ریلوے کی توجہ آر آر بی کے سنٹرلائزڈ امپلائمنٹ نوٹس (سی ای این) نمبر 01/2019 (غیر تکنیکی مقبول زمروں کے لیے – گریجویٹ اور انڈر گریجویٹ) کے تحت جاری بھرتی امتحان کے دوسرے مرحلے کے لیے امیدواروں کی شارٹ لسٹ کرنے کے عمل پر کچھ امیدواروں کی طرف سے اٹھائے گئے خدشات کی طرف مبذول کرائی گئی ہے جس کے نتائج کا اعلان 14.01.2022 کو کیا گیا تھا۔ آر آر بی نے این ٹی پی سی کے دوسرے مرحلے کی سی بی ٹی اور لیول ایک کے پہلے مرحلے کی CBT کو ملتوی کر دیا ہے۔

سی ای این آر آر سی 01/2019 میں دوسرے مرحلے کے سی بی ٹی کو متاثر کیے بغیر این ٹی پی سی امتحان کے پہلے مرحلے کے کمپیوٹر مبنی ٹیسٹ (سی بی ٹی) کے نتائج کے بارے میں موجودہ منتخب امیدواروں اور طلبا کی طرف سے اٹھائے گئے خدشات پر غور کرنے کے لیے سینئر حکام کی ایک اعلیٰ سطحی کمیٹی پہلے ہی تشکیل دی جا چکی ہے۔ امیدوار 16 فروری 2022 تک اپنے خدشات اور تجاویز اس کمیٹی کو درج ذیل ای میل آئی ڈی پر بھیج سکتے ہیں: rrbcommittee@railnet.gov.in۔ یہ کمیٹی ان خدشات کا بغور جائزہ لینے کے بعد 04 مارچ 2022 تک اپنی سفارشات پیش کرے گی۔

تاہم، پس منظر کی تفصیلات اور اب تک کے طریقہ کار کو واضح کرنے کے لیے درج ذیل وضاحت پیش کی جا رہی ہے۔

بھرتی کے عمل کے ایک حصے کے طور پر دوسرے مرحلے کے کمپیوٹر پر مبنی ٹیسٹ (سی بی ٹی) پر اٹھائے گئے سوالات کی بنیاد پر امیدواروں کے خدشات کے جواب میں، ریلوے نے واضح کیا ہے کہ نوٹیفکیشن کے لیے، اگر درخواست دینے والے امیدواروں کی ایک بڑی تعداد موجود ہے، اور ایک کروڑ سے زیادہ ہے تو سی بی ٹی کو دو مرحلوں میں منعقد کرنے کا مشورہ دیا جاتا ہے، جس میں پہلے مرحلے کا استعمال دوسرے مرحلے کے CBT کے لیے موزوں امیدواروں کی اسکریننگ کے لیے کیا جاتا ہے اور دوسرے مرحلے کا امتحان محدود تعداد میں امیدواروں کے ساتھ لیا جاتا ہے، تاکہ کوئی خامی نہ ہو اور حتمی میرٹ زیادہ منصفانہ ہو۔

دوسرے مرحلے کے سی بی ٹی کی شارٹ لسٹ میں شامل امیدواروں کی تعداد پر ظاہر کیے گئے خدشات کے بارے میں، ریلوے نے کہا کہ سنٹرلائزڈ امپلائمنٹ نوٹیفکیشن (سی ای این) 01/2019 کے لیے، پہلے مرحلے کا سی بی ٹی گریجویشن اور 10+2 کے لیے کرایا جائے گا۔ پاس امیدواروں کے لیے معمول کے مطابق، CEN میں تجویز کیا گیا ہے کہ مطلع شدہ اسامیوں سے 20 گنا زیادہ امیدواروں کو دوسرے مرحلے کے CBT کے لیے بلایا جائے گا، تاکہ پہلے مرحلے کے CBT کے ذریعے اسکریننگ کے بعد دوسرے مرحلے CBT کے بعد امیدواروں کی مناسب تعداد کو موقع دیا جائے۔

”7 لاکھ رول نمبروں کے لیے نہیں بلکہ 7 لاکھ امیدواروں کے لیے مختصر فہرست (شارٹ لسٹ) تیار کی جانی چاہیے“،  اس سوال پر الجھن کو دور کرنے کے لیے یہ واضح کیا جاتا ہے کہ اس بات کا کہیں ذکر نہیں گیا تھا کہ دوسرے مرحلے کے سی بی ٹی کے لیے 7 لاکھ مختلف امیدواروں کو شارٹ لسٹ کیا جائے گا۔ چونکہ دوسرا مرحلہ CBT کے پانچ مختلف درجوں پر مشتمل ہے اور ایک امیدوار کو اہلیت، میرٹ اور پسند کے مطابق ایک سے زیادہ لیول کے لیے منتخب کیا جا سکتا ہے، اس لیے 7 لاکھ رول نمبروں کی فہرست میں کچھ نام ایک سے زیادہ فہرستوں میں ظاہر ہوں گے۔ نوٹیفکیشن کے پیرا 13 میں بیان کردہ مطلع کردہ خالی آسامیوں سے 20 گنا کی شرح سے شارٹ لسٹنگ لیول/پوسٹ کے حساب سے کی جاتی ہے۔ ان فہرستوں میں 7,05,446 رول نمبر ہیں جو کہ 35,281 نوٹیفائیڈ اسامیوں سے 20 گنا زیادہ ہیں۔ بالآخر 35,281 امیدواروں کا انتخاب کیا جائے گا اور صرف ایک امیدوار کو میرٹ اور ترجیح کے مطابق ایک پوسٹ پر تعینات کیا جائے گا۔ اس طرح کوئی عہدہ خالی نہیں رہے گا۔

گریجویٹ امیدواروں کو گریجویٹ اور بارہویں (10+2) کی سطح پر اسامیوں کے لیے اہل ہونے کے لیے غیر ضروری فائدہ سے متعلق خدشات کا جواب دیتے ہوئے، ریلوے نے واضح کیا ہے کہ وقت، توانائی اور محنت کو بچانے کے لیے، گریجویٹ اور 10+2 سطح کی آسامیوں کے لیے بھرتیوں کو مربوط کیا گیا ہے جو کہ کووڈ-19 کی وبا کے دوران کارآمد ثابت ہوا ہے۔ نیز، سی بی ٹی 1 کے معیارات کو 10+2 کی سطح پر رکھا گیا ہے تاکہ 10+2 کی سطح کے طلبا کو نقصان نہ پہنچے اور یہ صرف سی بی ٹی 2 میں ہے جہاں تمام سطحوں میں معیارات مختلف ہوں گے۔

بھرتی کے عمل میں تاخیر کے سلسلے میں، ریلوے نے کہا کہ بھرتی کا عمل مارچ 2020 سے کووڈ-19 عالمی وبا اور اس وبا کی وجہ سے مختلف ریاستوں کی طرف سے عائد کردہ متعدد پابندیوں کی وجہ سے تاخیر کا شکار ہے۔ سماجی دوری کے اصولوں کی وجہ سے سی بی ٹی کی صلاحیت بھی متاثر ہوئی ہے، جس کی وجہ سے شفٹوں کی تعداد میں اضافہ ہوا ہے۔ CEN 01/2019 کے پہلے مرحلے کے سی بی ٹی میں 133 شفٹ شامل تھیں۔

                                               **************

ش ح۔ ف ش ع- ع ا  

U: 825