জল শক্তিগী কেন্দ্র মন্ত্রী  শ্রী গজেন্দ্র সিংহ সেখৱতনা জল জীবন মিসন অমদি স্বচ ভারত মিসন-গ্রামীনগী মখাদা ফংলিবা প্রোগ্রেস অদু শরুক য়ারিবা রাজ্যশিংনা য়েংশিন্নবা ঙসি কোলকতাদা রাজ্য তরুক্কী (৬) রিজনেল মীফম অমদা শভাপতি ওইনা শরুক য়াখি৷ মীফম অসিদা জল শক্তি অমদি ফুদ প্রোসেসিং ইন্দস্ত্রীসকী রাজ্য মন্ত্রী শ্রী প্রলাদ সিংহ পতেল অমদি  ৱেস্ত বেঙ্গল সরকারগী পব্লিক হেল্থ ইঞ্জিনিয়রিং (পি.ঐচ.ই.) অমদি পঞ্চায়তি অমসুং রুরেল দিবেলপমেন্তগী মিনিস্তরগী থৌ পুরিবা শ্রী পুলক রোইনা শরুক য়াখি৷ বিহার, ছত্তিশগর, ঝর্খন্দ, মিজোরাম, ওরিশা অমদি ৱেস্ত বেঙ্গলদগী শরুক য়ারিবা সেনিয়র ওফিসরশিংনা “হর ঘর জল” অমদি ‘স্বচ ভারত মিসন (গ্রামীন)’ প্রোগ্রাম চৎনবা মতমদা মখোয় মশাগী ওইবা ৱাখল্লোনশিং ফোংদোরকখি৷

থৌরম হৌদোকপদা কেন্দ্রগী মন্ত্রীনা অসুম্না ফোংদোকখি, “প্রধান মন্ত্রীনা ২০১৯গী ওগস্ত ১৫দা জল জীবন মিসন হৌদোকখিবা মতমদা, খুঙ্গংগী য়ুমথোং ১৭% খক্তমক তোতিগী ইশিং ফংখি৷ হৌখিবা চহি অনি মখায় অসিদা অয়েৎ-অপন অমদি লোকদাউন লৈখ্রবসু, ঐখোয়না কোতিগী ইশিং কন্নেক্সন কোতি ৫.৯১ হেন্না পীনবা হোৎনখ্রে অমদি খুঙ্গংশিংদা লৈরিবা য়ুমথোং ৪৭.৩৯%দি অফবা থক্নবা ইশিং ফংলি৷ শ্রী সেখৱতনা হায়খি “সরকারগী ফ্লেগশিপ প্রোগ্রাম অসি চৎননবগীদমক ফন্দশিংগী অৱাৎপা লৈতে, ২০২২-২৩ চহিগী ওইনা, খুঙ্গংশিংদা ১০০% তোতিগী ইশিং শমহন্নবা অমদি ও.দি.এফ. অমসুং সোলিদ অমদি লিক্বুইদ ৱেস্ত মেনেজমেন্ত নিংথিনা তৌনবগীদমক লুপা কোতি ১৪,৪৪৯ সেন্ত্রেল গ্রান্ত ওইনা শরুক য়ারিবা রাজ্য ৬তা কাইথখ্রে,”৷ ‘হর ঘর জল”বু  সমাজনা পুদুনা চৎপা প্রোগ্রাম অমা ওইহনগদবনি, ইঞ্জিনিয়র-দ্রিবন প্রোগ্রাম ওইহল্লোইদবনি হায়না মহাক্না ফোংদোকখি৷ সিঙ্গল-ভিলেজ গ্রেবিতী-বেজ স্কিমশিং অসি মতম শাংনা চৎনবা অমসুং য়েংশিনবা মতমদা এফোর্দেবল ওইবা, সস্তেনেবল অমসুং ইকোনোমিকেল ওইবনা রাজ্যশিং/য়ু.তি.শিংনা স্কিমশিং অসিদা প্রিফরেন্স পীগদবনি৷ জল জীবন মিসনগী মখাদা স্কিমশিং অসিগী দিতেল প্রোজেক্ত রিপোর্তশিং (দি.পি.আর.শিং) ঐখোয়না শেম্বনা কোস্ত কম্পোনেন্ত অদু ময়েক-শেংনা চেক তৌগদবনি৷”

