কঞ্জুমর এফিয়র্স, ফুদ অমসুং পব্লিক দিস্ত্রিব্যুসন, তেক্সতাইল্স অমসুং কম্মর্স এন্দ ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা পতনা (বিহার)দগী পন্দু (গুৱাহাতি) ফাওবা জহাজতা চেং-হৱায় পুবগী পাইলোৎ মুফমেন্ত অসিনা ‘গেৎৱে ওফ নোর্থ ইস্ত’কী অনৌবা গেৎ অমা হাংলগনি হায়না ফোঙদোকখ্রে। ঙসি পতনাদগী পন্দু ফাওবা চৎদবা চেং পুবা এম.ভি. লাল বাহাদুর শাস্ত্রী “জহাজ অসি লমথবগী” অমসুং কালুঘাত (বিহার)দা লৈবা তর্মিনেলগী উরেপ-উয়ুং তম্বগী থৌরমদা ভর্চুএল ওইনা ৱা ঙাংলদুনা শ্রী পিয়ুশ গোয়লনা হায়খি মদুদি মসিগী কিমি ২,৩৫০ শাংবা খোঙচৎ অসিনা ‘গেৎৱে ওফ নোর্থ ইস্ত’ (অসাম) গী অনৌবা থৌং অমা হাংলগনি অমসুং গঙ্গা অমদি ব্রহ্মপুত্র তুরেলশিংগী খুত্থাংদা এন.ই. লমদমদা অপনবা লৈতবা ৱাতরৱেজ কন্নেক্তিবিতী লৈহল্লগনি। মহাক্না হায়খি ‘এম.ভি. লাল বাহাদুর শাস্ত্রী’ কৌবা জহাজ অমা লমথাবা অসিনা শাস্ত্রীজীগী খোলাও ‘জয় জৱান জয় কিশন’ অসি ঐঙোন্দা নৌহৌনা নীংশিংহল্লি। “মসিনা ঐখোয়গী লৌমীশিংবু মখোয়না তৌবা ঙম্বশিং হেনগৎহন্দুনা অমসুং মখোয়দা অফবা মমলশিং অমদি অফবা পুন্সি মহিং ফংহন্দুনা আত্মনির্ভর ওইহল্লগনি। মসিগী থৌরম অসি পি.এম.গী ‘এক্ত ইস্ত’ পোলিসী অমসুং ‘বিহার অমদি এন.ই. রিজনগী ইনক্লুসিব দিবেলপমেন্ত’ হায়বা অপুনবা বিজন অসি তাক্লিবা অফবা খুদম অমনি”, হায়না মহাক্না মখা তাখি।

লুপা করোর ৭৮গা লোয়ননা বিহারগী কলুঘাত্তা শাবা প্লান্দ ইন্তরমোদেল তর্মিনেল অসিনা লমদম অসিগী খুন্নাই অমদি শেন্মীৎলোনগী চাউখৎ-থৌরাংদা শাহৌ পীরগনি অমসুং থবক্কী খুদোংচাবা কয়ামরুম পীরগনি হায়না মন্ত্রীনা ফোঙদোকখি। মসিনা অৱাং বিহারদা লম্বীশিং চিনবা হন্থহনবদা মতেং ওইরগনি অমসুং মফম অসিদা কার্গো চত্থোক-চৎশিন তৌনবা অতোপ্পা লম্বী অমসু পীরগনি। মহাক্না মখা তারদুনা হায়খি পতনাদগী লাক্লিবা রুৎ অসি এন.ই. রিজনগী ওইনা চেং-চাক অমসুং পোৎলমশিং পুথোক-পুশিন তৌনবা হান্নদগী লৈরিবা পাম্বৈ অসিগী মহুৎ শিনবা য়াবা অমা ওইরগনি।  মসিনা এন.ই. রিজনগী চাউখৎ-থৌরাংদা ইনোৎ অমা পীরগনি। এন.ই. রিজনদা অপনবা লৈতবা নেভিগেসন ফংহন্নবা লুপা করোর ৩০৫কী বজেৎকা লোয়ননা বাংলাদেশকী খুৎশম্নদুনা ইন্দো-বাংলাদেশ প্রোতোকল (আই.বি.পি.) রুৎকী স্ত্রেচ ২ দিবেলপ তৌরি হায়না মন্ত্রীনা পাউদমখি। বজেৎকী লুপা করোর ১৫০০গী অনৌবা স্কিম নোর্থ ইস্ত –পি.এম.-দিবাইন অসিনা ইনফ্রাস্ত্রকচর অমসুং সোসিএল দিবেলপমেন্ত প্রোজেক্তশিংগী ফন্দিং তৌগদবা অসিনা নহারোলশিং অমদি নুপীশিংগী হিংনবগী লম্বী পীরগনি হায়না মহাক্না মখা তাখি।

