ঙসি ভারতকী ইলেক্সন কম্মিসননা ভর্চুএল মোদকী খুৎথাংদা ভারত সরকারগী হকশেল অমদি য়াইফ-য়ুম্বাল মন্ত্রালয়গী সেক্রেতরীগা লোইননা রিভ্যু মীফম অমা পাংথোকখি৷ কম্মিসন অসিনা গোৱা, মনিপুর, পঞ্জাব, উত্তরখন্দ অমদি উত্তর প্রদেশকী মুখ্য মন্ত্রীশিং, চীফ ইলেক্তোরেল ওফিসরশিং অমদি হকশেল সেক্রতেরীশিংগা লোইননা ভর্চুএল মীফমশিং পাংথোকখি৷

ইলেক্সন কম্মিশনারশিং শ্রী রজিব কুমার অমদি শ্রী অনুপ চন্দ্র পান্দেগা লোইননা সেক্রেতরী জেনেরেল অমসুং মরী লৈনবা দিপুতী ইলেক্সন কম্মিশনারশিংগা লোইননা চীফ ইলেক্সন কম্মিশনার শ্রী সুশিল চন্দ্রনা ভোৎ পাংথোক্কদৌরিবা রাজ্য মঙাদা কোবিদ লাইনা-লাইচৎকী স্তেতস অমদি প্রোজেক্তেদ ত্রেন্দশিং অসিগা মরী লৈননা হৌজিক হৌজিক লৈরিবা ফিভম অসিদা কুপথনা য়েংশিনখি৷ পোলিং পর্সোনেলগী মরক্তা ভেক্সিন কাপ্পা য়ারবা মীওইশিংগীদমক অহানবা, অনিশুবা অমদি বুস্তর দোজ মপুং-ফানা কাপথোকহন্নবগীদমক লৈরিবা ভেক্সিনেসন স্তেতস অমদি এক্সন প্লান অদু কম্মিসন অসিনা য়েংশিনখি৷ হৌজিক লৈরিবা ফিভম অসি য়েংলগা ফিজিকেল রেল্লীশিংদা থম্লম্বা অথিংবশিং অদু কোমথোক্নবা কম্মিসন অসিনা খন্ন-নৈনখি৷

হায়রিবা ওফিসরশিং অসিদগী পীরকপা গ্রাউন্দ রিপোর্তশিং অমদি ইনপ্যুতশিংবু য়েংশিল্লবা মতুংদা, কম্মিসন অসিনা ফেজশিংগী কেম্পেন্দ পেরিয়র্দকী দরকার ওইরিবশিং অদুদা খন্ন-নৈনখি, ফেজ ১গী ওইনা মীহুৎকী লিস্ত ২০২২গী জনুৱারী ২৭তা ফাইনেলাইস তৌরগনি অমদি ফেজ ২গী ওইনা ২০২২গী জনুৱারী ৩১দা ফাইনেলাইস তৌরগনি৷

হৌজিক ওইরিবা ফিভমশিং, অচুম্বশিং অমদি মীফমশিং অসিদগী ফংখিবা ইনপ্যুতশিং অসি য়েংলবা মতুংদা, কম্মিসননা মখাগী অসিগুম্না ৱারেপখ্রে:

(১) ২০২২গী জনুৱারী ৩১ ফাওবা রোদ শো, পে-যত্র, সাইকল/বাইক/ভেহিকল রেল্লী অমদি মীয়ামগী খোংচৎ অমতা পাংথোকপা য়ারোই৷

(২) ফেজ ১ ইলেক্সনশিংদা মীখল থেংনগদৌরিবা মীহুৎশিং অসি ২০২২গী জনুৱারী ২৭তা ফাইনেলাইস তৌগদৌরিবনা, কম্মিসন অসিনা দিজাইনেতেদ ওপন স্পেসশিংদা মরী লৈনবা পোলিতিকেল পার্তীশিং নত্রগা মীখল থেংনগদৌরিবা মীহুৎশিংগী ফিজিকেল মীতিংশিং ২০২২গী জনুৱারী ২৮দগী ২০২২গী ফেব্রুৱারী ৮ ফাওবা (সাইলেন্স পেরিয়র্দ য়াওদনা)পাংথোকপা য়াহনখ্রে, হায়রিবা মীতিংশিং অসি য়াম্লবদা মীওই ৫০০দগী হেনবা য়ারোই নত্রগা গ্রাউন্দ অদুগী কেপাসিতীগী ৫০% নত্রগা এস.দি.এম.এ.না সেত তৌখিবা লিমিত অসিদগী তাথগদবনি৷

