উপ রাস্ত্রপতি, শ্রী এম. ভেঙ্কাইয়া নাইদুনা ঙসি ত্রেদিস্নেল নোলেজ সিস্তেমশিং হায়বদি ওর্গানিক ফার্মিং অমসুং মেদিকেল সিস্তেমশিং অমসুং ‘ঐখোয়গী ইন্তেলেকচুএল কেপিতেল অমুক হন্না পুথোকপা’ হায়রিবা অসি সিস্তেমেতিক ওইবা মওংদা সাইন্তিফিক রিসর্সকীদমক পুক্নিং থৌগৎনবা য়ুনিবর্সিতীশিংদা হায়খ্রে।

শ্রী নাইদুনা, লেঙদবা চাউখৎ থৌরাংদা মিৎয়েং থম্বা অনৌবা প্রাইমারী তেক্সবুক পুথোকপগী মথক্তা, সেকেন্দরী অমসুং সেনিয়র সেকেন্দরী স্কুলগী সবজেক্তা বোকেস্নেল ত্রেনিং হৌদোকখিবা, ওর্গানিক ফার্মিংদা লমজিংবা অমা ওইরিবা, সিক্কিম্বু থাগৎপা ফোংদোকখ্রে।

উপ রাস্ত্রপতিনা সিক্কিমদা খাঙচেন্দজোঙ্গা স্তেত য়ুনিবর্সিতীগী উরেপ উয়ুং ভর্চুএল ওইনা তমখ্রে। নুমিৎ মরিনিগী মিজোরাম অমসুং সিক্কিমগী খোঙচৎতা লৈরিবা, শ্রী নাইদু, ঙসি গাংতোক্তা থুংখ্রে।   

হিরম খুদিং য়াম্না থুনা চাউখৎ থৌরাংদা য়ুনিবর্সিতীগী লৈরিবা মরুওইবা থৌদাংশিং পীরদুনা, শ্রী নাইদুনা হায়খি মদুদি ‘অফবা অৱাংবা থাক্কী মহৈ-মশিংগা লোয়ননা, সিক্কিম্না লেঙদবা চাউখৎপগীদমক মহৈ-মশিংবু মরুওইবা পীবদা মাংজিল থাবা ওইবা য়াই’।  

শ্রী নাইদুনা হায়খি মদুদি মফম অসিগী য়ুনিবর্সিতীশিংনা ইন্দস্ত্রী অমসুং লোকেল ইন্সতিত্যুসনশিংগা মরী শেমগৎতুনা মফম অসিগী অখন্নবা ওইরিবা থেংনরিবা অৱাবশিং কোকহন্নবা অনৌবা পাম্বৈশিং দিজাইন তৌগদবনি। “অতোপ্পা ৱাহৈ অমদা, গ্লোবেল ওইনা খনবিয়ু অদুবু লোকেল ওইনা থবক পাংথোকপিয়ু”, হায়না মহাক্না মহৈরোইশিংদা মফম অসিগী ইকো-তুরিজম, হোর্তিকলচর অমসুং হেন্দিক্রাফকী ওইবা মহৌশাগী লৈরিবশিংগী খুদোংচাবা লৌনবা অমসুং খ্বাইদগী অথোইবা ওইনবা হোৎননবা কন্না তকশিনখি।     

ভারতকী এজুকেসনগী সেক্তরদা কোবিদ-১৯ লায়চৎনা পীবা শাফু পল্লদুনা, শ্রী নাইদুনা হায়খি মদুদি অহোংবা লাক্লিবা মার্কেত দিমান্দশিংদা এজুকেসন্না লেপতুনা লৈথোকপা য়ারোই অমসুং অনৌবা পুথোকপা অমসুং চুশিন্নবা কৌবা য়ারোই।  

