• অনৌবা বিল্দিং অহুম শানবগী লুপা করোর ২০গী শেনফম
• গুৱাহাতীগী সি.এ.আর.আই.দা অৱাং নোংপোক্কী ওইবা ফার্মাকোলোজী অমসুং কেমেস্ত্রী লেব হায়রিবা মখল অসিগী অহানবা উরেপ উয়ুং তমখ্রে
• স্তেত আয়ুর্বেদিক ফার্মাসীসু আয়ুর্বেদীক কোলেজকী থাক্তা পুখৎলগনি

কেন্দ্রগী আয়ুশ অমসুং পোর্তস, শিপ্পিং অমসুং ৱাতরৱেজকী মন্ত্রী শ্রী সর্বানন্দ সোনোৱালনা ঙসি গুৱাহাতীগী বোর্সাজাইদা লৈবা সেন্ত্রেল আয়ুর্বেদা রিসর্স ইন্সতিত্যুৎ (সি.এ.আর.আই.)দা পঞ্চকর্মা ব্লোক অমা অমসুং জলুকবরিদা লৈবা স্তেত আয়ুর্বেদা কোলেজদা পঞ্চকর্মা সেন্তর ওফ এক্সেলেন্স অমা লিংখৎনবা উরেপ উয়ুং তমখ্রে। সেন্তরশিং অসিগী শেনফম অসি লুপা করোর ২০নি।

থৌরম অসিদা হেলথ অমসুং ফেমিলী ৱেলফিয়রগী মন্ত্রী অমসুং আসম সরকারগী আই.তি. কেশব মহন্তা অমসুং গুৱাহাতীগী লোক সভাদা মেম্বর ওফ পার্লিয়ামেন্ত ওইরিবা, ক্বীন ওজাসু শরুক য়াখি।

পঞ্চকর্মাগী সেন্তর ওফ এক্সেলেন্স অমা স্তেত আয়ুর্বেদিক কোলেজদা লিংখৎলগনি। স্তেত আয়ুর্বেদিক ফার্মাসীসু আয়ুশ মন্ত্রালয়গী আয়ুর্স্বাস্থা য়োজনাগী মখাদা অহেনবা থাক্তা পুখৎলগনি। লৌখৎলিবা খোঙথাং অসিগী অপুনবা শেনফম অসি লুপা করোর ১০নি। 

সি.এ.আর.আই.দা লৈগদৌরিবা পঞ্চকর্মাগী ব্লোক অসিনা জি+২ বিল্দিং অমা ওইগনি অমসুং ফার্মাসী অমসুং কেমিস্ত্রী লেবোরেতরীশিংনা জি+৩ বিল্দিং অমা ওইগনি। বিল্দিং অনি অসি শাবগী শেনফমসু লুপা করোর ১০ ওইগনি।

পঞ্চকর্মাগী অনৌবা বিল্দিংশিং অসিনা মালেমগী থাক্তা ওইবা স্কীল দিবলপমেন্তগী ত্রেনিং কোর্স পীবদা মতেং ওইগনি। সি.এ.আর.আই.দা লৈগদৌরিবা ফার্মাসী অমসুং কেমিস্ত্রী বিল্দিংশিংনা প্রি-ক্লিনিকেল এক্সপরিমেন্তেল প্রোসেদ্যুরশিং, দ্রগশিংগী স্তেন্দর্দারাইজেসন, হর্ব অমা হেক্তগী কেমিকেল তেস্তিং তৌবা, শা-শনগা মরী লৈনবা তোক্সিকোলোজী রিপোর্ত অসিনচিংবদা মতেং ওইগনি। হায়রিবা অসি অৱাং-নোংপোক্তা অহানবা মখলনি।

থৌরম অসিদা ৱা ঙাংলদুনা, সর্বানন্দ সোনোৱালনা হায়খি, “আয়ুর্বেদা অসি হকচাং ফহনবা অমসুং ৱাখল নুঙাইনা থম্নবগী অকনবা শক্তি অমনি। ঐখোয়না লাইবক ফবা হায়বদু ওইরি মদুদি আসম অমসুং অৱাং নোংপোক্তা আয়ুর্বেদাদা ওইরকপা য়ারিবা আসা কয়া অমা থম্লিবা ফ্লোরা মরাং কাইনা লৈরিবা আইধরিত্রী হৌরি। খোঙথাং অসি মীয়ামদা মশা-মউ ফবা অমসুং নুঙাই য়াইফবা অমগীদমক আয়ুর্বেদাগী খুদোংচাবা পীনবগী পান্দমদা পায়খৎপনি। হায়রিবা অসিনা ভারতকী থায়নদগী চৎনরক্লবা হিদাক-লাকথকশিং মালেম শিনবা থুংনা মমিং লেরিবা অমসুং চাওথোকচনিঙাই ওইরিবা পঞ্চকর্মাগী মথৌশিং হেনগৎহল্লগনি। অতোপ্পা খুদোংচাবশিং অসিনা খুদম লৈরবা মেদিকেল সাইন্সকা লোয়ননা আয়ুর্বেদা শক্তাকপদা মথৌ হেনগৎহল্লগনি। ঐখোয়না মসিগী খুদোংচাবা হায়বদি ভারতকী অঙকপা অমা ওইরিবা- আয়ুর্বেদাবু মীওইবা খুনাইদা সেবা তৌবদা অশেংবা মালেমগী ওইবা মফম অমা ওইনা কলহৌগদবনি”।       

****