[افتتاحی پروگرام]

جل شکتی کے مرکزی وزیر جناب گجیندر سنگھ شیخاوت 28 فروری 2022 کو گوہاٹی، آسام میں پبلک ہیلتھ انجینئرنگ ڈپارٹمنٹ (پی ایچ ای ڈی)، شمال مشرقی ریاستوں کے دیہی پانی کی فراہمی اور صفائی ستھرائی کے محکموں کے وزرا کی علاقائی کانفرنس کی صدارت کریں گے۔ علاقائی کانفرنس میں جل جیون مشن اور سوچھ بھارت مشن (گرامین) کے نفاذ سے متعلق اہم امور پر توجہ مرکوز کی جائے گی۔ اجلاس کو درج ذیل لنک پر دیکھا جا سکتا ہے: https://youtu.be/N2Wo8QLA6jA

مرکزی وزیر 23 فروری کو منعقد ہونے والے ’پوسٹ یونین بجٹ 2022 - کوئی بھی شہری پیچھے نہ رہ جائے‘ پر ویبنار کے دوران وزیر اعظم جناب نریندر مودی سے موصولہ رہنمائی کے مطابق شمال مشرقی ریاستوں کے لیے روڈ میپ ترتیب دی تھی، جہاں انھوں نے کہا تھا، ”ایک واضح روڈ میپ بنایا جانا چاہیے تاکہ ریاستیں/ مرکز زیر انتظام علاقے مقررہ وقت کے اندر ہدف کو حاصل کر سکیں۔ شمال مشرقی سرحدی ریاستوں، پہاڑی خطوں اور خواہش مند اضلاع کو ترجیح دی جانی چاہیے۔“

دشوار راستے، شدید بارش اور برف باری کے ساتھ تعمیراتی سامان کی بے ترتیب سپلائی شمال مشرق کے سرحدی علاقوں میں مشن کے کام کی پیش رفت کو بہت زیادہ متاثر کرتی ہے۔ دیہی علاقوں میں رہنے والے لوگوں کی صحت عامہ اور بہبود کے تئیں وابستگی کا اعادہ کرتے ہوئے، مرکزی بجٹ میں جے جے ایم کے لیے مختص فنڈ کو 2021-22 میں 45,000 کروڑ روپے سے بڑھا کر 2022-23 میں 60,000 کروڑ روپے کر دیا گیا ہے۔ SBM(G) کے لیے 23-2022 کے بجٹ میں 7,192 کروڑ روپے مختص کیے گئے ہیں۔

ہر گھر جل حکومت ہند کا ایک فلیگ شپ پروگرام ہے جو ریاستوں/ مرکز کے زیر انتظام علاقوں کے ساتھ شراکت میں نافذ کیا جا رہا ہے، جس کا مقصد 2024 تک ملک کے ہر دیہی گھر کو نلکے کے پانی کا کنکشن فراہم کرنا ہے۔ منی پور، میگھالیہ اور سکم کا ہدف 2022 میں ہر گھر جل کو حاصل کرنا ہے۔ اروناچل پردیش، میزورم، تریپورہ اور ناگالینڈ کی طرف سے مقرر کردہ آخری تاریخ 2023 ہے؛ آسام کا مقصد 2024 میں اس مقصد کو پورا کرنا ہے۔ سوچھ بھارت مشن-گرامین (SBM-G) ایک اور فلیگ شپ پروگرام ہے جسے وزارت جل شکتی کے ذریعے نافذ کیا جا رہا ہے۔ ملک کی تمام ریاستوں نے 2 اکتوبر 2019 تک کھلے میں رفع حاجت سے پاک ہونے کا درجہ حاصل کر لیا، جب ہندوستان بھر کے دیہاتوں نے خود کو ODF قرار دیا تھا۔ اپنے دوسرے مرحلے میں، SBM-G او ڈی ایف کی پائیداری پر توجہ مرکوز کر رہا ہے اور 2024-25 تک تمام دیہاتوں میں ٹھوس اور مائع فضلہ کے انتظام کو حاصل کیا جانا ہے، یعنی گاؤں کو ODF پلس میں تبدیل کرنا ہے۔ سکریٹری DDWS، محترمہ وینی مہاجن، کانفرنس کا ایجنڈا طے کریں گی جس میں ان دونوں پروگراموں کے نفاذ سے متعلق اہم امور پر توجہ دی جائے گی۔

15 اگست 2019 کو جل جیون مشن کے اعلان کے بعد سے، ملک بھر میں اہم پیش رفت ہوئی ہے اور آج تک 9 کروڑ سے زیادہ دیہی گھرانوں کو نلکے کے پانی کے کنکشن فراہم کیے گئے ہیں۔ کووڈ-19 عالمی وبا کے پیش نظر رکاوٹوں اور لاک ڈاؤن کے باوجود آج ملک کے 100 سے زائد اضلاع ہر گھر جل بن چکے ہیں۔