মহৈ-মশিংগী দিজিতেলগী মচাকশিংনা মতম চুপ্পগী ওইরগদবা অসিদা মিৎয়েং থম্লদুনা, শ্রী নাইদুনা খুঙ্গংগী মহৈরোইশিংদা মহৈ তম্বগী খুদোংচাবশিং হেন্না ফংহন্নবা অমসুং হোংনা ফংহন্নবগীদমক তেক্নোলোজীবু পুম্নমক্তা ফংহন্নবা হায়রি। মহাক্না কেন্দ্র অমসিং রাজ্য সরকারশিংদা লোকেল অমসুং রিজনেল লোলশিংদা অফবা দিজিতেল কন্তেন্ত হেন্না ফগৎহন্নবা হায়খি।   

লায়চৎ অসিনা ফিজিকেল এজুকেসনগী মরুওইবা উৎলি হায়বা পল্লদুনা, শ্রী নাইদুনা এজুকেতরশিং অমসুং মমা-মপাশিংদা মহৈরোইশিংবু রিগুলার ফিজিকেল এক্তিবিতীশিংদা শরুক য়াহন্নবা পাউতাক পীখি। মহাক্না মখা তাখি মদুদি মহৈরোইশিংবু মহৌশাগী ওইবা অকোইবদা মতম খরা শান্ননবা পুক্নিং থৌগৎপিগদবনি।  

উপ রাস্ত্রপতিনা অনিং অপাম্বসু ফোংদোকখি মদুদি ‘একাদেমিক করিকুলা লেপ্পা লৈতনা অপদেৎ তৌগদবনি অমসুং অপগ্রেদ তৌগদবনি অমসুং মহৈরোইশিংবু অহোংবা লাক্লিবা মার্কেতকী দিমান্দ অমসুং অনৌবা মুক্নবশিং মাইয়োক্নবা হৈ-শিংবা পীগদবনি। কোর্সশিংদা কোমথোকপা অমসুং শক্তি পীনবা হায়রদুনা, ‘অনৌবা পুথোকপা হায়বা অসিনা মরুওইংনা অৱাংবা থাক্কী মহৈ-মশিংদা ৱাত্সৱার্দ ওইহনগদবনি, মাংলোম চংশিনগদবনি’, হায়না মহাক্না মরুওইবা পীদুনা হায়খি।

অৱাংবা থাক্কী মহৈ-মশিংদা সিক্কিম্না হোৎনরিবা অসি থাগৎপা ফোংদোক্লদুনা, শ্রী নাইদুনা হায়খি মদুদি রাজ্য অসি গ্রোস এনরোলমেন্ত রেসিও (জি.ই.আর.)দা ৭৫.৮% লৈদুনা খ্বায়দগী ৱাংবা থাক্তা লৈরি। শোইদনা এন.ই.পি., ২০২০ শেংনা হাপ্নবা মুখ্য মন্ত্রীনা লুচিংবা সিক্কিম এজুকেসন রিফোর্মস কম্মিসন (এস.ই.আর.সি.) লিংখৎখিবা অসিদা মহাক্না থাগৎপা ফোংদোকখি। “সিক্কিম্বু এজুকেস্নেল হব অমা অৱাং নোংপোক্তা ওইহন্নবা রাজ্য সরকারনা লৌরিবা থৌদাংশিংদা ঐহাক্না থাগৎপা ফোংদোকচরি”, হায়না মহাক্না হায়খি।

নুমিৎ অসিদা, উপ রাস্ত্রপতিনা হন্দক্তা য়ুক্রেন্দগী চেল্লকখিবা সিক্কিমগী মহৈরোইশিংগী কাংলুপ অমগা উনখি। মহাক্না হরাওবা ফোংদোকখি মদুদি ভারত সরকার অমসুং রাজ্য সরকার অনিগী মরক্তা মতেং পীনদুনা য়াম্না লুরবা তানফমদা লৈরবা মহৈরোইশিংবু সিক্কিম য়ৌরকপা ঙমখি।

