“হোম আইসোলেসন্দা লৈরিবা কোবিদ১৯দগী ফগৎলক্লবশিং লৈবাক শিনবা থুংনা এক্তিব কেস মশিং য়াম্না চাউনা হেনগৎলকপা অসি য়েংলগা, বেনিফিসরীশিংদা মতম চানা অফবা হেলথকেয়র পীনবগীদমক তেলে-কন্সল্তেসন য়ৌহন্নবগী থবকশিং হেন্না চাউথোকহন্নবা মসিদা মিৎয়েং চংবা মরু ওইরি”। মসি হেলথ অমসুং ফেমিলী ৱেলফিয়রগী কেন্দ্রগী মন্ত্রী দাঃ মনসুখ মন্দাবিয়ানা ঙসি রাজ্যগী হেলথ মন্ত্রীশিং অমসুং প্রিন্সিপাল সেক্রেতরীশিং/এদ্দিসনেল চীফ সেক্রেতরীশিং, অমসুং রাজ্য/য়ু.তি.শিং মাপল (জম্মু অমসুং কশ্মির, হিমাচল প্রদেশ, পঞ্জাব, চান্দিগর, উত্তরাখন্দ, হারিয়ানা, দিল্লী, লদাখ অমসুং উত্তর প্রদেশ)কী এদমিনিস্ত্রেতরশিং অমদি হেলথ অমসুং ফেমিলী ৱেলফিয়রগী রাজ্যগী মন্ত্রী দাঃ ভারতী প্রবিন পাৱর অমসুং এন.আই.তি.আই. আয়োগকী মেম্বর (হেলথ), দাঃ ভি. কে. পোলগা লোয়ননা উনদুনা ৱারী শানবদা হায়খিবনি। মহাক্না রাজ্যশিং অমসুং য়ু.তি.শিংদা হব অমসুং স্পোক মোদেল থম্নবা অমসুং তেলে-কন্সল্তেসনগী সেন্তর হেন্না হাংদোক্নবা কন্না হায়খি। হায়রিবা অসিনা বেনিফিসরীশিংদা দিস্ত্রীক্তকী হবশিংদা লৈরিবা এক্সপার্ত স্তেসন্দগী এক্সপার্ত ওইবা পাউতাকশিং ফংবা ঙমগনি। মহাক্না মখা তানা হায়খি মদুদি ই-সঞ্জীবানিনা বেনিফিসরী করোর ২.৬ হেন্না মখোয়না য়ুমদা লৈনা-লৈনা মেদিকেলগী ওইবা পাউতাকশিং ফংবা ঙমহল্লি। “হায়রিবা অসিনা য়ৌশিনবদা ৱাবা অমসুং থাপ্না লৈবা মরুওইনা হৌজিক ওইরিবা নিংথমথাগী পান্থা অসিদা অৱাং-নোংপোক্কী মফমশিংদা গেম চেঞ্জর অমসুং য়াম্না মরুওইবা অমগী খুদম অমা তাক্লগনি” হায়না মহাক্না উৎখি। “রাজ্য/য়ু.তি.শিংনা সেন্তরশিং অসি ২৪X৭ শোইদনা থবক তৌহনগদবনি অমসুং হায়রিবা অসি মীচম প্রজা অমসুং হেলথ এক্সপার্তশিং অনিমক খুদোংচাবা পীগদবনি। খুদোংচাদবা অমসুং চৎথোক-চৎশিনগী অৱাবা হন্থনবাস অসিগুম্লবা এক্সপার্ত পাউতাকশিং অসি ব্লোক্কী থাক, সেকেন্দরী নত্ত্রগা প্রাইমারী হেলথ সেন্তরগী থাক্তকী খুলায়শিংদা পীনবা হায়খি। মহাক্না রাজ্যশিং অমসুং য়ু.তি.শিংদা শোইদনবা হায়খি মদুদি নেস্নেল গাইদলাইন্দশিংগী মতুং ইন্না য়ুমদা আইসোলেসন তৌদুনা লৈরিবশিং কুপ্না য়েংশিনগদবনি। মসিনা য়ুমদা আইসোলেসন তৌদুনা লৈরিবা ওক্তিব কেসকী খুদোংথিনিঙাই ওইরবা কেতগরীশিংদা মতম চানা তঙাইফদবা মেদিকেলগী মতেংশিং শোইদনা ফংবা ঙম্লগনি।            

