শিপ্পিং মন্ত্রালয়

শ্রী সর্বানন্দ সোনোৱালনা ভারত্তা গ্রীন পোর্তশিং অমসুং গ্রীন শিপ্পিং চাউখৎহন্নবগীদমক্তা পাইখৎখিবা গ্রীন ইনিসিয়েতিবশিংগী প্রোগ্রেস য়েংশিনখ্রে

Posted On: 29 JAN 2022 6:48PM by PIB Imphal

কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দ সোনোৱালনা য়ুম্বুরেল ওইদুনা ভারত্তা গ্রীন পোর্তশিং অমসুং গ্রীন শিপ্পিং চাউখৎহন্নবগীদমক্তা মেরিতাইম ইন্দিয়া ভিজন (এম.আই.ভি.) ২০৩০গী মতুং ইন্না পাইখৎলকখিবা গ্রীন ইনিসিয়েতিবশিং অদুগী মতাংদা লৈরিবা প্রোগ্রেস অদু য়েংশিন্নবা মরু ওইবা হিথাংফমশিং, কোচিন শিপয়ার্দ লিমিতেদ (সি.এস.এল.) অমসুং আই.দবল্যু.এ.আই. (ইনলেন্দ ৱাতরৱেজ ওথোরিতী ওফ ইন্দিয়া)গা লোইননা মীফম অমা পাংথোকখ্রে।

শ্রী সোনোৱালনা মেরিতাইম ইন্দিয়া ভিজন ২০৩০গী মখাদা থৌরাং তৌখিবা গ্রীন পোর্তশিংগী দেবেলপমেন্তগীদমক্তা পাইখৎখিবা ইনিসিয়েতিবশিং অদুগী প্রোগ্রেস য়েংশিনখ্রে। এম.আই.ভি. ২০৩০গী শরুক অমা ওইনা, চাউরাক্না লুপা করোর ৬,৭৭,৭২০.২৪গী ইনভেস্তমেন্ত তৌদুনা মরু ওইবা পোর্তশিংদা পাইখৎনবগীদমক্তা পুন্না ইনিসিয়েতিব ৯৬৩ মশক খঙদোকখ্রে, মসিগী মনুংদা চাউরাক্না লুপা করোর ৪৪,৪২৪.৪৭গী ইনভেস্তমেন্তকী পুন্না ইনিসিয়েতিব ২০৮দি এফ.ৱাই. ২০২১দা লোইশিনখ্রে। মখাতানা করোর ৪৮,২৫৬.১৪গী ইনভেস্তমেন্তকী ইনিসিয়েতিব ৫০৪দি পাইখৎনবা তৌরি।

https://static.pib.gov.in/WriteReadData/userfiles/image/image001DRA6.jpg

মেরিতাইম সেক্তরদা গ্রীন ইকোসীস্তেম য়োকখৎনবগীদমক্তা ভারত্তা অনৌবা খোংথাং কয়া অমা লৌখৎখ্রে। মসি ইন্তর্নেস্নেল মেরিতাইম ওর্গনাইজেশন (আই.এম.ও.) ২০৩০ দিকার্বোনাইজেশন স্ত্রেতেজী অমসুং ২০৫০ গ্রীন হাউস গ্যাসেস (জি.ঐচ.জি.) স্ত্রেতেজীগী মনুং চন্ননি। ভারতকী মরু ওইবা পোর্তশিংনা অনৌবা খোংথাংশিং লৌখৎখ্রে, মসিগী মনুং চল্লিবা হিরমশিং অদুদি, খুদম ওইনা ২০৩০ ফাওবদা মরু ওইবা পোর্তশিংদা ৬০% হেন্না রিন্যুৱেবল ইনর্জী শিয়র হেনগৎপা, সোলার পাৱর প্লান্তশিং লিংখৎপা, বর্থশিংগী কুতহধাংদা ভেসেলশিংদা  শমুদ্র খোংবানদগী পাৱর সপ্লাই ফংহনবা, হিথাংফমগী ইকোসীস্তেম মনুংদা গারীশিংগীদমক্তা অশেংবা ফ্যুএল শিজিন্নবা, হিথাংফমশিংদা দিজলগী ইঞ্জিনশিং তপ্না-তপ্না তৌদুনা শিজিন্নবা লেপহনবা অসিনচিংবশিং অসি য়াওখি।

