কোবিদ-১৯গুম্না ক্রাইসিস খুদিংমক খুদোংচাবা অমদা ওন্থোকপা য়াই। কোবিদ-১৯ অসি চাওরবা ক্রাইসিস অমনি অমসুং ‘চহিচা অসিগী খ্বায়দগী চাওবা’ ক্রাইসিস্না খুদোংচাবা অমদা ওন্থোকখ্রে, হায়রিবা অসিদা ঐখোয়গী নুপামচা অমসুং নুপীমচাশিংনা অনৌবা পাম্বৈগা লোয়ননা থোক্লক্লি হায়না কম্মর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইসকী কেন্দ্রগী মন্ত্রী শ্রী পিয়ুশ গোয়লনা বেঙ্গালুরুদা ই.তি. স্তার্তঅপ এৱার্দতা হায়খি।

শ্রী গোয়লনা হায়খি কনাগুম্বা অমনা হৌজিক চৎথরিবা লালগী ক্রাইসিস অসিগুম্বা ফাওবদা খুদোংচাবা কয়া অমা ফংবা য়াই। হৌজিক তৌরিবা য়ুক্রেন-রসিয়া ক্রাইসিস অসিনা ক্রুদ ওইল অমসুং দিফেন্সকী খুলায়শিংদা মপাল তাংগদবা নত্তে, মসিনা ঐখোয় পুম্নমক মিকপ থোকহন্নবা থোক্লকপনি। মহাক্না স্তার্তঅপশিংবু ভারতনা ইনর্জীগী তঙাইফদবশিংদা মরোমদোম লেপচবা ঙম্নবগী মতেং পাংনবা হায়খ্রে। স্তার্তঅপ খরনা দিফেন্সকী খুলায়শিংদা লাকশিনবা ঙম্নবা অনৌবা পাম্বৈ কয়া অমা য়েংলি। মহাক্না মসিসু হায়খি মদুদি হৌজিক ওইরিবা ফিভম অসি চহি ৮গী মমাংদা হৌদোকখিবা প্রোগ্রাম, - আত্মানির্ভর ভারতকী লৌখৎখিবা খোঙথাং, অমসুং কোবিদ-১৯ থোকলকপা, পুম্নমক অসি পুনশিন্দুনা ভারতপু চাউখৎপগী লিকলমদা মতেং পাংদুনা য়াম্না ফজনা চান্নরি। মহাক্না ই.তি.গী এজিক্যুতিব ইদিতর উনবা মনুংদা, শ্রী গোয়লনা স্তার্তঅপশিংনা হৌজিক থেংনরিবা অৱাবা কয়া কোক্নবগী পাম্বৈ পুথোক্নবগী লিস্ত কয়া অমা উৎখি।

মন্ত্রীনা স্তার্তঅপশিংদা থাজবা পীখি মদুদি সরকারনা মখোয়গী অপাম্বশিং তারি অমসুং মসিগীদমক ২৪X৭ থোঙ হাংলি।

বেঙ্গালুরুগী ত্রাফিক্তা থেংনরিবা অৱাবা অসিগী মরমদা পল্লদুনা, শ্রী গোয়লনা স্তার্তঅপশিংদা ত্রাফিকশিং কোমহন্নবা পাম্বৈশিং পুথোক্নবা হায়খি।

মমাং নুমিদাংগী থৌরম মনুং ইন্তরেক্সন সেসনগী মাংওইননা, রেলৱে মন্ত্রী শ্রী অশ্বিনী বৈষ্ণবনা এৱার্দ য়েন্থোকখি অমসুং মীতিন অসিদা ৱা ঙাংখি। মহাক্না হায়খি মদুদি সেমিকন্দক্তর পোলিসীনা স্তার্তঅপকী মতেং পাংলি।

ইকোনোমিক তাইস স্তার্তঅপ এৱার্দ অসি  কেতগরী মাপলদা য়েন্থোক্লি, - স্তার্দঅপ ওপ দ ইয়ার, মিদাস তস, ৱুমেন এহেদ, কমবেক্ত কিদ, বেস্ত এন কেম্পস, সোসিএল এন্তরপ্রাইস, তোপ ইন্নোভেতর, বুতস ত্রেপ চেম্প অমসুং কোবিদ-লিদ ব্যুজিনেস ত্রান্সফোর্মেসন অসিনি।

***