ভর্চুএল মিতিং অসি কন্তেনমেন্ত অমসুং কোবিদ ১৯গী মেনেজমেন্ত অমসুং নেস্নেল কোবিদ১৯ ভেক্সিনেসন কেম্পেইনগী চংশিল্লিবা থবকশিংগী পব্লিক হেলথ প্রিপেয়র্দনেস য়েংশিন্নবা পাংথোকপনি। অৱাংবা থাক্কী রিভ্যু মিতিং অসিদা য়াওখিবা রাজ্যগী হেলথ মন্ত্রীশিং অদুদি শ্রী অনিল ভিজ (হারিয়ানা) অমসুং দাঃ ধন সিংহ রাৱত (উত্তরাখন্দ) নি। রাজ্যগী হেলথ মন্ত্রীশিংনা কেন্দ্রগী হেলথ মন্ত্রীবু কোবিদ-১৯ লায়চৎ অসি লান্থেংনবদা কেন্দ্রগী মাইকৈদগী লেপ্পা লৈতনা মতেং পাংবিরকপগীদমক থাগৎপা ফোংদোকখি।

কন্তেনমেন্ত অমসুং কোবিদ-১৯ মেনেজমেন্তগীদমক রাজ্য/য়ু.তি.শিংবু মতেং পাংবদা কেন্দ্রনা কন্না হোৎনরিবা অসি পল্লদুনা, দাঃ মনসুখ মন্দাবিয়ানা রাজ্যশিং অমসুং য়ু.তি.শিং ৯বু হেলথ ইনফ্রাস্ত্রকচর মপাঙ্গল কনখৎনবা ই.সি.আর.পি.-II পেকেজকী মখাদা থবক থৌরমশিং য়েংশিন্নবা অমসুং থবকশিং য়াংশিন্নবা হায়খি। মহাক্না হেলথ মন্ত্রীশিং অমসুং স্তেত ওথোরিতীশিংদা ইনফ্রা প্রোজেক্ত কয়াগীদমক থাদখিবা শেনফমশিং মফম চানা নিংথিনা শিজিন্নবা কন্না হায়খি। “হেলথ ইনফ্রাস্ত্রকচর কনখৎহনবগা লোয়ননা, ঐখোয়না হেলথ ইমর্জেন্সী অমসুং পব্লিক হেলথ ক্রাইসিস অসি হেন্না ফবা শেম-শাবা অমগা থেংনবা ঙমগনি”, হায়না মহাক্না হায়খি। হোস্পিতালগী বেদশিং, পি.এস.এ. প্লান্তশিং, ওক্সীজেন ইক্যুপমেন্তশিং লৈরিবা, ওকুপেন্সী অমসুং ইনফ্রাস্ত্রকচর শিজিন্নবগী অপদেৎ অসি কোবিদ-১৯ পোর্তেল - https://covid19.nhp.gov.in/ দা চাং নাইনা থাগৎনবা পাউতাক পীখি। মসিদা পল্লি মদুদি মসিগী অপদেৎ অসিনা হেন্না চাউবা পিকচর অমা ফংবদা মতেং ওইগনি অমসুং হেন্না ফবা পব্লিক হেলথ রেস্পোন্সকী থাক কয়াদা দেতা দ্রাইবনগী ৱারেপ লৌবদা মতেং ওইহল্লগনি।     

কেন্দ্রগী হেলথ মন্ত্রীনা রাজ্যশিং অমসুং য়ু.তি.শিংদা তেস্তিং মশিং হেনগৎহনবগী তঙাইফদবা লৈ হায়না অমুক হন্না মরুওইবা পীখি। আর.তি.পি.সি.আর. তেস্তিংদা মশিং য়ামদনা লৈরিবা রাজ্যশিং অমসুং য়ু.তি.শিংদা আর.তি.পি.সি.আর.গী খুত্থাংদা তেস্ত মশিং হেনগৎহন্নবা হায়খি। রাজ্যশিং অমসুং য়ু.তি.শিংবুসু রাজ্যদা হৌজিক ওইরিবা হোস্পিতালাইজ তৌবগী কেসশিং লোয়ননা অশি-অনা য়েংশিন্নবা অমসুং থোক্লক্লিবা ক্লস্তরশিং অমসুং হোতস্পোতশিং কুপ্না য়েংশিন্নবসু নিংশিংখি।

