ਭਾਰਤ ਦੇ ਰਾਸ਼ਟਰਪਤੀ, ਸ਼੍ਰੀ ਰਾਮ ਨਾਥ ਕੋਵਿੰਦ, ਨੇ ਅੱਜ (10 ਫਰਵਰੀ, 2022) ਰਾਸ਼ਟਰਪਤੀ ਭਵਨ ਦੇ ਸਲਾਨਾ "ਉਦਯਾਨੋਤਸਵ" ਦੀ ਸ਼ੁਰੂਆਤ ਕੀਤੀ।

ਮੁਗ਼ਲ ਗਾਰਡਨ 12 ਫਰਵਰੀ, 2022 ਤੋਂ 16 ਮਾਰਚ, 2022 ਤੱਕ (ਸੋਮਵਾਰ ਨੂੰ ਛੱਡ ਕੇ ਜੋ ਕਿ ਰੱਖ-ਰਖਾਅ ਵਾਲੇ ਦਿਨ ਹੁੰਦੇ ਹਨ) ਸਵੇਰੇ 10 ਵਜੇ ਤੋਂ ਸ਼ਾਮ ਪੰਜ ਵਜੇ ਤੱਕ (ਆਖਰੀ ਦਾਖਲਾ ਸ਼ਾਮ ਚਾਰ ਵਜੇ) ਆਮ ਲੋਕਾਂ ਲਈ ਖੁੱਲ੍ਹਾ ਰਹੇਗਾ।

ਵਿਜ਼ੀਟਰਸ ਨੂੰ ਸਿਰਫ਼ ਅਡਵਾਂਸ ਔਨਲਾਈਨ ਬੁਕਿੰਗ ਦੁਆਰਾ ਹੀ ਗਾਰਡਨ ਦੇਖਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਬੁਕਿੰਗ https://rashtrapatisachivalaya.gov.in ਜਾਂ https://rb.nic.in/rbvisit/visit_plan.aspx 'ਤੇ ਕੀਤੀ ਜਾ ਸਕਦੀ ਹੈ। ਪਿਛਲੇ ਵਰ੍ਹੇ ਵਾਂਗ, ਇਸ ਸਾਲ ਵੀ ਸਾਵਧਾਨੀ ਦੇ ਤੌਰ 'ਤੇ ਵਾਕ-ਇਨ ਐਂਟਰੀ ਉਪਲਬਧ ਨਹੀਂ ਹੋਵੇਗੀ।

ਹਰ ਘੰਟੇ ਦੇ ਹਿਸਾਬ ਨਾਲ ਪ੍ਰੀ-ਬੁੱਕ ਕੀਤੇ ਸੱਤ ਸਲਾਟ 10 ਵਜੇ ਤੋਂ ਪੰਜ ਵਜੇ ਦੇ ਦਰਮਿਆਨ ਉਪਲਬਧ ਹੋਣਗੇ। ਆਖਰੀ ਐਂਟਰੀ ਚਾਰ ਵਜੇ ਹੋਵੇਗੀ। ਹਰੇਕ ਸਲਾਟ ਵਿੱਚ ਵੱਧ ਤੋਂ ਵੱਧ 100 ਵਿਅਕਤੀ ਬੈਠ ਸਕਦੇ ਹਨ। ਟੂਰ ਦੌਰਾਨ, ਸੈਲਾਨੀਆਂ ਨੂੰ ਕੋਵਿਡ ਪ੍ਰੋਟੋਕੋਲ ਦੀ ਪਾਲਣਾ ਕਰਨੀ ਪਵੇਗੀ ਜਿਵੇਂ ਕਿ ਮਾਸਕ ਪਹਿਨਣਾ, ਸਮਾਜਿਕ ਦੂਰੀ ਬਣਾਈ ਰੱਖਣਾ ਆਦਿ। ਉਨ੍ਹਾਂ ਨੂੰ ਐਂਟਰੀ ਪੁਆਇੰਟ 'ਤੇ ਥਰਮਲ ਸਕ੍ਰੀਨਿੰਗ ਤੋਂ ਗੁਜਰਨਾ ਹੋਵੇਗਾ। ਬਿਨਾ ਮਾਸਕ ਦੇ ਕਿਸੇ ਨੂੰ ਵੀ ਆਉਣ-ਜਾਣ ਦੀ ਇਜਾਜ਼ਤ ਨਹੀਂ ਹੋਵੇਗੀ।

