نائب صدر جمہوریہ جناب ایم وینکیا نائیڈو نے آج ملک میں توانائی کے تحفظ کو یقینی بنانے کے لئے تحقیق و ترقی سے متعلق کاموں کے ذریعہ ملک کے اندر ہی  خام تیل کی پیدا وار میں اضافہ کرنے کی اپیل کی۔

توانائی کے شعبے میں ملک کو ’آتم نربھر‘ بنانے کی وکالت کرتے ہوئے جناب نائیڈو نے  مشورہ دیا کہ  ہمیں  گھریلو سطح پر  پیٹرولیم میں اضافہ کرنے، قابل تجدید توانائی کے ذرائع کو مکمل طور پر استعمال کرنے اور  توانائی کی صنعت میں مہارت اور  اختراع پر  توجہ کرنا چاہئے۔

اس بات کا ذکر کرتے ہوئے کہ بھارت  خام تیل  استعمال کرنے والا دنیا  کا تیسرا سب سے بڑا ملک ہے، پھر بھی  اپنی ضروریات کو پورا کرنے کے لئے اسے  80  فیصد سے زیادہ  خام تیل در آمد کرنا پڑتا ہے، جناب نائیڈو نے  اس کی پیدا وار میں اضافہ کرنے کی اہمیت کو  نمایاں کیا، جو نہ صرف  غیر ملکی زر  مبادلہ  کے لئے ضروری ہے بلکہ  توانائی کے تحفظ کو یقینی بنانے کے لئے بھی ہمیں اس کی ضرورت ہے۔ انہوں نے کہا کہ حکومت نے اس سلسلے میں اپنی پالیسی میں کئی اصلاحات کی ہیں، جیسا کہ  ہائڈرو کاربن  ایکسپلوریشن لائسنسنگ پالیسی (ہیلپ)۔

 نائب صدر جمہوریہ  نے یہ باتیں وشاکھا پٹنم میں واقع  انڈین انسٹی ٹیوٹ آف پیٹرولیم اینڈ اینرجی (آئی آئی پی ای)  کی  پہلی تقسیم اسناد تقریب سے خطاب کرتے ہوئے  کہیں۔ آئی آئی پی ای  پیٹرولیم ریسرچ  کے لئے  وقف یونیورسٹی ہے اور اسے  2017  میں پارلیمنٹ کے ایک قانون کے ذریعہ قومی  اہمیت کا حامل ادارہ تسلیم کیا گیا تھا۔

The Vice President, Shri M. Venkaiah Naidu attending the first convocation ceremony of the Indian Institute of Petroleum and Energy (IIPE) in Visakhapatnam today. #IIPE pic.twitter.com/hQxiDn8uF9

— Vice President of India (@VPSecretariat) January 21, 2022

توانائی کی بڑھتی ہوئی مانگ پر آبادی اور صنعت کاری کے  اثرات کا ذکر کرتے ہوئے جناب نائیڈو نے کہا کہ  ’’2045 تک ہندوستان کی توانائی کی بنیادی مانگ میں 30 فیصد سے زیادہ کی اوسط شرح سے  اضافہ ہونے کی امید ہے، جو کہ  بقیہ دنیا  کی مانگ کے مقابلے  ایک  فیصد سے بھی کم ہے‘‘۔

With increasing population, urbanization & industrialization,the use of petroleum products is only expected to increase. It is therefore important to focus on increasing indigenous crude oil production & reducing imports to ensure energy security & save precious foreign exchange. pic.twitter.com/7hzcUaxzPa

— Vice President of India (@VPSecretariat) January 21, 2022

اس سلسلے میں جناب نائیڈو نے  آئی آئی پی ای  اور توانائی کے دیگر اداروں سے اپیل کی کہ  وہ پیٹرولیم کے شعبے میں با صلاحیت افرادی قوت  کی فراہمی کے فرق کو کم کریں اور  بازار  کے بڑے کھلاڑیوں کے ساتھ مل کر صنعتوں اور اداروں کے درمیان مضبوط روابط قائم کریں۔

