સંરક્ષણ મંત્રાલય 10-14 માર્ચ, 2022 દરમિયાન ગુજરાતના ગાંધીનગર ખાતે પ્રતિષ્ઠિત દ્વિવાર્ષિક સંરક્ષણ પ્રદર્શન, DefExpo 2022ની 12મી આવૃત્તિનું આયોજન કરી રહ્યું છે. આ મેગા સંરક્ષણ આંતરરાષ્ટ્રીય પ્રદર્શન જમીન, હવાઈ, નૌકાદળ, આંતરિક માતૃભૂમિ સુરક્ષા અને ઈલેક્ટ્રોનિક પ્રણાલીઓ પર કેન્દ્રિત છે. 'મેક ઈન ઈન્ડિયા' અને 'આત્મનિર્ભર ભારત'ની નીતિગત પહેલ સાથે સરકાર માને છે કે ભારતમાં વૈશ્વિક સંરક્ષણ ઉત્પાદન હબ તરીકે ઉભરી આવવાની વિપુલ સંભાવના છે. તેથી, DefExpo 2022 માટે આ જ થીમ અપનાવવામાં આવી છે.

DefExpo સેમિનાર હાઇબ્રિડ ફોર્મેટમાં આયોજિત કરવામાં આવશે, જે વક્તાઓ તેમજ પ્રેક્ષકોને વિવિધ સેમિનારોમાં વર્ચ્યુઅલ રીતે ભાગ લેવાની મંજૂરી આપશે. આ પરિસંવાદો, જે સમગ્ર વિશ્વમાં પ્રસારિત કરવામાં આવશે, અગ્રણી ઉદ્યોગ મંચો, આંતરરાષ્ટ્રીય મંચો, થિંક-ટેંક, મીડિયા ગૃહો, ભારતીય ઉદ્યોગ, DRDO, નાગરિક ઉડ્ડયન મંત્રાલય, રાજ્ય સરકારો વગેરે દ્વારા આયોજિત કરવામાં આવશે. સેમિનારની થીમ નિકાસ, ભારતમાં નાગરિક ઉડ્ડયનનું ભાવિ, R&D, સંઘર્ષનું ભવિષ્ય, એરો એન્જિન્સ અને MRO, રોકાણની તકો પર રાજ્ય સરકારો દ્વારા આઉટરીચ કાર્યક્રમો વગેરે પર આધારિત છે. સંરક્ષણ અને એરોસ્પેસ ક્ષેત્રના અગ્રણી આંતરરાષ્ટ્રીય અને રાષ્ટ્રીય નિષ્ણાતોને સેમિનાર માટે વક્તા તરીકે આમંત્રિત કરવામાં આવ્યા છે. સેમિનારની વિગતો DefExpo 2022 વેબસાઇટ (https://defexpo.gov.in/) અને DefExpo 2022 મોબાઇલ એપ્લિકેશન પર ઉપલબ્ધ છે.

DEFEXPO 2022 સેમિનાર શેડ્યૂલ

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com