ভারতপু মেন্যুফেকচরিংগী গ্লোবেল হব অমা ওইহন্নবা ইকাই খুম্নরবা প্রধান মন্ত্রী শ্রী নরেন্দ্র মোদীগী বিজন মখাদা কম্মর্স অমসুং ইন্দস্ত্রী মন্ত্রালয়গী দিপার্তমরন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)না মার্চ ৩, ২০২২, শগোলশেন নুমিৎতা “মেক ইন ইন্দিয়া ফোর দি ৱর্ল্দ”দা বজেৎ মতুংগী ৱেবিনার অমা পাঙথোক্কদৌরি।

কেন্দ্রগী বজেৎ ২০২২না মেন্যুফেকচরিং অসি গ্রোথ অমসুং এমপ্লোইমেন্ত জেনরেসনগীদমক মরু ওইবা দ্রাইবর অমা ওইহনবগা লোয়ননা ইন্দিয়া@১০০গী রোদমেপ অমা থমখি। ৱেবিনার অসিদা ভারত্তা মেন্যুফেকচরিংদা অচৌবা অহোংবা অমা পুরক্নবা, এক্সপোর্তশিংদা ত্রিলিয়ন-দোলরগী পান্দম ফংনবা অমসুং এম.এস.এম.ই. অসি শেন্মীৎলোনগী গ্রোথ ইঞ্জিন অমা ওইহন্নবা খন্ন-নৈনবশিং য়াওগনি। 

ই.ও.দি.বি. ২.০, ইন্দস্ত্রিএল দিবেলপমেন্ত, স্কিলিং অমসুং এমপ্লোইমেন্তনা লুচিংবা পুম্নমক ইনক্লুসিব ওইবা তেক্নোলোজী ইমপ্লিমেন্ত তৌনবা অমসুং অতোপ্পা কয়াগা লোয়ননা মীৎয়েং থম্বগা লোয়ননা কেন্দ্রগী বজেৎ ২০২২গী থিমশিং মাংদা পুরদুনা ৱেবিনার অসিদা ইকাই খুম্নরবা প্রধান মন্ত্রীনা ৱা ঙাংগনি, অমসুং কম্মর্স এন্দ ইন্দস্ত্রীগী ইকাই খুম্নরবা মন্ত্রী, কেন্দ্র অমসুং রাজ্য সরকারশিংগী মকোক থোংবা ওফিসিএলশিং অমসুং মকোক থোংবা ইন্দস্ত্রীগী লুচিংবশিংনা শরুক য়াগনি।

ৱেবিনার অসিগী পান্দমদি মেন্যুফেকচরিংদা শাহৌ পীনবা, এক্সপোর্তশিং হেনগৎহন্নবা অমদি এম.এস.এম.ই.শিং মপাঙ্গল কনখৎহন্নবা পাইখৎপা থৌরাং কয়ামরুমদা স্তেকহোল্দর পুম্নমক্কা লোয়ননা খোঙথাংশিং সীনর্জাইজ তৌদুনা কেন্দ্রগী বজেৎ ২০২২না খোঙজেল য়াংহনবনি। স্তেকহোল্দরশিংগী এক্সপর্তিস অমসুং এক্সপরিয়েন্স অদু শীজিন্নদুনা মেন্যুফেকচরিং, এক্সপোর্তস অমসুং এম.এস.এম.ই.শিংগী লমশিংদা গ্রোথ রিফোর্মশিং নীংথিনা ইমপ্লিমেন্ত তৌনবগীদমক ইন্দস্ত্রীগী মাংদা চংশিন্নবা লম্বী অমসুং ফ্রেমৱর্ক মোনিতর তৌনবগী এক্সন প্লান অমা ফাইনেলাইজ তৌরগনি।

প্রধান মন্ত্রী শ্রী নরেন্দ্র মোদীনা ‘মেক ইন ইন্দিয়া ফোর দি ৱর্ল্দ’, কেন্দ্র বজেৎ ২০২২দা মসি য়াওবগী বিজন অমসুং ৱেবিনার অসিদা থম্লিবা থাজবশিংগী মতাংদা শরুক য়ারিবা পুম্নমক্তা অখন্নবা ৱারোল অমা পীগনি। থৌরম অসিগী লোইশিনবগী ৱারোল অদু কম্মর্স এন্দ ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইল্স মন্ত্রী শ্রী পিয়ুশ গোয়লনা পীগনি।

অহৌবগী সেসনগী মতুংদা মথং-মথং পাঙথোক্কদবা পীরিবশিং অসি কবর তৌবা সেসন অহুমদা য়াওনবা শরুক য়ারিবশিং অদু খাইদোক্কনি (i) ভারত @ ১০০ তা মেন্যুফেকচরিংদা অচৌবা অহোংবা পুরকপা, (ii) এক্সপোর্তসতা ভারতকী ত্রিলিয়ন দোলর গোল ফংনবগী লালোং য়াৎপা অমসুং (iii) ভারতকী শেন্মীৎলোনগীদমক এম.এস.এম.ই.শিংবু করম্না গ্রোথ ইঞ্জিন ওইনা মথৌ তৌহনগদগে খঙদোকপা।