ৱাতরৱেজ ইনফ্রা অমসুং ইকোসিস্তেমগী হোলিস্তিক দিবেলপমেন্তগীদমক, অপুনবা কার্গো ত্রান্সপোর্ত্তা ইনলেন্দ ৱাতর ত্রান্সপোর্তকী শিয়র হেনগৎহন্নবা সরকারনা পাইখৎখিবা মরু ওইবা খোঙথাং মরি অদু পল্লদুনা শ্রী গোয়লনা পি.এম. গতিশক্তিগী মখাদা ৱাতরৱেজ অসি ইকনোমিক গ্রোঊ অমসুং সস্তেনেবল দিবেলপমেন্তগীদমক ত্রান্সফোর্মেতিব এপ্রোচ পুরক্নবা ইঞ্জিন ৭কী মনুংদা অমা ওইরি হায়খ্রে। মহাক্না হায় প্রধান মন্ত্রী নরেন্দ্র মোদীগী বিজন অসি ত্রান্সপোর্ত্তা চংবা শেল হন্থহনবদা কান্নবা ফংনবা অমসুং মরু ওইনা লৌমীশিং অমদি এম.এস.এম.ই.শিংগী লমশাংগী অপনবশিং অসি লৈহনদনবা ইঞ্জিন ৭ অসি শীজিন্নবনি। তোন ২,০০০ ফাওবা পুবা জহাজশিং শাফনা চত্থোক-চৎশিন তৌনবগী এন.দবল্যু.-১ (গঙ্গা)গী কেপাসিতী হেনগৎহন্নবা লুপা করোর ৪,৪০০গী জল মার্গ বিকাস প্রোজেক্ত সরকারনা পাইখৎখি হায়না মহাক্না ফোঙদোকখি। মহাক্না প্রোজেক্ত অসিদা বারানসী, সহিবগঞ্জ অমসুং হল্দিয়াগী মলতি-মোদেল তর্মিনেলশিং শাবা/শেমগৎপা, রো-রো তর্মিনেলশিং, জেত্তীশিং, বেজেল রিপিয়র অমসুং মেন্তেনেন্স ফেসিলিতীশিং অসিনচিংবা য়াওই হায়নসু ফোঙদোকখি। হীথাংফমশিংগা কম্মর্সিএল হবশিং শম্নহন্নবা সগরমালাগী মখাদা কন্নেক্তিবিতী প্রোজেক্ত মরিফু পাইখৎলি। রাজ্য ২৪গী অনৌবা ৱাতরৱেজ ১০৬ অসি নেস্নেল ৱেতরৱেজ হায়না লাউথোকখিবনা মসিগী অপুনবা মশিং ১১১ শুখ্রে হায়না শ্রী গোয়লনা ফোঙদোকখ্রে। মহাক্না তুরেলশিং অসি শেমগৎপদা রিভর শিপ্পিং অমসুং নেবিগেসন অমসুং ৱেয়রহাউস ফেসিলিতীশিংগীদমক ইনফ্রা শেমগৎপা য়াওরি হায়খ্রে।

