রাজ্যগী কেন্দ্রগী মন্ত্রী (ইন্দিপেন্দেন্ত চার্জ) সাইন্স অমসুং তেক্নোলোজী; রাজ্যগী মন্ত্রী (ইন্দিপেন্দেন্ত চার্জ) আর্থ সাইন্স; এম.ও.এস. পি.এম.ও., পর্সোন্নেল, পব্লিক গ্রীবেন্সেস, পেন্সনস, এতোমিক ইনর্জি অমসুং স্পেস, দাঃ জিতেন্দ্র সিংহ ঙসি “য়ুমদগী থবক শুরিবা” এমপ্লোয়ীশিং অমসুং পর্সোনেল দি.ও.পি.তি. দি.এ.আর.পি.জি., পব্লিক গ্রীবেন্স অমসুং পেন্সন মন্ত্রালয়গী ক্বারিন্তিন্দা লৈরিবা অমসুং কোবিদ-১৯না নারবা ওফিসরশিং অমসুং স্তাফশিংসু য়াওনা য়েংশিনখ্রে।

মহাক্না মখোয় পুম্নমক্কী হকচাংগী ফিভমগী মরমদা হংখি অমসুং মখোয়না থেংনরিবশিং লোয়ন-লোয়ননা অনিং অপাম্বশিং ফোংদোক্নবসু হায়খি।

মিতিং অসিদা, দাঃ জিতেন্দ্র সিংহনা অপেনবা ফোংদোক্তুনা হায়খি মদুদি চহি ১৮ অমসুং মথক্কী ইলিজিবল ওইরবা এমপ্লোয়ী পুম্বনা দোজ অনিমক্কী ভেক্সিন ফংখ্রে অমসুং ওমিক্রোন্না খঙহেন হেগৎলকপনা মরম ওইরদুনা কোবিদ-১৯গী ভেক্সিন কাপথোক্কদবা মীওইশিংনা য়াম্না অথুবা মতমদা কাপথোক্নবা মীয়াম্দা কন্না হায়খি।

মন্ত্রীনা পাউদমখি মদুদি দি.ও.পি.তি.গী ওফিসরশিং অমসুং স্তাফ ৬৬৩গী মনুংদা ৪৬ য়াম্না চম্বা লায়োংগা লোয়ননা নারি অমসুং মখোয়গী মনুংদা ২০না হান্ননা নাবা ফখ্রে। অসুম্না, দি.এ.আর.পি.জি.দগী ১৫৮গী মনুংদা মীওই ৮ অমসুং পেন্সন দিপার্তমেন্তদগী ৫৮গী মনুংদা এমপ্লোয়ী ৬ অহুমশুবা ৱেব অসিদা নারি, অদুম ওইনমক হৌজিক ফাওবদা হোস্পিতালাইজ তৌবগী কেস অমফাওবা রিপোর্ত লাক্ত্রি।

দাঃ জিতেন্দ্র সিংহনা লায়চৎ মনুংদা অকায়বা অমত্তা থোকহন্দনা ওফিসকী থবকশিং তৌরিবা ওফিসর অমসুং স্তাফশিংগী হোৎনরিবা, কৎথোকপা অমসুং লৌরিবা থৌদাংশিংদা থাগৎপা ফোংদোকখি অমসুং থবক্তদি অকাইবা লেত্রি, অকক্নবা মতম লৈতবা অমদি পান্দম অমগা লোয়ননা থবক তৌবগী হৈনবিনা মরম ওইদুনা কেস খরদা হেন্নদুম থবক হেন্না তৌরি হায়না মহাক্না থাগৎপা ফোংদোকখি। মহাক্না হায়খি, অপুনবগী থবকশিং অসি ই-ওফিস মোদতা ঙম্নমক লৈখিবা মরম্না হেন্না অফবা অমা ওইরিবনি। মসিগী মথক্তা, ৱার্ক ফ্রোম হোম (দবল্যু.এফ.ঐচ.) অসিনসু পীরিবা পান্দম ফংননবা ৱিকেন্দ অমসুং শুতি মনুংদা থবক শুবনা ওইবা ঙম্বনি, হায়না মন্ত্রীনা মখা তাখি।    

মন্ত্রালয় অসিগী ওফিসরশিং অমসুং স্তাফনা মখোয়গী থেংনরিবশিং দাঃ জিতেন্দ্র সিংহদা ওনলাইনদা ফোংদোকখি অমসুং মখোয়না পান্দম থমদুনা থবক তৌবগী হৈনবী থমগনি হায়না হন্না-হন্না হায়খি। মন্ত্রীনা অনাবশিং অমসুং মখোয়গী ইমুংগী মীওইশিংদা মন্ত্রালয় অসিদগী অঙম্বা মতেং পীগনি হায়না থাজবা পীখি। দবল্যু.এফ.ঐচ.দা হেন্না খুদোংচানবা এমপ্লোয়ী পুম্নমক্তা ভর্চুএল প্রাইবেৎ নেতৱার্ক (ভি.পি.এন.) কনেক্সন পীরগনি।  

দাঃ জিতেন্দ্র সিংহনা হায়খি, দি.ও.পি.তি.গী খ্বায়দগী নৌবা ও.এম.গী মতুং ইন্না, মীরোলবী নুপী এমপ্লোয়ী অমসুং দিব্যাং এমপ্লোয়ীশিংগীদমক ওফিস কাবদা কোমথোক্লি অমসুং সেক্রেতরী মখাগী থাক্তা লৈবা সরকারগী কর্মচারীগী ফিজিকেল এতেন্দেন্স অপুনবা মশিংদগী ৫০%দা অথিংবা থম্লি অমসুং লৈহৌরিবা ৫০% অমনা য়ুমদগী থবক শুগনি। অদুম ওইনমক, মন্ত্রীনা হায়খি, ওফিস কাদবা অমসুং য়ুমদগী থবক শুরিবা ওফিসিএল/স্তাফশিংনা তেলেফোন অমসুং অতৈ অতোপ্পা পাউ ফাওনবা য়াবা ইলেক্ত্রোনিক্কী পাম্বৈশিংগা লোয়ননা মতম চুপ্পদা লৈগদবনি।  

মন্ত্রীনা ওফিসিএল/স্তাফশিং পুম্ববু মতম চুপ্পদা কোবিদকী চৎন-কাংলোন হায়বদি খুৎ-শা তোইনা হাম্বা/সেনিতাইজেসন, ফেস মাস্ক উপ্পা অমসুং মী অমগা-অমগা থাপ্না লৈনবা অসিনচিংবা অসি শোইদনা ঙাক্নবা পাউতাক পীখি। থবক মফমশিং, মরুওইনা তোইনা শোক্কনবা লৈমায়শিং নিংথিনা চামথোকপা অমসুং সেনিতাইজেসন তৌবা, অসিসু শোইদনা তৌগদবনি।  

দি.ও.পি.তি.গী সেক্রেতরী পি.কে. ত্রিপাথী, দি.এ.আর.পি.জি. অমসুং পেন্সন্সকী সেক্রেতরী, ভি. শ্রীনিবাস, দি.ও.পি.তি.গী এদ্দিসনেল সেক্রেতরী রশমি চৌধরী, দি.ও.পি.তি.গী সেক্রেতরী এদ্দিসনেল সেক্রেতরী অমসুং ই.ও. দীপ্তি উমাশঙ্কর, দি.এ.আর.পি.জি.গী জোইন্ত সেক্রেতরী জয়া দুবে অমসুং অতৈ মকোক থোংবা ওফিসিএলশিংনা মিতিং অসিদা শরুক য়াখি। 

*******