কম্মর্স এন্দ ইন্দস্ত্রী মন্ত্রালয়গী দি.পি.আই.আই.তি.না ইন্দস্ত্রী ৪.০., ওতো অমসুং ওতো কম্পোনেন্তশিং, তেলিকোম, স্তীল, ফার্মা  অমসুং মেদিকেল দিভাইসশিং, তেক্সতাইলশিং অমসুং দ্রোনশিংগী গ্রোথ লৈনবা লালোংগী মতাংদা খন্নগদবা “ভারত @ ১০০ তা মেন্যুফেকচরিংদা অচৌবা অহোংবা পুরকপা” হায়বা সেসন অসিদা লুচিংগনি।  ভারত ফোর্জকী চিয়রমেন অমসুং এম.দি., শ্রী বাবা কল্যানিনা সেসন অসিগী মোদরেতর ওইগনি। সেসন অসি এম/ও হেভী ইন্দস্ত্রীজ, দি/ও তেলিকম্ম্যুনিকেসন্স, দি/ও ফার্মাস্যুতিকেল্স অমসুং এম/ও স্তীল হায়রিবশিং অসিগী সেক্রেতরীশিংনা ৱারোল পীগনি, মতুংদা গুজরাত, উত্তর প্রদেশ অমসুং তেলঙ্গনা রাজ্যশিং অসিগী ইন্দস্ত্রীগী প্রিন্সিপল সেক্রেতরীশিংনা ৱারোল পীরগা লোইশিনগনি

অনিশুবা সেসন “এক্সপোর্তসতা ভারতকী ত্রিলিয়ন দোলর গোল ফংনবা হোৎনবা” হায়বা সেসন অসি কম্মর্স এন্দ ইন্দস্ত্রী মন্ত্রালয়গী কম্মর্স বিভাগনা লুচিংগনি। সেসন অসিনা এক্সপোর্তশিংদা ত্রিলিয়ন দোলর য়ৌনবগী ভারতকী অচৌবা পান্দম মঙফাওনবা ঙম্নগী লম্বীশিংদা মীৎয়েং চংগনি অমসুং ইলেক্ত্রোনিক্স, এগ্রিকলচর অমসুং ফুদ প্রোসেসিং, তেক্সতাইল্স, এদিতিব মেন্যুফেকচরিং, রোবোতিক্সকী ফোকস সেক্তরশিং কবর তৌগনি। সেসনগী মোদরেতর অসি ব্ল্যু স্তার লিমিতেদকী ভি.সি. অমসুং এম.দি. শ্রী বির এস এদবানিনা ওইগনি। সেসন অসি দি/ও কম্মর্স, এম/ও ইলেক্ত্রোনিক্স এন্দ ইনফোর্মেসন তেক্নোলোজী অমসুং এম/ও এগ্রিকলচর এন্দ ফার্মর্স ৱেলফিয়রগী মরী লৈনবা সেক্রেতরীশিংনা ৱারোল পীগনি মতুংদা মহারাস্ত্র, পঞ্জাব অমসুং কর্নাতকা রাজ্যশিং অসিগী ইন্দস্ত্রীগী প্রিন্সিপল সেক্রেতরীশিংনা ৱারোল পীরগা লোইশিনগনি।

অহুমশুবা সেসন অসি মাইক্রো, স্মোল এন্দ মীদিয়ম এন্তপ্রাইজেজ মন্ত্রালয়না লুচিংগনি, মসিগী মমিং “ভারতকী শেন্মীৎলোনগীদমক এম.এস.এম.ই.শিংবু করম্না গ্রোথ ইঞ্জিন ওইনা” হায়না মীংথোল্লি। এম.এস.এম.ই.না “আত্মনির্ভর ভারত”কী থৌরাং মঙফাওনবা ঙম্নবা বেকবোন ওইরি। সেসন অসিগী ওইনা মশক খঙদোকখ্রবা ফোকস সেক্তরশিং অদুদি ফর্নিচর, লেদর এন্দ ফুতৱেয়র, জেম্স এন্দ জ্বেলরী, তেক্সতাইল্স, ফুদ প্রোসেসিং অসিনি। সেসনগী মোদরেতর অসি ইন্দিয়া এস.এম.ই. ফোরমগী প্রসিদেন্ত শ্রী বিনোদ কুমারনা ওইগনি। সেসন অসি এম/ও মাইক্রো, স্মোল এন্দ মীদিয়ম এন্তপ্রাইজেজ, এম/ও ফুদ প্রোসেসিং ইন্দস্ত্রীজ অমসুং এম/ও তেক্সতাইল্সকী মরী লৈনবা সেক্রেতরীশিংনা ৱারোল পীরগা লোইশিনগনি। হরিয়ানা, মধ্য প্রদেশ, অসাম অমসুং তামিল নাদু রাজ্যশিং অসিগী ইন্দস্ত্রীগী প্রিন্সিপল সেক্রেতরীশিংনা সেসন অসিদা ৱারোল পীগনি।

লোইশিনবগী সেসন অসিদা মকোক থোংবা ইন্দস্ত্রীগী লুচিংবা অহুম হায়বদি সেসন মোদরেতরশিংনা আউতকমশিং অমসুং মাংদা চংশিন্নবা লম্বীগী মতাংদা এক্সন প্লানশিংগী প্রজেন্তেসন উৎকনি।

**********