ਸਾਰੇ ਵਿਜ਼ੀਟਰਸ ਲਈ ਪ੍ਰਵੇਸ਼ ਅਤੇ ਨਿਕਾਸ ਪ੍ਰੈਜ਼ੀਡੈਂਟ’ਸ ਇਸਟੇਟ (President’s Estate) ਦੇ ਗੇਟ ਨੰਬਰ 35 ਤੋਂ ਹੋਵੇਗਾ, ਜਿੱਥੇ ਨੌਰਥ ਐਵੇਨਿਊ ਰਾਸ਼ਟਰਪਤੀ ਭਵਨ ਨੂੰ ਮਿਲਦਾ ਹੈ।

ਟੂਰ ਦੌਰਾਨ ਵਿਜ਼ੀਟਰਸ ਮੋਬਾਈਲ ਫ਼ੋਨ ਆਪਣੇ ਨਾਲ ਲੈ ਕੇ ਜਾ ਸਕਦੇ ਹਨ। ਹਾਲਾਂਕਿ, ਉਨ੍ਹਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਪਾਣੀ ਦੀਆਂ ਬੋਤਲਾਂ, ਬ੍ਰੀਫਕੇਸ, ਹੈਂਡਬੈਗ/ਲੇਡੀਜ਼ ਪਰਸ, ਕੈਮਰੇ, ਰੇਡੀਓ/ਟ੍ਰਾਂਜ਼ਿਸਟਰ, ਬਕਸੇ, ਛਤਰੀਆਂ, ਹਥਿਆਰ ਅਤੇ ਗੋਲਾ ਬਾਰੂਦ ਅਤੇ ਖਾਣ-ਪੀਣ ਦੀਆਂ ਵਸਤੂਆਂ ਆਦਿ ਨਾਲ ਨਾ ਲਿਆਉਣ। ਪਬਲਿਕ ਰੂਟ ਦੇ ਨਾਲ-ਨਾਲ ਵਿਭਿੰਨ ਪੁਆਇੰਟਾਂ 'ਤੇ ਹੈਂਡ ਸੈਨੀਟਾਈਜ਼ਰ, ਪੀਣ ਵਾਲੇ ਪਾਣੀ, ਟਾਇਲਟ, ਫਸਟ ਏਡ/ਮੈਡੀਕਲ ਸੁਵਿਧਾਵਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ।

ਇਸ ਵਰ੍ਹੇ ਦੇ ਉਦਯਾਨੋਤਸਵ ਦਾ ਮੁੱਖ ਆਕਰਸ਼ਣ 11 ਕਿਸਮਾਂ ਦੇ ਟਿਊਲਿਪਸ ਹੋਣਗੇ ਜਿਨ੍ਹਾਂ ਦੇ ਫਰਵਰੀ ਦੇ ਦੌਰਾਨ ਪੜਾਅਵਾਰ ਖਿੜਨ ਦੀ ਉਮੀਦ ਹੈ। ਕੇਂਦਰੀ ਲਾਅਨ ਵਿੱਚ ਸ਼ਾਨਦਾਰ ਡਿਜ਼ਾਈਨਾਂ ਵਿੱਚ ਫਲਾਵਰ ਕਾਰਪੇਟ ਵੀ ਪ੍ਰਦਰਸ਼ਿਤ ਕੀਤੇ ਜਾਣਗੇ। ਇਸ ਵਰ੍ਹੇ ਦੇ ਸਜਾਵਟੀ ਫੁੱਲਾਂ ਦੀ ਪ੍ਰਮੁੱਖ ਰੰਗ ਸਕੀਮ ਚਿੱਟੇ, ਪੀਲੇ, ਲਾਲ ਅਤੇ ਸੰਤਰੀ ਹੈ। ਬਗੀਚਿਆਂ ਵਿੱਚ ਕੁਝ ਹਵਾ ਸ਼ੁੱਧ ਕਰਨ ਵਾਲੇ ਪੌਦਿਆਂ ਦੇ ਨਾਲ ਇੱਕ ਛੋਟਾ ਕੈਕਟਸ ਕੋਨਾ ਵੀ ਲੈਂਡਸਕੇਪ ਕੀਤਾ ਗਿਆ ਹੈ।

 **********

ਡੀਐੱਸ/ਬੀਐੱਮ