কেনদ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); অর্থ সাইন্সকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পার্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা ঙসি মিজোরামদগী হৌদুনা নোর্থইস্তকীদমক্তা মোবাইল কোবিদ তেস্তিং ফেসিলিতী হৌদোকখ্রে, রাজ্য অদুগী মুখ্য মন্ত্রী পু জোরামথাঙ্গানা ওনলাইনগী খুত্থাংদা হৌদোকপগী থৌরম অদুদা শরুক য়াখি।

অসিগুম্বা মখলগী খ্বাইদগী অহানবা মোবাইল দাইগ্নোস্তিক লেবোরেতরী (আই-লেব) অসি আর.তি.-পি.সি.আর. অমসুং এলিসা অনিমক পাংথোকপা ঙম্মি।

দা. জিতেন্দ্র সিংনা হায়খি, ভারত সরকারগী দিপার্তমেন্ত ওফ বায়োতেক্নোলোজীদগী মতেংগা লোইননা দিবেলপ তৌখিবা লাব অসি ভারতকী নোর্থ ইস্তর্ন রিজনগী খুঙ্গং অমসুং অথাপ্পা শরুকশিংদা কোবিদ তেস্তিং এক্সেস পীনবগীদমক্তা শেমখিবনি। মহাক্না হায়খি, য়ুনিৎ অসিদা বায়ো-সেফ্তী ফেসিলিতী য়াওই অমসুং আর.তি.-পি.সি.আর. অমসুং এলিসা তেস্ত অনিমক পাংথোকপা ঙম্মি অমসুং মসিগী ফেসিলিতী অসি অতোপ্পা ইনফেক্সিয়স দিজীজশিং খুদম ওইনা তি.বি., ঐচ.আই.ভি. তেস্ত তৌনবগীদমক্তা শিজিন্নবসু য়াগনি, অমসুং মরম অদুনা মসি কোবিদ লোইরবা মতুংদা ফাওবা মরু ওইগনি।

ভারতনা হৌজিক ওইরিবা লাইচৎকী ফিভম অসিদগী মাইপাকপা ঙমগনি হায়বগী থাজবা উৎলদুনা, দা. জিতেন্দ্র সিংনা হায়খি মদুদি পি.এম. মোদী মশামক্না নুমিৎ খুদিংগী ওইনা কোবিদকী লৈরিবা ফিভম অসিবু য়েংশিল্লি অমসুং লাইচৎ অসিবু লাকশিন্নবগী থবক-থৌওংশিংগীদমক্তা কান্নগদবা খোংথাংশিং লৌখৎলি।

দা. জিতেন্দ্র সিংনা নোর্থ-ইস্তর্ন রিজনগী মীশিংগী দিজীজ প্রোফাইল অদুগী মতুং ইন্না আই-লেবপু তেলি-কন্সলতেশন ফেসিলিতীগা লিঙ্ক তৌনবা হায়খ্রে। মহাক্না মাম্মোগ্রাফী অমসুং ভিজন-তেস্তিংগুম্বা তেস্তশিংসু মোবাইল লেবোরেতরীদা হাপচিনবা য়াগনি অমসুং রিজন অসিগী মীশিংদা য়াম্না চাউনা কান্নবা পীরগনি হায়না মহাক্না খঙহল্লকখি।

দা. জিতেন্দ্র সিংনা হায়খি, নরেন্দ্র মোদীনা প্রধান মন্ত্রী ওইনা হেক পাইরকপদগী, মহাক্না ভারতকী নোর্থ ইস্তর্ন রিজনগী দিবেলপমেন্তকীদমক্তা অখন্নবা মীৎয়েং থমখি অমসুং মসিগী ফেসিলিতী অসি মদুগী কমিৎমেন্ত অদুগী খুদমনি। দা. জিতেন্দ্র সিংনা খঙহল্লখি মদুদি নোর্থ ইস্ত রিজন অসিগী তোপ-তোপ্পা ক্লাইমেতিক অমসুং তোপোগ্রাফিকেল কন্দিশনশিং লৈবনা মরম ওইরগা মোবাইল লেব তেক্নোলোজী অসি রিজনগী অতোপ্পা রাজ্যশিংদা তপ্না-তপ্না থাদোক্লগনি।

