প্রধান মন্ত্রী শ্রী নরেন্দ্র মোদীনা শভাপতি ওইদুনা ফমখিবা কেন্দ্রগী মন্ত্রীমন্দলনা ভারত সরকারগী (বিজিনেস ত্রাঞ্জেক্সন) রুল্স ১৯৬১গী সেকেন্দ সেদ্যুলগী রুল ৭ (দি) ( i)গা মরী লৈননা ইন্দিয়ন কাউন্সিল ওফ মেদিকেল রিসর্স (আই.সি.এম.আর.) অমদি নেস্নেল ইন্সতিত্যুত ওফ এলর্জী এন্দ ইনফেক্সিয়স দিজিজেস (এন.আই.এ.আই.দি.), নেস্নেল ইন্সতিত্যুত ওফ হেল্থ ওফ দিপার্তমেন্ত ওফ হেল্থ এন্দ হ্যুমেন সর্ভিসেস, য়ু.এস.এ.গী মরক্তা ২০২১গী সেপ্তেম্বর থাদা খুৎয়েক পীনখিবা য়ানা-ৱারোল অদু অয়াবা পীখ্রে৷

য়ানা-ৱারোলগী পান্দমশিং:

ত্রোপিকেল ইনফেক্সিয়স অমসুং এলর্জীক দিজিজশিং অসিদগী ঙাকথোক্নবা, দাইগ্নোসিস তৌনবা অমদি লায়েংবগী তেক্নিকশিংদা মীৎয়েং থমদুনা বেসিক, ত্রান্সলেস্নেল অমদি এপ্লাইদ ইন্নোবেতিব রিসর্স, ইপিদেমিওলোজী, মেদিসিন, মোলিকুলর বাইওলোজী, মেদিকেল এন্তোমোলোজী, পেরাসাইতোলোজী, ইম্ম্যুনোলোজী, মেদিসিন, মাইক্রোবাইওলোজী অমদি বাইরোলোজী য়াওনা সাইন্তিফিক এরিয়াদা ভারতকী চেন্নাইদা লৈরিবা আই.সি.এম.আর.গী নেস্নেল ইন্সতিত্যুত ফোর রিসর্স ওন ত্যুবরক্যুলোসিস (এন.আই.আর.তি.)দা মরু ওইনা তেংবাং পীনরগনি৷

পুন্না থবক তৌমিন্নবা অসিদা মীৎয়েং থম্লিবসি ত্যুবরক্যুলোসিস, পেরাসাইতিক ইনফেক্সনশিং, ঐচ.আই.ভি./এ.আই.দি.এস., এলর্জিক লাইনশিং, ইম্ম্যুন সিস্তেম লাইনাশিং, অতোপ্পা নৌনা থোক্লক্লিবা অমদি  অমুক হন্না থোক্লক্লিবা পেথোজেনশিং অমসুং সেয়র সাইন্তিফিক ইন্তরেস্তকী অতোপ্পা লাইনাশিং য়াওরি৷

ফাইনান্সিয়েল ইমপ্লিকেসনশিং:

রিসোর্সশিং ফংবগী মতুং ইন্না য়ানা-ৱারোল অসিগী মখাদা য়ু.এস. সরকার অমদি ভারত সরকারনা থবক থৌরমশিং অসিগীদমক ফন্দিং সপোর্ত পীরবা য়াই৷ ইন্দিবিজ্যুএল প্রোজেক্তশিং অসি সপোর্ত তৌনবা হান্নগী মতৌগুম লৈরম্লিবা কস্তমরী প্রেক্তিস অদু লৈহন্দুনা অমদি তঙাই ফদবগী মতুং ইন্না  গভরমেন্ত, নন-গভরমেন্ত, প্রাইভেৎ সেক্তর, ফাউন্দেসন অমদি অতোপ্পা সোর্সশিংদগী এক্তিবলী শরুক য়ারক্নবা অমদি অহেনবা ফন্দিং সপোর্ত পীবিনবা পার্তীশিংনা নিরি৷ পার্তীশিং অসিনা ইন্দিবিজ্যুএল, জোইন্তলী এপ্রুব তৌবগী এপ্রুব বজেৎশিং, কোলাবোরেতিব রিসর্স প্রোজেক্তশিং অমদি মরী লৈনবা থবক-থৌরমশিংদা বেজ তৌদুনা ফন্দশিং থাদরবা য়াই৷