মন্ত্রীনা প্রধান মন্ত্রী নরেন্দ্র মোদী অমসুং ঐচ.ই. শেখ হসিনাগী মখাদা ভারত-বাংলাদেশকী মরুপ ওইবগী মরী অসি অনৌবা পনখৈশিং য়ৌবা ঙম্লে হায়না ফোঙদোকখি। ঐখোয়গী মরুপ ওইবগী মরী অসিনা হীরম কয়াদা স্ত্রেতেজিক পার্তনরশিপ অমা অমসুং ত্রেদ, ইনবেস্তমেন্ত, ফুদ সেক্যুরিতী অমসুং তেক্নোলোজীদা চুংশিন্নবা অমা ওইরক্লি হায়না মহাক্না হায়খি। থৌরম অসি ভারত অমসুং বাংলাদেশকী মরক্তা ফগৎলক্লিবা মরুপ ওইবগী মরী অসিগী অতোপ্পা মাইলস্তন অমসুং খুদম অমা ওইরি, হায়না মহাক্না হায়খি। মসিগী অহানবা চেং-হৱায়গী মুফমেন্ত অসি নেস্নেল ৱাতরৱেজ-১ (গঙ্গা তুরেল), এন.দবল্যু-৯৭ (সুন্দরবন্স), ইন্দো-বাংলাদেশ প্রোতোকোল (আই.বি.পি.) রুৎ অমসুং এন.দবল্যু.-২ (ব্রহ্মপুত্র তুরেল)গী খুত্থাংদা পুবা ইন্তিগ্রেতেদ আই.দবল্যু.তি. মুফমেন্ত অমা ওইরগনি।

কোবিদ মনুংদা ঐখোয়গী মালেমগী খ্বাইদগী চাউবা ফুদ সপ্লাই সিস্তেম অসিগীদমক পাইখৎখিবা এফ.সি.আই.গী খোঙথাংশিং অসিবু থাগৎলদুনা মন্ত্রীনা হায়খি মদুদি এফ.সি.আই.না লৈবাক অসিগী লাইফলাইন ওইখি। মহাক্না হায় পি.এম.জি.কে.এ.ৱাই.গী মখাদা বেনিফিসরী করোর ৮০দা ফুদ সেক্যুরিতী ফংহনখি অমসুং সরকানা কোবিদ লাইচৎ মনুংদা পি.এম.জি.কে.এ.ৱাই. Iদগী পি.এম.জি.কে.এ.ৱাই. V কী মখাদা চেং-হৱায় এল.এম.তি. ৭৫৮ এলোকেৎ তৌখি। লৈরিবা মীশিং অসিগী ৯৭%দি ৱান নেসন ৱান রাসন কার্দ সিস্তেমগা কন্নেক্ত তৌখি হায়না মহাক্না ফোঙদোকখি। এফ.সি.আই.না লদাখ, অরুনাচল প্রদেশ, এ অমসুং এনগী ঈথৎশিং, লক্ষদীপ অসিগুম্বা মনুং হঞ্জিনবা মফমশিংগী শেবা তৌখি। মমাংদা ২০১৪-১৫দগী ২০১৬-১৭ ফাওবদা এফ.সি.আই.না এন.এফ.আর.দা গেজ কনভর্জন তৌরিঙৈদা আই.বি.পি. ৱাতরৱে রুৎকী খুত্থাংদা অগর্তলা ফাওবা চেং-হৱায় এম.তি ~২২,০০০ পুখি। এফ.সি.আই.না চেং-হৱায়গী রিভরাইন মুফমেন্তগী কম্পেতিবিলিতী হেনগৎহনবা – ৱেয়রহাউসশিং অপগ্রেদ তৌবা, পিলফরেজ হন্থহন্নবা পেকিং ফগৎহনবা, শেল্ফ লাইফ হেনগৎহনবা, ইফিসিএন্সী হেনগৎনবা তেক শীজিন্নবা হায়রিবশিং অসি করম্না হেনগৎহনগনি হায়বগী মতাংদা সজেসনশিং পীবিরক্নবা মন্ত্রীনা হায়খি।