شمال مشرق میں کل 43,668 گاؤں ہیں جن میں سے 6,798 ہر گھر جل بن چکے ہیں۔ اب تک، پروگرام کے تحت، 30,196 ولیج واٹر اینڈ سینی ٹیشن کمیٹیاں (VWSCs) تشکیل دی گئی ہیں اور 31,811 ولیج ایکشن پلان (VAPs) تیار کیے گئے ہیں۔ تقریباً 197 نافذ کرنے والی امدادی ایجنسیاں (آئی ایس اے) شمال مشرقی ریاستوں میں بیداری پیدا کرنے، کمیونٹی کو متحرک کرنے، دیہاتی برادریوں کے ہاتھ تھامنے وغیرہ کے لیے مصروف عمل ہیں۔ خطے میں 14 خواہش مند اضلاع ہیں، جہاں 18.79 لاکھ گھرانوں کو نلکے کے پانی کے کنکشن فراہم کیے گئے ہیں۔  خطے کے 68,936 آنگن واڑی مراکز میں سے 35,944 (52 فیصد) کے پاس اب نلکے کے پانی کا کنکشن ہے۔ شمال مشرقی ریاست میں 71,814 اسکول ہیں اور آج تک 48,724 (68 فیصد) کو پینے، دوپہر کا کھانا پکانے، ہاتھ دھونے اور بیت الخلا میں استعمال کے لیے پینے کے قابل نل کے پانی تک رسائی حاصل ہے۔

مزید یہ کہ ’ہر گھر جل‘ پروگرام کے تحت بقیہ دیہاتوں کا احاطہ کرنے کے لیے پانی کی فراہمی کے بنیادی ڈھانچے کا منصوبہ بنایا گیا ہے۔ جل جیون مشن کا مقصد گاؤں کے مقامی نوجوانوں کو بطور معمار، پلمبر، پمپ آپریٹر، فٹر، ٹیکنیشن، الیکٹریشن وغیرہ کی مہارت پیدا کرنا ہے تاکہ گاؤں کی پانی کی اسکیموں کی تعمیر، مرمت اور دیکھ بھال کی سرگرمیوں میں مدد کی جا سکے۔ اس سے دیہی معیشت کو بھی فروغ ملے گا اور روزی روٹی کے لیے دیہاتوں سے لوگوں کی نقل مکانی کو بھی روکا جائے گا۔

28 فروری 2022 کو صورتحال                                              15 اگست 2019 کو صورتحال

وزیر اعظم جناب نریندر مودی کے ”سب کا ساتھ، سب کا وکاس، سب کا وشواس اور سب کا پریاس“ کے وژن پر عمل کرتے ہوئے، 100 اضلاع، 1,150 بلاکس، 67,071 گرام پنچایتیں اور 1,38,655 گاؤں ’ہر گھر جل‘ بن چکے ہیں۔ تین ریاستوں - گوا، تلنگانہ اور ہریانہ اور تین مرکز زیر انتظام علاقوں – انڈمان نیکوبار جزائر، دادر اور نگر حویلی اور دمن اور دیپ اور پڈوچیری کو 100 فیصد نل کے پانی کی کوریج فراہم کی گئی ہے۔ دیگر ریاستیں تیزی سے آگے بڑھ رہی ہیں اور جلد ہی صد فیصد کوریج حاصل کرنے کے قریب ہیں۔ ان میں سے پنجاب 99 فیصد، ہماچل پردیش 93 فیصد، گجرات 92 فیصد اور بہار 90 فیصد ہے۔ ان سب نے 2022 کو ہر دیہی گھر تک نل کا پانی پہنچانے کی آخری تاریخ مقرر کی ہے۔

SBM(G) کے تحت، شمال مشرقی ریاستوں نے صفائی ستھرائی پر اچھا کام کیا ہے۔ ODF کا درجہ حاصل کرنے کے نتیجے میں لوگوں کی صحت میں خاطر خواہ اضافہ ہوا ہے۔ SBM(G) کے تحت وسائل نئے گھرانوں کے لیے انفرادی بیت الخلا کی تعمیر; جگہ کے بغیر گھرانوں کے لیے کمیونٹی سینیٹری کمپلیکس؛ ٹھوس فضلہ کا انتظام، بشمول گھر گھر کچرے کو جمع کرنے کی تعمیر میں مدد کے لیے استعمال کیے جا رہے ہیں۔ SBM (G) سنگل یوز پلاسٹک سے گریز کرنے اور بیت الخلا کی کیچڑ کو محفوظ طریقے سے ٹھکانے لگانے کے لیے بھی کام کر رہا ہے۔ ٹھوس اور مائع فضلہ کے انتظام کے حصول سے لوگوں کو صحت اور حفظان صحت کے پائیدار فوائد کا احساس کرنے میں مدد ملے گی۔

                                               **************

ش ح۔ ف ش ع- م ف

U: 2053