ਇਸਪਾਤ ਮੰਤਰਾਲੇ ਦੇ ਤਹਿਤ ਸਟੀਲ ਅਥਾਰਿਟੀ ਆਵ੍ ਇੰਡੀਆ ਲਿਮਿਟਿਡ (ਸੇਲ) ਨੇ ਵਿੱਤ ਵਰ੍ਹੇ 2021-22 ਦੀ ਤੀਸਰੀ ਤਿਮਾਹੀ ਤੇ 9 ਮਹੀਨੇ ਦੇ ਦੌਰਾਨ ਕੰਪਨੀ ਦੀ ਵਿੱਤੀ ਉਪਲੱਬਧੀਆਂ ਦਾ ਕੱਲ ਯਾਨੀ 9 ਫਰਵਰੀ, 2022 ਨੂੰ ਐਲਾਨ ਕੀਤਾ।

• ਵਿੱਤ 2021-22 ਦੀ ਤੀਸਰੀ ਤਿਮਾਹੀ ਅਤੇ ਪਹਿਲੇ 9 ਮਹੀਨੇ ਦੇ ਦੌਰਾਨ ਸੇਲ ਦੇ ਪਰਫੋਰਮੈਂਸ ਦੀ ਮੁੱਖ ਵਿਸ਼ੇਸ਼ਤਾਵਾਂ

• ਹੋਟ ਮੈਟਲ, ਕੱਚਾ ਸਟੀਲ ਤੇ ਵਿਕ੍ਰਯ-ਯੋਗ ਸਟੀਲ ਦੇ ਉਤਪਾਦਨ ਦੇ ਸੰਦਰਭ ਵਿੱਚ ਸਭ ਤੋਂ ਵੱਧ ਹੈ

• ਪਿਛਲੇ ਵਰ੍ਹੇ ਦੀ ਬਰਾਬਰ ਮਿਆਦ ਦੀ ਤੁਲਨਾ ਵਿੱਚ ਵਿੱਤ ਵਰ੍ਹੇ 2021-22 ਦੀ ਤੀਸਰੀ ਤਿਮਾਹੀ ਦੇ ਦੌਰਾਨ ਨੇਟ ਪ੍ਰੋਫਿਟ ਵਿੱਚ 12 ਪ੍ਰਤੀਸ਼ਤ ਵਾਧਾ ਦਰਜ ਕੀਤਾ ਗਿਆ। ਵਿੱਤ ਵਰ੍ਹੇ 2021-22 ਦੇ ਪਹਿਲੇ 9 ਮਹੀਨੇ ਦੌਰਾਨ ਸ਼ੁੱਧ ਮੁਨਾਫਾ ਵਧ ਕੇ 9,597 ਕਰੋੜ ਰੁਪਏ ਹੋ ਗਿਆ ਹੈ, ਜੋ ਪਿਛਲੇ ਵਰ੍ਹੇ ਦੀ ਸਮਾਨ ਮਿਆਦ ਦੇ ਦੌਰਾਨ 406 ਕਰੋੜ ਰੁਪਏ ਸੀ।

• ਵਿੱਤ ਵਰ੍ਹੇ 2021-22 ਦੀ ਤੀਸਰੀ ਤਿਮਾਹੀ ਦੇ ਦੌਰਾਨ ਵਿਭਿੰਨ ਸੰਚਾਲਨਾਂ ਨਾਲ ਰੈਵੇਨਿਊ 28 ਪ੍ਰਤੀਸ਼ਤ ਵਧ ਕੇ 25,245 ਕਰੋੜ ਰੁਪਏ ਹੋ ਗਿਆ ਅਤੇ ਪਿਛਲੇ ਵਰ੍ਹੇ ਦੀ ਸਮਾਨ ਮਿਆਦ ਦੀ ਤੁਲਨਾ ਵਿੱਚ ਵਿੱਤ ਵਰ੍ਹੇ 2021-22 ਦੇ ਪਹਿਲੇ 9 ਮਹੀਨੇ ਦੇ ਦੌਰਾਨ 29 ਪ੍ਰਤੀਸ਼ਤ ਵਾਧੇ ਦੇ ਨਾਲ 72,715 ਕਰੋੜ ਰੁਪਏ  ਹੋ ਗਏ।