প্রধান মন্ত্রীনা হায়খিবা “ভারত অসি মালেমগী ব্ল্যু ইকনোমীদা মাংজিল থাবা অমা ওইরক্লি। সরকারনা মমাংদা অমুক্তা উখিদ্রিবা মওংদা ৱাতরৱেজতা ইনবেস্ত তৌরি” অদু পল্লদুনা শ্রী গোপয়লনা হায়খি শিপ্পিং মন্ত্রালয় অমসুং ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.ৱাই.)গা খুৎশম্নদুনা মখা তানা চত্থোক-চৎশিন তীবগী খ্বাইদগী ইকো-ফ্রেন্দলী ওইবা, ক্লীন অমসুং ইকনোমিক ওইবা পাম্বৈ ওইরিবা রিভরাইন মুফমেন্ত অসি খঙদোকখিগনি অমদি হেনগৎহনখিগনি।

পোর্তস, শিপ্পিং অমসুং ৱাতরৱেজ অমসুং আয়ুশকী কেন্দ্র মন্ত্রী শ্রী সরবানন্দ সোনোৱাল, সি.এ.এফ.পি.দি. অমসুং এনভাইরনমেন্ত, ফোরেস্ত এন্দ ক্লাইমেৎ চেঞ্জকী এম.ও.এস. শ্রী অশ্বিনি কুমার চোবে, পোর্তস, শিপ্পিং অমসুং ৱাতরৱেজ অমসুং তুরিজমগী এম.ও.এস., শ্রী শ্রীপাদ নায়ক, পোর্তস, শিপ্পিং অমসুং ৱাতরৱেজকী এম.ও.এস. শান্তনু থাকুর অমসুং বিহারগী উপ মুখ্য মন্ত্রীম মেম্বর ওফ পার্লিয়ামেন্ত শ্রী রভি শঙ্কর প্রসাদ, শ্রী সুশিল কুমার মোদী, শ্রী রাজিব প্রতাপ রুদী, শ্রী নন্দ কিশোর য়াদব, পতনাগী এম.এল.এ. সাহিব অমসুং আই,দবল্যু.এ.আই.গী প্রসিদেন্তনা জহাজ ‘এম.ভি. লাল বাহাদুর শাস্ত্রী’ লমথাখি অমসুং কালুঘাত (বিহার)দা তর্মিনেলগী উরেপ-উয়ুংগী প্লেক মাইখুম হাংদোকখি। দিগনিতরীশিং অসিনা ইনলেন্দ ভেসেলশিংগী পর্সনেলগী ত্রেনিং দোক্যুমেন্তশিং ফোঙখি। শ্রী পিয়ুশ গোয়লনা থৌরম অসি ভর্চুএল ওইনা শরুক য়াখি। বাংলাদেশকী শিপ্পিং মন্ত্রী, শ্রী খালিদ মোহম্মদ চৌধরীসু থৌরম অসি ভর্চুএল ওইনা শরুক য়াখি। থৌরম অসি পোর্তস, শিপ্পিং অমসুং ৱাতরৱেজ মন্ত্রাকয়গী মখাদা ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.ৱাই.)না শিনখিবনি।

বেকগ্রাউন্দ ইনফোর্মেসন

চানবা চেং-হৱাই পুরিবা এ.ভি. লাল বাহাদুর শাস্ত্রী বিহারদগী পান্দু ফাওবা “ভেসেল লমথাবা”।

