చంద్రయాన్-3 ని 2022 ఆగస్టు నెలలో ప్రయోగించడానికి సన్నాహాలు చేస్తునట్టు కేంద్ర శాస్త్ర సాంకేతిక, భూ శాస్త్ర, సిబ్బంది వ్యవహారాలు, ప్రజా ఫిర్యాదులు, పెన్షన్లు, అణుశక్తి, అంతరిక్ష వ్యవహారాల సహాయ మంత్రి ( స్వతంత్ర బాధ్యత) డాక్టర్ జితేంద్ర సింగ్ వెల్లడించారు. నిన్న లోక్ సభలో ఒక ప్రశ్నకు లిఖితపూర్వకంగా ఇచ్చిన సమాధానంలో మంత్రి  ఈ వివరాలు అందించారు.  చంద్రయాన్-2 ప్రయోగంతో గడించిన అనుభవం, జాతీయ నిపుణులు అందించిన సలహాలతో చంద్రయాన్-3 రూపు దిద్దుకుంటున్నదని డాక్టర్ జితేంద్ర సింగ్ వివరించారు. ఇప్పటికే దీనికి సంబంధించిన హార్డువేర్, ప్రత్యేక పరీక్షలు విజయవంతం అయ్యాయని అన్నారు. 2022 ఆగస్టులో చంద్రయాన్-3 ని ప్రయోగించేందుకు సన్నాహాలు జరుగుతున్నాయని అన్నారు. 

2022 లో ( జనవరి నుంచి డిసెంబర్ వరకు) 19 ప్రయోగాలను నిర్వహిస్తామని డాక్టర్ జితేంద్ర సింగ్ వెల్లడించారు.  వీటిలో 

08 లాంచ్ వెహికల్ మిషన్‌లు, 07 స్పేస్‌క్రాఫ్ట్ మిషన్‌లు మరియు 04 టెక్నాలజీ డెమాన్‌స్ట్రేటర్ మిషన్‌లు ఉన్నాయని  మంత్రి తెలియజేశారు.

కోవిడ్-19 వల్ల కొన్ని ప్రయాగాలకు అంతరాయం కలిగిందని డాక్టర్ జితేంద్ర సింగ్ అన్నారు. అంతరిక్ష రంగంలో అమలు చేసిన సంస్కరణలు, కొత్తగా ప్రవేశపెట్టిన డిమాండ్ ఆధారిత విధానాలతో కొన్ని ప్రాజెక్టుల ప్రాధాన్యతలు మారాయని ఆయన పేర్కొన్నారు. 

గత మూడు సంవత్సరాల్లో ప్రయోగించిన ఉపగ్రహాల వివరాలు.. 

 ***