দিপার্তমেন্ত ফোর প্রমোসন ওফ ইন্দস্ত্রী এন্দ ইন্তরনেল ত্রেদ (দি.পি.আই.আই.তি.)না নেসনেল স্তার্তঅপ এৱার্দকী অহুমসুবা ইদিসন হৌদোকখ্রে‍। অজাদি কা অমৃত মহোতসবকী পরিংদা চত্তুনা, নেসনেল স্তার্তঅপ এৱার্দ ২০২২না ভারতকী চাওখৎ ৱারীদা অওনবা পুরকপদা মরুওইবা থৌদাং লৌরিবা অমদি আত্মনিরভর ভারতকী ৱাখল্লোনবু থৌদুনা চৎনবা মতিং অমসুং মঙম লৈবা স্তার্তঅপশিংবু শকখঙগনি‍।

অহানবা নেসনেল স্তার্তঅপ এৱার্দ ২০২০দা লাউথোকখিবনি অমদি ভারত পুমবদগী স্তার্তঅপ অমসুং ইকোসিস্তেম ইনেব্লর ১৬০০ হেনবদগী এপ্লিকেসন থারকখি‍। হন্দক্তা লোইখিবা নেসনেল স্তার্তঅপ এৱার্দ ২০২১দা স্তার্তঅপ অমসুং ইকোসিস্তেম ইনেব্লর ২,২০০ হেনবনা শরুক য়াখি‍। ইদিসন অনি মায় পাক্না পাঙথোক্লবা মতুংদা, নেসনেল স্তার্তঅপ এৱার্দ ২০২২ এপ্লিকেসনগীদমক হাংদোরকখিবনি‍।

স্তার্তঅপকী মনা অসি সেক্তর ১৭তা সব-সেক্তর ৫০ থোক্না খায়দোক্তুনা পীগনি‍। সেক্তর ১৭ অদুদি লৌউ-শিংউ, শা-শন লোইবা, কন্সত্রক্সন, থক্নবা ঈশিং, মহি মশিং অমসুং স্কিল দেভেলপমেন্ত, ইনর্জী, এন্তরপ্রাইজ তেক্নোলোজী, অকোয়বগী ফীভম, ফিনতেক, ফুদ প্রোসেসিং, হকশেল অমসুং নুংঙাই য়াইফবা, ইন্দস্ত্রী ৪.০, মেদিয়া অমসুং এন্তরতেনমেন্ত, সিক্যুরিতী, স্পেস, ত্রান্সপোর্ত, অমসুং ত্রাভেলনি‍।

মসিগী মথক্তা, স্তার্তঅপশিংগী অখন্নবা কাঙলুপ তরেৎসু য়াওরি:

• নুপীনা লুচিংবা স্তার্তঅপশিং
• খুঙ্গঙগী লমদা পীবা ইথিল
• কেম্পস স্তার্তঅপশিং
• মেনুফেকচরিং এক্সেলেন্স
• লাইচৎ (ঙাকথোক্নবা, লাইওং খঙদোক্নবা, লায়েংনবা, শেন্ননবা, দিজিতেল কন্নেক্ত, ৱর্ক ফ্রোম হোম সোলুসন্নচিংবা) লাকশিন্নবা ইন্নোভেসন
• ইন্দিক লোলশিংদা পীবা সোলুসন নৎত্রগা বিজিনেস ওপরেসন
• অৱাং-নোংপোক (অরুনাচল প্রদেশ, অসাম, মনিপুর, মেঘালয়া, মিজোরম, নগালেন্দ, সিক্কিম অমসুং ত্রিপুরা) অমসুং চীংগী স্তেত/য়ুনিয়ন তেরিতরীশিংদগী (হিমাচল প্রদেশ, উত্তরাখন্দ, জম্মু অমসুং কাস্মির, অমদি লদাখ) স্তার্তঅপশিং

নেসনেল স্তার্তঅপ এৱার্দ ২০২২না অখন্নবা ইনক্যুবেতরশিং অমসুং এক্সেলেরেতরশিংবু পাক চাউবা স্তার্তঅপ ইকোসিস্তেম শেমগৎপগী মরুওইবা মচাক ওইনা মনা পীগনি‍।

মকোক তারক্লবা স্তার্তঅপশিংদা লুপা লাখ ৫গী শেলগী মনা পীগনি‍। মকোক মথঙ তারক্লবশিংদা মতিং লৈবা পাইলোত প্রোজেক্তশিং অমসুং ৱর্ক ওর্দরগীদমক্তা মরী লৈনবা পব্লিক ওথোরিতিশিং অমসুং কোর্পোরেতশিংগী মমাঙদা, অমদি ইমভেস্তরশিংগী মফমদা পিতচিংগী খুদোংচাবা ফংনবগীদমক মখোয়গী সোলুসন উৎননবা তাঞ্জা পীগনি‍। মখোয়দা তোঙান তোঙানবা লৈবাক্কী অমদি মালেমগী থাক্তা পাঙথোকপা স্তার্তঅপকী থৌরমশিংদা শরুক য়ানবগী অহানবা খুদোংচাবসু পীগনি‍।

মকোক তারক্লবা ইনক্যুবেতর অমসুং এক্সেলেরেতর অমমমদা লুপা লাখ ১৫গী শেলগী মনা পীগনি‍।

নেসনেল স্তার্তঅপ এৱার্দ ২০২২গী এপ্লিকেসন মার্চ ১৫, ২০২২ ফাওবা থাজিল্লকপা য়ারি‍। অহেনবা ৱারোলগীদমক www.startupindia.gov.in/content/sih/en/nsa2022.html দা চঙবিয়ু‍।

*************