ফুদ কোর্পোরেসন ওফ ইন্দিয়াগী চানবা চেং হৱাই মেত্রিক তন ২০০ পুবা ইনলেন্দ ভেসেল এম.ভি. লাল বাহাদুর শাস্ত্রী অসি ঙসি ইনলেন্দ ৱাতর তর্মিনেল গাইঘাত পতনাদগী লমথাখ্রে। মসি ইনলেন্দ ৱাতর ত্রান্সপোর্ত (আই.দবল্যু.তি.) রুত অসিদা অহানবা ওইনা চানবা পোৎলমশিং পুথোক পুশিন তৌবনি। নুমিৎ ২৫-৩০ ফাওবগী খোঙচৎ অসি নেস্নেল ৱাতর্ৱে-১ (গঙ্গা তুরেল), এন.দবল্যু-৯৭ (সুন্দরবন্স), ইন্দো-বাংলাদেশ প্রোতোকোল (আই.বি.পি.) রুত অমসুং এন.দবল্যু-২ (ব্রহ্মপুত্র তুরেল)গী খুত্থাংদা অপুনবা আই.দবল্যু.তি. খোঙচৎ অমা ওইগনি। পতনাদগী পন্দু (গুৱাহাতি) ফাওবগী খোঙচৎকী মনুংদা ভেসেল লাল বাহাদুর শাস্ত্রীনা বগলপুর, মনিহারি, সহিবগঞ্জ, ফরক্কা, ত্রিবেনি, কোলকতা, হল্দিয়া, হেমনগর, খুলনা, নরায়নগঞ্জ, সিরাজগঞ্জ, চিলমারি, দ্রুবি অমসুং জোগীঘোপা ফাওরগা চৎকনি। কিলোমিতর ২৩৫০ শাংবা রুতকী খোঙচৎ অসি মসিগী ৱাতরৱে কয়ামরুম অসি শিজিন্নরগা আই.দবল্যু.তি. মোদকী তেক্নিকেল অমসুং কম্মরসিএল ভাইতেবিলিতী ইসতাব্লিশ তৌগনি হায়না পানরি। আই.দবল্যু.তি. খোঙচৎ অসিনা পোলমশিং ত্রান্সপোর্তেসন তৌবগী অতোপ্পা রুত অমা হাংদোক্তুনা নোর্থ ইস্ত রিজন’স ইন্দস্ত্রিএল দিবেলপমেন্তদা ইনোৎ অমা হাপ্নবা পান্দম থম্লি। 

বিহারগী সারন দিস্ত্রিক্ততা লৈবা কালুঘাত্তা আই.দবল্যু.এ.ৱাই.গী উরেপ উয়ুংগী প্লেককী মাইখুম হাংদোকপা: সাইত অসি বিহারগী সারন দিস্ত্রিক্তকী গঙ্গা তুরেল মথক্তা (পতনা মেন সিতিদগী বাই রোদতা কি.মি.২৫) লৈ অমসুং এন.ঐচ. ১৯গা হকথেংননা শম্নৈ। মসিগী তর্মিনেল অসি লুপা করোর ৭৮.২৮ চংনা শাগনি। বর্থ অমগা লোয়ননা তর্মিনেল অসিগী কেপাসিতী অসি চহিদা তি.ই.য়ু. ৭৭,০০০ ওইগনি অমসুং তর্মিনেল অসিগী কন্তেনর ত্রাফিক হেন্দল তৌনবা মওংদা দিজাইন তৌই। বর্থ অসি ত্রকশিং, ভেহিকলশিং, ওপরেতিং অমসুং মেন্তেনেন্স ইকুইপমেন্তশিং চৎথোক চৎশিন য়াবা মওংদা এপ্রোচ ত্রেসতলগা শম্নগনি। লম্বীশিং, নলাশিং, সিৱেজ, ৱাতর সপ্লাই, কম্ম্যুনিকেসন সিস্তেমনচিংবা ওন শোর ফেসিলিতী তর্মিনেল দিবেলপমেন্তগী শরুক অমা ওইনা শেমগৎলগনি।

মসিগী তর্মিনেল অসি শাবনা অৱাংথংবা বিহারগী লম্বী চিল্লিবা অদু চিহন্দবদা মতেং পাংলগনি অমসুং নেপালদা অখন্ননা হায়রিবা মফমশিং অসিদা কার্গো ত্রান্সপোর্তেসন তৌবদা অতোপ্পা রুত অমা পীরগনি।

****