ভারতকী শান্নরোইশিং অমদি তীমশিংবু ত্রেনিং পীনবা অমদি মালেমগী তোর্নামেন্তশিংদা শরুক য়াহনবা য়াওনা তোঙান তোঙানবা শান্না –খোন্নবগী থবকশিংগীদমক ভারত সরকারনা মহাক্কী স্কীম ওফ এসিস্তেন্সকী মখাদা নেসনেল স্পোর্তস ফেদেরেসনশিং (এফ.এস.এফ.শিং)দা শেলগী ওইবা তেংবাং পীদুনা লাক্লি৷ য়ুথ এফিয়র্স অমসুং স্পোর্তস মন্ত্রালয়না ২০২২গী মার্চ ১দগী তেংবাং পীবগী চৎন-কাংলোনশিং  য়েংশিনখ্রে৷

হৌজিক য়েংশিল্লিবা চৎন-কাংলোনশিং অসি ২০১৫গী নবেম্বর  থাদগী চৎনরকপা হৌখিবনি, মরম অদুনা ঐখোয়গী শান্নরোইশিংগী দিবেলপমেন্তদা অমদি মাই পাকপা পুরকপদা তঙাই ফদনা চংলিবা তোঙান তোঙানবা থবক-থৌরমশিংগী ওইনদি মতিক চাদে হায়না য়ুথ এফিয়র্স অমসুং স্পোর্তস মন্ত্রী শ্রী অনুরগ থাকুরনা ফোংদোকখি৷ লৈবাক অসিদা শান্ন-খোন্নবগী হিরমদা খোংলৈ থুনা খুমাং চাওশিনবা ঙম্নবগী থবক থৌরমশিংগী মরু ওইবা এস্পেক্তশিং কবর তৌনবা হৌজিক্তি অচৌবা মীৎয়েং অমা থমখ্রে হায়নসু মহাক্না ফোংদোকখি৷ খন্ন-নৈনদুনা থমখ্রবা মরু ওইবা এস্পেক্তশিং খুদম ওইনা নাম্মা শোইরবা শান্নরোইশিংবু সপোর্ত তৌবিবা, লৈবাক অসিদা ইন্তরনেসনেল তোর্নামেন্তশিং শিনবিবা, ভারতকী কোচশিংনা খ্বাইদগী নৌবা ত্রেনিং ফংহন্নবা মহাক্না অখন্ননা পনখি৷

রিভাইস তৌরবা নোর্মশিংগী মখাদা, নেসনেল চেম্পিয়নশিপ পাংথোক্নবগীদমক হাই প্রাইয়োরিতী, প্রাইয়োরিতী অমদি ইন্দিয়ন ত্রেদিসনেল স্পোর্তসকী ওইনা পীরিবা ক্বান্তম ওফ এসিস্তেন্স অসি লুপা ৫১দা হেনগৎখ্রে অমদি মমাংগী মতমদা ‘অদর্স’ হায়না খঙনরম্বা জেনেরেল কেতিগোরী স্পোর্তসকী ওইনা লুপা লাখ ৩০দা হেনগৎখ্রে৷ মমাংগী মতমদা, নেসনেল চেম্পিয়নশিপকী ক্বান্তম ওফ এসিস্তেন্স অসি লুপা লাখ ২২ ওইখি৷ নাম্মা শোইরবা শান্নরোইশিংবু থেংনরিবা এন.এস.এফ.শিংগী ওইনদি, কাংলুপ খুদিংমক্তা দিসিপ্লিন খুদিংমক্কী ওইনা নেসনেল চেম্পিয়নশিপ পাংথোক্নবগীদমক লুপা লাখ ১৫গী প্রোবিজন হাপখ্রে৷

কাংলুপ খুদিংমক্কী শান্নরোই পুম্নমক, সেনিয়র, জুনিয়র অমসুং সব জুনিয়রশিং ওইরবসু  কোচিং কেম্পশিং/কম্পিতিসনশিং য়াওনবগীদমক প্লেন তোংদুনা চৎপগী অয়াবা পীখ্রে, খোংচৎ অসি পুং ১০দা কি.মি. ৫০০ হেন্না চৎকনি৷

নেসনেল কেম্পরশিংগীদমক শান্নরোই অমদা চহি অমদা অমুক্তং পীবা জেনেরেল স্পোর্তস ত্রেনিং কিৎকী (ত্রেক স্যুইতশিং, তি-শর্তশিং, শোর্তশিং, ৱার্ম অপ তৌবগী খোংউপশিংগুম্বা) এলাউৱেন্স অদু মমাংদা শান্নরোই অমদা লুপা ১০,০০০ পীরম্বদগী শরুক অনি হেনগৎতুনা শান্নরোই অমদা লুপা ২০,০০০ পীখ্রে৷

লৈবাক অসিদা ইন্তরনেসনেল তোর্নামেন্তশিং শিনবদা এন.এস.এফ.শিংবু পুক্নিং থৌগৎনবগীদমক, ইন্তরনেসনেল তোর্নামেন্তশিং পাংথোকপগী ক্বান্তম ওফ এসিস্তেন্স অদু মমাংগী মতমদা লুপা লাখ ৩০ পীরম্বদগী লুপা কোতি ১.০০দা হেনগৎলকখ্রে৷

মপান লমদা পাংথোকপা ইন্তরনেসনেল ইভেন্তশিংগীদমক মেনেজরশিং অসি হৌজিক্তি ইন্দিয়ন কন্তিঞ্জেন্তকী শরুক অমনি হায়না লৌরগনি৷ তীমশিংবু য়েংশিন্নবা এক্সপরিয়েন্স লৈরবা মীওইশিংগী ওইনিদ, মন্ত্রালয় অসিনা তীমশিংবু মেনেজরশিংনা লমজিংনবগী তঙাই ফদবা অমদি পাম্লিবা ক্বালিফিকেসনশিং শেমখ্রে৷

