শিপ্পিং মন্ত্রালয়

ইন্দো বংগ্লাদেশ প্রোতোকোল রুতকী খুত্থাংদা ব্রম্হপুত্র (এন.দবল্যু.২)গা গঙ্গা (এন.দবল্যু.১)গা শম্নহনখ্রে; পত্নাদগী ফুদগ্রেনশিং পুবা কার্গো জহাজনা পান্দুদা হিথাংলরে


এন.দবল্যু.১ অমসুং এন.দবল্যু.২গী মরক্তা আই.দবল্যু.এ.আই.না ফিক্সদ সেদুল সেলিং তৌদুনা অসামদা কার্গো ত্রান্সপোর্তকী অনৌবা য়ুগ অমা হৌদোক্লগনি

আই.বি.আ.পি.দা সিরাজগঞ্জ-দাখোৱা অমসুং অশুগঞ্জ-জাকিগঞ্জ দেবেলপ তৌনবা লুপা করোর ৩০৫.৮৪ ইনভেস্ত তৌবা
অহানবা ওইনা কার্গো ভেসেল মরিনা ফুদগ্রেনশিং অমসুং তি.এম.তি. বারশিং পুখ্রে

Posted On: 06 MAR 2022 5:19PM by PIB Imphal

কেনদ্রগী পোর্তস, শিপ্পিং অমসুং ৱাতরৱেজ অমসুং অয়ুশকী মন্ত্রী, শ্রী সর্বানন্দা সোনোৱালনা গুৱাহাতিদা ঙসি বংগ্লাদেশ ফাওদুনা পত্নাদগী পান্দুদা ফুদগ্রেনশিং পুরকপা অহানবা ঈশিংগী কোংচৎ অদুবু ওকখ্রে। অসামগী মুখ্য মন্ত্রী, দা. হিমন্তা বিস্বা সর্মা অমসুং গুৱাহাতিগীদমক্তা লোক সভাগী এম.পি., ক্বীন ওজানা ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.) গী চেয়রমেন, সঞ্জয় বন্দোপাধ্যাইগা লোইননা বংগ্লাদেশ ফাওদুনা পত্নাদগী পান্দু ফাওবা অহানবা পাইলোত রুন মপুং ফানা পাংথোকপদা ফুদ কোর্পোরাশন ওফ ইন্দিয়া (এফ.সি.আই.)গী পুন্না এম.তি. ২০০ পুরদুনা সেল্ফ প্রোপেল্দ ভেসেল এম.ভি. লাল বহাদুর শাস্ত্রিবু ওক্নবা থৌরম অদুদা শরুক য়াখি। অসাম অমসুং নোর্থইস্ত ইন্দিয়াগীদমক্তা ইনলেন্দ ৱাতর ত্রান্সপোর্তকী অনৌবা য়ুক অমা হৌদোক্লদুনা আই.দবল্যু.এ.আই.না এন.দবল্যু.১ অমসুং এন.দবল্যু.২গী মরক্তা ফিক্সদ সেদুল সেলিং সেদুল পাংথোক্নবা থৌরাং তৌরি।

https://static.pib.gov.in/WriteReadData/userfiles/image/image001RHII.jpg

ভেসেল অদুনা মহাক্কী সেল অদু পত্নাদগী হৌদুনা নেস্নেল ৱাতরৱে-১. (গঙ্গা তুরেল অমসুং)দা ভাগলপুর, মনিহারি,সাহিবগঞ্জ ফারক্কা, ত্রিবেনি, কোলকাতা, হল্দিয়া, হেম্নাগর, হায়রিবশিং অসি ফাওদুনা চৎলি; ইন্দো বংগ্লাদেশ প্রোতোকোল (আই.বি.পি.)রুতনা খুলনা নরায়নগঞ্জ,সিরাজগঞ্জ, চিলমারি ফাওদুনা চৎলি অমসুং নেস্নেল ৱাতরৱে ২না ধুব্রি অমসুং জোগিহোপা ফাওদুনা কি.মি. ২,৩৫০গী অথাপ্পা অসি চৎখি। দিগ্নিতরীশিং অদুনা মসিগী কার্গো মুবমেন্ততা অহোংবা অমা পুরকপগী পোতেন্সিয়েল লৈবা য়াম্না ফবা অহৌবা অসিবু তরাম্না ওকখি। অতোপ্পা ভেসেল বার্জ অনি, কলপনা চাউলা অমসুং এ.পি.জে অব্দুল কলামগা লোইননা এম.ভি. রাম প্রসাদ বিসমিলনা ২০২২গী ফেব্রৱারী ১৭তা হলদিয়াদগী ঈশিং লম্বিগী খোংচৎ অসি হৌখি অমসুং পান্দু তম্না লাক্লি। ভেসেল অসিনা এম.তি. ১৮০০গী তাতা স্তীল পুরক্লি অমসুং ধুব্রিদা বঙগ্লাদেশ বোর্দর য়ৌখ্রে। নুমালিগর বায়ো-রিফাইনরীগী ও.দি.সি. (ওভর দাইমেনস্নেল কার্গো, এম.তি. ২৫২)না আই.বি.পি. রুত ফাওদুনা আই.দবল্যু.তি.গী খুত্থাংদা হলদিয়াদগী ফেব্রৱারী ১৫দা সিলঘাত য়ৌখি। অতোপ্পা ও.দি.সি. (এম.তি. ২৫০) কন্সাইনমেন্তসু সিলঘাত তম্না মাইকৈ পাংলক্লি।