মতুংদা, শ্রী নাইদুনা সিক্কিমগী রাজ ভবন্দা ওফিসিএলশিং অমসুং দিগ্নতরী কয়া য়াওনা নেতাজী সুভাশ চন্দ্র বোসকী মুর্তী মাইখুম হাংদোকখি। শ্রী নাইদুনা সিক্কিমগী রাজ্যপালনা য়ুম্বু ওইদুনা হৌদোকপা কলচরেল থৌরম অমদা সিক্কিমগী ফোল্ক ইশৈ অমসুং জগোই উবা ফংখি।

সিক্কিমগী রাজ্যপাল, শ্রী গঙ্গা প্রসাদ, সিক্কিমগী মুখ্য মন্ত্রী শ্রী প্রেম সিংহ তমাং, সিক্কিম সরকারগী মন্ত্রী, শ্রী কে.এন. লেপচা, সিক্কিম সরকারগী মন্ত্রী শ্রী বি.এস. পান্থ, মীয়ামগী মীহুৎশিং, মহৈরোইশিং, প্রোফেসরশিং অমসুং অতোপ্পা দিগ্নতরীশিংনা কে.এস.য়ু.গী উরেপ উয়ুং তম্বা থৌরমদা শরুক য়াখি।   

মখাদা পীরিবা অসি মপুং ফাবা ৱারোলনি:

 “ইচিল ইনাওশিং,

ঐহাক্না ঙসি খাঙচেন্দজোঙ্গা স্তেত য়ুনিবর্সিতী (কে.এস.য়ু.)গী উরেপ উয়ুং তম্বদা য়াম্না নুঙাইবা ফাওজৈ। মসি রাজ্য সরকারগী খ্বায়দগী অহানবা য়ুনিবর্সিতীনি অমসুং মসিগী ইন্সতিত্যুসন অসিনা বেঞ্চমার্ক অমা ওইরক্কনি হায়না ঐহাক্না থাজৈ অমসুং অফবা মহৈ মশিং তম্নবগী খুদম অমা ওইরগনি।   

অদোম পুম্বনা খঙবিরিবা অদুনি, য়ুনিবর্সিতীশিং অমসুং অতৈ অতোপ্পা অৱাংবা থাক্কী মহৈ-মশিংগী ইন্সতিত্যুসনশিংনা লৈবাক অমা শেম্বদা য়াম্না মরুওইবা থৌদাং অমা লৌরি অমসুং ভারতপু এজুকেসন সিস্তেমদা হেন্না ৱাংবা থাক্তা থম্লি। মসিগী স্তেত য়ুনিবর্সিতী উরেপ উয়ুং ঙসি তম্বা অসিদা, ঐখোয়না হেন্না য়াইফবা, চাউখৎপা সিক্কিম হায়রিবা অসিদা লেঙদবা চাউখৎ থৌরাংদা মহৈ তম্বনা মরুওইবা খুলায় অমা ওইনবগী অপুনবা উরেপ উয়ুং অমা তম্লিবনি।

ঐহাক্না মসি খঙবদা নুঙাইবা ফাওই মদুদি ওল ইন্দিয়া সর্ভে ওফ হায়র এজুকেসন (এ.আই.এস.ঐচ.ই.) রিপোর্তকী মতুং ইন্না, হায়র এজুকেসন্দা সিক্কিম রাজ্যগী গ্রোস এনরোলমেন্ত রেসিও (জি.ই.আর.) অসি ৭৫.৮% লৈরি, হায়রিবা অসি ভারত পুম্বগী ওইনা খ্বায়দগী ৱাংবনি। সিক্কিম সরকারগী শিংথানিঙাই ওইবা চাউখৎ থৌরাং হায়রগদি মুখ্য মন্ত্রীনা লুচিংদুনা এন.ই.পি. ২০২০ শেংনা হাপনবা সিক্কিম এজুকেসন রিফোর্মস কম্মিসন (এস.ই.আর.সি.) শেম্লি। মসি থাগৎনিংঙাই ওইবা খোঙথাং অমনি অমসুং ঐহাক্না রাজ্য সরকারবু অৱাং নোংপোক লমদমদা সিক্কিম্বু এজুকেস্নেল হব অমা ওইহন্নবা লৌরিবা থৌদাং অসিদা থাগৎপা ফোংদোকচরি।    

