ಆಜಾದಿ ಕಾ ಅಮೃತ ಮಹೋತ್ಸವದ ಆಶ್ರಯದಲ್ಲಿ ಸಂಸ್ಕೃತಿ ಸಚಿವಾಲಯದ ಭಾರತೀಯ ರಾಷ್ಟ್ರೀಯ ಪತ್ರಾಗಾರ ಸಂಸ್ಥೆ ಪತ್ರಾಗಾರದ 132ನೇ ಸಂಸ್ಥಾಪನಾ ದಿನದ ಅಂಗವಾಗಿ “ಸ್ವಾಧೀನ ಮತ್ತು ವಿಲೀನ ಸಾಧನಗಳು: ಏಕತೆಯ ಪಯಣ’ ಶೀರ್ಷಿಕೆಯಡಿ ಪತ್ರಾಗಾರದ ಪ್ರದರ್ಶನವನ್ನು ಆಯೋಜಿಸಿತ್ತು. ಕೇಂದ್ರ ಸಂಸ್ಕೃತಿ ಮತ್ತು ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವೆ ಶ್ರೀಮತಿ ಮೀನಾಕ್ಷಿ ಲೇಖಿ ಇಂದು ಪ್ರದರ್ಶನವನ್ನು ಉದ್ಘಾಟಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀಮತಿ ಮೀನಾಕ್ಷಿ ಲೇಖಿ, ಇತಿಹಾಸವೇ ಒಂದು ಇತಿಹಾಸ, ಅದರಲ್ಲಿ ಎಲ್ಲವೂ ಇಷ್ಟವಾಗುವುದಿಲ್ಲ ಅಥವಾ ಒಪ್ಪುವಂತಹುದ್ದಲ್ಲ. ಆದರೆ ನಮ್ಮ ಬೇರುಗಳನ್ನು ಬಲಪಡಿಸಲು ಮತ್ತು ಭವಿಷ್ಯಕ್ಕೆ ಬುನಾದಿ ಹಾಕಲು ನಮ್ಮ ಇತಿಹಾಸವನ್ನು ಓದುವುದು ಮತ್ತು ಬರೆಯುವುದು ಅತ್ಯಗತ್ಯ ಎಂದು ಹೇಳಿದರು. ಈ ಪ್ರದರ್ಶನವು ನಮ್ಮ ಇತಿಹಾಸ ಬಿಂಬಿಸುತ್ತದೆ, ಭಾರತದ ನಿರ್ಮಾಣಕ್ಕೆ ಸಹಾಯ ಮಾಡಿದ ದಾಖಲೆಗಳು, ಎಲ್ಲಾ ರಾಜ್ಯಗಳ ದಾಖಲೆಗಳು ಮತ್ತು ಪ್ರಾದೇಶಿಕ ಸರ್ಕಾರಗಳಿದ್ದ ರಾಜ್ಯಗಳ ದಾಖಲೆಗಳನ್ನು ಸಹ ಇಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ ಎಂದು ಹೇಳಿದರು. ಆಧುನಿಕ ಭಾರತಕ್ಕೆ ಕಾರಣವಾದ ಮತ್ತು ಭದ್ರ ಬುನಾದಿ ಹಾಕಿದ ಸಂಗತಿಗಳನ್ನು ಬಿಂಬಿಸುವುದು, ಓದುವುದು ಅಥವಾ ಬರೆಯುವುದು ಮತ್ತು ಅರ್ಥಮಾಡಿಕೊಳ್ಳುವುದು ಅತ್ಯಂತ  ಮುಖ್ಯವಾಗಿ ಆಗಬೇಕಿದೆ ಎಂದು ಅವರು ಹೇಳಿದರು.

