ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗ୍ରାମୀଣ ବିକାଶରେ କେନ୍ଦ୍ରୀୟ ବଜେଟର ସକାରାତ୍ମକ ପ୍ରଭାବ ସମ୍ପର୍କୀତ ୱେବିନାରରେ ଅଭିଭାଷଣ ପ୍ରଦାନ କରିଛନ୍ତି । ଧାରାବାହିକ ଭାବେ ଏହା ହେଉଛି ଦ୍ୱିତୀୟ ୱେବିନାର । ସମ୍ପୃକ୍ତ କେନ୍ଦ୍ରମନ୍ତ୍ରୀ, ରାଜ୍ୟ ସରକାରଙ୍କ ପ୍ରତିନିଧି ଓ ଅନ୍ୟାନ୍ୟ ତୃତୀୟ ପକ୍ଷ ଅଂଶୀଦାରମାନେ ଏହି ଅବସରରେ ଉପସ୍ଥିତ ଥିଲେ ।

ପ୍ରଧାନମନ୍ତ୍ରୀ ସରକାରଙ୍କ ପ୍ରତ୍ୟେକ କାର୍ଯ୍ୟ ଓ ନୀତି ପଛରେ ସବ୍‌କା ସାଥ, ସବକା ବିକାଶ, ସବ୍‌କା ବିଶ୍ୱାସ ଓ ସବ୍‌କା ପ୍ରୟାସ ମନ୍ତ୍ରର ଉତ୍ସାହ ଅଛି ବୋଲି କହି ତାଙ୍କର ଅଭିଭାଷଣ ଆରମ୍ଭ କରିଥିଲେ । ପ୍ରତ୍ୟେକ ବ୍ୟକ୍ତିର ଉଦ୍ୟମ ଯୋଗୁଁ  ପ୍ରତ୍ୟେକ ଶ୍ରେଣୀ ଓ ଅଞ୍ଚଳ ବିକାଶର ସମ୍ପୂର୍ଣ୍ଣ ଲାଭ ପାଇଲେ ଯାଇ ଆମର ଆଜାଦୀ କା ଅମ୍ରିତ କାଳର ଶପଥ ସମ୍ପୂର୍ଣ୍ଣ ହେବ” ବୋଲି ଶ୍ରୀ ମୋଦୀ ଗୁରୁତ୍ୱ ଆରୋପ କରି କହିଥିଲେ ।

 ସେ କହିଥିଲେ ଯେ ସରକାରଙ୍କ ବିକାଶମୂଳକ ଯୋଜନାରେ ସୁଫଳ ଓ ମୌଳିକ ସୁବିଧା ସୁଯୋଗ କିପରି ଶତପ୍ରତିଶତ  ଜନସାଧାରଣଙ୍କ ନିକଟରେ ପହଞ୍ଚିବ ଓ ସମ୍ପୂର୍ଣ୍ଣ ବିକାଶ ସାଧିତ ହେବ ଏହାର ସ୍ପଷ୍ଟ ଚିତ୍ର ବଜେଟ୍‌ରେ ନିହିତ ବୋଲି ସେ କହିଥିଲେ । “ବଜେଟ୍‌ରେ ପିଏମ ଆବାସ ଯୋଜନା, ଗ୍ରାମୀଣ ସଡକ ଯୋଜନା, ଜଳ ଜୀବନ ମିଶନ, ଉତ୍ତର-ପୂର୍ବାଞ୍ଚଳ ସଂଯୋଗୀକରଣ, ଗ୍ରାମାଞ୍ଚଳରେ ବ୍ରଡବ୍ୟାଣ୍ଡ ଭଳି ଆବଶ୍ୟକ ଯୋଜନାରେ ବଜେଟରେ ବ୍ୟୟବରାଦ ହୋଇଛି” ବୋଲି ସେ କହିଥିଲେ ।”  ସେହିପରି ସୀମାବର୍ତ୍ତୀ ଗ୍ରାମାଞ୍ଚଳ ନିମନ୍ତେ ବଜେଟ୍‌ରେ ଘୋଷିତ ଚଳଚଂଚଳ ଗ୍ରାମୀଣ କାର୍ଯ୍ୟକ୍ରମ ମଧ୍ୟ ଖୁବ୍ ଗୁରୁତ୍ୱପୂର୍ଣ୍ଣ” ବୋଲି ସେ କହିଥିଲେ ।