থৌরম অদুদা ৱা ঙাংলদুনা, অসামগী মুখ্য মন্ত্রী, হিমন্তা বিস্বা সর্মানা হায়খি, “ইন্দো বংগ্লাদেশ প্রোতোকোল রুত (আই.বি.আর.পি.)গী খুত্থাংদা জহাজশিংগী খুত্থাংদা কার্গো চৎধোক-চৎশিন তৌবা হৌবা অসিনা নোর্থইস্ত রিজন পুম্নমক্কী ওইনা ইকোনোমিক প্রোসপরিতিগী অনৌবা য়ুক অমগী অহৌবনি। ঐহাক্না থাজৈ মদুদি ঐখোয়গী প্রধান মন্ত্রী, শ্রী নরেন্দ্র মোদীজীগী ভিজন অমসুং কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী. শ্রী সর্বানন্দা সোনোৱাল দাঙ্গোরিয়াগী এন্তর্প্রাইজনা ইনলেন্দ ৱাতর ত্রান্সপ[ওর্ত গ্রোথ অমসুং দেবেলপমেন্তকীদমক্তা লম্বি য়াৎলগনি।”

https://static.pib.gov.in/WriteReadData/userfiles/image/image002RSAB.jpg

 

মসিগী শিংথানিংঙাই ওইরবা মতাং অসিদা, কেন্দ্রগী মন্ত্রী, শ্রী সর্বানন্দা সোনোৱাল হায়খি, “ঙসি অসি অসামদা ইনলেন্দ ৱাতর ত্রান্সপোর্তকী অনৌবা য়ুক অমগী অহৌবনি। মসিনা বিজনেস কম্যুনিতীদা ভায়েবল, ইকোনোমিক অমসুং ইকোলোজিকেল আল্তর্নেতিব অমা পীরগনি। অথিংবা-অপনবা লৈতনা কার্গো ত্রান্সপোর্তেশন তৌবা হায়বসি অসামগী মীশিংগী নিংবা থুংদবা অপাম্বশিং অমসুং এসপিরেশনশিংগী খোংচৎ অমনি।  প্রধান মন্ত্রীগী ভিজনরী ওইবা লুচিং মখাদা, নোর্থ ইস্ত রিজন অসি অস্তলাক্সমিগী ভেল্যু অদু অনলোক তৌনবগীদমক্তা শেম-শাবা লোইরে। ঐখোয়না থাজৈ মদুদি ঈশিংগী লম্বিগী খুত্থাংদা কার্গো পুথোক-পুশিন তৌবা অসিনা ভারতকী নোর্থইস্তপু গ্রোথকী ইঞ্জিন ওইনা মপাঙ্গল কনখৎহনবদা য়াম্না মরু ওইবা থোদাং লৌরগনি।”

পুৱারীদগী লৈরক্লবা বংগ্লাদেশ ফাওবা ত্রেদ রুতশিং অদু অমুক হন্না হান্নগুম্না ফগৎহন্নবা লেপ্পা লৈতনা হোৎনরকপা অসিবু  পি.এম. গতিশক্তিগী মখাদা অনৌবা ইনোৎ অমা হাপ্পিরে। নোর্থইস্ত অসি তপ্না-তপ্না কনেক্তিবিতী হবতা ওল্লগনি হায়না মঙলান অমা শাগৎখি।  পি.এম. গতিশক্তিগী মখাদা লৈবা ইন্তিগ্রেতেদ দেবেলপমেন্ত প্লান অদু ব্রহ্মপুত্রগী মথাক্তা কার্গো য়াংনা চৎপা হেনগৎহন্নবা শাগৎখিবা মঙলান্নি।  