• 31.12.2021 ਨੂੰ ਲੋਨ 19,128 ਕਰੋੜ ਰੁਪਏ ਰਿਹਾ।

ਇੱਕ ਨਜ਼ਰ ਵਿੱਚ ਸੇਲ ਦੀ ਪਰਫੋਰਮੈਂਸ

ਕੰਪਨੀ ਨੇ 31 ਦਸੰਬਰ, 2021 ਨੂੰ ਸਮਾਪਤ ਤਿਮਾਹੀ ਦੇ ਨਾਲ-ਨਾਲ ਵਿੱਤ ਵਰ੍ਹੇ 2021-22 ਦੇ ਪਹਿਲੇ 9 ਮਹੀਨਿਆਂ ਦੇ ਦੌਰਾਨ ਆਪਣਾ ਸਰਵਸ਼੍ਰੇਸ਼ਠ ਵਾਸਤਵਿਕ ਪਰਫੋਰਮੈਂਸ ਦਰਜ ਕੀਤਾ ਹੈ। ਹਾਲਾਕਿ ਕੰਪਨੀ ਦੇ ਕੰਟਰੋਲ ਤੋਂ ਪਰੇ ਵਿਭਿੰਨ ਕਾਰਕਾਂ ਦੇ ਕਾਰਨ ਵਿੱਤ ਵਰ੍ਹੇ 2021-22 ਦੀ ਪਹਿਲੀ ਤਿਮਾਹੀ ਦੇ ਦੌਰਾਨ ਵਿੱਤੀ ਪਰਫੋਰਮੈਂਸ ਵਿੱਚ ਇਹ ਪ੍ਰਤੀਬਿੰਬਿਤ ਨਹੀਂ ਹੁੰਦਾ ਹੈ, ਜਿਸ ਵਿੱਚ ਮੁੱਖ ਤੌਰ ‘ਤੇ ਆਯਾਤਿਤ ਅਤੇ ਸਵਦੇਸ਼ੀ ਕੋਕਿੰਗ ਕੋਲੇ ਦੀਆਂ ਕੀਮਤਾਂ ਵਿੱਚ ਬੇਮਿਸਾਲ ਵਾਧਾ ਸ਼ਾਮਲ ਹੈ। ਅਰਥਵਿਵਸਥਾ ਵਿੱਚ ਸਮੁੱਚੇ ਸਕਾਰਾਤਮਕ ਦ੍ਰਿਸ਼ਟੀਕੋਣ ਅਤੇ ਬੁਨਿਆਦੀ ਢਾਂਚੇ ‘ਤੇ ਖਰਚ ਵਧਾਉਣ  ਦੇ ਲਈ ਕੇਂਦਰੀ ਬਜਟ ਦੇ ਐਲਾਨਾਂ ਦੇ ਨਾਲ, ਆਗਾਮੀ ਤਿਮਾਹੀਆਂ ਦੇ ਦੌਰਾਨ ਪਰਫੋਰਮੈਂਸ ਵਿੱਚ ਸੁਧਾਰ ਹੋਣ ਦੀ ਸੰਭਾਵਨਾ ਹੈ। ਕੰਪਨੀ ਦਾ ਧਿਆਨ ਆਪਣੇ ਲੋਨ ਨੂੰ ਘੱਟ ਕਰਨ ‘ਤੇ ਬਣਿਆ ਹੋਇਆ ਹੈ ਅਤੇ ਦੂਸਰੀ ਤਿਮਾਹੀ ਦੇ ਦੌਰਾਨ ਇਸ ਵਿੱਚ ਲਗਭਗ 15 ਪ੍ਰਤੀਸ਼ਤ ਦੀ ਕਮੀ ਹੋਣ ਨਾਲ ਇਹ ਪ੍ਰਤੀਬਿੰਬਿਤ ਹੁੰਦਾ ਹੈ।

******

ਐੱਮਵੀ/ਏਕੇਐੱਨ/ਐੱਸਕੇ