দা. জিতেন্দ্র সিংনা এ.এম.তি.জেদ. (অন্ধ্র প্রদেশ মেদতেক জোন) তীমবু  অৱাবা লৈতনা, কত্থোকপগা লোইননা অমসুং থৱাই-হকচাং য়াওনা  হোৎনদুনা মসিগী তোপ-তোপ্পা, ইন্নোভেতিব ফেসিলিতী অসি শাবগীদমক্তা মখোয়বু তৌবীমল খঙবা উৎখি। দি.বি.তি.নসু মপান লমদগী নম্না পুশিল্লকপা হেল্থকিয়র তেক্নোলোজীশিংবু লমদম অসিগী ওইবা মওংদা শাননবগীদমক্তা এ.এম.তি.জেদ.তা মেন্যুফেকচরিং ফেসিলিতী লিংখৎখ্রে, অসুম্না প্রধান মন্ত্রীজিগী মেক-ইন-ইনদিয়া, মেক ফোর ইন্দিয়াগী ভিজন অদুবু মপুং ফাহনবদা মতেং পাংলি”।

দা. জিতেন্দ্র সিংনা হায়খি, মসিগী কলেক্তিব ওইবা অমসুং কোওপরেতিব ওইবা এফর্তশিং অসিগী মপালনা, ভারত অসি হৌজিক্তি হেল্থকিয়র তেক্নোলোজীশিংগী মতাংদা সেল্ফ-সফিসিয়েন্সী ওইবা ঙম্লগনি অমসুং লৈবাক অসিদা লৈরিবা ঐখোয়গী মীয়ামদা অফবা হেল্থ মতিকচানা পীবা ঙম্লগনি। প্রধান মন্ত্রীগী লুচিং মখাদা, কোবিদ-১৯ তেস্ত তৌবা অমসুং ভেক্সিনেশন তৌবগী মতাংদা হোৎনখিবশিং অদু নিং-খা তম্লবা মতুংদা ভারতকী পুৱারীদা মসিনা অহানবনি হায়না মহাক্না হায়খি। ভারতনা য়াম্লবা মীশিং অসিগী মথৌ তাবশিং অদুবু মপুং ফাহনবদা নত্তনা হেল্থকিয়র তেক্নোলোজীশিংগী রিসর্চ অমসুং মেন্যুফেকচরিংগীদমক্তা মথৌ তাবা কেপেবিলিতীশিং লৈতবা লৈবাকশিংদসু মতেং পাংখি।

থৌরম অদুদা ৱা ঙাংলদুনা, মিজোরামগী মুখ্য মন্ত্রী, পু জোরামথাঙ্গানা মোবাইল-লেব তেস্তিং ফেসিলিতী অসিগীদমক্তা দা. জিতেন্দ্র সিংদা তৌবীমল খঙবা উৎখি অমসুং হায়খি মদুদি মসিনা আর.তি.-পি.সি.আর. তেস্তিং ফেসিলিতী লৈতবা বোর্দর দিস্তরিক্তশিং অমসুং অথাপ্পা মফমশিংদা কোবিদ তেস্ত তৌবগী মতাংদা লৈরিবা অহাংবা অদু মেনশিনবদা মতেং পাংলগনি।

মহাক্কী ৱারোলদা, দা. আর. লালথাংল্যানা, মিজোরামগী হকশেল মন্ত্রীনা হায়খি মদুদি লাইচৎ অসিনা মরু ওইনা নোর্থ ইস্তর্ন স্তেতশিংগী হেল্থ ইন্ফ্রস্ত্রকচরদা অৱাবা চৈথেং পীখি। মহাক্না হায়খি, আই.-লেব অসিনা য়াম্না ৱাবা অমসুং হোসপিতেবল ওইদবা মফমশিংগী মীশিংদা কোবিদ তেস্ত তৌনবা অমসুং লাইয়েংনবগীদমক্তা য়ৌশিন্নবা হোৎনবদা তুং কোইনা কান্নবা পীগনি।

দি.বি.তি.গী সেক্রেতরী, দা. রাজেশ গোখলেনা হায়খি মদুদি মোবাইল দাইগ্নোস্তিক লেবোরেতরী (আই.-লেব) অসি ত্যুবরকুলোসিস, ঐচ.আই.ভি.গুম্বা ইনফেক্সিয়স দিজীসশিংগী তেস্ত তৌনবগীদমক্তা কোবিদকী মতুংদা ফাওবা চহি চুপ্পা কান্নহন্দুনা অদুমক লৈখিগনি।

এম.দি., এ.এম.তি.জেদ., জে.কে. শর্মানা হায়খি মদুদি চহি অমগী মনুংদা, প্রিমিয়র মেদিকেল তেক্নোলোজী পার্ক অসিনা রিসর্চ , দিবেলপমেন্ত অমসুং পুনশি কনগদবা মেদিকেল দিভাইসশিংগী প্রোদক্সনতৌবগী মতাংদা থবক তৌবা কমপনী ১০০গী মথক্তা লৈবা মালেমগী খ্বাইদগী চাউবা মেদিকেল তেক্নোলোজী মেন্যুফেকচরিং ক্লস্তরগী মনুংদা অমা ওইরক্লি।

*****