ৱেস্ত জেন্তিয়া হিলসতা ঙসি লকাদোং য়াইঙং থারিবা লৌমীশিংবু মখোয়গী অকোইবদগী অহানবা মাইলগী লম্বী-থোঙ ফাওনবগী ইসু কোক্নবগী থবক ওইনা তৌবা ঙম্নবা অনৌবা দ্রোন/য়ু.এ.ভি. তেক্নোলোজী শিজিন্নবা উৎনবা মসিগী অহানবা মখলগী ফ্লাই-ওফ ইভেন্ত উবা ফংখ্রে।    

লকাদোং য়াইঙং অসি কম্মর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)গী মখাদা ৱান দিস্ত্রীক্ত, ৱান প্রদক্ত (ও.দি.ও.পি.)গী মখাদা ৱেস্ত জেন্তিয়া হিলসকীদমক চাউখৎলকপা অমসুং মপাল লমদা থাদোকপগী ওইরকপা য়াবা প্রদক্ত অমা ওইনা মশক খঙখ্রে। 

প্রধান মন্ত্রীগী সাইন্স, তেক্নোলোজী অমসুং ইনোভেসন এদভাইজরী কাউন্সিলগী মখাদা, তেক্নোলোজী মাপলগী মনুংদা অমা ওইরিবা দি.পি.আই.আই.তি.না এ.জি.এন.এল.আই. মিসনগা লোয়ননা খুৎশম্নদুনা য়াইঙংবু য়াম্না পুথোকপা ঙম্নবা পেলোদ দ্রোনশিং (য়ু.এ.ভি.শিং) হেনগৎহনবগা লোয়ননা হৌদোক্তুনা লকাদোং য়াইঙং পুম্বা প্রোসেসিং তৌবদা অওনবা মথৌ অমা লৌবা ঙম্নবা পায়খৎলি।    

থৌরম অসিগী মীতিনসিদা ৱা ঙাংলদুনা, দি.পি.আই.আই.তি.গী এদ্দিসনেল সেক্রেতরী শ্রীমতি সুমিতা দাউরানা হায়খি মদুদি হায়রিবা ইভেন্ত অসি অহানবা মাইল কন্নেক্তিবিতীবু মাংলোমদা চিংখৎপা ঙম্বা অনৌবা পাম্বৈ অমা উৎনবগী অহানবা খোঙথাং অমনি অমরোমদা ইন্দস্ত্রিএল রিবোলুসন ৪.০গী মাইকৈদা চংশিল্লি।     

মসিদা পনবা য়াই মদুদি মেঘালয়গী ৱেস্ত জেন্তিয়া হিলসকী লকাদোং য়াইঙং অসি, কর্কুমিনগী চাং খ্বায়দগী হেন্না ৭-৮% (ভেরাইতী অতোপ্পদা ৩% নত্ত্রগা মসিদগী তানা)য়াওবগা লোয়ননা মালেমগী খ্বায়দগী অফবা মখলগী য়াইঙংগী ভেরাইতী ওইদুনা দিস্ত্রীক্ত অসিগী শেন্মিৎলোনদা গেম চেঞ্জর অমা ওইরি। মেঘালয় রাজ্যনা লকাদোং য়াইঙংগীদমক জিওগ্রাফিকেল ইন্দিকেসন তেগকীদমক এপ্লাইদ তৌখ্রে।   

য়াইঙংদা কর্কুমিন অমসুং ওলিওরেসিন চাদা য়াওবা চাংনা ইন্দস্ত্রীনা মমলগা লোয়ননা দিমান্দ তৌরকপা লেপ্লি। ভারত অসি য়াইঙং (এ.পি.ই.দি.এ., ২০১৯) খ্বায়দগী য়াম্না পুথোকপা অমসুং মপাল লমদা পুথোক্লি। ভারতনা ২০১৭দা মিলিয়ন য়ু.এস. দোলর ১৮২.৫৩ দগী ২০১৮দা য়াইঙং মিলিয়ন য়ু.এস. দোলর ২৩৬.৫ মপাল লমদা থাদোকখি। য়াইঙং অসি অফবা মহৈ-মরোং অমনি; মসিনা হকশেল ফগৎহল্লি অমসুং ঈশিং য়াম্না চংদে।    

ভারতনা মালেমদা য়াইঙং পুথোকপা অমসুং মপাল লমদা খ্বায়দগী চাওবা ওইজরবসু হায়বা অসি উৎলদুনা, য়াইঙং পুশিল্লকপসু হেনগৎলক্লি, এদ্দিসনেল সেক্রেতরীনা হায়খি মদুদি মরুওইনা পোৎ পুশিল্লক্লিবা অসি কর্কুমিন অমসুং ওলিওরেসিন য়াম্না ৱাংনা য়াওবা মথৌ তারিবা এক্সত্রেক্সন অমসুং প্রোসেসিং ইন্দস্ত্রীশিংনি।  