আই.দবল্যু.এ.আই.না মসিগী রুতশিং অসিদা মতম চানা পীবা সার্বিসশিং পাংথোক্নবগী থৌরাং তৌরি। ভারত অমসুং বংগ্লাদেশকী মরক্তা দ প্রোতোকোল ওন ইনলেন্দ ৱাতর ত্রাঞ্জিত অমসুং ত্রেদ (পি.আই.বল্যু.তি.তি.) অসি রিজন অসিদা কার্গো ত্রেত্তগী ভেল্যু অদু অনলোক তৌবা মতমদা য়াম্না কান্নগনি। নেভিগেবিলিতী ফগৎহন্নবা আই.বি.পি. রুতকী স্ত্রেচ অনি, সিরাজগঞ্জ-দাইখোৱা অমসুং আশুগঞ্জ-জাকিগঞ্জকী লম মশাং অনি অসিবুসু ৮০:২০ শেয়র বেসিসতা (৮০%না ভারতনা পুথোকপা অমসুং ২০%না বংগ্লাদেশনা পুথোকপা) লুপা করোর ৩০৫.৮৪ চংনা দেবেলপ তৌরি। মসিগী স্ত্রেচশিং অসিগী দেবেলপমেন্ত অসিনা আই.বি.পি.রুতকী খুত্থাংদা এন.ই.আর.দা অথিংবা-অপনবা অমত্তা লৈতবা নেভিগেশন অমা পীরগনি হায়না অশা তৌরি। চহি তরেতকী মতম (২০১৯দগী ২০২৬) ফাওবা তঙাইফদনা মথৌ তাবা ঈশিং লুবগী চাং অদু ফংহন্নবা অমসুং মদুবু কাইদনা থম্নবগীদমক্তা মসিগী স্ত্রেচ অনি অসিদা দ্রেজিং তৌনবগী কন্ত্রেক্ত অদু পাইখৎপা হৌখ্রে। ভারত্তা ফারক্কাগী মনাক্তা লৈবা মাইয়াদগী বংগ্লাদেশকী অরিচা ফাওবগী আই.বি.পি. রুত ৫ অমসুং ৬ অসিদা থবকশিং অসি হেক লোইবগা এন.দবল্যু.১দগীনা এন.দবল্যু.২ (নোর্থ ইস্তর্ন রিজন) কনেক্ত তৌরিবা আই.দবল্যুগী অথাপ্পা অদু মখাতানা  চাউরাক্না কি.মি. ১০০০ হন্থরগনি, মসিনা মতম অমসুং অচংবা শেল অদু য়াম্না হন্থহল্লগনি।

প্রধান মন্ত্রীগী “এক্ত ইস্ত” পোলিসীগী মতুং ইন্না, পোর্তস, শিপ্পিং অমসুং ৱাতরৱেজ (এম.ও.পি.এস.দবল্যু.) মন্ত্রালয়না ইনলেন্দ ৱাতরৱেজ ওথোরিতী ওফ ইন্দিংবা (আই.দবল্যু.এ.আই.)গী খুত্থাংদা নেস্নেল ৱাতরৱেজ-১, ইন্দো-বংগ্লাদেশ প্রোতোকোল রুত, অমসুং এন.দবল্যু.২দা ইনফ্রাস্ত্রকচর প্রোজেক্ত কয়া অমা পাইখৎখ্রে। মসিগী খোংথাংশিং অসিনা ৱাতরৱেজকী খুত্থাংদা নোর্থ ইস্তর্ন রিজন (এন.ই.আর.)দা কেনেক্তিবিতী ফগৎহল্লগনি। সরকারনা তন ২০০০ ফাওবগী ভেসেলশিং চত্থোক-চৎশিন তৌবদা সেফ অমসুং সস্তেনেবল মুভমেন্তগীদমক্তা এন.দবল্যু.-১ (গঙ্গা তুরেল)গী কেপাসিতী ওগমেন্তেশনগীদমক্তা চাউরাক্না লুপা করোর ৪৬০০গী ইভেস্তমেন্তকা লোইননা য়াম্না চাউরবা জল মার্গ বিকাস প্রোজেক্ত (জে.এম.ভি.পি.) পাইখৎখ্রে।

মসিগী পুৱারী ওইহৌগদবা থৌওং অসিনা নোর্থইস্ত ইন্দিয়াগী রাজ্যশিংগীদমক্তা  অণোবা মতমগী শাহৌ অমা পুরক্লগনি। ৱাতরৱেশিং অসিনা রিজন অসিদা মতম কুইনদগী চাউখৎ-থৌরাংগী লমদা শোত্থদুনা লৈহৌরবা মফমশিংদা য়াম্না লাইনা  য়ৌশিনবা ঙম্লগনি। ৱাতরৱেশিং অসিনা রিজন অসিদা চাউখৎপগী লম্বিদা লৈরিবা  জিয়োগ্রাফিকেল  হিন্দ্রেন্স অদু লৌথোকপদা নত্তনা বিজনেস অমসুং লমদম অসিগী মীশিংগীদমক্তা ইকোনোমিকেল ওইবা , স্বিফ অমসুং কনভিনিয়েন্ত ওইবা ত্রানস্পোর্তেশনসু ফংহল্লগনি।

মীফম অদু আই.দবল্যু.এ.আই.গী চেয়রমেন, সঞ্জয় বন্দোপাধ্যায়গা লোইননা স্যামা প্রসাদ মুখর্জী পোর্তকী চেয়রমেন, ভিনিত কুমার অমসুং পোর্তস, শিপ্পিং অমসুং ৱাতরৱেজ মন্ত্রালয়গী মকোক থংবা ওফিসিয়েলশিংনা শরুক য়াখি।

*****



(Release ID: 1803451) Visitor Counter : 185