[কর্তেন রেজর]

কেন্দ্র জল শক্তি মন্ত্রী শ্রী গজেন্দ্র সিংহ শেখাৱতনা ফেব্রুৱরী ২৮, ২০২২দা গুৱাহাতি, অসামদা পব্লিক হেল্থ ইঞ্জিনিয়র দিপার্তমেন্ত (পি.ঐচ.ই.দি.), রুরেল ৱাতর সপ্লাই অমসুং সেনিতেসন দিপার্তমেন্তকী মন্ত্রীশিংগা লোয়ননা রিজনেল কনফরেন্স অমা ময়াই তাংবল লৌদুনা পাংথোক্লগনি। রিজনেল কনফরেন্স অসিনা জল জীবন মিসন অমসুং স্বচ্ছ ভারত মিসন (গ্রামীন) ইম্প্লিমেন্তেসন তৌবদা থেংনরিবা মরুওইবা ইসুশিংদা মীৎয়েং থমগনি। মীফম অসি মখাগী লিঙ্ক অসিদা য়েংবা য়াগনি: https://youtu.be/N2Wo8QLA6jA

ফেব্রুৱারী ২৩দা পাংথোকখিবা ‘পোস্ত য়ুনিয়ন বজেৎ ২০২২ – লীবিং নো সিতিজেন বিহাইন্দ’ হায়বা ৱেবিনারগী মনুংদা প্রধান মন্ত্রী, শ্রী নরেন্দ্র মোদীনা “রাজ্যশিং/য়ু.তি.শিংনা পান্দম অদু অপীবা মতমদা ফংবা ঙম্নবা ময়েক শেংবা রোদমেপ অমা শেমগদবনি। অৱাং নোংপোক লমদমগী ঙমখৈগী রাজ্যশিং, চিংগী মফম অমসুং এস্পিরেস্নেল দিস্ত্রিক্তশিংদা অহানবা মীৎয়েং চংগদবনি” হায়না ফোঙদোকখীবা গাইদেন্স অসিদা য়ুম্ফম ওইরগা কেন্দ্রগী মন্ত্রীনা অৱাং-নোংপোক রাজ্যশিংগী রোদমেপ অমা শেমগনি। 

মনুং হঞ্জিনবা মফম, নোং কন্না চুবা অমসুং উন তাবগা লোয়ননা কন্সত্রক্সনগী পোৎলমশিং মতিক চানা ফংহন্দবনা মরম ওইরগা অৱাং-নোংপোক লমদমগী ঙমখৈগী মফমশিংদা মিসন অসিগী থবক খুমাং চাওশিনবদা চাউনা অপনবা পীরি। খুঙ্গংগী মফমশিংদা লৈরিবা মীওইশিংগী পব্লিক হেল্থ অমসুং মখোয়গী য়াইফনবা মাইকৈদা থম্লিবা কম্মিৎমেন্ত অদু অমুক হন্না চেৎশিনহন্দুনা কেন্দ্রগী বজেৎ ২০২২-২৩দা জে.জে.এম.দা থাদবা ফন্দ অসি ২০২১-২২দা লুপা করোর ৪৫,০০০তগী ২০২২-২৩দা লুপা করোর ৬০,০০০দা হেনগৎখ্রে। এস.বি.এম. (জি.)গী ওইনা বজেৎ ২০২২-২৩দা লুপা করোর ৭,১৯২ থাদখ্রে।