ইচিল ইনাওশিং,

নেস্নেল এজুকেসন পোলিসী (এন.ই.পি.), ২০২০ অসি এজুকেসন সেক্তরদা মপুং ওইনা মপাঙ্গল কনখৎহন্নবগী মিৎয়েং শানবা দোক্যুমেন্ত অমনি। মসিনা ২১শুবা চহিচাগী দিমান্দশিং ফংনবা স্কুল অমসুং হায়র এজুকেসন অনিমক শেমদোকপগী মথৌ তারিবা অদু পুরক্নবা হোৎনবনি। এন.ই.পি. ২০২০ অসিনা প্রি-প্রাইমারী অমসুং প্রাইমারী এজুকেসন, বোকেস্নেল এজুকেসন, মহৈ তম্বিবগী মগুন ফগৎহনবা, ওজাশিংগী ত্রেনিং, তেক্নোলোজীগী অনৌব ৱাখল্লোন শিজিন্নবা, কোমথোকপা অমসুং হায়র এজুকেসন্দা হেন্না মতোল লোম্নবা অখন্ননা মরুওইবা পীবনি। মতিক চাবা পোলিসী অসিনা অমত্তা ঙাইরবা অহানবা খোঙথাংনি। মসিদা লুরিবদি মতৌ করম্না ঐখোয়গী এজুকেস্নেল ইন্সতিত্যুৎশিংদা এন.ই.পি. কয়াম ফজনা হাপ্পা হমগদগে হায়বা অসিনি।   

রাজ্যশিংনা এন.ই.পি. ২০২০ অসি পান্দম অমগা লোয়ননা তাকপি-তম্বিবগী ইকোসিস্তেমদা অওনবা পুরক্নবা হাপকদবনি অমসুং পাম্লিবশিং ফংনবা হোৎনগদবনি। ঐহাক্না মসি খঙবদা নুঙাইবা ফাওই মদুদি সিক্কিম্না হান্ননা এন.ই.পি.গী প্রোবিজনশিং নিংথিনা হাপননবা খোঙথাং কয়া অমা লৌখৎখ্রে অমসুং কে.এস.য়ু.গী পর্মানেন্ত কেম্পস লিংখৎখিবা অসিনা মাইকৈ অসিদা অতোপ্পা খোঙথাং অমা ওইরগনি।

ইচিল ইনাওশিং,

ঐহাক্না অখন্ননা মসিগী স্তেত য়ুনিবর্সিতী অসি শঙ্গাবদা নুঙাইবা ফাওজৈ মরমদি এজুকেসন অসি অৱাং-নোংপোক্কী মফমদা হিরম খুদিংদা য়াম্না থুনা চাউখৎনবগী খ্বায়দগী মতিক চাবা খুলায় ওইবা য়ানা লৈরি।

মফম অসিগী নহাশিংগী ওইনা, য়ুনিবর্সিতীনা মখোয়গী লৌশিং হেন্না তানবদা য়াম্না চাউবা খুদোংচাবা অমা পীবা অমসুং ২১শুবা চহিচাগী তঙাইফদনা চংলিবা অদু ফংনবা অনৌবা হৈ-শিংবা তানশিনবনি। মখোয়গী শরুক্তা, নহাশিংনা মখোয়দা পীরিবা খুদোংচাবশিং মপুং ফানা কান্নবা লৌগদবনি অমসুং মখোয়না খল্লিবা দোমেনশিংদা মকোক তান্নবা হোৎনগদবনি। মফম অসি মহৌশাগী ওইবা হায়বদি ইকো-তুরিজম, হোর্তিকলচর অমসুং হেন্দিক্রাফকী খুদোংচাবা য়াম্না লৈরি। মখোয়দা অখন্নবা থাজবা অমা পীবা মথৌ তাই। মফম অসিগী নহাশিংগী হৈ-শিংবা অসি পুথোক্তুনা অমসুং মীয়ামশিং থবক পীদুনা, রাজ্য অসিগী মীয়ামদা হায়নিংঙাই লৈতনা কান্নবা পীরগদবা লেঙদবা ব্যুজিনেস মোদেলশিং শাগৎপা ঐখোয়না তঙাইফদনা চংলি।  