কর্কুমিনগী চাং য়াম্না ৱাংনা য়াওবা অমসুং দোমেস্তিক সেলস অমসুং এক্সপোর্তকী ওইথোকপা য়াবা য়াম্না লৈরবসু, লকাদোং য়াইঙং অসি লোকেসন, তোপোগ্রাফী অমসুং তেরেন্না মরম ওইদুনা মার্কেত তৌবগী ইসু কয়া অমা মায়োক্নিরি। অসুম্না লেরিবা মীওইশিংনা খুঙ্গং অসিদগী পোৎ পুথোকপা অমসুং মরুওইবা ত্রান্সপোর্তিং লোদিং পোইন্ত ফাওবা পুরকপগী অহেনবা মমল পীবা তারি। অহেনবা মমল অমসুং থেংথবা অসিনা পোৎ লৈবা মতমদা লৈরিবশিংদা অয়েৎপা অমা ওইরি।

ফ্লাইওফ ইভেন্ত অসিনা ও.দি.ও.পি.গী মেন্দেৎশিং মেনশিনবা খক্তা নত্তনা মসিগী অমত্তা ঙাইরবা মেঘালয়গী ওইথোকপা য়াবশিং অসিগী খোঙয়েৎ ওইরিবা অসিগী মথক্তা ত্রান্সপোর্তেসনগী মখোঙ ফাওবা য়ৌহন্দুনা মতমগা চুনরবা তেক্নোলোজীগী অমত্তা ঙাইরবা পাম্বৈ অমা ওইরি হায়না শ্রীমতি দাউরানা হায়খি।

হৌখিবা চহিগী এপ্রিলদা থোকখিবা ওর্দরগা য়ানখিবা মতুং ইন্না, ও.দি.ও.পি. তীম্না ২০২১দা কেরলাগী ইর্নাকুলমদা খায়দোক্লবা অমসুং অকংবা লকাদোং য়াইঙং কে.জি. ১৩,১৩৬ চাওরবা ফুদ প্রোসেসিং ইন্দস্ত্রীদা মায় পাক্না ত্রেদ তৌখি। মসিদা পনবা য়াই মদুদি, ও.দি.ও.পি.গী খোঙথাং মখাদা, লকাদোং য়াইঙংগী মমল অসি ২০২১দা লুপা ১৫০দা লুপা ২০ হেনগৎতুনা ২০২২দা কে.জি.দা লুপা ১৭০ ওইখি।  

ও.দি.ও.পি. অসি দিস্ত্রীক্ত অমগী অশেংবা ওইথোকপা য়াবা মংফাওননবা অওনবা খোঙথাং অমনি, মসিনা শেন্মিৎলোন্দা ফগৎহল্লি অমসুং ভোকেল ফোর লোকেলগী পান্দম খুমাং চাউশিল্লি। লকাদোং য়াইঙংদা কর্কুমিনগী চাং য়াম্না ৱাংনা য়াওবা অসিদা অমত্তা ঙাইরবা য়োনবগী প্রোপোজিসনগী মায় পাকপদা ও.দি.ও.পি.গী তীম্বু থাগৎপা ফোংদোক্লদুনা, শ্রীমতি দাউরানা হায়খি মদুদি  তীম অসিনা ৱেস্ত জেন্তিয়া হিলস দিস্ত্রীক্তা লৈরিবা দিস্ত্রীক্ত ৪দগী সেলফ-হেলপ গ্রুপশিং অমসুং কো-ওপরেতিব সোসাইতীশিংগী ৫০০+ হেনবা লৌমীশিংদগী মার্কেতকী লিঙ্কেজ থম্বদা মায় পাকপা ঙমখি।

শ্রীমতি সুমিতা দাউরানা হায়খি মদুদি ‘লকাদোং য়াইঙং ২.০’গী মখাদা, ২০২২ অমসুং লাক্কদৌরিবা চহিশিংগী লৌরোক পান্থাগীদমক্তা নিংথিনা য়োন্নবগীদমক লৈবা হেনগৎনবা অনৌবা থৌরাংশিং তৌরে। মসিগা মান্ননা, ও.দি.ও.পি.না লুচিংবা পোৎ লৈবশিং ২০২১গী দিসেম্বরদা মেঘালয়দা চৎখি অমদি মফম অদুদা ফার্মগী থাক্তা অমসুং থৱায় য়াওরিবশিংগী মীহুৎশিংগা লৈবা য়োনবগী মীত অমা শিনখি। হায়রিবা অসি কে.জি, ২৫,০০০গী মথক্তা পোৎ লৈবগী ওর্দরগা লোয়ননা হান্ননা থৌরাং তৌদুনা লৈখ্রবা মখা তানা হেনগৎলকপা য়াওনা, অমদি অরোইবা ঙাংনবা অসি চহি অসিগী অরোইবদা লেপ্পা হায়নদুনা য়াখি, হায়না মহাক্না হায়খি।  

২০২১, মার্চকী ১২দা এগ্রীকলচর অমসুং ফার্মরস ৱেলফিয়রগী কেন্দ্রগী মন্ত্রী নরেন্দ্র সিংহ তোমারনা রাজ্য সভাদা পাউখুম পীবগী মতুং ইন্না, ভারতনা মালেমগী ওইনা য়াইঙং চাদা ৭৮ পুথোক্লি। ২০১৮-১৯গী চহিদা, য়াইঙং পুথোকপা অসি হেক্তর লিশিং ২৪৬ অমসুং হেক্তরদা কে.জি. ৫৬৪৬.৩৪গা লোয়ননা তন লিশিং ৩৮৯ ওইরি।

***