হর ঘর জল অসি ২০২৪ ফাওবদা লৈবাক অসিগী খুঙ্গংগী য়ুমথোং খুদিংদা তোতি ঈশিং ফংহন্নবা পান্দম থম্লিবা রাজ্য/য়ু.তি.শিংগা খুৎশম্নরগা ইম্প্লিমেন্ত তৌরিবা ভারত সরকারগী ফ্লেগশীপ প্রোগ্রাম অমনি। মনিপুর, মেঘালয় অমসুং সিক্কিমনা ২০২২দা হর ঘর জল ওইহন্নবা পান্দম থম্লি। অরুনাচল প্রদেশ, মিজোরাম, ত্রিপুরা অমসুং নাগালেন্দনা ২০২৩দা দেদলাইন থম্লি; অসাম্না পান্দম অসি ২০২৪দা ফংনবা মীৎয়েং থম্লি। স্বচ্ছ ভারত মিসন-গ্রামিন (এস.বি.এম-জি) অসি জল শক্তি মন্ত্রালয়না ইম্প্লিমেন্ত তৌবা অতোপ্পা ফ্লেগশীপ প্রোগ্রাম অমনি। ভারত্তা লৈবা খুঙ্গং খুদিংমক্না ও.দি.এফ. ওইরে হায়না লাওথোকখ্রবা মতুংদা ওক্তোবর ২, ২০১৯দা লৈবাক অসিদা লৈরিবা রাজ্য খুদিংমক্না ওপন দিফেকেসন ফ্রী স্তেতস ফংখ্রে। মসিগী অনিশুবা ফেজতা এস.বি.এম.-জিনা ও.দি.এফ. সস্তেনেবিলিতীদা অমসুং ২০২৪-২৫ ফাওবগী মনুংদা খুঙ্গং খুদিংমক্তা সোলিদ অমসুং লিক্বিদ ৱেস্ত মেনেজমেন্ত ওইহন্নবা হায়বদি খুঙ্গং খুদিংমক ও.দি.এফ. প্লস্তা ওন্থোক্নবা মীৎয়েং থম্লি। দি.দি.দবল্যু.এস.কী সেক্রেতরী শ্রীমতি ভিনি মহাজন্না মসিগী প্রোগ্রাম অনি অসি ইম্প্লিমেন্তেসন তৌবদা থেংনরিবা মরুওইবা ইসুশিংদা মীৎয়েং থমগদবা কনফরেন্স অসিগী এজেন্দা শেমগনি। 

অগস্ত ১৫, ২০১৯দা জল জীবন মীসন হেক লাওথোকখিবদগী লৈবাক পুম্বদা শীংথানীংঙাই ওইবা মওংদা খুমাং চাওশিল্লি অমসুং হৌজিক ফাওবদা খুঙ্গংগী য়ুমথোং করোর ৯ হেনবদা তোতি ঈশিং ফংহনখ্রে। কোবিদ-১৯ লাইচৎনা মরম ওইরগা থোকখিবা অপনবশিং অমসুং লোকদাউনশিং লৈজরবসু ঙসিদি লৈবাক অসিদা লৈরিবা দিস্ত্রিক্ত ১০০ হেনবনা হর ঘর জল ওইবা ঙমখ্রে।

অৱাং-নোংপোক্তা খুঙ্গং পুন্না ৪৩,৬৬৮ লৈবগী মনুংদা ৬,৭৯৮না হর ঘর জল ওইবা ঙমখ্রে। হৌজিক ফাওবদা প্রোগ্রাম অসিগী মখাদা ভিলেজ ৱাতর এন্দ সেনিতেসন কম্মিতী (ভি.দবল্যু.এস.দি.) ৩০,১৯৬ শেমখি অমসুং ভিলেজ এক্সন প্লান (ভি.এ.পি.) ৩১,৮১১ দিবেলপ তৌখি। এৱের্নেস পীনবা, কম্মুনিতী মোবিলাইজেসন তৌনবা, খুঙ্গংগী মীয়ামশিংবু হেন্দ হোল্দিং তৌনবগীদমক এন.ই. রাজ্যশিংদা ইমপ্লিমেন্তিং সপ্পোর্ত এজেন্সী (আই.এস.এ.) ১৯৭ হেন্না মথৌ তৌরি। রিজন অসিদা এস্পিরেস্নেল দিস্ত্রিক্ত ১৪ লৈ মসিদা য়ুমথোং লাখ ১৮.৭৯দা তোতি ঈশিংগী কন্নেক্সনশিং ফংহনখ্রে। রিজন অসিদা লৈবা অঙ্গনৱাদী সেন্তর ৬৮,৯৩৬ লৈবগী মনুংদা হৌজিক ৩৫,৯৪৪ (৫২%)না তোতি ঈশিংগী কন্নেক্সন ফংখ্রে। এন.ই.দা স্কুল ৭১,৮১৪ লৈ অমসুং হৌজিক ফাওবদা ৪৮,৭২৪ (৬৮%)না থক্নবা, মিদ-দে মীল থোং-থাক তৌনবা, খুৎশা হাম্নবা অমসুং তোইলেৎশিংদা শীজিন্ননবগীদমক অফবা তোতি ঈশিং ফংহনখ্রে।

