দি এমপ্লোয়ীজ’ স্তেৎ ইন্সুরেন্স কোর্পোরেসন, ই.এস.আই.সি.না তীকা থাদোক্ত্রিবা মীওইশিংবু কবরেজ তৌবদা খোঙজেল য়াংশিনহন্নবা ই.এস.আই.সি./ই.এস.আই.এস. হোস্পিতাল/দিস্পেন্সরী/স্পেসিএল কেম্প পুম্নমক্কী কোবিদ-১৯ ভেক্সিনেসন সাইৎশিং এক্তিবেসন তৌনবা পাউতাক পীখ্রে।

লেবর অমসুং এমপ্লোইমেন্ত মন্ত্রালয়গী মখাদা লৈরিবা কোর্পোরেসন অসিনা কোরোনা ভাইরসনা মরম ওইদুনা লৈখিদ্রবা ইন্স্যুর্দ পর্সনশিংগী ইমুং-মনুংদা মতেং পাংনবা কোবিদ-১৯ রিলিফ স্কিম হৌখি।

স্কিম অসিগী মখাদা, লৈখিদ্রবা ইন্স্যুর্দ পর্সনশিংগী চাংচৎ ওইনা ফংফম থোকপা খুৎশুমলগী চাদা ৯০ অসি লৈখিদ্রবা ইন্স্যুর্দ পর্সনশিংগী ইলিজিবল দিপেন্দেন্তশিংদা য়েন্থোকখি। লৈখিদ্রবা আই.পি./আই.দবল্যু.গী লোইনবী/মপুরোইবসু চহি অমগী ওইনা লম্প-সমদা লুপা ১২০/- দিপোজিৎ তৌদুনা মেদিকেল কিয়রগীদমক ইলিজিবলসু ওই। বেনিফিসরীশিংনা মখোয়গী ফংফম থোকপগী মতুং ইন্না থাগী পেন্সন ফংলি।

স্কিম অসি হৌজিক্কী ওইনা ২৩.০৩.২০২২ ফাওবা চৎনখিগনি, অদুবু হান্নদগী লৈরবা বেনিফিসরীশিংনদি মখা তানা কান্নবশিং ফংখিগনি। স্কিম অসি ফীল্দ য়ুনিৎশিংদগী লাকপা ফীদবেক য়াওনা অহেনবা হীরম খরা ইভেল্যুএৎ তৌরবা মতুংদা রিভ্যু তৌগনি। হৌজিক ফাওবদা কোবিদ-১৯ রিলিফ স্কিমগী মখাদা পুন্না ক্লেম ৫,১৪১ সেতল তৌখ্রে। দিপেন্দেন্ত বেনিফিসরী ১২,৩০৯দা রিলিফকী শেনফম লুপা করোর ৩৪.১৫ য়েন্থোকখ্রে।

মসিগী মথক্তা ই.এস.আই.সি.না মাগী স্তেকহোল্দরশিং লোয়ননা মীচম প্রজাগী মতেং পাংনবা অমুক হন্না হেনগৎলক্লিবা কোবিদ লাইচৎকী শীংন্নীংঙাই ওরিবা ফীভম অসি লাকশিন্নবা খোঙথাং কয়ামরুম পাইখৎখি। ই.এস.আই.সি. হোস্পিতাল অমমমগী বেদ কেপাসিতীগী চাদা ২০দি দেদিকেতেদ কোবিদ বেদ ওইনা থম্মি অমদি মফম অদুগী ওইরিবা ফীভমগী মথৌ তাবগী মতুং ইন্না তপ্না হেনগৎহল্লকপা য়াই।

অনিশুবা ৱেবকী মনুংদা ভেন্তিলেতর ৪০০ লৈবা দেদিকেতেদ কোবিদ বেদ ৪৫০০ লৈবা ই.এস.আই.সি. হোস্পিতাল ৩৩ অসি দেদিকেতেদ কোবিদ-১৯ হোস্পিতাল ওন্থোকখি। কোর্পোরেসন অসিনা করিগুম্বা রাজ্য/লোকেল হেল্থ ওথোরিতীনা মথৌ তারবদি মীচম প্রজাগীদমক মাগী হকথেংননা চল্লাইরিবা হোস্পিতাল ৫০ অসিগী মনুংদা অমা হেক্তবু দেদিকেতেদ কোবিদ হোস্পিতাল ওন্থোক্নবা শেম-শাদুনা লৈরি।

আই.সি.এম.আর.না অয়াবা পীরবা আর.তি.-পি.সি.আর. লেবশিং অসি ই.এস.আই.সি. হোস্পিতাল ৭তা মথৌ তৌরি, মখোয় অদুদি ই.এস.আই.সি. মেদিকেল কোলেজ এন্দ হোস্পিতাল, ফরিদবাদ (হরিয়ানা), সনাথ নগর (হাইদ্রাবাদ, তেলঙ্গনা), রাজাজিনগর, বেঙ্গলোর, জোকা (দবল্যু.বি.), গুলবর্গা (কর্নাতকা), কে.কে. নগর, চেন্নাই (তি.এন) অমসুং ই.এস.আই.সি.-পি.জি.আই.এম.এস.আর., বসাইদরাপুর অমসুং ই.এস.আই.সি.ঐচ. ওখলা অসিনি। অনিশুবা ৱেবকী মনুংদা ই.এস.আই.সি. হোস্পিতাল ৩৩ অমসুং ই.এস.আই.সি. হোস্পিতাল ২০না আই.পি.দি. কোবিদ ফংহনখি।

মখা তানা, ই.এস.আই.সি. হোস্পিতালশিংনা হেন্নবা ফবা অমসুং খুদক্কী ওইবা মেদিকেল সর্ভিসশিং ফংহন্নবা চাং নাইনা কেন্দ্রগী হকশেল মন্ত্রালয়না পীবা অপদেৎ তৌরবা চৎন-কাংলোন পুম্নমক ঙাক্না চৎলি। অসিগুম্বা খোঙথাং পুম্নমক ইমপ্লিমেন্ত তৌনবা ই.এস.আই.সি. হেদক্বাতরশিংদা লৈবাক অসিগী লৈরিবা হোস্পিতালশিংগা লোয়ননা ভিদিও কনফরেন্স তৌদুনা চাং নাইনা য়েংশিনখি।

***