কেন্দ্রগী মন্ত্রীনা মখাতাখি, “ভারত্তা লৈরিবা জিলা খুদিংমক্না সস্তেনেবল দিবেলপমেন্ত গোল (এস.দি.জি.) ৬কী মখাদা পান্দম ওইনা থমখিবা অরোইবা মতম অদুগী মাংওইননা ২০১৯গী ওক্তোবর ২দা মখোয় মশা মশাবু ওপন দিফিকেসন ফ্রী (ও.দি.এফ.)নি হায়না লাওথোকচখিবা অসিদা লৈবাক অসিনা চাওথোকচবা ফাওই৷” গঙ্গা তুরেল মপানদা লৈরিবা রাজ্যশিংনা গঙ্গা তুরেলদা ত্রিত তৌদ্রিবা ইশিং মরিক অমতা তুরেল অসিদা চেন্থহন্দনবসু মহাক্না মখাতানা ফোংদোকখি৷ তঙাই ফদ্রবদি, হায়রিবা খুঙ্গংশিং অসিদা এস.এল.দবল্যু.এম. এক্তিবিতীশিং অসি পাংথোক্নবগীদমক তোঙান তোঙানবা স্কিমশিংদগী দরকার ওইরিবা ফন্দশিং পীথরক্লবা য়াই৷

“‘মীওই অমতবু চিথহৌদনা থম্বা’ হায়বা প্রধান মন্ত্রীগী ফিলোসোফী অসি জল জীবন মিসননা মরুং ইল্লি৷ গ্রাম সভা মীফমদা ভিলেজ এক্সন প্লান শেম্লি, মসিদা পুন্সিগী খোংচৎ পুম্নমক থেংনরবা প্রজাশিং শরুক য়ারি অমদি  লাক্কদৌরিবা চহি ৫ অসিগীদমক রোদ মেপ অমা শেম্লি,” হায়না জল শক্তিগী রাজ্য মন্ত্রী শ্রী প্রলাদ সিংহ পতেলনা ফোংদোকখি৷

“খুঙ্গংগী য়ুমথোং খুদিংদা তোতিগী ইশিং ফংহন্নবগী পান্দমদা প্রধান মন্ত্রীনা ২০১৯দা জল জীবন মিসন হৌদোকখিবনি৷ প্লানিং অমসুং মোনিতরিংদা কম্ম্যুনিতী শরুক য়াবদা মীৎয়েং চংবগী তঙাই ফদবা লৈরি৷ ভিলেজ ৱাতর এন্দ সেনিতেসন কম্মিতী অমসুং সর্বিলেন্স কম্মিতী মেম্বরশিংবু ত্রেন তৌগদবনি অমদি মতম শাংনা ইশিংগী সপ্লাই তৌরকপদা লাক্কদৌরিবা অপিকপা অশোই-অরাক অমদি ইনফ্রাস্ত্রকচর মেনশিন্নবগীদমক লমদম অদুদা লৈরিবা মীয়ামবু স্কিল লৈহনগদবনি৷ য়ুমথোং খুদিংদা অমদি পব্লিক ইন্সতিত্যুসনদা অফবা ইশিং সপ্লাই তৌনবগীদমক জিলাগী থাক্তা লৈরিবা ইশিং তেস্ত তৌবগী লেবোরেতরীশিং অসি হেন্না ফগৎহনগদবনি৷ ইশিংগী ক্বালিতী অমদি চেল্লিবা ইশিংগী পাইপ ক্বালিতী য়েংশিনবা হায়বসি য়াম্নমক মরু ওই,” হায়না জল শক্তি অমদি ফুদ প্রোসেসিং ইন্দস্ত্রীসকী রাজ্য মন্ত্রী শ্রী প্রলাদ সিংহ পতেলনা ফোংদোকখি৷