দাঃ মন্দাবিয়ানা মরুওইবা পীখি মদুদি “ভেক্সিনেসন অসিনা কোবিদ-১৯ লান্থেংননবা অমত্তা ঙাইরবা খুলায় অমা ওইরি। ভেক্সিন কাপথোক্লবা মীওইশিং ভারত অমসুং মালেমগী ওইনা য়াম্না শাথিনা নাবা অমসুং হোস্পিতালাইজেসন হন্থনা উবা ফংলি। ভেক্সিন কাপ্তবা মীওইশিংদা হোস্পিতালাইজেসন হেন্না তৌবা উবা ফংলি অমসুং মরম অদুনা ভেক্সিন কাপত্রিবশিং ভেক্সিন কাপথোকপা অসি য়াম্না মরু ওই”। মহাক্না রাজ্যশিংদা চহি ১৫-১৮গী কাংলুপ্তা ভেক্সিন কাপথোক্নবগী পুক্নিং থৌগৎনবা অমসুং অহানবা অমসুং অনিশুবা দোজ নেম্না কভরেজ লৈরিবা দিস্ত্রীক্তশিং মপুং ফানা কভরেজ তৌনবা হায়খি। 

দাঃ মন্দাবিয়ানা হায়খি মদুদি হৌখিবদা ঐখোয়না থেংনখিবগা লোয়ননা, ‘তেস্ত-ত্রেক্ত-ত্রীত-ভেক্সিনেৎ অমসুং কোবিদকী চৎন-কাংলোন ইনবা’ লোয়ননা কেসশিং য়েংশিনবা অসিনা কোবিদ মেনেজমেন্তকী খ্বায়দগী মরুওইবা ওইরি।

হেলথকী রাজ্যগী কেন্দ্রগী মন্ত্রী দাঃ ভারতী প্রবিন পৱারনা হৌজিক লায়না অসিনা কন্না হেনগৎলক্লিবা মনুং অসিদা মিকুপ নাহুম শিংনা লৈবা মথৌ তাই হায়না মরুওইবা পীখি। মহাক্না রাজ্যশিং/য়ু.তি.শিংদা ওইরকপা য়াবা ফীভম অমগীদমক তঙাইফদনা চংদবা য়াদ্রবা হিদাক লাংথক মরাং কাইনা থম্নবা অমসুং করিগুম্বা অৱাৎপা লৈরকপদা মতম চানা লৈনবগী ওর্দর শোইদনা তৌনবা কন্না হায়খি।

রাজ্যশিং অমসুং য়ু.তি.শিংনা হৌজিক ওইরিবা কোবিদ ত্রাজেক্তরী, হোস্পিতালাইজেসন, লৈরিবা বেদ, তেস্তিং অমসুং ভেক্সিনেসন দেতাগী মথক্তা কোবিদ মেনেজমেন্ত অমসুং কোবিদ মেনেজমেন্তগী তৌখিবা খ্বায়দগী ফবা থবকশিংগী লৌখৎখিবা এক্তিবিতীশিংগী স্নেপসোত অমা শিয়র তৌখি। উত্তর প্রদেশগুম্বা রাজ্যনা হোম আইসোলেসন্দা লৈরিবশিংগী য়ুম্থোং খুদিং চৎতুনা য়েংশিনবা নিগ্রানি সমিতিসকী মরমদা পাউদমখি। লদাক্কী য়ু.তি.না হোম আইসোলেসন্দা লৈরিবা অনাবশিংদা হিদাক-লাংথক, ন্যুত্রিসন সপ্লিমেন্ত অমসুং ইম্ম্যুনিতী বুস্তর ফংহনখি।

কেন্দ্রগী হেলথ সেক্রেতরী, শ্রী রাজেশ ভুশন, আই.সি.এম.আর.গী দি.জি. দাঃ বলরাম ভার্গবা, এ.এস. (হেলথ মিনিস্ত্রী), দাঃ মনোহর অঙানি, এ.এস. (হেলথ মিনিস্ত্রী) শ্রীমতি আর্তি অহুজা, জে.এস. (হেলথ মিনিস্ত্রী), শ্রী লব আগরৱাল, দাইরেক্তর (এন.সি.দি.সি.), দাঃ সুজীত কুমার সিংহ, এ.আই.আই.এম.এস. নই দিল্লীগী, দাইরেক্তর, দাঃ রন্দীপ গুলেরিয়া অমসুং রাজ্যশিংগী মকোক থোংবা ওফিসিএলশিংসু মিতিং অসিদা শরুক য়াখি। 

****