অসিগুম্বা য়ুনিবর্সিতীশিং অসি হেন্না ফবা রিসর্সকীদমক পুক্নিং থৌগৎনবা ভারত অমসুং মালেমগী অতৈ মফমশিংদা লৈরিবা মমিং লৈরবা একাদেমিক ইন্সতিত্যুসনশিং খরগা মতেং পাংনগদবনি। একাদেমিক্কী থৌওংশিংদা মিৎয়েং চাউনা থম্বনা, য়ুনিবর্সিতীশিংনা শোইদনা ইন্দস্ত্রী অমসুং লোকেল ইন্সতিত্যুসনশিংগা মরী শেমগৎতুনা মফম অসিদা অখন্নবা ওইরিবা থেংনরিবা অৱাবশিংগী অনৌবা পাম্বৈ অমা দিজাইন তৌগদবনি। অতোপ্পা ৱাহৈ অমদা, গ্লোবেল ওইনা খনবিয়ু অদুবু লোকেল ওইনা থবক তৌবিয়ু।

অরোইবদা, য়ুনিবর্সিতীশিং ত্রেদিস্নেল নোলেজ সিস্তেমদা রিসর্স তৌবদা পুক্নিং থৌগৎকদবনি, খুদম ওইনা ওর্গানিক ফার্মিং অমসুং মেদিকেল সিস্তেম – সিক্কিমগী ওইনা সোৱা রিগপা।  ৱাখল্লোন অসি ঐখোয়গী ইন্তেলেকচুএল কেপিতেল হন্না পুথোকপা অমসুং অপুনবা ওইনা লৌশিংদা য়ুম্ফম ওইদুনা সিস্তেমেতিকেলী অমসুং সাইন্তিফিকেলী শেমগৎকদবনি। 

হিরম অসিদা, মসি খঙবদা নুঙাইবা ফাওই মদুদি সিক্কিম, ওর্গানিক ফার্মিংদা লমজিংবা অমা ওইরিবা, অসিনা সেকেন্দরী অমসুং হায়র সেকেন্দরী পুম্বদা বোকেস্নেল ত্রেনিং হৌদোকখ্রে। ঐঙোন্দা খঙহনবিখি মদুদি সিক্কিম্না লেঙদবা চাউখৎ থৌরাংদা মিৎয়েং থম্বা অনৌবা প্রাইমারী তেক্সবুকশিং শিজিন্নখ্রে।  হায়র এজুকেসন সিস্তেমদা অফবা রিসর্সকী খুদোংচাবা শেমগৎখিবগা লোয়ননা, সিক্কিম্না এজুকেসনবু লেঙদবা চাউখৎ থৌরাংগী মরুওইবা অমা শেম্বদা মাংজিল থারি।

ঐহাক্না মসি খঙবদা য়াম্না নুঙাইজৈ মদুদি রাজ্য সরকারনা ৱেস্ত সিক্কিমগী চাকুংদা য়ুনিবর্সিতী ওফ এক্সেলেন্স অমা লিংখৎখ্রে অমসুং মসিবু নেতাজী সুভাশ চন্দ্র বোসতা খুৎশিন্নখ্রে। মসিগী য়ুনিবর্সিতী ওফ এক্সেলেন্স অসিনা ফ্লোরা অমসুং ফৌনা, মীয়াম, মখোয়গী কলচর অমসুং হেরিতেজকী লৌশিংগী পুক্কৈ ওইরগনি। মসিনা সিক্কিমগী থায়নগী পোৎলমশিং অহিংবা ওইনা থম্লগনি অমসুং লাক্কদৌরিবা মীরোল কয়াগী য়াইফবা অমা ওইরগনি। মসি নিং-খা তম্বগী ৭৫শুবা চহিদা, লৈবাক পুম্বনা অজাদি কা অমৃত মহোৎসব পাংথোক্লিঙৈ মতম অসিদা নেতাজীদা ইকাই খুম্নবা পীবদা মতিক চাই।

