వి.ఒ. చిదంబరనార్ ఓడ‌రేవు ఈ వారంలో 81.50 మీటర్ల పొడవు గల విండ్ బ్లేడ్‌లను హ్యాండిల్ చేయడం ద్వారా  మరో మైలురాయిని చేరుకుంది. వీఓసీ పోర్ట్ ద్వారా నిర్వహించిన అతి పొడువైన విండ్‌బ్లేడ్ హ్యాండ్లింగ్ ఇదే కావ‌డం గ‌మ‌నార్హం. 81.50 మీటర్ల పొడవైన ఈ విండ్ బ్లేడ్‌ల (ఒక్కొక్కటి 25 టన్నుల బరువు) లోడ్ చేయడానికి  కార్గో మరియు కార్గో హ్యాండ్లింగ్ కార్మికుల భద్రతకు అత్యంత ప్రాధాన్య‌త‌నిస్తూ షిప్ హైడ్రాలిక్ క్రేన్‌లను ఉపయోగించ‌డం జ‌రిగింది. అత్య‌ధిక పొడువైన కార్గోను నిర్వ‌హించ‌డంలో వీఓసీ పోర్ట్ క‌న‌బ‌రిచిన సమర్థత పట్ల మెస్స‌ర్స్ నార్డాక్స్ మ్యానుఫ్యాక్చ‌రింగ్ ఇండియా లిమిటెడ్ తమ ప్రశంసలను వ్యక్తం చేసింది. విండ్ మిల్ బ్లేడ్లు, టవర్ల‌ను వెంగల్ (రెడ్ హిల్స్ దగ్గర, చెన్నై) నుండి టుటికోర్ని వరకు ప్రత్యేకమైన ముడుచుకునే గాలి బ్లేడ్ మరియు టవర్ రవాణా ట్రక్కులను ఉపయోగించి సురక్షితంగా రవాణా చేయబడ్డాయి. వెసెల్ ఎం.వి. ఎంవైఎస్ డెజెన్నెవా', మొత్తం పొడవు 142.8 మీటర్లు (ఎల్ఓఏ), 18.01.2022న పోర్ట్‌లో బెర్త్ చేయబడింది.  6 నంబర్ 2021న  81.50 మీటర్ల పొడవు గల విండ్ బ్లేడ్‌లు, 12 నంబర్‌, 2021న  77.10 మీటర్ల పొడవైన విండ్ బ్లేడ్‌లలు లోడ్ చేయబడినాయి. లోడింగ్ పూర్తయిన తర్వాత  ఓడ వీఓసీ పోర్ట్ నుండి జనవరి 20, 2022న.. జర్మనీలోని రోస్టాక్ పోర్ట్‌కి బయలుదేరింది. వి.ఒ. చిదంబరనార్ పోర్ట్ విండ్‌మిల్ బ్లేడ్‌లు, విండ్‌మిల్ బ్లేడ్ టవర్‌ల నిర్వహణలో అసాధారణమైన పెరుగుదలను న‌మోదు చేస్తూ వ‌స్తోంది. పోర్ట్ గత ఆర్థిక సంవత్సరంలో 2898 విండ్‌మిల్ బ్లేడ్‌లను మరియు 1248 విండ్‌మిల్ టవర్‌లను ర‌వాణా చేసింది. పోర్ట్ అవస్థాపన, తగినంత నిల్వ స్థలం మ‌రియు  రద్దీ లేని 8 లేన్ల‌ పోర్ట్ అప్రోచ్ రోడ్లు మరియు అతుకులు లేని నేషనల్ హైవే కనెక్టివిటీని పరిగణనలోకి తీసుకుంటే, వెస్టాస్, నార్డెక్స్, సీమెన్స్, ఎల్ఎం పవర్, జీఈ వంటి  విండ్‌మిల్ బ్లేడ్ల‌ ప్రపంచ స్థాయి తయారీదారులు విండ్‌మిల్ బ్లేడ్‌ల ఎగుమతి కోసం వీఓసీ  పోర్ట్‌ను తమ ప్రాధాన్యత‌ గేట్‌వేగా క్రమం తప్పకుండా ఉపయోగిస్తున్నారు.  

***