نئی دلّی ،26 جنوری / ریلوے بھرتی بورڈ ( آر آر بی ) کے ذریعے جاری کردہ سینٹرلائزڈ  روزگار نوٹفکیشن  سی ای این) 01/2019 کے تحت غیر تکنیکی عام زمرے ( این ٹی پی سی ) کے پہلے مرحلے کے کمپیوٹر پر مبنی ٹسٹ  ( سی بی ٹی ) کے 14 – 15 جنوری ، 2022 ء کے نتائج  سے متعلق امید واروں کے ذریعے  ظاہر کردہ تشویش اور شکوک و شبہات پر غور کرنے کے لئے  ایک اعلیٰ اختیاراتی کمیٹی تشکیل دی گئی ہے ۔

          کمیٹی امید واروں کے ذریعے اٹھائے گئے مندرجہ ذیل  معاملات پر غور کرے گی اور اپنی سفارشات پیش کرے گی :

1. پہلے مرحلے کے سی بی ٹی ( این ٹی پی سی ) ، سی ای این 01 / 2019 کے نتائج کو شارٹ لسٹ کرنے کے لئے استعمال کیا گیا  طریقۂ کار اور  موجودہ شارٹ لسٹ میں شامل  امید واروں کو  متاثر کئے بغیر   دوسرے مرحلے  کے سی بی ٹی  پر غور و خوض ۔
2. دوسرے مرحلے کے سی بی ٹی کو  سی ای این – آر آر سی 01 / 2019 میں شامل کرنا ۔

امید وار کمیٹی کو مندرجہ ذیل ای میل پر اپنی تشویش  اور مشورے بھیج سکتے ہیں :

​rrbcommittee@railnet.gov.in

مختلف آر آر بی کے تمام سربراہوں کو ہدایت دی گئی ہے کہ وہ موجودہ چینلوں کے ذریعے  امید واروں کی شکایات  موصول  کریں  ، انہیں مرتب کریں اور اعلیٰ اختیاراتی کمیٹی کو بھیج دیں ۔

امید واروں کو اپنی شکایات  کمیٹی کو بھیجنے کے لئے 16 فروری ، 2022 ء  تک تین ہفتے کا وقت دیا گیا ہے  اور کمیٹی اِن شکایات کی جانچ کرنے کے بعد 4 مارچ ، 2022 ء تک  اپنی سفارشات  پیش کر دے گی ۔

مذکورہ بالا  اقدام کے پیش نظر 15 فروری ، 2022 ء سے شروع ہونے والے سی ای این 01 / 2019 ( این ٹی پی سی ) کے دوسرے مرحلے کا سی بی ٹی اور 23 فروری سے شروع ہونے والے سی ای این – آر آر سی 01 – 2019 کے پہلے مرحلے کے سی بی ٹی کو  ملتوی کر دیا گیا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) 

U. No.  749