ইচিল ইনাওশিং,

কোবিদ-১৯ লায়চৎ অসিনা এজুকেসন সেক্তরদা য়াম্না চাউনা অকাইবা পীরি হায়রিবা অসিদা স্কুলশিং অমসুং কোলেজশিং মতম শাংনা লোন্দুনা, মহৈ-মশিং তম্বা অসি নম্দুনা ওনলাইন্দা চৎথরি। সিক্কিম রাজ্য, হায়রিবা অসি খুদোংচাদবা মফম ওইবা অমসুং নেতৱার্ক শম্বা ৱাবনা, ওনলাইন এজুকেসন্দা মখল কয়াগী অৱাবা থেংনরি। অদুম ওইনমক, ঐহাক্না মসি খঙবদা নুঙাই মদুদি রাজ্য অসিনা মহৈদা পুৎথহৌবা মেনখৎনবা ওনলাইন ক্লাসশিং চৎথরি অমসুং য়ুমদা স্কুলশিং হাংদোক্লি। ঐহাকপু অমুকসু রাজ্য অসিনা সেনিয়র মহৈরোইশিমগীদমক কৎথোক্লবা এপ অমা হৌদোকখ্রে অমসুং ওজাশিংগীদমক ত্রেনিং ভর্চুএল ওইনা ত্রেনিং হৌদোকখ্রে হায়না তাকপিরি। হায়রিবা অসি তশেংনা থাগৎনিঙাই ওইবা হোৎনবনি।  

হৌজিক, ভেক্সিন দোজ করোর ১৮০গী মথক্তা কাপথোকখ্রে অমসুং লৈবাক অসিদা কোবিদ-১৯গী কেসশিং হন্থরক্লে, এজুকেস্নেল ইন্সতিত্যুৎ কয়া অমা ফিজিকেল ক্লাস য়াওনবা মহৈরোইশিংগীদমক হাংদোক্লে।  

ঐখোয়না ক্লাসরুমদা অমুক হন্না চংলকপা অসিগা লোয়ননা – হায়ব্রিদ মোদ কয়া অমগী খুত্থাংদা, ঐখোয়না হান্ননা লৈখিবা সিস্তেমদা লাকপা মরু ওইরি। ঐখোয়না লায়চৎ মনুংদা থেংনখিবা স্ত্রকচরেলগী অশোনবা অদু খঙনবা হোৎনগদবনি অমসুং অনৌবা পাম্বৈ অমা পুথোক্কদবনি।

খুদম ওইনা, এজুকেসনগী দিজিতেল ওইবা মচাকশিং থমগদবনি। ঐখোয়না মসিগীদমক তঙাইফদবা তেক্নোলোজী পুম্নমক্তা য়ৌহনগদবনি – হেন্না হোংবা ইলেক্ত্রোনিক দিভাইস, হেন্না য়াংবা ইন্তর্নেত শম্বা অমসুং দিজিতেল পোর্তেলশিং হৌফম হাংদোকপা, মসিনা মরম ওইদুনা খুঙ্গংগী মহৈরোইশিংদা মহৈ হেন্না তম্বা ফংহনবা অমসুং শিজিন্নবা ঙম্বগী খুদোংচাবা ওইহনগদবনি। ভারতকী লোলশিংদা দিজিতেল য়াওবা অসিসু হৌজিক লৈরে। কেন্দ্র অমসুং রাজ্য সরকারনা লোকেল অমসুং রিজনেল লোলশিংদা অফবা দিজিতেল কন্তেন্তগী চাউখৎনবা হোৎনগদবনি।