(৩) ফেজ ২ ইলেক্সনশিংদা মীখল থেংনগদৌরিবা মীহুৎশিং অসি ২০২২গী জনুৱারী ৩১দা ফাইনেলাইস তৌগদৌরিবনা, কম্মিসন অসিনা দিজাইনেতেদ ওপন স্পেসশিংদা মরী লৈনবা পোলিতিকেল পার্তীশিং নত্রগা মীখল থেংনগদৌরিবা মীহুৎশিংগী ফিজিকেল মীতিংশিং ২০২২গী ফেব্রুৱারী ১দগী ২০২২গী ফেব্রুৱারী ১২ ফাওবা (সাইলেন্স পেরিয়র্দ য়াওদনা)পাংথোকপা য়াহনখ্রে, হায়রিবা মীতিংশিং অসি য়াম্লবদা মীওই ৫০০দগী হেনবা য়ারোই নত্রগা গ্রাউন্দ অদুগী কেপাসিতীগী ৫০% নত্রগা এস.দি.এম.এ.না সেত তৌখিবা লিমিত অসিদগী তাথগদবনি৷

(৪) কম্মিসননা য়ুমথোং-য়ুমথোং চংবগী কেম্পেন্দগী লিমিতসু হেনগৎহনখ্রে৷ য়ুমথোং-য়ুমথোং চংদুনা কেম্পেন্দশিং চৎথরিবা অসিগীদমক সেক্যুরিতী পর্সোনেল য়াওদনা মীওই ৫দা অথিংবা থম্লম্বা অদু হৌজিক্তি মীওই ১০না কেম্পেন্দশিং অসি চৎথবা য়াহল্লগনি৷ য়ুমথোং-য়ুমথোং চংবগী কেম্পেন্দশিং অসিদা অতোপ্পা ইন্সত্রক্সশিং মখাতানা লাক্লগনি৷

(৫) পোলিতিকেল পার্তীশিংগী ওইনা য়াম্লবদা মীওই ৩০০দগী তানা ইন্দোর মীতিংশিং পাংথোকপা নত্রগা হোল অদুগী কেপাসিতীগী ৫০% নত্রগা এস.দি.এম.এ.না সেত তৌখিবা লিমিত অদুদা পাংথোক্নবা কম্মিসননা মাংজৌননা অয়াবা পীখ্রে৷

(৬) মীখল পাংথোক্কদৌরিবা রাজ্যশিং অসিগী প্রজাদা হেন্না খুদোংচাগদবা খল্লগা অমদি ত্রাফিক্তা অয়েৎ-অপন অমতা থোকহন্দনা দিজাইনেতেদ ওপন স্পেসশিংদা হান্নগী মতৌগুম কোবিদকী অথিংবশিং অসি ইন্দুনা ভিদিও ভেনশিংনা পব্লিসিতী তৌনবগী অয়াবা পীখ্রে, মসিদা ভ্যুৱর ৫০০দগী হেনবা য়ারোই নত্রগা কেপাসিতীগী ৫০% নত্রগা এস.দি.এম.এ.না সেত তৌখিবা অদুদগী তাথবা ওইগদবনি৷(হিরম অসিগী মতাংদা ফোংলিবা ইন্সত্রক্সনশিং অসি সি.ই.ও.শিংদা তোখায় তোখায়না থারি)৷

(৭) ইলেক্সনশিংগা মরী লৈনবা থবক থৌরমশিংদা পোলিতিকেল পার্তীশিং অমদি মীখল থেংনগদৌরিবা মীহুৎশিংনা কোবিদকা চুনবা শাজৎ অমদি গাইদলাইনশিং অমসুং মোদেল কোদ ওফ কন্দক্ত নিংথিনা ইনগদবনি৷

(৮) মথক্তা পল্লিবা হিরমশিং অসিগীদমক মাংজৌননা দিজাইনেতেদ স্পেসশিং খন্দোকপা অমদি তাকপা হায়বসিনা দি.ই.ও.গী থৌদাং ওইগদৌরি৷

(৯) ২০২২গী জনুৱারী ৮দা ফোংখিবা ২০২২ ইলেক্সনশিং পাংথোকপগী রিভাইস ব্রোদ গাইদলাইনশিং অদুদা পল্লিবা লৈহৌরিবা অথিংবশিং অসি মখাতানা অদুমক থমখিনি৷

হায়রিবা ইন্সত্রক্সনশিং অসিদা মরী লৈনবা রাজ্য/দিস্ত্রিক ওথোরিতী পুম্নমক্না মপুং-ফানা ইনগদবনি৷

মখাতাবা নুমিৎ অমদা হায়রিবা ইন্সত্রক্সনশিং অসি কম্মিসন অসিনা য়েংশিল্লগনি৷

*****