১৫শুবা ফাইনান্স কম্মিসনগী মখাদা, ২০২২-২৩ চহিগী ওইনা রুরেল লোকেল বোদীশিং/পঞ্চায়তি রাজ ইন্সতিত্যুসনশিংগীদমক পুন্না লুপা কোতি ২৭,৯০৮গী শেনফম কাইথরি৷ লাক্কদৌরিবা চহি মঙা, ২০২৫-২৬ ফাওবগী ওইনা লুপা কোতি ১,৪২,০৮৪ থাদরক্কনি হায়বগী থাজবা লৈরি৷  শরুক য়ারিবা রাজ্যশিংগী ওইনিদ, ২০২২-২৩ চহিগীদমক ইশিং অমসুং সেনিতেসনগা মরী লৈনবা থবক থৌরমশিং পাংথোকপদা লুপা কোতি ৬,৮৫৬কী শেনফম তাইদ গ্রান্ত ওইনা কাইথরি৷

খুঙ্গংগী মফমশিংদা লৈরিবা মীয়ামবু য়াইফহন্নবা অমদি পব্লিক হেল্থগীদমক মহাক্কী থৌদাং অদু য়ুনিয়ন বজেৎ ২০২২দা অমুক হন্না পল্লদুনা,  জে.জে.এম.গীদমক ফন্দ কাইথরিবা অসি ২০২১-২২দা লুপা কোতি ৪৫,০০০ ওইরম্বদগী ২০২২-২৩দা লুপা কোতি ৬০,০০০দা হেনগৎলকখ্রে৷ এস.বি.জি. (জি)গী ওইনা, ২০২২-২৩ চহিগী ওইনা বজেৎতা লুপা কোতি ৭,১৯২গী শেনফম কাইথখ্রে৷

২০২২-২৩ চহিগী ওইনা, জে.জে.এম.গী মখাদা, হায়রিবা রাজ্য ৬ অসিগীদমক কেন্দ্রনা লুপা কোতি ১৩,১০৫গী শেনফম কাইথখি (বিহার – লুপা কোতি ২,৬৯৯, ছত্তিশগর – লুপা কোতি ১,৩০৮, ঝর্খন্দ – লুপা কোতি ১,৬৪৩, মিজোরাম – লুপা কোতি ২০১, ওরিশা – লুপা কোতি ২,০৩৬ অমসুং ৱেস্ত বেঙ্গল  – লুপা কোতি ৫,২১৮)৷ এস.বি.এম. (জি)গী মখাদা, হায়রিবা রাজ্যশিং অসিগীদমক লুপা কোতি ১,৩৪৪.৭১গী শেনফম কাইথখ্রে (বিহার – লুপা কোতি ৪৯৯.৫০, ছত্তিশগর – লুপা কোতি ১৪৯.৮৮, ঝর্খন্দ– লুপা কোতি ১০৯.১৯, মিজোরাম – লুপা কোতি ১০.৭৪, ওরিশা – লুপা কোতি ২১৩.৭১ অমসুং ৱেস্ত বেঙ্গল – লুপা কোতি ৩৬১.৬৯)নি৷