মখা তানা ‘হর ঘর জল’ প্রোগ্রামগী মখাদা লেমহৌরিবা খুঙ্গংশিং কবর তৌনবগীদমক ৱাতর সপ্লাই ইনফ্রাস্ত্রকচর প্লান তৌখি। জল জীবন মিসন্না খুঙ্গংগী ৱাতর স্কিমশিং শাবদা, শেমজিনবা অমসুং মেন্তেনেন্সকী থবক-থৌরমশিংদা মতেং পাংনবা মফম অদুগী খুঙ্গংগী নহারোলবু চেক শুবা, পাইপ শেম্বা, পম্প শেনবা, ফিত্তর, তেক্নিসিয়ন, ইলেক্ত্রিসিয়ন অসিনচিংবা ওইনা স্কিল-অপ তৌনবা পান্দম থমখি। মসিনা খুঙ্গংগী শেন্মীৎলোনদা শাহৌ পীবদা অমসুং হিংনবগীদমক খুঙ্গংশিংদগী মীওইশিং মাইগ্রেসন তৌবা হন্থহনবদা মতেং ওইরগনি।

২০১৯গী ওগস্ত ১৫ ফাওবগী ফীভম ২০২২গী ফেব্রুৱারী ২৮ ফাওবগী ফীভম

প্রধান মন্ত্রী শ্রী নরেন্দ্র মোদীগী বিজন “সবকা সাথ, সবকা বিকাস, সবকা বিশ্বাস ওর সবকা প্রয়াস”কী বিজন অসি তুং ইল্লদুনা জিলা ১০০, ব্লোক ১,১৫০, গ্রাম পঞ্চায়ৎ ৬৭,০৭১ অমসুং খুঙ্গং ১,৩৮,৬৫৫ না ‘হর ঘর জল’ ওইবা ঙমখ্রে। রাজ্য অহুম – গোৱা, তেলঙ্গনা অমসুং হরিয়ানা অমসুং য়ু.তি. অহুম – এ এন্দ এন ঈথৎশিং, দি এন্দ এন হবেলি অমদি দামন এন্দ দিয়ু  অমসুং পুদুচেরীদা তোতি ঈশিংগঈ কবরেজ ১০০% য়ৌবা ঙমখ্রে। অতোপ্পা রাজ্যশিংনা য়াংনা খুমাং চাউশিল্লি অমসুং অতেনবা মতমগী মনুংদা চাদা চামাগী কবরেজ য়ৌবা ঙম্লগনি। মসিগী মনুংদা পঞ্জাবনা ৯৯%, হিমাচল প্রদেশনা ৯৩%, গুজরাতনা ৯২% অমসুং বিহারনা ৯০% য়ৌবা ঙম্লে। মখোয় পুম্নমক্না খুঙ্গংগী য়ুম খুদিংদা তোতি ঈশিং য়ৌহন্নবগী দেদলাইন অসি ২০২২না ওইরি।

এস.বি.এম.(জি)গী মখাদা এন.ই. রাজ্যশিংনা সেনিতেসনগীদমক থবক নীংথিনা তৌখি। ও.দি.এফ. স্তেতস ফংবা ঙম্বনা মীয়ামগী হকশেলদ চাউনা কান্নবা ফংবা ঙমখি। এস.বি.এম.(জি)গী মখাদা লৈরিবা রিসোর্সশিং অসি অনবা য়ুমশিংগী তোখাইবা তোইলেৎশিং শাবা অমসুং তোইলেৎ শানবগী লম লৈতবা য়ুমশিংগীদমক অমসুং ফ্লোতিং পোপুলেসনগীদমক কম্ম্যুনিতী সেনিতরী কমপ্লেক্সশিং শাবা; গ্রে ৱাতর মেনেজমেন্ত সিস্তেমশিং; ৱেস্তকী দোর-তু-দোর কলেক্সনশিং য়াওনা সোলিদ ৱেস্ত মেনেজমেন্ত হায়রিবশিং অসিগীদমক শীজিন্নরি। এস.বি.এম.(জি)না সিঙ্গল য়ুজ প্লাস্তিক্স মুত্থৎনবা অমসুং ফেকেল স্লদজ শাফবা মওংদা দিস্পোজ তৌনবগী থবকসু তৌরি। সোলিদ অমসুং লিক্বিদ ৱেস্ত মেনেজমেন্ত তৌবনা মীয়ামদা সস্তেনেবল হেল্থ অমসুং হাইজিনগী কান্নবশিং খঙহনবদা মতেং ওইরগনি।

*****