“ಸ್ವಾಧೀನ ಮತ್ತು ವಿಲೀನ ಸಾಧನಗಳು: ಏಕತೆಯ ಪಯಣ’ ಕುರಿತ ಪ್ರದರ್ಶನ ಮೂಲ ದಾಖಲೆಗಳನ್ನು ಆಧರಿಸಿದೆ, ಇದು ಸಾರ್ವಜನಿಕ ದಾಖಲೆಯಿಂದ ವಸ್ತುಗಳನ್ನು ಒಳಗೊಂಡಿರುವ ಮೂಲ ಪ್ರಾಚೀನ ಸಾರ್ವಜನಿಕ ದಾಖಲೆಗಳು ಮತ್ತು ಕಾರ್ಟೊಗ್ರಾಫಿಕ್ ದಾಖಲೆಗಳ ಪ್ರಸ್ತುತಿಯ ಮೂಲಕ ವಿಶೇಷವಾಗಿ ರಾಜ್ಯಗಳ ಸಾರ್ವಜನಿಕ ದಾಖಲೆಗಳ ಸರಣಿಯಿಂದ ಸ್ವಾಧೀನ ಮತ್ತು ವಿಲೀನದ ಕತೆಯನ್ನು ಬಿಂಬಿಸುವ ಪ್ರಯತ್ನವಾಗಿದೆ. ಪ್ರದರ್ಶನವು ಎನ್ ಐಎ ದಾಖಲೆಗಳು, ಭಂಡಾರಗಳು, ಗ್ರಂಥಾಲಯ ಸಂಗ್ರಹಣೆಗಳಿಂದ ಅಮೂಲ್ಯವಾದ ಮಾಹಿತಿಯನ್ನು ಪ್ರದರ್ಶಿಸುತ್ತದೆ, ಇದು ಏಕೀಕರಣ ಮತ್ತು ವಿಲೀನದ ನಾಟಕ ಮತ್ತು ಕ್ರಿಯೆಯನ್ನು ಒಪ್ಪಂದ ಮಾಡಿಕೊಳ್ಳು ಸಾಧನ ಮತ್ತು ಸಣ್ಣ ಪ್ರಾದೇಶಿಕ ರಾಜ್ಯಗಳ ವಿಲೀನದ ಸಾಧನದ ವಿಧಾನಗಳ ಅನುಷ್ಠಾನದ ಮೂಲಕ ಆರಂಭವಾಗುತ್ತದೆ. ದೇಶದ ವಿವಿಧ ಭಾಗಗಳ ಏಕೀಕರಣ ಪ್ರಕ್ರಿಯೆಯ ಆಯ್ದ ದಾಖಲೆಗಳನ್ನು ಸಹ ಪ್ರದರ್ಶಿಸಲಾಗುವುದು.

ಇದಲ್ಲದೆ, ಪೂರ್ವದಿಂದ ಕೂಚ್ ಬೆಹಾರ್ ಮತ್ತು ತ್ರಿಪುರದಿಂದಾಗಿ, ಪಶ್ಚಿಮದ ಬಜಾನಾ ಮತ್ತು ಕಛ್, ಉತ್ತರದ ಕಾಶ್ಮೀರದಿಂದ, ದಕ್ಷಿಣದ ಮೈಸೂರು, ತಿರುವಾಂಕೂರು ಮತ್ತು ಹೈದರಾಬಾದ್ ಮತ್ತು ಮಧ್ಯ ಪ್ರದೇಶದಿಂದ ಭೂಪಾಲ್ ದಾಖಲೆಗಳನ್ನು ಸಹ ಪ್ರದರ್ಶನದಲ್ಲಿ ಕಾಣಬಹುದು. ಈ ಪ್ರದರ್ಶನದ ಘೋಷವಾಕ್ಯಕ್ಕೆ ಪೂರಕವಾಗಿ ಹಲವಾರು ಛಾಯಾಚಿತ್ರಗಳು, ಪತ್ರಿಕಾ ತುಣುಕುಗಳು, ಖಾಸಗಿ ದಾಖಲೆಗಳು ಮತ್ತು ಸಂಬಂಧಿತ ನಕ್ಷೆಗಳನ್ನು ಪ್ರದರ್ಶಿಸಲಾಗುತ್ತದೆ.

ಈ ಪ್ರದರ್ಶನವು ರಜಾದಿನಗಳನ್ನು ಹೊರತುಪಡಿಸಿ 2022ರ ಮೇ10 ರವರೆಗೆ ಪ್ರತಿ ದಿನ ಬೆಳಗ್ಗೆ 10:00 ಗಂಟೆಯಿಂದ ಸಂಜೆ 5:00 ಗಂಟೆಯವರೆಗೆ ಸಾರ್ವಜನಿಕ ವೀಕ್ಷಣೆಗೆ ತೆರೆದಿರುತ್ತದೆ.

***