গ্রীন পোর্ত ইনিসিয়েতিবশিং অসিগী মনুংদা এনভাইরনমেন্তেল পোল্যুশন য়েংশিন্নবগীদমক্তা ইক্যুইপমেন্তশিং লৌশিনবা, দস্ত সপ্রেসন সীস্তেমশিং লৌশিনবা, সিৱেজ/ফত্তবা ঈশিং ত্রীতমেন্ত তৌনবগী প্লান্তশিং লিংখৎপা, হিথাংফমশিং অমসুং জহাজশিংগীদমক্তা ফত্তা-হাওদি লংথোক্নবা সীস্তেম অমা লিংখৎপা, জহাজশিং অসিদগী থাদোরকপা ফত্-হাওদিশিং অদুগীদমক্তা শোর রিসেপ্সন ফেসিলিতী অমা দেবেলপ তৌবা, রিন্যুৱেবল ইনর্জী সোর্সশিংদগী ইনর্জী পুথোক্নবগীদমক্তা প্রোজেক্তশিং লিংখৎপা, বর্থশিংদা জহাজশিংদা সমুদ্র খোংবানগী পাৱর পীবা, হিথাংফম খুদিংমক্তা ওইল স্পিল রেসপোন্স (তায়র-১) কেপেবিলিতীশিং লৈহনবা, হীথাংফমশিংদা ঈশিংগী ক্বালিতী ফগৎহন্নবা থবকশিং পাইখৎপা, তর্মিনেলগী দিজাইনশিংদা সস্তেন্নেবল প্রক্তিসশিং য়াওহনবা, দেবেলপমেন্ত অমসুং ওপরেশন,  হিথাংফম্না কোনবা মফমশিং অদুগী মনুংদা উমং-ৱামংগী চাং হেনগৎহনবনচিংবশিং অসি য়াওরি।

https://static.pib.gov.in/WriteReadData/userfiles/image/image00281EB.jpg

 

মন্ত্রালয় অসিনসু পোর্ত সেক্তরদা গ্রীন ইনিসিয়েতিবশিং য়াওহন্নবগীদমক্তা ফ্রেমৱার্ক অমসুং গাইদলাইনশিং তাক্নবা “গ্রীন পোর্ত পোলিসী” দোক্যুমেন্তকী দ্রাফ অমা শেম্নবা থবকসু তৌরি। পোলিসী দোক্যুমেন্ত অসিদা মরু ওইবা হিরমশিং, ওইথৌকপা য়াবা অউৎকমশিং, ইমপ্লিমেন্তেশন তৌনবগী রোদমেপ অমসুং হীথাংংফম অদু চলাইরিবা শিং অমসুং হিথাংফম অদুগী ওথোরিতীশিংগীদমক্তা চংখিবা শেল হঙ্গৎনবগী মেকানিজমগী মতাংদা য়াওরি। প্রোপোজ তৌখিবা তার্গেৎ আউৎকমশিং অদুনা “ইন্তেন্দেদ নেস্নেল্লী দিতর্মাইন্দ কন্ত্রিব্যুসন্স (আই.এন.দি.সি.শিং) তার্গেৎকা লোইন-লোইননা ইন্তর্নেস্নেল মেরিতাইম ওর্গনাইজেশন (আই.এম.ও.) ২০৩০ তার্গেৎ” অদু ফংবদা ভারতকী মতেং পাংগদৌরিবনি।