মসিগা মান্ননা, লায়চৎ অসিনা এজুকেসনগী মরুওইবা শরুক অমা ওইরিবা – হায়বদি ফিজিকেল এজুকেসনগী মরুওইবসু উৎলি। এক্সপর্তশিংনা ফোংদোক্লি মদুদি মহৈরোইশিং ফিজিকেল এক্তিবিতী নত্ত্রগা মীয়ামগা উনদনা মতম কুইনা ফাজিন্দুনা লৈবনা মখোয়গী ৱাখল অমসুং হকচাংদা য়াম্না চাউবা শাফু অমা পীরি। ঐখোয়না ওফলাইন ক্লাসরুমদা হল্লকপগা, এজুকেতর অমসুং মমা-মপাশিংনা মখোয়গী মহৈরোইশিং মতিক চানা ফিজিকেল এক্তিবিতীশিং শোইদনা তৌহনগদবনি। মহৈরোইশিং মতম খরা অহাংবা মফমদা কোইথোকহনগদবনি। ঐখোয়না মসিগী মরুওইবা অসি শিজিন্নদুনা লায়চৎকী মনুংদা থেংনখিবা এজুকেসন অদু লৌথোকখিগদবনি।    

লায়চৎ অসিনা ঐখোয়দা খুদক্তা লাকপা অমসুং থাজদবা ফিভমশিং কয়া চুশিন্নবা ঙম্নবা মরুওইবা অমসু তম্বিরি। মসি ঐখোয়গী এজুকেসন সিস্তেম, হায়বদি লেপতুনা লৈবা য়াদবা অসিদা মমি তাহনগদবনি। ঐখোয়না লেপ্পা লৈতনা ঐখোয়গী করিকুলা অপদেৎ অমসুং অপগ্রেদ তৌগদবনি অমসুং মহৈরোইশিংবু অনৌবা মুক্নবশিং মাইয়োক্নবা ঙম্নবা হেন্না হৈ-শিংবা তম্বিগদবনি। মহৌরোইশিং খ্বায়দগী অনৌবা তেক্নোলোজিকেল দিবলপমেন্তশিং, অনৌবা থবক্কী থৌদাংশিং অমসুং হোংলক্লিবা মার্কেতকী দিমান্দশিংগী ৱাখল্লোনশিং ফংহনগদবনি। কোর্সশিংসু, দাইনামিক ওইহনগদবনি অমসুং কোমথোক্কদবনি। অনৌবা পুথোকপা হায়বা অসিনা মরুওইনা হায়র এজুকেসন্দা ৱাতচৱার্দ ওইগদবনি, মাংলোম চংশিনগদবনি।      

ইচিল ইনাওশিং,

সিক্কিম অসি ময়েক শেংনা এজুকেসন্দা পুক্নিং থৌগৎনা হোৎনরি অমসুং ঐহাক্না মসি লাক্কদৌরিবা চহি খরা অসিদা মায় পাকপা ওইরসনু হায়না থৌনিজরি। লৈবাক অসিগী এন.আই.আর.এফ. (নেস্নেল ইন্সতিত্যুৎ রেঙ্কিং ফ্রেমৱার্ক)গী মকোক্তা লৈবা ইন্সতিত্যুসন ১০০গী মনুংদা অৱাং নোংপোক লমদগী য়ামদ্রবদা য়ুনিবর্সিতী ১০ লৈহনবা হায়বা অসি ঐহাক্কী তশেংনা পামজবা অমনি। হায়রিবা অসি অথুবা মতমদা ওইথোক্কনি হায়না ঐহাক্না থাজৈ অমসুং সিক্কিম্বু মসি ওইরক্নবা ঐহাক্না য়াইফ পাউজেল পীজরী।

অমুক হন্না, মসিগী য়ুনিবর্সিতী অসিগী উরেপ উয়ুং তম্বদা ঐহাক্না য়াম্না নুঙাইবা ফাওজৈ। য়ুনিবর্সিতী অসিনা তুংদা অহেনবা তাল্লকপদা খ্বায়দগী ফবা ওইরসনু হায়না পাউজেল পীজরি।

খুরুমজরী। জয় হিন্দ!”

*****