ক্বালিফাই ওইবা অমদি মকোক থোংবা ক্বিলিতীগী মফম কল্লিবা সপোর্ত পর্সোনেলগী পুক্নিং চিংশিন্নবা, রেমুনিরেসন চাওনা হেনগৎলকখ্রে৷ স্পোর্তস দোক্তরশিং অমদি দোক্তরশিংগী রেমুনিরেসন অদু মমাংগী মতমদা থা অমদা লুপা লাখ ১ পীরম্বদগী থা অমদা লুপা লাখ ২দা হেনগৎলকখ্রে, হেদ ফিজিওথেরাপিস্তশিং অমদি ফিজিওথেরাপিস্তশিংগী ওইনা মমাংগী মতমদা থা অমদা লুপা ৮০,০০০ পীরম্বা অদু থা অমদা মথংশিৎনা লুপা লাখ ২ অমদি লাখ ১.৫দা হেনগৎলকখ্রে৷

মপান লমগী কোচশিং অমদি সপোর্ত পর্সোনেল নেক্নবগীদমক, এন.এস.এফ.শিংনা সাইগা তান্নদুনা মশাগী অপাম্বা থিনবা অয়াবা পীখ্রে৷ কন্ত্রেক শাংদোকপগী মতাংদা লৈরিবা কী রেস্পোন্সিবিলিতী৫ এরিয়াস (কে.আর.এ.শিং) অমদি মরু ওইবা ৱারেপশিংগী চহিগী ওইবা রিভ্যু অমগী খুৎথাংদা মোনিতরিং পাংথোক্লগনি অমদি রিভ্যু অসিগী মতুং ইন্না বোনসকী এৱার্দ পীরগনি৷সেলেক্সন কম্মিতীদা এন.এস.এফ.শিংনা সাই নোমিনী অমা য়াওহল্লগনি৷ মপান লমগী কোচশিংগী বজেৎ অসি এন.এস.এফ.গী এপ্রুব তৌখিবা অপুনবা বজেৎ অদুগী ৩০% ওইরগনি৷

কোচিংগী হিরমদা “অত্মনির্ভারতা”গী প্রিন্সিপলবু ইন্নবা অমদি ভারত্তা লৈরিবা তেলেন্ত লৈবশিংবু মালেমগী থাক্তা পুখৎপদা পুক্নিং থৌগৎনবা অমদি ত্রেন তৌনবা হায়খ্রে, অমদি এন.এস.এফ.শিংনা য়ামদ্রবদা ইন্দিয়ন কোচ ৫দি মপান লমগী কোচশিং অদুগা লোইননা মহাক্কী কোচিং এসাইনমেন্তগী মতমদা লেংদনা থমগদবনি, মসিনা ইন্দিয়ন কোচশিংবুসু শেম-শাদুনা থম্লগনি অমদি মপান লমগী কোচশিংদা মখা পোন্দুনা লৈরিবা অসিসু হন্থহল্লগনি৷

চীফ কোচশিং অমদি অতোপ্পা কোচশিংগী ওইনা পীবা রেমুনিরেসন অদু মমাংগী মতমদা মথংশিৎনা থা অমদা লুপা লাখ ১.৫ অমসুং লুপা ৭০,০০০ পীরম্বদগী মথংশিৎনা লুপা লাখ ৩ অমসুং লাখ ২দা হেনগৎহনখ্রে৷ করিগুম্বা পি.এস.য়ু., রেলৱেজ নত্রগা অতোপ্পা ওর্গনাইজেসনশিং(পব্লিক/প্রাইভেৎ) দা লৈরিবা এমপ্লোই কোচ অমনা নেসনেল কেম্প অমদা চৎলবদি, মদুবু নেসনেল দ্যুতীনি হায়না লৌগনি অমদি কোচকী এতেচমেন্ত ওইনা থা অমদা লুপা ৫০,০০০গী শেনফম অমা পীরগনি৷

স্পোর্তস ইক্ব্যুইপমেন্ত লৌশিন্নবগীদমক, এন.এস.এফ.শিংনা  মখোয় মশাগী জেনেরেল ফাইনান্সিং রুল্স (জি.এফ.আর.) প্রোবিজনশিং ইন্দুনা হৌজিক্তি অৱাৎপশিং লৌশিনবা য়াবগী অয়াবা পীখ্রে৷  মমাংগী মতমদা, এন.এস.এফ.শিংনা মখোয়গী অৱাৎপা অদু লুপা লাখ ১০ ফাওবগী মনুংদা লৈরবদি মখোয় মশানা লৌশিনজনবগী অয়াবা পীরমখি অমদি লুপা লাখ ১০ হেল্লবদি ইক্ব্যুইপমেন্ত লৌশিনবগী থবক অসি স্পোর্তস ওথোরিতী ওফ ইন্দিয়াগী খুৎথাংদা খক্তা তৌরমখি৷

স্পোর্তস এদমিনিস্ত্রেসনগী হিরমদা ক্বালিফাই ওইরবা প্রোফেসনেলশিংবু এন.এস.এফ.শিংনা নেকপা য়ানবা, এন.এস.এফ. স্কিমগী ওইনা পীরিবা তেংবাংগী থাক অদু মমাংগী মতমদা বজেৎকী ২% পীরম্বদগী ৩%দা হেনগৎলকখ্রে৷

*****