انہوں نے پی ایچ ڈی کے طلباء  کو بھی  مشورہ دیا کہ  وہ صنعتوں کو در پیش مسائل پر تحقیق کریں اور اس طرح ’اکیڈمک ریسرچ میں کثیر جہتی  نظریات سامنے لائیں، جو کہ  قومی تعلیمی پالیسی 2020  کا مقصد ہے‘۔

اس بات کا ذکر کرتے ہوئے کہ ہندوستان کے پاس شمسی ، بادی اور  آبی توانائی جیسے  قابل تجدید توانائی کے ذرائع بڑے پیمانے پر موجود ہیں، نائب صدر جمہوریہ نے مشورہ دیا کہ حجری ایندھنوں کے استعمال کو کم کرنے کے لئے توانائی کے ان ذرائع کو مکمل طور پر استعمال کرنے کے امکانات پر غور کرنا چاہئے۔

اس مقصد کو حاصل کرنے کے لئے انہوں نے مشورہ دیا کہ  توانائی کے شعبے میں مہارت رکھنے والے اداروں کو اپنا  دائرہ کار  بڑھانا چاہئے اور  قابل تجدید توانائی سے متعلق تحقیق کے  پروجیکٹوں پر کام کرنا چاہئے۔ انہوں نے کہا کہ  ’’سبز  ذرائع  کو بروئے کار لانے کی ایک معمولی کوشش  سے بھی  ہماری معیشت  اور  ماحولیات کو بڑے پیمانے پر فائدہ  ہوسکتا ہے‘‘۔

There is a need to invest in energy research institutes in a big way and create the ecosystem for innovation to thrive and help the country to become ‘energy secure’ in the coming years. #IIPE @IIPE_vizag pic.twitter.com/mdU3ndc20S

— Vice President of India (@VPSecretariat) January 21, 2022

نائب صدر جمہوریہ نے اعتماد ظاہر کیا کہ آئی آئی پی ای  توانائی کے شعبے میں مثال قائم کرکے آگے کی راہ دکھائے گا۔ انہوں نے انتظامیہ کی کوششوں کی تعریف کی  اور  ڈگری حاصل کرنے والے طلباء کو ان کی کامیابی پر مبارک باد پیش کی۔ جناب نائیڈو نے  20-2016  اور 21-2017  بیچ کے  طلباء کو گولڈ میڈل عطا کئے۔

اس موقع پر نائب صدر جمہوریہ نے  کووڈ – 19  پروٹوکول کی  تعمیل سے متعلق  احتیاط برتنے کی اپیل کی کیونکہ  ملک  اس وقت  وبائی  مرض  کی تیسری لہر سے گزر رہا ہے۔ ٹیکہ کاری کے لئے حکومت کی تعریف کرتے ہوئے انہوں نے  سول سوسائٹی ، طلباء ، طبی پیشہ وروں اور دیگر افراد سے  اپیل کی کہ  وہ زیادہ سے زیادہ لوگوں تک پہنچ کر  انہیں ٹیکہ لگانے کے لئے آمادہ کریں۔ صدر جمہوریہ نے کہا کہ  ’’اب یہ بات ثابت ہو چکی ہے کہ ٹیکہ لگوانے سے  مریضوں کو  اسپتال  میں داخل  نہیں ہونا پڑتا اور نہ ہی انہیں آئی سی یو جانا پڑتا ہے۔ ٹیکہ سے  لوگوں کی جان بچ سکتی ہے‘‘۔

طلباء  کی تقسیم اسناد  کی  اس تقریب میں  پیٹرولیم اور قدرتی گیس ، محنت اور روز گار کے مرکزی وزیر مملکت  جناب رمیشور تیلی،  آندھرا پردیش کے مویشی پروری  اور ماہی  گیری  اور ڈیری کے وزیر  ڈاکٹر  سیڈیری اپلاراجو،  آئی آئی پی ای  کے  بورڈ آف گورنرس کے صدر  پروفیسر  پی کے  بانک،  آئی آئی پی ای کے ڈائریکٹر  پروفیسر  وی ایس آر کے پرساد ، متعدد یونیورسٹیوں کے وائس چانسلر  اور دیگر مشہور  شخصیات نے شرکت کی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح-ق ت - ق ر)

U-596