পোর্ত, শিপ্পিং অমসুং ৱাতরৱেজগী কেন্দ্রগী মন্ত্রী শ্রী সর্বানন্দা সোনোৱালনা ঙসি দিব্রুগরগী বোগিবীল থোং মনাক্তা লৈরিবা তুরিস্ত জেত্তী অমসুং রিবর ফ্রন্ত দিবলপমেন্ত প্রোজেক্তশিংগী মফমদা চৎতুনা য়েংশিনখ্রে অমসুং চংশিল্লিবা  অপুনবা থবকশিং য়েংশিনখ্রে।

প্রোজেক্তশিং অসি মল্তিমোদাল কন্নেক্তিবিতীগীদমক পি.এম. গতিশক্তি নেস্নেল মাস্তর প্লানগী মখাদা হাপ্পনি অমসুং ভারত সরকার অমসুং নোর্থ ইস্ত ফ্রন্তিয়র রেলৱেনা পুথোকপনি। য়েংশিনবা অসি ২০২১গী নবেম্বরগী ২২দা কেন্দ্রগী মন্ত্রীনা ফোলো-অপনি। মহাক্কী ঙসিগী খোঙচৎ মনুং অসিদা, কেন্দ্রগী মন্ত্রীনা ওফিসিএলশিং অমসুং স্তেকহোল্দরশিংগা লোয়ননা উনখি অমসুং প্রোজেক্তশিং অসি মতম চানা লোইশিন্নবা তকশিনখি।

কোলোনিএল মতমদা মরুওইবা তুরেলগী হিদাংফম অমা ওইরিবা, দিব্রুগর অসি ভারতকী শেন্মিৎলোন চাউখৎহনবদা য়াম্না চাউবা থৌদাং লৌখি। বোগিবীল থোংগী মফম চাউখৎনবা প্রোজেক্ত পায়খৎপা অসি দিব্রুগরবু লৈবাক অসিদা মরুওইবা তুরেলগী হিদাংফম ওইহন্নবগী খোঙথাং অমনি। পি.এম. গতিশক্তি নেস্নেল মাস্তর প্লানগী মখাদা হাপ্লিবা প্রোজেক্ত অসিনা দিব্রুগরবু ঈশিং লম্বী শম্নহনবা অমসুং থবক ফংহন্নবগী মফমশিং ওইহনবা অমসুং মফম অসিদা লৈরিবা মীওইশিংদা মালেমগী ওইবা মার্কেতকী মফম ওইবা হেনগৎহল্লগনি।

******