য়ানা-ৱারোল অসিগী মনুং চল্লিবা থবক-থৌরম পুম্নমক এপ্লিকেবল ওইবা লোশিং, রিগুলেসনশিং, প্রোসিদ্যোরশিং, পোলিসীশিং অমদি মশা মশাগী মরী লৈনবা পার্তীশিংগী লৈবাক্তা চৎনরিবা চৎন-কাংলোনশিং অদুগা মরী লৈননা পাংথোক্লগনি অমদি লৈরিবা পর্সোনেল, রিসোর্সশিং অমদি চানবা ফন্দশিংগী মতাংদা খন্নরগনি৷

থবক পীবা:

আই.সি.ই.আর. প্রোগ্রামদগী হৌরক্লিবা কোলাবোরেতিব রিসর্স প্রোজেক্তশিং অসিগী মখাদা এপ্লিকেবল ওইবা রুলশিংগী মতুং ইন্না কন্ত্রেকচুএল/প্রোজেক্ত মোদতা ভারতকী সাইন্তিস্তশিং/রিসর্চরশিং/মহৈরোইশিংবু থবক পীনবগী স্কোপ অসিনা তি.বি. অমদি অতোপ্পা লাইনাশিংগী এরিয়াদা মখোয়না তোঙান তোঙানবা তেক্নিকশিং তম্বা/স্কিল শেমগৎপা অমদি কেপাসিতী শেমগৎপদা  মতেং পাংলগনি৷

বেকগ্রাউন্দ:

চেন্নাইদা ইন্তরনেসনেল সেন্তর ফোর এক্সিলেন্স ইন রিসর্স(আই.সি.ই.আর.) অমা শেমগৎনবগীদমক ইন্দো-য়ু.এস. জোইন্ত স্তেতমেন্ত ২০০৩দা ইহান-হান্না খুৎয়েক পীনখি৷ হায়রিবা অসিগীদমক ২০০৮দা শাংদোরকখ্রে  অমদি অমুক হন্না ২০১৭তা রিন্যু তৌখি অমদি হৌজিক্না এম.ও.য়ু. ওইনা রিন্যু তৌখ্রে৷ আই.সি.ই.আর. অসি চেন্নাইদা লৈ অমদি  মসি আই.সি.ই.আর.গী নেস্নেল ইন্সতিত্যুত ফোর রিসর্স ওন ত্যুবরক্যুলোসিস(এন.আই.আর.তি.) অমদি এন.আই.এ.আই.দি.গী মরক্তা শেম্বা পার্তনরশিপ অমা ওইরি৷ মসিগী কোলাবোরেসন অসিনা ক্লিনিকেল প্রোতোকোল ১৩ হেন্না সপোর্ত তৌখ্রে, হেলমিন্থ ইনফেক্সনশিংগী ইম্ম্যুনোলোজীবু নিংথিনা  খঙহনবদা মতেং পাংখি, ত্যুবরক্যুলোসিসকী ইম্ম্যুন রেস্পোন্সতা দাইবেতিস মেল্লিতসনা পীরিবা ইফেক্তশিং অদু শন্দোক্না তাকখি, মালন্যুত্রিসন অমদি ত্যুবরক্যুলোসিসকী মতাংদা খঙনবা তোঙান তোঙানবা স্তদীশিং পাংথোকখি, ইম্ম্যুন রেস্পোন্সতা সার্স-কোব-২ সেরোপোজিতিবিতী, হেলমিন্থ ইনফেক্সনগী ইফেক্তশিং অসি নৈননবা পাইলোত স্তদী তৌবা হৌখি৷

******