতর ২.২নি হায়না বি.আই.ত.দবল্যু.এ.না কনফর্ম তৌখি।

অসামগী শেন্মীৎলোনগী পুৱারীগী অহোংবা পুরকপগী মীকুপ অসিদা তৌবীমল খঙবা উৎলদুনা, শ্রী সোনোৱালনা হায়খি, “অসামগী মীয়ামগীদমক্তা, ব্রহ্মপুত্রা অসি লাইফলাইন ওইরি। মসি প্রধান মন্ত্রীনা খঙবীদুনা মহাক্না পাকশন্না লৈবা, শেন্মীৎলোন অমসুং অকোইবদা অকাইবা পীদবা পাম্বৈ অমগী খুত্থাংদা ইকোলোজিকেল্লী সেন্সিতিব ওইবা লমদম অসিগী শাহৌ পীবদা মীৎয়েং থমখি। ঐহাক্না প্রধান মন্ত্রীবু মহাক্না থৱায় য়াওনা থৌরাং অসিদা মতেং পীখিবগীদমক থাগৎচরি। খোঙথাং অসি ওইথোকপদা শরুক তমখিবা বাংলাদেশ সরকারবুসু ঐখোয়না থাগৎফম থোকই। মীয়ামগী মীহুৎ শিন্দুনা, ত্রান্সপোর্তেসনগী খ্বাইদগী ফবা পাম্বৈশিংগী মনুংদা অমা ওইরিবা অসিগবু হিংগৎহনবদা ঐখোয়গী লোয়ননা পার্তনর তৌবা অমসুং নাকল অনিমক্কী কান্নবা অমসুং শেন্মীৎলোন শাহৌ পীনবা খুদোংচাবা অমা ফংহল্লিবা অসিগীদমক ঐহাক্না তৌবীমল খঙবা উৎচরি। শীংনবশিং অসি য়েংলবদি, অসামগী মুখ্য মন্ত্রী দা. হিমন্তা বিস্বা সর্মগী মতেং য়াওদ্রবদি মসি মাইপাকপা ঙম্লমলোই অমসুং মসিগীদমক ঐহাক্না মঙাকপু থাগৎচরি। ঐহাক্না নোংচুপ বেঙ্গোল অমসুং বিহারগী সরকারশিংবু মখোয়না পাইলোৎ মুফমেন্ত অসি মাউপাকহনবদা মতেং পাংখিবগীদমক থাগৎচরি। ঐহাক্না ইঞ্জিনীয়র, তেক্নোক্রেৎকী তীমগী পাইওনীয়র ওইবা থবক অসি অমদি শীংনবা অসি কোকহন্নবা অমসুং লম্বী অমা পুথোক্নবা হোৎনবদা শরুক য়াখিবা মীপুম খুদিংমকপসু থাগৎচরি। ঐখোয়না মাইপাকপগী মাইকৈদা চংশিনবা অমসুং ইনলেন্দ ৱাতরৱেজ অসিবু অসাম অমসুং অৱাং নোংপোক ভারতকীদমক শেন্মীৎলোন চাউখৎহন্নবগী লাইফাইন অমা ওইহনবদা নখোয়না মখা তানা মতেং পীনবীগনি হায়না ঐখোয়না থাজবা থম্লি।”

নীংশিংবা য়াবদি মমাংদা এম.ভি. লাল বহাদুর শাস্ত্রিনা গঙ্গা, নেস্নেল ৱাতরৱে ১ (এন.দবল্যু.১) অমসুং ব্রহ্মপুত্রা, নেস্নেল ৱাতরৱে ২ (এন.দবল্যু.২)গী মরক্তা পাইলোৎ মুফমেন্ত কার্গো অমা পতনাদগী পন্দু ফাওবা ফুদ কোর্পোরেসন ওফ ইন্দিয়া (এফ.সি.আই.)গী চেং-হৱায় এম.তি. ২০০কী কন্সাইনমেন্ত অমা পুদুনা মাইপাক্না চৎখি। মসিগী মথক্তা মমাংদা এন.দবল্যু.২দা আই.বি.পি.আর.গী খুত্থাংদা নুমালিগর রিফাইনরীগী ওভর দাইমেনস্নেল কার্গো (ও.দি.সি.) অমসু পুখি।

****