ଉତ୍ତର ପୂର୍ବାଞ୍ଚଳ ନିମନ୍ତେ ପ୍ରଧାନମନ୍ତ୍ରୀଙ୍କ ବିକାଶ ପଦକ୍ଷେପ  ((PM-Dev INE))ଯୋଗୁଁ ଉତ୍ତରପୂର୍ବାଂଚଳରେ ମୌଳିକ ଆବଶ୍ୟକତା ପହଞ୍ଚାଇବାକୁ ସୁନିଶ୍ଚିତ କରାଯିବ ବୋଲି ସେ କହିଥିଲେ । ସ୍ୱାମୀତ୍ୱ ଯୋଜନା ଗ୍ରାମାଞ୍ଚଳରେ ଘରବାଡି, ଜମିଜମାର ଯଥାର୍ଥ ବିଭାଜନ ପ୍ରକ୍ରିୟା ସୁଗମ କରିବା ଯୋଗୁଁ ୪୦ଲକ୍ଷ ସମ୍ପତ୍ତି କାର୍ଡ ଜାରି କରାଯାଇଛି । ଏକ ଜମି ଚିହ୍ନଟୀକରଣ  ପିନ୍ ଫଳରେ ଗ୍ରାମବାସୀଙ୍କୁ ରାଜସ୍ୱ କର୍ମଚାରୀଙ୍କ ଉପରେ ନିର୍ଭରଶୀଳତା ହ୍ରାସ ପାଇବ । ଜମିଜମା କାଗଜପତ୍ର ଓ ମାପଚୁପ ଅତ୍ୟାଧୁନିକ ପ୍ରଯୁକ୍ତିଜଜ୍ଞାନ ଦ୍ୱାରା କରାଇବାକୁ ସେ ରାଜ୍ୟଗୁଡିକୁ ପରାମର୍ଶ ଦେଇଥିଲେ । “ବିଭିନ୍ନ ଯୋଜନାର ଶତପ ପ୍ରତିଶତ ସଫଳତା ନିମନ୍ତେ ଆମକୁ ନୂତନ ପ୍ରଯୁ୍କ୍ତିଜ୍ଞାନ ଉପରେ ଦୃଷ୍ଟି ଦେବାକୁ ହେବ ଯାହାଫଳରେ ପ୍ରକଳ୍ପଗୁଡିକ ଶୀଘ୍ର ଶେଷ ହେବା ସହ ଗୁଣାତ୍ମକ ମାନରେ ମଧ୍ୟ କୌଣସି ସାଲିସ କରାଯିବ ନାହିଁ ବୋଲି ସେ କହିଥିଲେ ।

ଜଳଜୀବନ ମିଶନ ଅଧୀନରେ ଚାରି କୋଟି ଜଳ ସଂଯୋଗ ଦେବା ପାଇଁ ଉଦ୍ୟମ ଜୋ ଦାର କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ । ପ୍ରସ୍ତାବିତ ଜଳ ଯୋଗାଣ ବ୍ୟବସ୍ଥାରେ ଯେପରି ପାଇପ ଓ ଜଳର ଗୁଣାତ୍ମକ ମାନ ଭଲ ରହେ ତାହା ସୁନିଶ୍ଚିତ କରିବାକୁ ସେ ପ୍ରତ୍ୟେକ ରାଜ୍ୟ ସରକାରଙ୍କୁ ନିବେଦନ କରିଥିଲେ।” ଏହି ଯୋଜନାର ପ୍ରମୁଖ ବୈଶିଷ୍ଟ୍ୟ ହେଉଛି ଗ୍ରାମୀଣସ୍ତରରେ ଏକ ମାଲିକାନା ଜ୍ଞାନ ପ୍ରସାର କରି ଜଳଯୋଗାଣ ପ୍ରଶାସନିକ ବ୍ୟବସ୍ଥାକୁ ସଶକ୍ତ କରିବା । ଏହାକୁ ନଜର ରଖି ଆମେ  ୨୦୨୪ ସୁଦ୍ଧା ଦେଶର ପ୍ରତ୍ୟେକ ପରିବାରକୁ ପାଇପ ଯୋଗେ ପାନୀୟ ଜଳ ଯୋଗାଇପାରିବ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଗ୍ରାମୀଣ ଡିଜିଟାଲ ସଂଯୋଗ ଆଉ କେବଳ ମାତ୍ର ଏକ ଆକାଂକ୍ଷା ହୋଇ ରହିନାହିଁ, ଏହା ଆବଶ୍ୟକତା ହୋଇଯାଇଛି । “ବ୍ରଡବ୍ୟାଣ୍ଡ କେବଳ ଗ୍ରାମକୁ ସୁବିଧା ସୁଯୋଗ ଦେବ ନାହିଁ, ବରଂ ଗ୍ରାମାଞ୍ଚଳରେ ଏକ ବିଶାଳ କୁଶଳୀ ଯୁଗଗୋଷ୍ଠୀ ସୃଷ୍ଟିରେ ସହାୟକ ହେବ’ ବୋଲି ସେ କହିଥିଲେ  । ଦେଶରେ ସେବା କ୍ଷେତ୍ରରେ ସାମର୍ଥ୍ୟ ବୃଦ୍ଧି କରିବାରେ ବ୍ରଡବ୍ୟାଣ୍ଡ ସହାୟକ ହେବ । ଯେଉଁ ସ୍ଥାନରେ  କାର୍ଯ୍ୟ ସମ୍ପନ୍ନ ହୋଇଛି ସେସବୁ ସ୍ଥାନରେ ବ୍ରଡବ୍ୟାଣ୍ଡ ସାମର୍ଥ୍ୟର ଯଥାର୍ଥ ଉପଯୋଗ ଉପରେ ସଚେତନତା ସୃଷ୍ଟି ପାଇଁ ସେ ଗୁରୁତ୍ୱା ଆରୋପ କରିଥିଲେ ।

