பிப்ரவரி 7… 2022 முதல் தொடங்கிய ஃபின்டெக் ஓப்பன் மாதம் என்பது, கட்டுப்பாட்டாளர்கள், ஃபின்டெக் எனப்படும் நிதி தொழில்நுட்ப வல்லுநர்கள் மற்றும் ஆர்வலர்கள், தொழில்துறை தலைவர்கள், ஸ்டார்ட்-அப் சமூகம் மற்றும் டெவலப்பர்கள் ஆகியோரை பொதுவான தளத்தில் ஒன்றிணைத்து, யோசனைகளை பரிமாறிக்கொள்ளும் முன்மாதிரியான மற்றும் புதுமையான முயற்சியாகும். 

ஆழ்ந்த கற்றல் அனுபவத்தை உருவாக்கும் நோக்கத்தோடு  ஃபின்டெக்  ஓப்பன் மாதம் என்ற தலையாய கருப்பொருள் மூன்று முக்கிய முன்னுரிமைகளை கொண்டுள்ளது.

ஃபின்டெக் தொழில்துறை முழுவதும் திறந்த சூழலியல் அமைப்பை ஊக்குவிப்பது; கண்டுபிடிப்பு மற்றும் வளர்ச்சியை ஊக்குவிப்பது; நிதி உள்ளடக்கலை உறுதிசெய்து, கணக்கு திரட்டி போன்ற புதிய அமைப்புகளைப் பயன்படுத்தி, ஃபின்டெக் கண்டுபிடிப்புகளின் அடுத்த அலையைக் கட்டவிழ்த்துவிடுதல் ஆகியவையாகும்.

ஆழ்ந்த விவாதங்கள், புதுமைகளை ஊக்குவித்தல், பல்வேறு கருத்துகளை வெளிக்கொணர்தல் ஆகியவை ஃபின்டெக் மாதத்தின் முதல் வாரத்தின் நோக்கங்கள் ஆகும்.

ஃபின்டெக் மாதத்தை 7 பிப்ரவரி 2022 அன்று காணொலி மூலம் மத்திய அமைச்சர் திரு. அஷ்வினி வைஷ்ணவ் தொடங்கி வைத்தார். நிதி ஆயோக் துணைத்தலைவர் டாக்டர். ராஜீவ் குமார் சிறப்புரை ஆற்றினார். 

நிகழ்ச்சியில் பேசிய அமைச்சர் திரு. அஷ்வினி வைஷ்ணவ் “மாண்புமிகு பிரதமர் திரு. நரேந்திர மோடியின் தலைமையின் கீழ், சுகாதார சேவைகள், சரக்கு போக்குவரத்து மற்றும் இதர பிரிவுகளுக்கு கோவின், யூபிஐ போன்ற திறந்த தளங்களை உருவாக்குவதில் நாங்கள் நம்பிக்கை கொண்டிருக்கிறோம்,” என்றார்.

மேலும் விவரங்களுக்கு, இந்த ஆங்கில செய்திக் குறிப்பைக் காணவும்: https://pib.gov.in/PressReleasePage.aspx?PRID=1798495

                                                                                                ***********************