অৱাং নোংপোক লমদমগী চাউখৎ-থৌরাং মন্ত্রালয়
কারপেনত্রী-মরোমদোম লেপচবা ঙম্নবগী লম্বি- দেবেলপমেন্ত ওফ নোরথ-এস্ত রিজন মন্ত্রালয়গী এন.ই.সি.গী লুচিং মখাদা রেজিস্তর তৌরবা সোসাইতী-এন.ই.আর.সি.আর.এম.এস.কী অনৌবা ইনিসিয়েতিব
Posted On:
23 JAN 2022 9:11AM by PIB Imphal
চুরচান্দপুর জিলাগী খোচিজাং খুঙ্গংদা লৈবা শ্রী, মাংমিনলুন সিংসিৎনা মহাক্কী ইমুং-মনুংবু থাকপা ঙম্নবা হোৎনবাদা অৱাবা কয়া মায়োক্নখি। রিসোর্স মতিক চানা লৈতবা অমসুং তঙাইফদনা সার্বিসশিং মতিক চানা ফংদবনা মরম ওইরগা ইমুং অসিগী শেল-থুমগী ফিভম অসি য়াম্না শোন্দুনা অহেনবা শেল কাইথোক্নিংঙাই লৈরমদে। মখোয়গী পুনশি অদু অৱাফমদা তারম্মি। অদুবু, লাইবক ফবা অমনা মহাক অসি উ-শুবা মীশক অমা ওইরম্মি। মহাক্না তাউন কারপেন্ত্রী ৱার্কশোপ অমদা থবক শুরম্মি, মসিদা মহাক্না নোংমদা লুপা ৩০০/- (লুপা চাহুম) খক্তমক ফংলম্মি। অসিগুম্বা য়াম্না য়ামদবা শেনফম অসিনদি মহাক্কী ইমুং-মনুংগী তঙাইফদবশিং অদু মপুং ফাহনবা ঙমখিদে।
মহাক অসি চহি ২০১৮-১৯দা কার্পেন্তরী বেনিফিসরী অমা ওইনা খনখি অমসুং ভারত সরকারগী দোনর মন্ত্রালয় মখাদা লৈবা এন.ই.সি.গী মখাদা এন.ই.আর.সি.আর.এম.এস.গী এন.ই.আর.সি.ও.আর.এম. ফেজ-III প্রোজেক্তকী মখাদা লুপা ১৮০০০/- (লুপা লিশিং তরানিপান খক)কী শেলগী মতেং ফংখি। মসিগী মতুং ইন্না মহাক্না উ-শুবাগা মরী লৈনবা থবকশিংগী মথৌ তাবা খুৎলাইশিং লৈখি। উ শুবদগী চাং নাইনা শেল ফংলকপা অদুনা মহাকপু মহাক্কী ইমুং মনুংশিং অদুবু সপোর্ত তৌবগী খুদোংচাবা পীখি অমসুং মহাক্কী মচাশিং অদুবু মহৈ-মশিং নিংথিনা তমহন্নবগীদমক্তা স্কুলদা থাবগী খুদোংচাবা ফংখি।
“ঐহাকপু খনবীরকপগীদমক্তা এন.এ.আর.এম.জি.বু ঐহাক্না থাগৎপা ফোংদোকচরি অমসুং আশাগী মঙাল অমা পীবীবগীদমক্তা এন.ই.আর.সি.ও.আর.এম.গী লমন তোনদুনা লৈহৌরগনি। প্রোজেক্ত অসিনা ঐখোয়গী খুঙ্গং অসিদা মখোয়গী ফজরবা খোংচৎ অসিবু মখাতানা চত্থবা ওইরসনু হায়না খুরুমজরি।”- শ্রী মাংমিনলুন সিংসিৎ, প্রোজেক্ত বেনিফিসরী, চুরচান্দপুর।
মতুং তারকপদা মহাক্না মহাক্কী কারপেন্ত্রী শোপ অমা হাংদোকচরে অমসুং খুঙ্গং অদুদা খক্তা নত্তনা তাউন অসিদা মমীং চৎপা কার্পেন্তর অমা ওইনা মশক খঙহন্নবগী পান্দমদা মহাক্না মহাক্কী বিজনেস অদুবু চাউথোরকখি। এন.এ.আর.এম.জি.গী মতেংদগী, হৌজিক্তি মহাক য়াম্না মাইপাকপা এন্ত্রপ্রেনোর অমা অমসুং মাস্তর ত্রেনর অমসু ওইরে। মসি মহাক্কী পামজবা অমসুং কত্থোকপা অদুনা ঙসি মহাকপু মীয়াম মরক্তগী থোইদোক-হেন্দোক্না লেপ্পা ঙম্লিবনি।
*****
(Release ID: 1791964)
Visitor Counter : 153