ആഭ്യന്തരകാര്യ മന്ത്രാലയം
azadi ka amrit mahotsav

രാജ്യത്ത് നിരോധിക്കപ്പെട്ട സംഘടനകൾ

Posted On: 02 FEB 2022 4:31PM by PIB Thiruvananthpuram



ന്യൂ ഡൽഹി, ഫെബ്രുവരി 02, 2022

രാജ്യത്ത് നിയമവിരുദ്ധ പ്രവർത്തനങ്ങൾ (നിരോധന) നിയമം (UAPA) -1967 ത്തിന്റെ ഒന്നാം പട്ടികയിൽ ഉൾപ്പെടുത്തിയിട്ടുള്ള ഭീകര സംഘടനകളുടെ എണ്ണം 42 ഉം, UAPA യ്ക്ക് കീഴിൽ, നിയമവിരുദ്ധ സംഘടനകളായി പ്രഖ്യാപിക്കപ്പെട്ടവയുടെ എണ്ണം 13-ഉം ആണ്. നിയമത്തിന്റെ നാലാം പട്ടിക പ്രകാരം ഇതുവരെ 31 വ്യക്തികളെയാണ് ഭീകരവാദികളായി കണക്കാക്കിയിട്ടുള്ളത്.

ഇത്തരം സംഘടനകൾ/വ്യക്തികൾ എന്നിവരുടെ എല്ലാ പ്രവർത്തനങ്ങളും കേന്ദ്ര-സംസ്ഥാന തലങ്ങളിലെ നിയമപാലന ഏജൻസികൾ കൃത്യമായി നിരീക്ഷിച്ചുവരികയാണ്. ആവശ്യമായ സന്ദർഭങ്ങളിൽ നിയമമനുസരിച്ചുള്ള നടപടികളും ഇവർക്കെതിരെ കൈക്കൊള്ളുന്നുണ്ട്.

വ്യക്തികളെ ഭീകരവാദികളായി കണക്കാക്കാനുള്ള വ്യവസ്ഥ നിയമവിരുദ്ധ പ്രവർത്തനങ്ങൾ (നിരോധന) ഭേദഗതി നിയമം-2019 വഴിയാണ് കൂട്ടിച്ചേർക്കപ്പെട്ടത്. ഇതിലൂടെ, നിരോധിക്കപ്പെട്ട സംഘടനകളുടെ നേതാക്കൾ/അംഗങ്ങൾ എന്നിവർ മറ്റു പേരുകളിൽ സംഘം ചേരുന്ന സാധ്യതകൾ കുറയ്ക്കാൻ കഴിഞ്ഞു.

ആഭ്യന്തര മന്ത്രാലയത്തിന്റെ ചുമതല വഹിക്കുന്ന കേന്ദ്ര സഹമന്ത്രി ശ്രീ നിത്യാനന്ദ് റായി രാജ്യ സഭയിൽ രേഖാമൂലം അറിയിച്ചതാണ് ഇക്കാര്യം.

 
 

(Release ID: 1794735)