ପ୍ରଧାନମନ୍ତ୍ରୀ ମହିଳା ଶକ୍ତି ଓ ଗ୍ରାମ୍ୟ ଅର୍ଥନୈତିକ ମୂଳପିଣ୍ଡ ବୋଲି କହିଥିଲେ । “ଆର୍ଥିକ ଅନ୍ତର୍ଭୁକ୍ତୀକରଣ ଯୋଗୁଁ ପରିବାରର ଆର୍ଥିକ ନିଷ୍ପତ୍ତିରେ ମହିଳାଙ୍କ ଅଂଶଗ୍ରହଣ ସୁନିଶ୍ଚିତ ହୋଇପାରିଛି । ସ୍ୱୟଂ ସହାୟକ ଗୋଷ୍ଠୀ ଜରିଆରେ ଏହି ସହଯୋଗ ବୃଦ୍ଧି କରିବାକୁ ହେବ” ବୋଲି ସେ ଗୁରୁତ୍ୱ ଆରୋପ କରିଥିଲେ ।

ଶେଷରେ ପ୍ରଧାନମନ୍ତ୍ରୀ ନିଜସ୍ୱ ଅଭିଜ୍ଞତାରୁ ଗ୍ରାମୀଣ ବିକାଶ ଦିଗରେ ଅନେକ ପ୍ରସ୍ତାବମାନ ଦେଇଥିଲେ । ଗ୍ରାମାଞ୍ଚଳ ସମସ୍ୟା ନେଇ ସଂଶ୍ଳିଷ୍ଟ ସମସ୍ତ ସଂସ୍ଥା ଏକାଠି ବସି ସମାଧାନ ପନ୍ଥା ବାହାର କରିବାକୁ ସେ ପରାମର୍ଶ ଦେଇଥିଲେ । “ଅର୍ଥର ଉପଲବ୍ଧତା ଠାରୁ ସମନ୍ୱୟ ଆଭାବ ଏହାର ସବୁଠାରୁ ବଡ ସମସ୍ୟା” ବୋଲି କହିଥିଲେ। ସୀମାନ୍ତ ଅଞ୍ଚଳରେ ଅଭିନବ ଉପାୟରେ ଅବସରପ୍ରାପ୍ତ ସରକାରୀ ଅଧିକାରୀଙ୍କୁ ନେଇ ବିଭିନ୍ନ ପ୍ରତିଯୋଗିତାର ବିଭିନ୍ନ ପ୍ରସ୍ତାବ ସେ ଦେଇଥିଲେ । ଗ୍ରାମର ଜନ୍ମଦିନ ପାଳନ କରି ଗ୍ରାମ ସମସ୍ୟାଗୁଡିକ ସମାଧାନ ପାଇଁ ସେହିଦିନ ପ୍ରସ୍ତାବ ବା ପଦକ୍ଷେପ ନେଇ ଗ୍ରାମାବାସୀ ମଧ୍ୟରେ ନିଜ ଗ୍ରାମ ସହ ଏକାତ୍ମକ ଭାବ ବଢିବା ସହ ଏହା ଗ୍ରାମ୍ୟ ଜୀବନକୁ ମଧ୍ୟ ସମୃଦ୍ଧ କରିବ । କୃଷି ବିଜ୍ଞାନ କେନ୍ଦ୍ରଗୁଡିକ ଦ୍ୱାରା କୃଷକ ଗୋଷ୍ଠୀକୁ ଜୈବିକ କୃଷି ପାଇଁ ପ୍ରୋତ୍ସାହିତ କରିବା ତଥା ପୁଷ୍ଟିହୀନତା ସମସ୍ୟା ସମାଧାନ ଓ ଶିକ୍ଷାନୁଷ୍ଠାନରୁ ଅଧା ପାଠ ଛାଡୁଥିବା ବିଦ୍ୟାର୍ଥୀମାନଙ୍କ ସମସ୍ୟାର  ସମାଧାନ ଦ୍ୱାରା ଗ୍ରାମାଞ୍ଚଳ ବିକାଶ ସାଥିତ ହୋଇପାରିବ  ବୋଲି ସେ କହିଥିଲେ।

*****

SM/SLP