প্রধানমন্ত্রীগী লোইশঙ
azadi ka amrit mahotsav

প্রধান মন্ত্রী, শ্রী নরেন্দ্র মোদীনা ঙসি তেলিফোনদা রসিয়ন ফেদরেশনগী প্রেসিদেন্ত, হিস এক্সেলেন্সী ব্লাদিমির পুতিনগা ৱারী শাখি

Posted On: 24 FEB 2022 10:41PM by PIB Imphal

প্রেসিদেন্ত পুতিন্না প্রধান মন্ত্রীদা য়ুক্রেনগী মতাংদা হন্দক্তা নৌনা থোরক্লিবা থৌদোকশিং অদুগী মতাংনা খঙহল্লকখি। প্রধান মন্ত্রীনা রসিয়া অমসুং এন.এ.তি.ও. কাংলুপকী মরক্তা লৈরিবা খৈৎনবা অসিবু পুকচেল শেংনা অরান-অথুপ য়াওদনা ৱারী-ৱাতাই শানদুনা লোইশিনবা য়াগনি হায়বা মহাক্কী মতম কুইনদগী লৈরক্লবা অচেৎপা থাজবা অদুগী মতাংদা হন্না-হন্না হায়খি। প্রধান মন্ত্রীনা হিংশাগী থবক অসিবু অথুবা মতমদা লেপ্ননবা আপীল তৌখি, অমসুং দিপ্লোমেতিক ওইবা মওংদা য়াশিন্ননবা তানবা অমসুং ৱারী-ৱাতাই শানবগী লম্বিদা অমুক হন্না পুরক্নবা মাইকৈ খুদিংমক্তগী লিংজেল মান্ননা অমসুং পুন্না হোৎনমিন্নবা হায়খি।

প্রধান মন্ত্রীনা রসিয়াগী প্রেসিদেন্ততা য়ুক্রেনদা লৈরিবা ভারত মচাশিংগী অশোই-অঙাম য়াওদবা, মরু ওইনা মহৈরোইশিংগী মতাংদা ভারতনা থেংনরিবা অৱাবশিং অদুগী মতাংদা খঙহনখি, অমসুং ভারতনা মখোয়শিং অদুবু অশোই-অঙাম য়াওদনা থোরক্তুনা অমসুং ভারত্তা য়ৌবা হায়বসি ভারতকী ওইনা খ্বাইদগী মরু ওইনা লৌই হায়না খঙহনখি।

লুচিংবশিং অদুনা মখোয়গী ওফিসিয়েলশিং অমসুং দিপ্লোমেতিক তীমশিংনা মখাতানা হৌজিক্কী ওইনা খ্বাইদগী মরু ওইবা ৱাফমশিংদা য়াম্না তোইনা পাউ ফাওনগনি হায়না য়ানবা অমা পুরকখি।

*****



(Release ID: 1801031) Visitor Counter : 67