ও.দি.এফ. স্তেসন অমদি সোলিদ অমসুং লিক্বুইদ ৱেস্ত মেনেজমেন্ত (এস.এল.দবল্যু.এম.)গী সস্তেনেবিলিতীদা মীৎয়েং থম্নবা লুপা কোতি ১,৪০,৮৮১গী অপুনবা শেমফম অমা কাইথদুনা ২০২০গী ফেব্রুৱারী থাদা এস.বি.এম. (জি) ফেজ-II এপ্রুব তৌখি৷ এস.বি.এম. (জি) ফেজ II অসি তোঙান তোঙানবা কেন্দ্র অমদি রাজ্য সরকারশিংগী মখাদা শেল থাদনবগী লৈরিবা তোঙান তোঙানবা বর্তিকেলশিংগী মরক্তা লৈরিবা কনবর্জেন্সকী নোবেল মোদেল অমনি৷ দিপার্তমেন্ত ওফ দ্রিঙ্কিং ৱাতর এন্দ সেনিতেসন (দি.দি.দবল্যু.এস.)না কাইথরিবা শেনফমশিং অমদি মরী লৈনবা রাজ্যগী সেয়র অসিদগী হেন্দোক্তুনা, লৈহৌরিবা ফন্দশিং অসি  ১৫শুবা ফাইনান্স কম্মিসনগদগী তাইদ-গ্রান্তশিং ওইনা রুরেল লোকেল বোদীশিং, এম.জি.এন.আর.ই.জি.এস., সি.এস.আর. ফন্দশিং অমদি রেবেন্যু জেনেরেসন মোদেলশিং মরু ওইনা সোলিদ অমসুং লিক্বুইদ ৱেস্ত মেনেজমেন্তগীদমক কাইথরি৷ এস.বি.এম. (জি)গী ফেজ IIনা ইন্দিবিজ্যুল হাউসহোল্দ লেত্রিন্স (আই.ঐচ.ঐচ.এল.)দগী ইমুং লাখ ৬৫রোম কান্নবা পীদুনা মাই পাক্না হৌরক্লি৷ লৈবাক অসিদা কম্ম্যুনিতী তোইলেত লাখ ১.১৮ হেন্না শাখি অমদি খুঙ্গং ৪৩,০০০ হেন্না মশানা মশাবু ও.দি.এফ. প্লস শহরশিংনি হায়না লাওথোকখি৷ মাংজৌননা খুঙ্গং ৫০,০০০ হেন্না সোলিদ ৱেস্ত মেনেজমেন্ত (এস.দবল্যু.এম.) এরেঞ্জমেন্তশিং কবর তৌখ্রে অমদি খুঙ্গং ২৫,০০০ হেন্না লিক্বুইদ ৱেস্ত মেনেজমেন্ত  (এল.দবল্যু.এম.) এরেঙ্গমেন্তশিং ফংবা ঙমখ্রে৷

শরুক য়ারিবা রাজ্যশিংদা, এস.বি.এম.-জি. ফেজ IIগী মতমদা আই.ঐচ.ঐচ.এল. অমদি কম্ম্যুনিতী সেনিতরী কমপ্লেক্স (সি.এস.সি.শিং) শেমগৎখিবগী মশিং অসি মথংশিৎনা লাখ ১৯ অমদি ১৫,০০০ হেনখ্রে অমদি খুঙ্গং ৪,০০০ হেনববুনা ও.দি.এফ. প্লসনি হায়না লাওথোক্লি৷

২০১৯গী ওগস্ত ১৫দা জল জীবন মিসন লাওথোকখিবদগী, লৈবাক অসিদা মশক থোক্না চাওখৎপা পুরকপা ঙমখ্রে৷ ঙসিদি, খুঙ্গংগী ইমুং কোতি ৯.১৫ হেনবদা তোতি ইশিং শমহনখ্রে৷ প্রোগ্রাম অসিগী মখাদা হৌজিক ফাওবদা, ভিলেজ ৱাতর অমদি সেনিতেসন কম্মিতীস (ভি.দবল্যু.এস.ও.) লাখ ৪.৭১ শেমগৎখ্রে অমদি ভিলেজ এক্সন প্লান্স (ভি.এ.পি.শিং) ৩.৮৭ শেমগৎখ্রে৷ পীরিবা ইশিংগী ক্বালিতী চেক তৌবা হৈনবা ফিল্দ তেস্ত কিৎশিং (এফ.তি.কে.শিং) অসি মতৌ করম্না শিজিন্নগদগে হায়বদু খঙহন্নবা লৈবাক অসিদা লৈরিবা নুপী লাখ ৯.২৬ হেনবদা ত্রেনিং পীখ্রে৷ হায়রিবা নুপীশিং অসি খুঙ্গং খুদিংমক্তা শেমগৎখিবা মীওই ৫না শাবা সর্ভিলেন্স কম্মিতী অদুগী শরুক অমনি৷ মীফম অসিদা শরুক য়ারিবা রাজ্য ৬ অসিদা পুন্না খুঙ্গং লাখ ১.৭৮ হেন্না লৈরি, মসিগী মনুংদা খুঙ্গং ৪২,৩৮৫দি তোতিগী ইশিং ১০০% ফংহনখ্রে৷

