ভারত সরকারনা ফন্দশিংগী ফন্দ অমা ওইরিবা সেল্ফ রেলিয়েন্ত ইন্দিয়া (এস.আর.আই.) ফন্দ হৌদোকখ্রে, মদুনা এম.এস.এম.ই.শিংদা গ্রোথ ফন্দিং এক্সতেন্দ তৌনবা পান্দম থম্লি।

এস.আর.আই. ফন্দগী হায়লাইতশিং মখাদা লৈরে:-

• ইক্বিতী, ক্বাসি-ইক্বিতী অমসুং দেবত (মরী লৈনবা এস.ই.বি.আই. গাইদলাইনশিংগী মখাদা অয়াবা পীবগী মতুং ইন্না)কী খুত্থাংদা গ্রোথ কেপিতেল ওইনা ওনৱার্দ প্রোভিজনগীদমক দোতর ফন্দশিংদা ফন্দিং সপোর্ত ফংহনবা।
• এম.এস.এম.ই.শিং খোংজেল য়াংনা চাউখৎহনবদা সপোর্ত তৌবা অমদি মদুনা ইকোনোমী হেনগৎহনবা অমসুং এমপ্লোইমেন্ত ওপোর্চুনিতীশিং শেম্বা।
• এম.এস.এম.ই. ব্রেক্কেৎকী ৱাংমদা গ্রেজুএত তৌনবা অমদি নেস্নেল/ইন্তরনেস্নেল চেম্পিয়ন ওইরকপা এম.এস.এম.ই.শিংদা সপোর্ত তৌবা।
• মরীলৈনবা তেক্নোলোজীশিং, পোৎ-চৈশিং অমসুং সর্বিসশিং পুথোক্তুনা ভারতপু মরোমদোম লেপচবা ঙমহনবদা মতেং পাংলিবা এম.এস.এম.ই.শিংদা সপোর্ত তৌবা।
• এম.এস.এম.ই.শিংদা ইনভেস্ত তৌবদা ইন্তরেস্ত ওইবা দোতর ফন্দশিং এম্পেনেল ওইরগনি।
• এম.এস.এম.ই.শিংদা ইনভেস্ত তৌরিবা ফন্দশিংগী চাদা ২০দি এস.আর.আই. ফন্দনা ফংহল্লগনি।
• এম.এস.এম.ই.দি. এক্ততা পীরিবা দিফিনিসনগী মতুং ইন্না এসেসমেন্তকী মতুং, মখোয় ভাইএবল ওইরবা, পিজিতিব গ্রোথ ত্রাজেক্তরী অমা লৈরবা, অমদি গ্রোথকীদমক দিফাইন্দ বিজিনেস প্লান অমা লৈরবা এম.এস.এম.ই.শিং ইলিজিবল প্রোভাইদ তৌরগনি। মমাংগা সি.এ.জি.আর. চহি ৩ কন্সিদর তৌগনি।
• নন প্রোফিৎ ইন্সতিত্যুসনশিং, এন.বি.এফ.সি.শিং, ফাইনান্সিএল ইনক্লুজন সেক্তর, মাইক্রো ক্রিদিৎ সেক্তর অমসুং অতোপ্পা ফাইনান্সিএল ইন্তরমেদিয়ারিশিং কন্সিদরেসনগীদমক ইলিজিবল ওইরোই।

এম.এস.এম.ই.শিং অমমমদা লুপা করোর ১০.০০গী এভরেজ ইনভেস্তমেন্ত অমা এস্যুম তৌরগা চাউরাক্না এম.এস.এম.ই. ৫০০০দা কানবা ফংহল্লগনি।

স্কিম অসিগী মখাদা ফাইনান্সিএল সপোর্তনা মথৌ তৌরিবা এম.এস.এম.ই.শিংবু চাউখৎহন্নবগীদম ফাইনান্সিএল কেপাসিতী হেনগৎহন্নবা হোৎনদুনা মখোয়গী বিজিনেস পাকথোক চাউথোকহনবা অমসুং নেস্নেল/ইন্তরনেস্নেল চেম্পিয়নশিং ওইহনবনি।

স্কিম অসি “এন.এস.আই.সি. ভেঞ্চর কেপিতেল ফন্দ লিমিতেদ” কৌবা স্পিসিএল পর্পোজ ভেহিকল অমনা ইমপ্লিমেন্ত তৌবনি।  এন.এস.আই.সি. ভেঞ্চর কেপিতেল ফন্দ লিমিতেদনা ইনফোর্ম তৌরকপগী মতুং ইন্না হৌজিক ফাওবদা লুপা করোর ১,০৮০গী কমিৎমেন্ত অমা এপ্রুব তৌখ্রে।

ইনফোর্মেসন অসি ঙসি লোক সভাদা মাইক্রো, স্মোল অমসুং মেদিয়ম ইন্তরপ্রাইজেসকী য়ুনিয়ন মিনিস্তর শ্রী নরায়ন রানেনা অইবা পাউখুম অমদা পীখিবনি।

****