গ্রীন শিপ্পিংগী শিয়র হেনগৎহন্নবা, ভারতকী খ্বাইদগী চাউবা শিপবিল্দিং অমসুং মেন্তেনেন্স ফেসিলিতী, কোচিন শিপয়ার্দ লিমিতেদনা প্রোজেক্ত কয়া অমা পাইখৎলি। মসিদা গ্রীন অর্বান মোবিলিতী সোল্যুশনশিং খুদম ওইনা হাইব্রিদ ইলেক্ত্রিক ফেরিশিং, ওতোনোমস জিরো-ইমিসন ভেসেলশিং, হাইদ্রোজেন ফ্যুএল সেল ফেরী, ইলেক্ত্রিক কেতামরান ৱাতর তেক্সি, হাইব্রিদ ইলেক্ত্রিক রো-রো, হাইব্রিদ এল.এন.জি.-ইলেক্ত্রিক ইনলেন্দ কার্গো কেরিয়র, হাইব্রিদ তগনচিংবশিং অসি য়াওরি।

লৈবাক অসিদা রিভর ক্রুজ তুরিজম হেনগৎহন্নবগীদমক্তা ইনলেন্দ ৱাতরৱেশিংদা মপুং ফানা ইলেক্ত্রিক্কী ওইবা ফেরী অমসুং হাইদ্রজেন ফ্যুএলগী ফেরীশিং শিজিন্ননবগীদমক্তা ওইথোকপা য়াবশিংদুসু য়েংশিল্লি। খুদম ওইনা, অহানবা ফেজদা বরানসী অমসুং গুৱাহাতিদা ইলেক্ত্রিক কেতামরান ৱাতর তেক্সি শিজিন্ননবগীদমক্তা খন্নখি। মসিগী মথক্তা, তুরল লান্থোক-লানশিন তৌনবগীদমক্তা গুৱাহাতিদা দ্যুএল ফ্যুএল সীস্তেম (এল.এন.জি.+বেতরী) য়াওবা হাইব্রিদ ইলেক্ত্রিক রোল ওন- রোল ওফ (রো-রো) ভেসেলশিং শিজিন্ননবগী মতাংদা খন্নখি। এন.দবল্যু.২ অমসুং এন.দবল্যু.১দা আইব্রিদ এল.এন.জি.-ইলেক্ত্রিক ইনলেন্দ কার্গো কেরিয়র ভেসেলশিং শিজিন্ননবগী মতাংদসু খন্নখি। বরানসীদা সি.এন.জি. ভেসেলশিং শিজিন্নবগী ওইথোকপা য়াবশিং অদুগী মতাংদসু য়েংশিনখি। 

মরু ওইবা হিথাংফম ১২না গ্রীন ইনিসিয়েতিবশিং পাইখৎলকখিবগী খোংজেল অসিনা এনভাইরনমেন্তকী কান্নবা লৈহন্দুনা অমসুং ইনভেস্তমেন্তশিং অমসুং কেশ ফ্লো বেলেন্স তৌদুনা, ‘ব্লু ইকোনোমী’গী মরু ওইবা শরুক অমসু ওইরিবা, হিথাংফমশিংবু হেন্না শেংহনবা অমসুং শংহনদুনা সেক্তর অসিদা গ্রীন রিভোল্যুশন শোইদনা পুরক্লগনি।

মহাক্না লোইশিল্লকপদা থমখিবা ৱারোলশিং অদুদা, শ্রী সোনোৱালনা ইন্দিয়ন মরিতাইম সেক্তরগীদমক্তা থম্লিবা প্রধান মন্ত্রীগী মঙলান অদুবু মঙফাওনহনবগী মাইকৈদা মরু ওইবা থৌদাং লৌখিবগীদমক্তা ওফিসিয়েলশিং অদুবু থাগৎপা ফোংদোকখি। মহাক্না মখাতানা হিথাংফম খুদিংমক্না গ্রীন পোর্ত পোলিসীদা অরোইবা ৱারোইশিন পুরকপগা লোইননা মেরিতাইম সেক্তরবু শংহনবগী মাইকৈদা মসিগীদমক্তা ওইবা প্রোএক্তিব ওইনা হোৎনদুনা গ্রীন ইনিসিয়েতিব অসিবু খুমাং চাউশিনহন্নবা খঙহনখি।

*****



(Release ID: 1793584) Visitor Counter : 107


Read this release in: English , Urdu , Hindi , Tamil , Telugu