“সবকা সাথ, সবকা বিকাস, সবকা বিস্বাস ওর সবকা প্রয়াস”কী প্রধান মন্ত্রী শ্রী নরেন্দ্র মোদীগী মংলান অদু ইন্দুনা, লৈবাক অসিদা জিলা ১০১, ব্লোক ১,১৬০, গ্রাম পঞ্চায়ত ৬৭,৭২৯ অমসুং খুঙ্গং ১,৪০,১১১ ‘হর ঘর জল’ ওইখ্রে৷ রাজ্য অহুম – গোৱা, তেলঙ্গনা অমসুং হরিয়ানা অমদি য়ু.তি. অহুম– এ অমসুং এন. ইথৎশিং, দি অমসুং এন হভেলি অমদি দামন অমসুং দিউ অমদি পুদুচেরীদা তোতিগী ইশিং ১০০% পীখ্রে৷

শরুক য়ারিবা রাজ্যশিংদা লৈরিবা য়ুমথোং-য়ুমথোংগী ওইনা তোতি শম্বগী রাজ্য-রাজ্যগী ওইবা শরুক অদু মথক্কী চার্ততা পীরি

এজেন্দা অসি পল্লদুনা, দি.দি.দবল্যু.এস.কী সেক্রেতরী শ্রীমতি বিনি মহাজননা মহাক্কী হৌদোক ৱারোলদা অসুম্না থমখি, “ভারতকী খুঙ্গংদা লৈরিবা প্রজা পুম্নমক্কী ওইনা তোইলেত নিংথিনা শাবিবা অমদি তোতিগী ইশিং মপুং-ফানা ফংহন্নবা হোৎনরিবা অসি সরকার অসিনা পাম্লিবা প্রোগ্রাম অনিনি৷ মসি ফংগদবা ঐখোয় হৌজিক তংখায়মুক্তমক ঙাইরে অমদি হৌজিক্তি প্রোগ্রাম অসি চৎনবা মতমদা রাজ্যশিং/য়ু.তি.শিংনা মাইয়োক্নরিবা ইসুশিং অসি থেংননবগী মতম ওইরে৷ ইশিং অমসুং সেনিতেসনবু তঙাই ফদনা দরকার ওইরিবশিংনি হায়না মালেম অসিদা রিকোগনাইজ তৌখ্রে৷ ২০২৪ ফাওবগী মনুংদা ও.দি.এফ. প্লস খুঙ্গংশিং ওইহন্নবা অমদি অফবা ইশিং ফংহন্নবা ঐথোয়না রাজ্যশিং/য়ু.তি.শিং অমদি গ্রাম পঞ্চায়তশিংগা চেৎনা থবক তৌমিন্নরি৷ খন্ন-নৈনবগী মতমদা পুখৎলক্লিবা ইসুশিং অসি থেংনরগনি হায়না ঐখোয়না অশা তৌরি৷ মসিদা কেন্দ্রদগী ফন্দশিংগী ওইবা তেংবাং অমদি তেক্নিকেল এসিস্তেন্স পীরক্কনি হায়বগী থাজবা লৈ৷”

