শেল-থুম মন্ত্রালয়
পাৱর সেক্তর রিফোর্মশিং পাইখৎনবগীদমক রাজ্যশিংদা লুপা কোতি ৭,৩০৯গী অহেনবা রিসোর্সশিং ফংহনখ্রে
পাৱর সেক্তরদা পাইখৎখিবা রিফোর্মশিংগী মতুং ইন্না রাজ্য ১১না অহেনবা শেল পুনবা ক্লেম তৌরকখ্রে
Posted On:
28 JAN 2022 6:12PM by PIB Imphal
পাৱর সেক্তরদা দরকার ওইরিবা রিফোর্মশিং পাইখৎনবগীদমক শেল-থুম মন্ত্রালয়গী এক্সপেন্দিচর দিপার্তমেন্তনা রাজ্য অনিদা লুপা কোতি ৭,৩০৯গী অহেনবা শেনফম পুহন্নবগী অয়াবা পীখ্রে৷ অদুগা, রিফোর্ম প্রোসেস অসি হৌনবগী ইন্সেন্তিব ওইনা রাজস্থানবুনা লুপা কোতি ৫,১৮৬কী অহেনবা শেনফম পুহনবা য়াহনখ্রে অমদি আন্ধ্র প্রদেশপুনা লুপা কোতি ২,১২৩গী অহেনবা শেনফম পুহনবা য়াহনখ্রে৷
তরামঙাশুবা ফাইনান্স কম্মিসনগী রিকম্মেন্দেসনশিংগী মতুং ইন্না, ফাইনান্স মন্ত্রালয়না পাৱর সেক্তরদা রাজ্যশিংনা লৌখৎখিবা রিফোর্মগী মতুং ইন্না চহি মরিগী মতম ২০২১-২২দগী ২০২৪-২৫ ফাওবগী ওইনা চহি খুদিংগী রাজ্যশিংদা গ্রোস স্তেত দোমেস্তিক প্রদক্ত(জি.এস.দি.পি.)কী চাদা ০.৫ য়ৌনা অহেনবা শেনফম পুহনবা য়াহন্নবা ৱারেপখ্রে৷ মসি ফাইনান্স মন্ত্রীনা ২০২১-২২গী বদজেৎ স্পিচতা লাওথোকখিবনি৷ মসিনা রাজ্যশিংদা চহি খুদিংগী লুপা কোতি লাখ ১ হেনবগী অহেনবা রিসোর্সশিং ফংহল্লগনি৷ সেক্তর অসিগী ওপরেস্নেল অমদি ইকোনোমিক ইফিসিয়েন্সী ফগৎহনবা অমদি শেল থিদুনা মৈ শিজিন্নবগী চাং হেনগৎহনববু য়োকখৎনবা হোৎনবা হায়বসিনা অহেনবা শেল পুহনবগী অয়াবা পীরিবা অসিগী পান্দমশিং ওইরি৷
পাৱর সেক্তর রিফোর্মশিংগা মরী লৈননা অহেনবা শেল পুহনবগী স্পেস অসি ফংহন্নবগীদমক, রাজ্য সরকারনা তঙাই ফদবা রিফোর্মশিংগী সেত অমা লৌখৎকদবনি অমদি দরকার ওইরিবা পর্ফোমেন্স বেঞ্চমার্কশিং অদুসু ফংবা ঙম্নবা হোৎনগদবনি৷ রাজ্যশিংনা লৌখৎকদৌরিবা রিফোর্মশিং অদুদি-
- পব্লিক সেক্তর দিস্ত্রিব্যুসন কম্পেনীশিং(দিস্কোমশিং)গী অমাংবা লাকপশিংদা রাজ্য সরকারনা থৌদাং লৌবা হেনগৎলকপা৷
- সবসিদীশিং পেমেন্ত তৌবা অমদি সরকারশিংদগী দিস্কোমশিংদা অমসুং দিস্কোমশিংদগী অতোপ্পশিংদা পীরিবা লাইয়েবিলিতীশিং রেকোর্দ তৌবা য়াওনা পাৱর সেক্তরগী ফাইনান্সিয়েল এফিয়র্সকী রিপোর্তিংদা ত্রান্সপরেন্সী লৈহনবা৷
- ফাইনান্সিয়েল অমদি ইনর্জী একাউন্তশিং মতম চানা খঙহনবা অমদি মতম চানা য়েংশিনবা৷
- লিগেল অমদি রিগুলেতরী রিক্বেয়রমেন্তশিং ঙাক্না চৎপা৷
মথক্তা পল্লিবা রিফোর্মশিং অসি রাজ্য অদুনা অমুক হেক পাইখৎখ্রবদি, রাজ্য অদুগী পর্ফোমেন্স অদু ২০২১-২২দা অহেনবা শেল পুহন্নবগী ইলিজিবিলীতী অদু খঙদোক্নবা মখাদা লৈরিবা ক্রাইতরিয়া অসিগী মতুং ইন্না হোৎকনি
- এগ্রীকল্চরেল কন্নেক্সনশিং য়াওনা অপুনবা ইনর্জী কঞ্জম্পসন অসিগা য়েংনবা মতমদা শিজিন্নরিবা মীতর ইলেক্ত্রিসিতীগী পর্সেন্তেজ
- দাইরেক্ত বেনিফিৎ ত্রান্সফর(দি.বি.তি.)না কঞ্জুমরশিংদা পীরিবা সবসিদী পেমেন্ত
- সরকারগী দিপার্তমেন্তশিং অমদি লোকেল বোদীশিংনা মৈগী বিলশিং থিদোকপা
- সরকারগী ওফিসতা প্রিপেদ মীতরশিং ইন্সতোল তৌবা
- ইন্নোবেসনশিং অমদি ইন্নোবেতিব তেক্নোলোজীশিং শিজিন্নবা
অসিগীসু মথক্তা, পাৱর দিস্ত্রিব্যুসন কম্পেনীশিং প্রাইভেতাইজেসন তৌনবগী বোনস মার্কশিংগীদমক রাজ্যশিংবুসু ইলিজিবল ওইহল্লি৷
পাৱর মন্ত্রালয় অসি রাজ্যশিংগী পর্ফোমেন্স য়েংশিন্নবা অমদি অহেনবা শেল পুহন্নবগী অয়াবা পীনবগীদমক মখোয়গী ইলিজিবিলিতী খঙদোক্নবগীদমক লৈরিবা নোদেল মন্ত্রালয়নি৷ রাজস্থান অমদি আন্ধ্র প্রদেশতগী হেন্দোক্তুনা, অতোপ্পা রাজ্য মাপল, মমিং ওইনা হায়রবদা অসাম, গোৱা, কেরলা, মনিপুর, মেঘালয়, ওরিশা, সিক্কিম, তামিল নাদু অমদি উত্তর প্রদেশসু পাৱর মন্ত্রালয়দা মখোয়গী প্রোপোজেলশিং থাজিল্লকখ্রে অমদি প্রোপোজেলশিং অদু য়েংশিল্লি৷ অহেনবা শেল পুহনবগী অয়াবা অদু পাৱর মন্ত্রালয়দগী অয়াবা হেক পীরকপগা ইলিজিবল ওইরবা রাজ্যশিংদা ইসু তৌগনি৷
******
(Release ID: 1793480)
Visitor Counter : 101