সেক্রেতরীনা মখাতাখি, “জে.জে.এম. অমদি এস.বি.এম. (জি.)গী মখাদা ফংলিবা প্রোগ্রেস অদু খন্ন-নৈননবা পান ইন্দিয়া ক্লবিং রাজ্যশিং অমদি য়ু.তি.শিংদা রিজনেল কনফরেন্স শিল্লি৷ ঐখোয়না ময়াই য়ৌনা চংশিল্লকপনা চহি অসি প্রোগ্রাম অসিগী ওইনা য়াম্না মরু ওইরি অমদি ঐখোয়না মথংগী শেনবা চহি চংশিল্লকপনা লেপ্প-লৈতনা য়েংশিনবসু দরকার ওইরক্লি৷ ঐখোয়গী এচিবমেন্তশিং অসিনা ঐথোয়গী এনুএল তার্গেৎশিং অসি পীবা ঙম্বনা এনুএল এক্সন প্লানশিং অসি চেকশিন্না শেম্বগী তঙাই ফদবা লৈরি৷ ইমপ্লিমেন্তেসন চেলেঞ্জশিং অসিদা খন্ন-নৈনবদগী হেন্দোক্তুনা কনফরেন্স অসি ২০২২-২৩গীদমক এনুএল প্লানশিং মাই-পাক্না শেম্নবগী খুদোং চাবা অমা ওইরগনি৷ এস.বি.এম. (জি) অমজি জে.জে.এম. অসি মরু ওইনা নুপী অমদি নুপীমচাশিংদা ‘হিংবগী পুন্সি লাইথোকহন্নবা’গী ত্রান্সফোর্মেসনেল মিসন অনি ওইরি৷ ২০২২-২৩গী ওইনা রাজ্যশিংনা শুংশোই শোইদনা জে.জে.এম.গী মখাদা রাজ্যগী সেয়র মরাং-কাইনা পীনবগী প্রোবিজন রাজ্যগী বজেৎতা হাপকদবনি৷”

এদিসনেল সেক্রেতরী অমদি মিসন দাইরেক্তর (জে.জে.এম. অমসুং এস.বি.এম. (জি)) শ্রী অরুন বরোকানা মীফম অসিদা জে.জে.এম. অমদি  এস.বি.এম. (জি) অনিমক্কী স্তেতস অদু কুপথনা পল্লদুনা অসুম্না ফোংদোকখি "মতম শাংনা ইশিং সপ্লাই পীবা মতমদা ইশিংগী হৌরকফমবু ফগৎহনবা অমদি নিংথিনা থম্বা হায়বসি য়াম্না মরু ওইবনা রাজ্যশিংনা 'হর ঘর জল'গী ৱাংমদা খনগদবনি৷ ইন-ভিলেজ ৱাতর সপ্লাই ইনফ্রাস্ত্রকচরদা অল্তিমেত কস্তোদিয়ন ওইগদৌরিবা পঞ্চায়তশিং অমদি কম্ম্যুনিতীদা ইশিং সপ্লাই তৌবগী স্কিমশিং অসি চলাইবা অমদি য়েংশিনববু শিন্নগদবনি৷ গ্রাউন্দ ৱাতরবু রিচার্জ তৌনবা অমদি ত্রিত তৌরবা ইশিংবু অমুক হন্না শিজিন্নহন্নবা ভি.এ.পি. পুম্নমক গ্রেৱাতর মেনেজমেন্তদা শোইদনা য়াওহনগদবনি৷"

এস.বি.এম. (জি.)দা ৱা ঙাংলদুনা, "চেকশিন্দবদগী ঙাকথোক্তুনা অফবা সেনিতেসন লৈহন্নবা ও.দি.এফ. বেরিফিকেসনগী ২শুবা রাউন্দ রাজ্যশিং/য়ু.তি.শিংনা পাংথোকপা দরকার ওইরি৷  তোইলেতশিং শাবনা থবক অসি লোইদবনা প্রোগ্রাম অসিগী মখাদা শাজৎ হোংহন্নবগী থবক-থৌরমশিং শোইদনা মখাতানা পাংথোকহনগদবনি৷ মীপুম খুদিংমক্না মতম খুদিংমক্তা তোইলেতশিং শিজিন্নবা তঙাই ফদবা ওইরি" হায়না এ.এস. অমদি এম.দি.না ফোংদোকখি৷

লৈবাক অসিদা এস্পিরেস্নেল জিলা পুন্না ১১৭ লৈরি অদুগা হায়রিবা জিলাশিং অসিগী মনুংদা ৫৮দি শরুক য়ারিবা রাজ্যশিং অসিদগী ওইরি৷ হৌজিক ফাওবগী ওইনা, প্রোগ্রাম অসিগী মখাদা, শরুক য়ারিবা রাজ্যশিংদা লৈরিবা এস্পিরেস্নেল জিলা পুম্নমক্তা, কবরেজ রেঞ্জ অসি ১৮%দগী  ৮৯% ফাওবগী মনুংদা লৈরি৷ লমদম অসিদা লৈরিবা মীয়াম্না অথুবা মতমদা অফবা থক্নবা ইশিং ফংহন্নবগীদমক খোংজেল হেন্না য়াংনা চৎপগী মথৌ তারি৷

রুরেল ৱাতর সপ্লাই স্কিমশিংগী প্লানিংদা অমদি ইমপ্লিমেন্তেসনদা ‘হর ঘর জল’না বত্তম অপ এপ্রোচ পাম্লি৷ হৌজিক ফাওবগী ওইনা, প্রোগ্রাম অসিগী মখাদা, অসিগুম্বা শরুক য়ারিবা রাজ্যশিংদা, ভিলেজ ৱাতর অমসুং সেনিতেসন কম্মিতীস (ভি.দবল্যু.এস.সি.শিং) ৯৫,০৮৭ শেমগৎখ্রে অমদি ভিলেজ এক্সন প্লান (ভি.এ.পি.শিং) ৭৩,৫৯১ শেমগৎখ্রে৷ ৱাতর ক্বালিতী মোনিতরিং অমসুং সর্বিলেন্স (দবল্যু.ক্ব্যু.এম. অমসুং এস.) এক্তিবিতীশিং পাংথোক্নবা মতৌ করম্না ফিল্দ তেস্ত কিৎশিং (এফ.তি.কে.শিং) শিজিন্নগদগে হায়বদু খঙহন্নবা খুঙ্গংশিংদা লৈরিবা নুপী লাখ ১য়৩৩ হেনববু ত্রেন তৌখ্রে৷ হায়রিবা নুপীশিং অসি ইশিংগী হৌরকফম অমদি দেলিভরী পোইন্তশিংদা ইশিংগী ক্বালিতী তেস্ত তৌনবা অমদি করিগুম্বা মতমদা কন্তামিনেসন অমা হেক্তা থেংনবা মতমদা খুদক্কী ওইবা এক্সন লৌখৎপা য়ানবগীদমক খুঙ্গং খুদিংমক্তা শেম্লিবা নুপী ৫গী সর্ভিলেন্স কম্মিতীগী শরুক অমনি৷

হিরম অসিগী মতাংদা লৈরিবা এক্সপর্তশিং অমদি সেনিয়র গভরমেন্ত ওফিসিয়েলশিংনা ১৫শুবা ফাইনান্স কম্মিসন ফন্দশিং শিজিন্নদুনা ইশিং অমসুং সেনিতেসনগী থবক থৌরমশিং পাংথোকপদা রুরেল লোকেল বোদীশিংনা লৌরিবা থৌদাংশিংগী মতাংদা তেক্নিকেল সেসনশিং পাংথোকখি৷ মীফম অসিদা গ্রে ৱাতর মেনেজমেন্তগী মতাংদা অখন্নবা সেসন অমা পাংথোকখি৷ জল জীবন মিসন চৎনবগী ক্বালিতী এস্পেক্তশিংগী মতাংদা অখন্নবা মীফম অমা শিনখি৷

******